Leyniskýrsla Evrópusambandsins um innlimun Íslands

 

 

Samstaða þjóðar    NATIONAL UNITY COALITION                                                               Baráttusamtök fyrir fullveldisrétti almennings og sjálfstæði Íslands.    Stöndum vörð um Stjórnarskrá Lýðveldisins.

 

Leyniskýrsla Evrópusambandsins um innlimun Íslands.

12. janúar 2012.   

Loftur Altice Þorsteinsson. 

Samstaða þjóðar hefur undir höndum leyniskýrslu Evrópusambandsins, þar sem fjallað er um innlimun Íslands. Umræða um skýrsluna fór fram í Utanríkismálanefnd Evrópuþingsins 20. desember 2011. Þar gaf einn þingmanna Jóni Bjarnasyni nafngiftina “Stalínisti” vegna þess að Jón stendur gegn áformum ESB um innlimun Íslands. Stöðugt er að verða ljósara eftir hverju Evrópusambandið er að sækjast með tilraunum sínum til að leggja Ísland undir sig. Hér verða birt nokkur atriði úr leyniskýrslunni.

Áróðurssjóður ESB - tileinkaður Íslandi.

Þess er getið í skýrslunni að í fjárlögum ESB, sem samþykkt voru í október 2011, hafi “Áróðurssjóður ESB – tileinkaður Íslandi” (National IPA Programme for Iceland) fengið sem nemur kr.2,0 milljörðum (€ 12 million). Sannleikurinn er sá að Áróðurssjóðnum er ætlað að fá um kr.5,0 milljarðar. Að auki hefur ESB sett kr.120 milljarða í almennan áróðurssjóð, sem fyrirvaralaust er hægt að nota til verkefnisins “Innlimun Íslands”.

Evrópsambandið og stjórnarskrá Íslands.

Merkilegt er að sjá hversu mikinn áhuga ESB hefur á áformum ríkisstjórnarinnar að veikja lýðræði í landinu með breytingum á Stjórnarskránni. Áhugi ESB á lýðræði er sveipaður skinhelgi og blekkingum. Í skýrslunni er talað um lýðræðis-úrbætur á Íslandi, sem að mati ESB er auðvitað fólgið í minna lýðræði.  Allir vita að Evrópusambandið er rekið með hagsmuni valda-aðalsins fyrir augum. Höfðingjaveldið stendur með blóma í ESB og er fyrirmynd þingræðissinna á Íslandi.

Evrópusambandið telur ánægju á Íslandi með viðræðurnar.

Það kemur undarlega fyrir sjónir, að ESB virðist halda að ríkisstjórnin stuðli að málefnalegri umræðu um ESB-aðild landsins. Við í Samstöðu þjóðar höfum ekki orðið vör við þennan stuðning við rökræna umræðu. Ekki fengum við styrk frá Alþingi sem talað var um með fögrum fyrirheitum. Ekki er erindum okkar svarað og gögnum er haldið leyndum fyrir okkur. Evrópusambandið virðist einnig halda að meirihluti landsmanna vilji sjá hvað er í ESB-skjóðunni. Varla hafa margir Íslendingar áhuga á að líta “Sálina-hans-Jóns-míns”.

ESB vill allar náttúru-auðlindir á Íslandi úr opinberri eigu.

Ekki kemur á óvart, að Evrópusambandinu er umhugað um að öll opinber stjórntæki á náttúru-auðlindum verði gerð óvirk. Það er auðvitað ætlunin að Evrópsk stórfyrirtæki gleypi það sem nýtilegt er á Íslandi. Í skýrslunni eru nefnd svið eins og bankar, orkufyrirtæki, flugfélög, landflutningatæki og fiskveiðar. Gerð er krafa um að á öllum þessum sviðum verði opnað enn meira en nú er fyrir Evrópska eignaraðild.

Evrópusambandið gerir kröfu um gengisflot Krónunnar.

