Áfram-hópurinn vildi láta almenning greiða Icesave-kröfur nýlenduveldanna

Jón Sigurðsson	Myntráð	Kanadadalur	Icesave-vextir	Ólafur og Dorit	Icesave-vextir
Stjórnarskráin	Ólafur og Dorit	Vinstrivaktin	Samtök fullveldis	Evrópuvaktin	Heimssýn

  

  

Samstaða þjóðar    NATIONAL UNITY COALITION                                                               Baráttusamtök fyrir sjálfstæðu ríki á Íslandi og fullveldisréttindum almennings.    Stöndum vörð um Stjórnarskrá Lýðveldisins.

 

Áfram-hópurinn vildi láta almenning greiða Icesave-kröfur nýlenduveldanna.

Fyrst birt 05. marz 2013.

  

Loftur Altice Þorsteinsson.

Í aðdraganda þjóðaratkvæðis um Icesave-III-lögin 09. apríl 2011, voru stofnuð samtök undir nafninu Áfram-hópurinn: Segjum JÁ við Icesave-kröfunum. Formlegur stofndagur þessara “þjóðhollu” samtaka var 24. marz 2011. Áfram-hópurinn hélt fréttamannafund á stofndeginum og sendi frá sér yfirlýsingu. Af einhverjum ástæðum virðist yfirlýsingin hafa gufað upp. Ekki er ljóst hvort uppgufunin skeði í framhaldi af þjóðaratkvæðinu 09. apríl 2011, eða í framhaldi af úrskurði EFTA-dómstólsins 28. janúar 2012.

Skömmu eftir stofnun Áfram-hópsins bárust fréttir af því, að heldstu styrktaraðilar Icesave-vinanna væru Samtök fjármálafyrirtækja (SFF), Samtök atvinnulífsins (SA) og Samtök iðnaðarins (SI). Sem start-gjald, veittu þessi samtök Áfram-hópnum milljón krónur, hvert fyrir sig. Alls munu styrkir sem Áfram-hópurinn þáði hjá fyrirtækjum og almanna-samtökum hafa numið 20 milljónum króna. Til samanburðar fekk Samstaða þjóðar gegn Icesave um 20 þúsund krónur frá fyrirtækjum og almanna-samtökum.

Sérstaka athygli vekur að Samtök fjármálfyrirtækja (SFF) skuli hafa séð ástæðu til að leggja fé til baráttu gegn hagsmunum almennings. Lang stærstu aðilar í SFF voru stóru bankarnir þrír, Landsbanki, Íslandsbanki og Kaupþing. Ef mér skjátlast ekki, þá voru það einmitt þessir bankar sem sköpuðu efnahagshrunið og það var Landsbankinn sem stofnaði til Icesave-reikninganna. Er það ekki umhugsunarefni, að það fólk sem valdið hefur þjóðinni svo gríðarlegu tjóni skuli ennþá fara með öll völd í landinu? Þetta sama fólk er núna að berjast fyrir innlimun Íslands í hið myrka nýlenduveldi Evrópu.

Hér fyrir neðan eru heimildir um stofnfund þessa félagsskapar Áfram-hópurinn: Segjum JÁ við Icesave. Einnig eru birtar nokkrar auglýsingar hópsins. Þótt framtak þessa fólks sé ekki mikils metið hjá almenningi, er samt full ástæða til að varðveita einhverjar minjar um starf þess, þótt ekki sé nema til að minna á hvað Íslendingar ættu að forðast í framtíðinni.

Standandi frá vinstri: Margrét Kristmannsdóttir, Dóra Sif Tynes. Sitjandi fremsta röð frá vinstri: Guðmundur Gunnarsson, Gunnar Ellert Geirsson, Heiða Kristín Helgadóttir. Sitjandi önnur röð frá vinstri: Benedikt Jóhannesson, Guðni Bergsson, Þórður Magnússon, Árni Finnsson, Hörður Torfason. Sitjandi aftasta röð frá vinstri: Sveinn Hannesson, óþekktur, óþekktur, Oddur Helgi Halldórsson, Einar Skúlason.

                                                         Stöð 2 um stofnfundinn 24. marz 2011.