Sjálfstæðisflokkur þræðir torfærur í aðdraganda kosninga

 

Jón Sigurðsson	Myntráð	Kanadadalur	Icesave-vextir	Ólafur og Dorit	Icesave-vextir
Stjórnarskráin	Ólafur og Dorit	Vinstrivaktin	Samtök fullveldis	Evrópuvaktin	Heimssýn

  

  

Samstaða þjóðar    NATIONAL UNITY COALITION                                                               Baráttusamtök fyrir sjálfstæðu ríki á Íslandi og fullveldisréttindum almennings.    Stöndum vörð um Stjórnarskrá Lýðveldisins.

  

Sjálfstæðisflokkur þræðir torfærur í aðdraganda kosninga.

Fyrst birt 28. marz 2013.

  

  

Loftur Altice Þorsteinsson.

Forusta Sjálfstæðisflokks virðist hafa >af yfirlögðu ráði<  ákveðið að þræða torfærur í aðdraganda nærstu Alþingiskosninga. Þrátt fyrir skýrar samþykktir Landsfundar 24. febrúar 2013, varðandi upptöku fastgengis og andstöðu við ESB-aðild, talar forusta Flokksins eins og ekkert sé vegakerfið, eins og um sé að ræða óvissuferð um torfærur hálendisins.

Að auki vekur furðu uppgjöf Flokksins á síðasta degi Alþingis. Lögunum um breytingarákvæði Stjórnarskrárinnar er af hálfu núverandi ríkisstjórnar ætlað að auðvelda innlimun landsins í Evrópusambandið. Hvers vegna tekur forusta Sjálfstæðisflokks ekki af skarið, um að strax að loknum kosningum muni Flokkurinn leggja fram tillögu til ályktunar, um að viðræðunum við ESB verði slitið ?

Er ESB-andstaða Sjálfstæðisflokks sýndarmennska?

Bjarni Benediktsson sagði á fundi 23. marz 2013:

»Við sögðum að það ætti að greiða atkvæði um fyrsta Icesave samninginn. Við sögðum að það ætti að greiða þjóðaratkvæði um annan Icesave samninginn. Og við studdum þjóðaratkvæði um þriðja Icesave samninginn.«

»Og við sögðum frá upphafi, að ætluðu menn að fara í viðræður við Evrópusambandið að þá ætti ekki að gera það nema með skýrt lýðræðislegt umboð. Við sögðum og greiddum atkvæði með þjóðaratkvæði, hver einasti þingmaður Sjálfstæðisflokksins á Alþingi, um þjóðaratkvæði, um það hvort hefja ætti viðræðurnar.«

»Og þannig vil ég leysa það mál á næsta kjörtímabili, það er rétta leiðin, að leita lýðræðislegs umboðs vilji menn standa í viðræðum af þessum toga. Sjálfstæðisflokkurinn styður þjóðaratkvæði um það mál á næsta kjörtímabili. Ég teldi vel fara á því, að það gæti orðið á fyrri hluta kjötímabilsins.«

 

Til samanburðar hljóðar samþykkt Landsfundar svo:

 

Landsfundur telur að hagsmunum Íslands sé betur borgið með því að standa fyrir utan Evrópusambandið. Áréttað er að aðildarviðræðum við ESB verði hætt og þær EKKI teknar upp aftur nema að undangenginni þjóðaratkvæðagreiðslu.

 

Landsfundurinn mótmælir íhlutun sendiherra Evrópusambandsins á Íslandi í stjórnmálaumræðu þjóðarinnar og telur óhæfu að stækkunardeild ESB haldi úti starfsemi hér þar sem lagst er á sveif með einu stjórnmálaafli gegn öðrum. Evrópusambandinu verði gert að loka kynningarskrifstofu þess hér.

 

Þessi samþykkt ætti öllum að vera ljós. Hún felur í sér kröfu um tafarlausa og formlega stöðvun viðræðna og að aðlögunarferlið verði EKKI tekið upp aftur nema þjóðin samþykki það í þjóðarkönnun. Varðandi kröfu Flokksins um þjóðaratkvæði um Icesave-III-lögin, þá vita allir að sú krafa var reykjar-kóf sem blásið var upp til að fela samþykki Flokksins á  Icesave-samningunum. Formaðurinn nefnir ekki stöðvun viðræðanna einu orði. Hugur hans er allur bundinn við að hefja viðræður af fullum krafti. Til hvaða manna er Bjarni að vísa, þegar hann segir: “vilji menn standa í viðræðum af þessum toga” ?

 

Er búið að gleyma samþykktun Landsfundar um fastgengi ?

 

Þrátt fyrir að Landsfundurinn hafi markað skýra stefnu í átt að fastgengi, nefndi formaðurinn þær samþykktir engu orði. Ef ætlun Flokksins er að halda áfram sömu heimskulegu og skaðlegu peningastefnu sem gert hefur flest heimili og fyrirtæki í landinu gjaldþrota, mun Sjálfstæðisflokkur hljóta hæfilega refsingu í kosningunum. Jafnvel Samfylking, sem þekkt er fyrir heimsku, hefur vit á að telja fastgengi Evrunnar til meðmæla með ESB. Til upprifjunar eru hér samþykktir Landsfundar um peningastefnu:

Upptaka erlendrar myntar. »Íslendska krónan í höftum getur ekki verið framtíðargjaldmiðill þjóðarinnar ef stefnt er að því að Íslendingar eigi kost á því að taka þátt í alþjóðlegri samkeppni og afla þjóðinni tekna á heimsmarkaði. Landsfundur telur að Sjálfstæðisflokknum beri skylda til þess að setja afnám gjaldeyrishafta efst á forgangslista komist hann í ríkisstjórn. Kanna þarf til þrautar alla möguleika fyrir Ísland í gjaldmiðla- og gengismálum, þar með talið upptöku alþjóðlegrar myntar.«

Stöðugleiki í efnahagsmálum. »Landsfundur telur að stöðugleiki í efnahagsmálum sé nauðsynleg forsenda kraftmikillar uppbyggingar í atvinnulífinu og verðmætasköpunar. Viðvarandi hallarekstur ríkissjóðs, háir vextir, mikil verðbólga og óstöðugur gjaldmiðill hefur í för með sér mikinn kostnað fyrir atvinnulíf sem bitnar sérstaklega á nýsköpun og fjárfestingu.«

Endurskoða hlutverk Seðlabankans. »Landsfundur telur að taka þurfi til endurskoðunar hlutverk Seðlabankans sem lánveitanda til þrautavara. Með forgangi almennra innstæðna ættu hagsmunir almennra innstæðueigenda að vera nægilega vel tryggðir en auk þess er óeðlilegt að kostnaði við fall stórra fjármálastofnana sé velt yfir á skattgreiðendur með aðgerðum Seðlabankans.«