Til að stórfyrirtæki ESB-landanna eiga greiðan aðgang að eignum í landinu, er lögð áherðsla á að gjaldeyrishöft verði afnumin. Við vitum að ríkisstjórnin ætlar að afnema gjaldeyrishöftin undir stjórn Seðlabankans, með torgreindri peningastefnu og flotgengi. Framsetning þessa atriðis í skýrslunni bendir til að þetta sé ófrávíkjanleg krafa Evrópusambandsins.

ESB gerir Icesave-kröfur nýlenduveldanna að sínum kröfum.

Skýrslan sannar að ESB-inngangan er háð undirgefni við Icesave-kröfur Bretlands og Hollands. Ekki getur orðið ljósara, að ákefð ríkisstjórnarinnar að lúffa fyrir Icesave-kúguninni stafaði af vilja hennar til að afnema sjálfstæði Íslands og innlima það í ESB. Málsgrein skýrslunnar um þessa kröfu er þess virði að birta:

 

The European Parliament recalls that the Icesave dispute remains unresolved at this stage and appreciates the continuous commitment of the Icelandic authorities to resolve this dispute and expects that all depositor claims towards Landsbanki will be fully and duly covered.

ESB gerir kröfu um sameiningu ráðuneyta og samþjöppun valds.

Talað er um styrkingu hins pólitíska vilja ríkisstjórnarinnar með sameiningu ráðuneyta. Við sjáum svart á hvítu, að brottvikning Jóns Bjarnasonar og Árna Páls Árnasonar stafaði af vilja þessara manna að gæta hagsmuna Íslands. Hvernig þeir Jón og Árni geta haldið áfram að styðja ríkisstjórnina er eitt af undrum náttúrunnar.

Krafist er samstöðu Íslands með ESB á alþjóðlegum vettvangi.

Þess er krafist að Ísland hagi utanríkisstefnu landsins í samræmi við hagsmuni Evrópusambandsins. Hvað er að finna skýrari merki um að svonefndar samninga-viðræður við ESB eru í raun aðlögun Íslands ? Utanríkishagsmunum Íslands skal fórnað algerlega og það nú þegar. Þetta er orðað óvenju skýrt og ekkert verið að dylja:

  

Iceland is expected to coordinate its positions with the EU in all international fora.

Löngun ESB er mikil til áhrifa á Norðurhjara.

Að lokum er áhugavert að sjá hvert er líklega stærsta herfangið sem ESB ásælist. Í eftirfarandi málsgrein er fjallað um ávinning Evrópusambandsins af að ná tangarhaldi á Íslandi. Heimskautasvæðið og auðlindir þess eru undir, auk sterkrar stöðu á Norður-Atlantshafi. Talað er um Ísland sem stökkpalli (bridgehead) til norður-svæðanna. Gefum Evrópusambandinu sjálfu orðið:

   

The European Parliament considers that Iceland's accession to the EU would enhance the Union's prospects of playing a more active and constructive role in Northern Europe and in the Arctic. The European Parliament believes that Iceland could become a strategic bridgehead in the region and its accession to the EU would further anchor the European presence in the Arctic Council.

    

       

	Til Túnis vegna Icesave
Ábyrgðarmaður færslu Tenging við þessa frétt hefur verið rofin vegna kvartana.

Tryggvi Þór Herbertsson: Níu staðlausar staðhæfingar um Icesave

  

 

Samstaða þjóðar    NATIONAL UNITY COALITION                                                               Baráttusamtök fyrir fullveldisrétti almennings og sjálfstæði Íslands.    Stöndum vörð um Stjórnarskrá Lýðveldisins.

  

Tryggvi Þór Herbertsson: Níu staðlausar staðhæfingar um Icesave

11. janúar 2012.

  
Loftur Altice Þorsteinsson.
  
