Kanadadalur + Ríkisdalur = afnám gjaldeyrishafta

 

Jón Sigurðsson	Myntráð	Kanadadalur	Icesave-vextir	forseti Íslands	Icesave-vextir
Stjórnarskráin	forseti Íslands	Vinstrivaktin	Samtök fullveldis	Evrópuvaktin	Heimssýn

  

  

Samstaða þjóðar    NATIONAL UNITY COALITION                                                               Baráttusamtök fyrir sjálfstæðu ríki á Íslandi    og fullveldisréttindum almennings.    Stöndum vörð um Stjórnarskrá Lýðveldisins.

  

  

   

     Kanadadalur + Ríkisdalur = afnám gjaldeyrishafta.

Birtist fyrst í Morgunblaðinu 20. apríl 2012.

   

Loftur Altice Þorsteinsson.

Eina vitræna leiðin til að afnema gjaldeyrishöftin, hælbit sem flestir vilja losna við, er með upptöku fastgengis. Með fastgengi verður tekin upp »reglubundin peningastefna« en henni fylgjir aðhaldssöm ríkisfjármál og efnahagslegur stöðugleiki. Fagna ber að Seðlabankinn verður lagður niður og landsmenn losna við það bullandi sukk og torgreindar ákvarðanir sem fylgja slíkum stofnunum.

Fastgengi er hægt að framkvæma með tvennu móti. Annars vegar með upptöku Kanadadals og hins vegar með upptöku innlends Ríkisdals útgefnum af myntráði, með Kanadadal sem stoðmynt. Aðrir erlendir gjaldmiðlar koma einnig til álita, fyrir utan Evru sem af pólitískum ástæðum er ónothæf. Mjög auðvelt er að breyta úr Kanadadal yfir í Ríkisdal, ef talið er henta. Það verður samt ekki gert án samþykkis þjóðarinnar.

Ef landsmenn vilja losna við gjaldeyrishöftin fljótt og koma á efnahagslegum stöðugleika er aðferðin sú að gera Kanadadal strax að lögeyri, samhliða gömlu og lúnu Krónunni. Hugsanlega er hægt að semja við seðlabankann í Kanada um að hann selji Íslandi nauðsynlegt grunnfé (kr.40 milljarðar) á kostnaðarverði. Ef samningar nást ekki við Kanada, er sjálfgefið að hefja tafarlaust undirbúning að stofnun myntráðs.

Til að tryggja myntráðinu traust er nauðsynlegt að festa ákvæði um það í Stjórnarskrána. Hér eru dæmi um nokkur slík ákvæði. Fyllri lista er hægt að sjá á vefsetri Samstöðu þjóðar:

Ákvæði um myntráð, sem setja þarf í stjórnarskrá Íslendska lýðveldisins

 

Ákvæði um myntráð, sem setja þarf í Stjórnarskrána.

Myntráð Íslands hefur einkaleyfi til útgáfu Ríkisdals, sem ásamt Kanadadal er lögeyrir í landinu. Eftir sem áður skulu engar hömlur settar á notkun annara gjaldmiðla á Íslandi. Frjáls notkun gjaldmiðla telst til fullveldisréttinda landsmanna.

Tilgangur Myntráðs Íslands er að annast myntsláttu fyrir landsmenn, gefa út bæði mynt og seðla í Ríkisdölum. Myntráðið skal á öllum tímum tryggja að Ríkisdalir séu að fullu skiptanlegir á föstu skiptigengi fyrir Kanadadali.

Myntráð Íslands skal gefa út Ríkisdali í seðlum og mynt. Myntráðið skal láta prenta seðlana erlendis, en myntina er heimilt að láta slá innanlands. Myntráðinu er hvorki heimilt að taka við innlánum eða veita lán.

Stoðmynt Myntráðsins skal vera Kanadadalur og skiptihlutfall hans gagnvart Ríkisdal vera einn Ríkisdalur á móti einum Kanadadal. Myntráðið veitir ekki móttöku öðrum gjaldmiðlum en Ríkisdölum og Kanadadölum.

Myntráðinu er ekki heimilt að taka gjald fyrir að skipta úr Ríkisdal í Kanadadal, eða öfugt.

Myntráðið skal hefja starfsemi með nægan forða af Ríkisdölum í seðlum og mynt, sem nemur að jafnvirði rúmlega 100% af áætluðum Krónum í umferð, sem gefnar hafa verið út af Seðlabanka Íslands.

Seðlabanki Íslands skal innan árs frá stofnun Myntráðsins skipta gegn Kanadadölum öllum Íslendskum Krónum sem hann hefur sett í umferð, enda sé þess óskað af eigendum þeirra. Seðlabankanum er einnig heimilt að skipta Íslendskum Krónum í Ríkisdali, sem hann hefur keypt af Myntráðinu eða eignast á annan löglegan hátt.

Myntráðið skal varðveita varasjóð sinn í Kanadadölum, eða ríkisskuldabréfum útgefnum af Kanadíska seðlabankanum (Bank of Canada), enda skulu þau hljóða á Kanadadali. Myntráðinu er óheimilt að eiga eða varðveita verðbréf sem útgefin eru af ríkissjóði Íslands, bæjarfélögum eða Íslendskum ríkisstofnunum.

Myntráðið skal setja allan myntgróða í varasjóð sinn, þar til varasjóðurinn hefur náð að verða 110% af útistandandi Ríkisdölum. Varasjóðurinn skal metinn í lok hvers árs og ríkissjóði Íslands fært það fjármagn sem umfram kann að vera 110%.

Ef Myntráðið telur ástæðu til að breyta um stoðmynt, eða gera aðrar breytingar á starfsemi ráðsins, skulu slíkar hugmyndir ræddar fyrir opnum tjöldum. Ákvörðunum um breytingar skal hrint í framkvæmd innan tólf mánaða, frá því að nauðsynlegar breytingar hafa verið gerðar á Stjórnarskránni.

 

Enginn verður svikinn af að taka Kanadadal í fóstur.

Sem stoðmynt er Kanadadalur einkanlega hentugur. Að undanförnu hefur Kanada blómstrað og horfur framundan eru ekki síðri en á Íslandi. Athygli vekur að síðust 10 árin hefur landsframleiðsla á mann verið nær jöfn í báðum löndunum. Mikilvægt er að um efnahag Kanada ríkja ekki sömu efasemdir og gilda um Bandaríkin, svo ESB sé nú ekki nefnt í þessu sambandi.

Flestum Íslendingum er ljóst að flotgengi undir stjórn Seðlabankans hefur mistekist hörmulega undanfarna áratugi. Þannig liggur fyrir að Íslendska krónan hefur frá 1939 veikzt um 99,95 prósent gagnvart Dönsku krónunni. Þetta samsvarar  því að Dönsk króna hafi haldið verðgildi sínu 2.000 sinnum betur en krónan okkar.

Það er mikil kokhreysti að halda því fram að vandi peningakerfisins verði leystur með mannaskiptum í Seðlabankanum. Kerfisvandi verður einungis leystur með kerfisbreytingu. Kanadadalur er góður kostur til að koma á langþráðum stöðugleika. Að taka Kanadadal í fóstur gefur einnig tilefni að rækja betur frændsemi við þá fjölmörgu Íslendinga sem búa í Kanada.

 

Ef landsmenn vilja losna við gjaldeyrishöftin fljótt

og koma á efnahagslegum stöðugleika

er aðferðin sú að gera Kanadadal strax að lögeyri.