Ákvæði um myntráð, sem setja þarf í stjórnarskrá Íslendska lýðveldisins

 

Jón Sigurðsson	Myntráð	Kanadadalur	Icesave-vextir	forseti Íslands	Icesave-vextir
Stjórnarskráin	forseti Íslands	Vinstrivaktin	Samtök fullveldis	Evrópuvaktin	Heimssýn

  

  

Samstaða þjóðar    NATIONAL UNITY COALITION                                                               Baráttusamtök fyrir sjálfstæðu ríki á Íslandi    og fullveldisréttindum almennings.    Stöndum vörð um Stjórnarskrá Lýðveldisins.

  

  

   

 

Ákvæði um myntráð, sem setja þarf í stjórnarskrá Íslendska lýðveldisins.

10. apríl 2012.

 

 

Loftur Altice Þorsteinsson.

                                 

   

1.    Myntráð Íslands hefur einkaleyfi til útgáfu Ríkisdals, sem ásamt Kanadadal er lögeyrir í landinu. Eftir sem áður skulu engar hömlur settar á notkun annara gjaldmiðla á Íslandi. Frjáls notkun gjaldmiðla telst til fullveldisréttinda landsmanna.

  

2.    Tilgangur Myntráðs Íslands er að annast myntsláttu fyrir landsmenn, gefa út bæði mynt og seðla í Ríkisdölum. Myntráðið skal á öllum tímum tryggja að Ríkisdalir séu að fullu skiptanlegir á föstu skiptigengi fyrir Kanadadali.

  

3.    Myntráð Íslands hefur lögheimili í Svisslandi.

  

·      Í stjórn Myntráðsins skulu sitja fimm stjórnarmenn. Þrír þeirra skulu hafa erlendt en mismunandi ríkisfang og vera skipaðir af Alþjóðlega endurgreiðslu-bankanum (Bank for International Settlements) í Basel. Þeir mega ekki vera starfsmenn alþjóðlegra stofnana eða ríkisstjórna. Tveir stjórnarmenn skulu kosnir af Alþingi.

  

·      Úrslit mála í stjórn Myntráðsins skulu ráðast af meirihluta atkvæða, að lágmarki þriggja stjórnarmanna og að minnsta kosti einum sem kosinn var af Alþingi.

  

·      Stjórnarmenn Myntráðsins skulu hverju sinni valdir til fimm ára, nema hvað fyrstu stjórnarmenn skulu valdir til mislangs tíma: eins, tveggja, þriggja, fjögurra og fimm ára. Af þeim skal Alþingi velja sína fulltrúa til tveggja og fjögurra ára. Láti stjórnarmaður af starfi eða deyji skal eftirmaður hans skipaður út kjörtímabil forverans af sömu aðilum og tilnefndu forverann.

  

4.   Stjórn Myntráðsins hefur vald til að ráða starfsfólk Myntráðsins, ákveða laun þess og segja því upp störfum. Laun stjórnarmanna skulu ákveðin í starfsreglum Myntráðsins.

  

5.    Myntráð Íslands skal gefa út Ríkisdali í seðlum og mynt. Myntráðið skal láta prenta seðlana erlendis, en myntina er heimilt að láta slá innanlands. Myntráðinu er hvorki heimilt að taka við innlánum eða veita lán.

  

6.   Stoðmynt Myntráðsins skal vera Kanadadalur og skiptihlutfall hans gagnvart Ríkisdal vera einn Ríkisdalur á móti einum Kanadadal. Myntráðið veitir ekki móttöku öðrum gjaldmiðlum en Ríkisdölum og Kanadadölum.

     

7.    Mistakist Myntráðinu það verkefni að hafa tiltæka Kanadadali til skipta á Ríkisdölum eða öfugt, verður Myntráðið ákært í samræmi við Svissnesk lög um samningsrof. Þetta ákvæði nær ekki til falsaðs, skemmds eða ólöglega fengins gjaldmiðils.

  

8.    Myntráðinu er ekki heimilt að taka gjald fyrir að skipta úr Ríkisdal í Kanadadal, eða öfugt.

  

9.    Myntráðið skal hefja starfsemi með nægan forða af Ríkisdölum í seðlum og mynt, sem nemur að jafnvirði rúmlega 100% af áætluðum Krónum í umferð, sem gefnar hafa verið út af Seðlabanka Íslands.

  

10.Seðlabanki Íslands skal innan árs frá stofnun Myntráðsins skipta gegn Kanadadölum öllum Íslendskum Krónum sem hann hefur sett í umferð, enda sé þess óskað af eigendum þeirra. Seðlabankanum er einnig heimilt að skipta Íslendskum Krónum í Ríkisdali, sem hann hefur keypt af Myntráðinu eða eignast á annan löglegan hátt.

  

11.Myntráðið skal varðveita varasjóð sinn í Kanadadölum, eða ríkisskuldabréfum útgefnum af Kanadíska seðlabankanum (Bank of Canada), enda skulu þau hljóða á Kanadadali. Myntráðinu er óheimilt að eiga eða varðveita verðbréf sem útgefin eru af ríkissjóði Íslands, bæjarfélögum eða Íslendskum ríkisstofnunum.

  

12.Myntráðið skal setja allan myntgróða í varasjóð sinn, þar til varasjóðurinn hefur náð að verða 110% af útistandandi Ríkisdölum. Varasjóðurinn skal metinn í lok hvers árs og ríkissjóði Íslands fært það fjármagn sem umfram kann að vera 110%.

  

13.Aðalskrifstofa Myntráðsins skal vera í Reykjavík, en heimilt er því að hafa afgreiðslustaði innanlands og utan, eftir því sem stjórn þess kann að ákveða.

  

14.Ekki sjaldnar en mánaðarlega skal fjárhagsstaða Myntráðsins opinberuð. Greina skal frá markaðsvirði varasjóðsins, lausafé og útgefnum seðlum og mynt.

  

15.Myntráðið tekur sjálft ákvarðanir um upphæðir á útgefnum myntum og seðlum.

  

16.Ef Myntráðið telur ástæðu til að breyta um stoðmynt, eða gera aðrar breytingar á starfsemi ráðsins, skulu slíkar hugmyndir ræddar fyrir opnum tjöldum. Ákvörðunum um breytingar skal hrint í framkvæmd innan tólf mánaða, frá því að nauðsynlegar breytingar hafa verið gerðar á Stjórnarskránni.

     

17.Ekki er hægt að leggja Myntráðið niður, eða færa fjármuni þess til annarar stofnunar, nema að undangengnum breytingum á Stjórnarskránni.

  

18.Myntráð Íslands skal vera undanþegið öllum sköttum og gjöldum til ríkis eða sveitarfélaga.