Sumir halda því fram að þrátt fyrir fullkomlega rangt mat á efnahagsstöðu Íslands, sem Tryggvi Þór Herbertsson kynnti á árinu 2006 með Frederic Mitshkins og sem kostað var af Viðskiptaráði Íslands, hafi hann samt eitthvert vit á efnahagsmálum. Í heimildar-myndinni "Inside Job" er skýrslan tekin sem dæmi um sviksamleg vinnubrögð. Tryggvi fjallar um málið í "Játning hagfræðings".  

  

Þessi sami Tryggvi ritaði grein um Icesave-kröfur nýlenduveldanna, sem birtist í Fréttablaðinu tveimur dögum fyrir þjóðaratkvæðið 09. apríl 2011. Greinin nefnist "Níu staðlausar staðhæfingar um Icesave". Enn og aftur var mat Tryggva Þórs Herbertssonar fullkomlega rangt.

  

Hvað er hægt að segja um mann sem aftur og aftur hefur rangt fyrir sér varðandi mikilvæg mál ? Er þetta maður sem rétt er að hafa til ráðgjafar um efnahagsmál eða til að sitja á Alþingi ? Einhverjir munu segja að ráðgjöf þessa manns sé hættuleg.

 

INSIDE JOB

 

 

 

 

 ---><<<>>>---

 

 

Níu staðlausar staðhæfingar um Icesave 

Fyrst birt í Fréttablaðinu 07. apríl 2011.
  

 Tryggvi Þór Herbertsson, prófessor í hagfræði og alþingismaður.

   

Þessa dagana herðist mjög baráttan um lyktir Icesave-málsins. Mikið er um fullyrðingar sem kynntar eru sem staðreyndir en þegar betur er að gáð eru þær oft og tíðum byggðar á hæpnum forsendum. Ég hef hér tekið saman níu algengar staðhæfingar og færi fyrir því rök að þær eigi sér tæpast stoð í raunveruleikanum:

1. Minni áhætta er fólgin í dómstóla- en samningaleiðinni.
Vissulega fylgir Icesave-samningunum einhver áhætta. En það er líka áhætta því fylgjandi að hafna samningnum – dómsmál sem tekið gæti 2-3 ár tapast hugsanlega. Þá er mikill kostnaður því fylgjandi að flækjast í langdregnu dómsmáli. Eins og ég rakti hér í blaðinu á föstudaginn eru líkur á því samkvæmt yfirlýsingum Moody‘s að lánshæfismat ríkissjóðs lækki ef samningnum er hafnað. Ef sú er raunin og niðurstaða dómsmáls drægist á langinn væri kostnaðurinn á ári á bilinu 27 til 43 milljarðar, sem nemur samtals á bilinu 81 til 129 milljarðar á meðan á dómsmáli stendur. Er vit í að bera allan þann kostnað til þess eins að sleppa við að borga Bretum og Hollendingum 32 milljarða?

2. Hækka þarf skatta eða skera niður útgjöld til að standa undir afborgunum af Icesave.
Þrjár leiðir eru til að bæta afkomu ríkissjóðs: hækka skatta, skera niður útgjöld og stækka skattstofna. Með því að lækka fjármögnunarkostnað, sem gerist við hagstæðara lánshæfismat, eykst fjárfesting og hagvöxtur. Þá minnkar atvinnuleysi, útgjöld ríkissjóðs minnka og skattstofnar stækka. Jafnframt verður vaxtakostnaður ríkissjóðs minni. Samanlagt leiðir þetta til þess að útlagður kostnaður vegna Icesave mun að öllum líkindum hvorki leiða til sérstaks niðurskurðar né skattahækkana.

3. Börnin okkur munu þurfa að borga Icesave.
Líklegast er að málið verði uppgert árið 2016. Því er útilokað að framtíðarkynslóðir muni þræla fyrir bagganum. Mun líklegra er að lífskjör okkar og barnanna okkar verði betri í kjölfar samþykktar Icesave.

4. Gengisáhættan við samningana er of mikil.
Lykilspurningin hér er hve líklegt er að gengið falli á næstu árum. Í grein hér í blaðinu 28. mars færir Friðrik Már Baldursson prófessor sannfærandi rök fyrir því að vegna undirliggjandi þátta sé gengisáhættan ásættanleg. Hann bendir þannig á að raungengið sé nú 20-30% undir langtímameðaltali og verðbólga lítil. Samkvæmt Seðlabanka Íslands hefur raungengið sennilega ekki verið svona lágt síðan 1914. Vísbendingar sem felast í miklum vöruskiptajöfnuði benda einnig til þess að gengið sé of lágt skráð. Þá er viðskiptajöfnuður að teknu tilliti til þrotabúa bankanna og Actavis nærri 10% af landsframleiðslu – Íslendingar eru að borga niður skuldir erlendis í fyrsta skipti í langan tíma. Gengið ætti því mun fremur að styrkjast en veikjast. Þá má geta þess að ef gengið styrkist um 32% frá því sem nú er ber ríkissjóður engan kostnað af Icesave-samningunum að gefnum um 90% heimtum í þrotabúinu.

5. Eignasafn þrotabús Landsbankans stendur ekki undir 89% kröfunnar.
Almennt virðist skilanefnd bankans hafa verið varfærin í mati sínu á eignum þrotabúsins, sem eru samkvæmt síðasta mati taldar standa undir um 90% af forgangskröfum. Eignir búsins virðast traustar enda hefur virði þeirra verið hækkað í hvert skipti sem endurmat hefur átt sér stað, úr 75% í upphafi í 90% nú – óvissa hefur minnkað jafnt og þétt.

6. Það er enginn kostnaður því fylgjandi að segja Nei.
Eins og rakið er að ofan geta fylgt því mikil útgjöld í formi hærri fjármögnunarkostnaðar að fella samninginn. Enn fremur er meiri hætta á að fjármagnsmarkaðir verði okkur erfiðir, sem hefur jafnvel enn verri afleiðingar en hærri vextir. Líklegt er að ríkissjóður þurfi að fjármagna sig nánast alfarið á innlendum markaði, sem þrýstir upp innlendum vöxtum og dregur úr fjárfestingu einkaaðila, einkaneyslu og þar með hagvexti. Þá er líklegt að gengi krónunnar verði veikara en ella, þar sem Seðlabankinn þarf að safna fyrir afborgunum erlendra lána ríkisins með kaupum á gjaldeyri.

7. Já í kosningum festir okkur í gjaldeyrishöftunum.
Mat Moody‘s, Seðlabankans og fleiri sérfræðinga er að samþykkt Icesave muni flýta fyrir afnámi gjaldeyrishafta. Það stafar af því að endurfjármögnun verður auðveldari, óvissa verður minni, væntingar um gjaldeyrisútflæði, m.a. vegna mun lægri endurfjármögnunarkostnaðar, verða dempaðri og innflæði vegna fjárfestinga verður meira. Það væri þó óneitanlega forvitnileg hagfræðileg tilraun að afnema gjaldeyrishöft með lánshæfismat ríkissjóðs í ruslflokki!

8. Lánshæfismat getur ekki lækkað við aukna skuldsetningu.
Lánshæfismatsfyrirtækið Moody‘s hefur gefið út að líklegt sé að lánshæfiseinkunn Íslands hækki við samþykkt Icesave-samningsins en að lánshæfismat Íslenska ríkisins yrði fært í ruslflokk ef samningnum verður hafnað. Ákvörðun um lægri einkunn segist Moody‘s byggja á tveimur þáttum: 1) að þá fáist ekki 1,1 milljarður Bandaríkjadala sem eftir standa af lánum Norðurlandanna til að fjármagna gjaldeyrisvarasjóðinn og 2) að þá sé líklegt að gjaldeyrishöft muni verða til staðar lengur þar sem hemja þurfi útstreymi gjaldeyris. Lykilinn að áhættumati fjárfesta á ríkisskuldabréfamarkaði er ekki hve skuldsett ríki eru heldur hve greiðan aðgang þau hafa að lánsfjármagni til að endurfjármagna lán sín og þar skiptir lánshæfismat höfuðmáli. Nægir í því skyni að benda til skuldastöðu og lánshæfismats ríkja á borð við Japan, Belgíu, Bretland og Bandaríkin.

9. Enginn tekur lengur mark á matsfyrirtækjunum og því skiptir lægri einkunn engu máli.
Það skiptir engu máli hvaða skoðun menn hafa á lánsmatsfyrirtækjunum. Þau eru einkunnargjafinn og hinn endanlegi dómari því alþjóðlegir fjárfestar í ríkisskuldabréfum horfa fyrst og fremst til lánshæfismats. Mörgum stofnanafjárfestum er t.a.m. bannað með lögum og reglugerðum að fjárfesta í ruslbréfum. Um það er ekki hægt að deila og við því er ekkert að gera.

Eins og sést á þessari upptalningu er ég einlæglega þeirrar trúar að samþykkt Icesave-samninganna muni leiða til aukinnar efnahagslegrar velferðar fyrir Íslendinga. Ég tel mig hafa fært hér góð rök fyrir því að margar þeirra staðhæfinga sem heyrst hafa í umræðunni séu hindurvitni. Hitt ber þó að hafa í huga að ef efnahagshrunið hefur kennt mér eitthvað þá er það að vera ekki of viss í minni sök þegar kemur að umræðu um efnahagsmál – það er bæði sanngjarnt og rétt. En nákvæmlega eins og ég er tilbúinn að fara út í bílinn minn á morgnana og keyra til vinnu þrátt fyrir að ég viti að það séu líkur á því að lenda í bílslysi er ég tilbúinn að taka upplýsta áhættu og samþykkja Icesave. Það er ekkert líf að kúra skjálfandi undir sæng hræddur við allt og alla.

   

Tryggvi Þór Herbertsson taldi 2006 enga hættu á efnahagshruni.

Tryggvi var einlæglega þeirrar trúar að samþykkt Icesave-samninganna

 myndi leiða til aukinnar efnahagslegrar velferðar fyrir Íslendinga.

Tryggvi var tilbúinn að taka upplýsta áhættu og samþykkja Icesave.

Hvílík flónska !

 

 

    

InDefence yfirlýsing frá 27. ágúst 2009

  

 

Samstaða þjóðar    NATIONAL UNITY COALITION                                                               Baráttusamtök fyrir fullveldisrétti almennings og sjálfstæði Íslands.    Stöndum vörð um Stjórnarskrá Lýðveldisins.

 

InDefence yfirlýsing frá 27. ágúst 2009.

Fyrir tilviljun veitti ég því athygli að ekki er að finna á Netinu yfirlýsingu sem InDefence sendi frá sér 27. ágúst 2009. Það þótti mér miður og leitaði til eins InDefence félaga sem útvegaði mér eintak. Yfirlýsingin er hér í því formi sem hún barst mér, nema hvað ég hef sett inn tvær viðbætur í svigum.

Loftur Altice Þorsteinsson

  

---<<<>>>---

  

   
 

 

Áskorun til Alþingismanna:

Samþykkið ekki ríkisábyrgð á Icesave lánasamningunum.

  
  

INDEFENCE - 27. ágúst 2009

 

  

---<<<>>>---

  

    

InDefence hópurinn hefur allt frá undirskrift Icesave lánasamninganna við Bretland og Holland þann 5. júní s.l. haldið því fram að samningarnir séu einhliða og ótækir fyrir Íslendinga. Hópurinn hefur fært ítarleg rök fyrir því, m.a. í formlegu áliti til fjárlaganefndar þann 10. júlí s.l., á fundum með samninganefnd Íslands og þingnefndum sem fjallað hafa um málið og í persónulegum samtölum við þingmenn og ráðherra úr öllum stjórnmálaflokkum sem sæti eiga á Alþingi.

 

InDefence hópurinn telur nú sem áður að Icesave lánasamningarnir séu ekki milliríkjasamningar heldur skuldabréf sem ekki eru tæk til afgreiðslu Alþingis. Því er það álit hópsins að skynsamlegra væri að Alþingi Íslendinga samþykkti þingsályktunartillögu þar sem fram kemur að lánasamningarnir sem undirritaðir voru þann 5. Júní (2009) séu ekki í samræmi við þau samningsmarkmið sem Alþingi samþykkti 5. desember 2008 og byggð voru á svokölluðum Brussel viðmiðum sem samþykkt voru af öllum aðilum málsins í nóvember sama ár (14. nóvember 2008). Einnig eru forsendur endurskoðunarákvæðis lánasamningana sjálfra þegar komnar fram þar sem ljóst er að greiðslugeta Íslands hefur versnað til muna frá því 15. nóvember 2008. Á grundvelli þessa er full ástæða til að Alþingi krefjist endurupptöku lánasamninganna sjálfra.

 

Erlendis eru greinileg merki þess að stjórnmálamenn og almenningur leggi nú eyrun við málstað Íslendinga. Undanfarið hafa erlendir fjölmiðlar tekið vel undir mótbárur sem íslenskir þingmenn úr öllum flokkum þ.á m. forsætisráðherra hafa haldið á lofti. Einmitt nú er tækifæri til að kynna og skoða frekar þau fjölmörgu rök sem nefnd hafa verið (og eru enn að koma fram) gegn núverandi kröfum Breta og Hollendinga. Íslendingar vilja sanngjarna og framkvæmanlega lausn á Icesave deilunni. Alþjóðasamfélagið er að vakna til vitundar um að þeir lánasamningar sem nú liggja á borðinu eru hvorki sanngjarnir né framkvæmanlegir.

  

Í 3. gr. Icesave lánasamninganna er samþykkt Alþingis Íslendinga sett sem forsenda gildistöku þeirra. Sú fyrirvaraleið sem Alþingi hefur nú til umræðu uppfyllir þá forsendu. Með samþykkt ríkisábyrgðar á Icesave lána-samningunum, þó með mörgum ágætum fyrirvörum sé, breytir Alþingi lagalega óljósri kröfu Breta og Hollendinga á hendur Íslendingum í lögformlega kröfu í formi skothelds, undirritaðs skuldabréfs.

  

InDefence hópurinn hefur ítrekað bent á galla svokallaðrar fyrirvaraleiðar Alþingis í þessu máli, en hún felur í sér samþykkt ríkisábyrgðar á greiðslum skv. lánasamningunum. Það er álit InDefence að fyrirvaraleiðin sé ekki rétt leið. Hópurinn hefur fram á síðasta dag notað öll tækifæri, fyrir fjárlaganefnd og víðar, til að benda á að þetta sé ekki rétta leiðin til að afgreiða einhliða skuldabréf. Niðurstaða þingmanna var hins vegar fyrirvaraleiðin. Hópurinn taldi í ljósi þess ábyrga afstöðu að reyna að beita sér fyrir því að slíkir fyrirvarar væru sem sterkastir, þannig að með þeim væri samningunum í raun hafnað. Því miður er það ekki raunin.

  

Í ljósi ofangreinds styður InDefence hópurinn ekki samþykkt ríkisábyrgðar með núverandi fyrirvörum. InDefence skorar á Alþingismenn að endurskoða afstöðu sína til fyrirvara-leiðarinnar með hagsmuni og skýran vilja íslensku þjóðarinnar í huga.

  

---<<<>>>---

 

 

 

	Ritaði forseta Alþingis bréf
Ábyrgðarmaður færslu Tenging við þessa frétt hefur verið rofin vegna kvartana.

Ólundarlegt gjammið í kjölturökkum ESB er til aukinna leiðinda

  

 

Samstaða þjóðar    NATIONAL UNITY COALITION                                                               Baráttusamtök fyrir fullveldisrétti almennings og sjálfstæði Íslands.    Stöndum vörð um Stjórnarskrá Lýðveldisins.

  

Ólundarlegt gjammið í kjölturökkum ESB er til aukinna leiðinda 

Fyrst birt í Morgunblaðinu 20. september 2011.
  
Loftur Altice Þorsteinsson
  
 
Ólafur Ragnar Grímsson hefur sýnt meira hugrekki en hægt er að krefjast af honum sem forseta lýðveldisins. Á erlendum vettvangi jafnt sem innlendum hefur hann skipað sér afdráttarlaust í sveit með almenningi landsins gegn nýlenduveldum Evrópu. Þetta eru tíðindi og umbreyting frá fyrri forsetum Íslands, sem alla jafna sýndu hugleysi gagnvart erlendu valdi og tóku hagsmuni valda-aðalsins fram yfir hagsmuni þjóðarinnar. Í viðtali við RÚV 4. september 2011 sagði forsetinn:

»Menn (ríkisstjórnin) beygðu sig fyrir þessu ofbeldi (Icesave-kröfunum) af hálfu Evrópuþjóðanna og samþykktu fyrst samning sem var svo óheyrilegur að ekki aðeins hrópaði íslenska þjóðin hann af, heldur hlupu Bretar og Hollendingar frá honum strax nokkrum mánuðum eftir að ákveðið var að setja þessa þjóðaratkvæðagreiðslu. Það er rannsóknarefni fyrir Evrópusambandið að horfast í augu við það hvernig í ósköpunum stóð á því að ríki í Evrópusambandinu samþykktu að styðja þessar fáránlegu kröfur Breta og Hollendinga gagnvart Íslandi.«
 

Flestir Íslendingar eru sammála þeirri skoðun forsetans að ríkisstjórnin er ekki að gæta hagsmuna landsmanna, heldur beygir sig í auðmýkt fyrir ESB (Evrópusambandinu). Það er einnig merkilegt sem forsetinn bendir á, að nýlenduveldin hlupu sjálf frá Icesave-II samningunum, þegar athygli heimsins var beint að þeim. Þjóðaratkvæðin 6. marz 2010 og 9. apríl 2011 tóku af allan vafa um að þjóðin mun ekki fallast á ólöglegar og siðlausar kröfur nýlenduveldanna og skiptir þá engu máli hvað ESB kann að skipa EFTA-dómstólnum að samþykkja. 
 
Auðvitað skilja kjölturakkar ESB ekki þessar staðreyndir. Þeir halda áfram að gjamma ólundarlega, til að þóknast húsbændum sínum í Brussel. Á síðum Fréttablaðsins er dag eftir dag ausið hrakyrðum um forsetann og traðkað á stjórnarskránni. Þar gengur fremstur í flokki Jón Baldvin Hannibalsson. Rógburður hans mun lengi lifa, en er mismunandi metinn á Íslandi og innan höfuðstöðva ESB. 
 
Framganga Jóns Baldvins Hannibalssonar
Rætin og fullkomlega siðlaus ritgerð eftir Jón Baldvin Hannibalsson birtist í Fréttablaðinu 7. september 2011. Þar uppnefnir hann forseta landsins á ósmekklegri hátt en líklega hefur sézt áður. Forseta Íslands gefur Jón Baldvin heitið »Lady GaGa« og nefnir hann »veizlustjóra og viðskiptasmyril óreiðumanna útrásarinnar«. Það vex Jóni Baldvin í augum, að Ólafur Ragnar hefur brennandi áhuga á framgangi íslenzkra hagsmuna og leggur landsmönnum það lið sem hann getur. Jón Baldvin virðist ekki skilja, að Ólafur Ragnar var að gegna stjórnarskrár-bundinni skyldu sinni með að vísa lagafrumvörpunum um Icesave í þjóðaratkvæði. 
 
Forseti Íslands hefur skyldur gagnvart almenningi í landinu, sem meðal annars eru formfestar með 26. grein stjórnarskrárinnar. Forsetanum ber siðferðileg skylda til að hafna þeim lagafrumvörpum samþykkis, sem stór hluti almennings er andvígur, eða sem forsetinn telur geta skaðað hagsmuni landsmanna. Engin önnur afstaða birtist í synjun forsetans, en að hann telur að viðkomandi lagafrumvarp skuli borið undir úrskurð fullveldishafans. 

Vakin er athygli á, að lagafrumvarp verður ekki að lögum fyrr en forsetinn hefur undirritað það, eða forsetinn hefur hafnað undirritun. Alþingi hefur því ekki heimild til að senda ríkisstjórninni frumvörp »sem lög frá Alþingi«. Frumvarp er einungis frumvarp, þar til ákvörðun forsetans liggur fyrir, hvort sem það hefur verið samþykkt á Alþingi eða ekki. Því er rangt sem víða getur að lesa í gögnum Alþingis og ríkisstjórnar: »Frumvarp, sem þingið samþykkir, er sent ríkisstjórninni sem lög frá Alþingi.« 
 
Jón Baldvin gerir aumkunarverða tilraun til að etja saman forseta og ríkisstjórn. Hann vísar þar til fyrrnefndra orða Ólafs Ragnars, um að »ríkisstjórnin hafi beygt sig fyrir fáránlegum kröfum og ofbeldi Breta og Hollendinga«. Jón Baldvin vill meina að með þessum ásökunum sé forsetinn að brigsla ríkisstjórninni um landráð. Að beygja sig fyrir ofurefli er afsakanlegt, en fæstir landsmenn eru líklega þeirrar skoðunar að um enga aðra kosti hafi verið að ræða en samþykkja Icesave-kröfurnar. Þetta viðhorf almennings kom skýrt fram í tvennum þjóðaratkvæðum. 

Kjölturakkar ESB reyndu að hræða Íslendinga frá því að hafna Icesave-kröfunum í þjóðaratkvæðunum. Jón Baldvin heldur uppteknum hætti og leggur núna allt sitt traust á EFTA-dómstólinn. Honum hefur greinilega ekki borist til eyrna, að þrotabú Landsbankans mun eiga fyrir forgangskröfum. Ekki svo að skilja að það atriði skipti Íslendinga einhverju máli, því að kröfur á þrotabúið eru almenningi óviðkomandi. Tryggingasjóðir í Bretlandi og Hollandi, auk ríkissjóðs Bretlands, keyptu Icesave-kröfur innistæðueigenda á eigin ábyrgð. Tryggingasjóðirnir eru reknir fyrir reikning starfandi banka í þessum löndum og einungis helsjúkir Evrópusinnar geta fundið það út að almenningi á Íslandi beri skylda til að hlaupa undir bagga með þessum erlendu bönkum. Kjölturakkar ESB verða að leita annað en til almennings á Íslandi til að svala valdadraumum Þýskalands og Frakklands.

Flestir Íslendingar eru sammála þeirri skoðun forsetans
     að ríkisstjórnin er ekki að gæta hagsmuna landsmanna,
     heldur beygir sig í auðmýkt fyrir ESB.
 

Forsetinn heldur áfram

Einkavæðing bankanna í boði Steingríms J. Sigfússonar

 

 

Samstaða þjóðar    NATIONAL UNITY COALITION                                                               Baráttusamtök fyrir fullveldisrétti almennings og sjálfstæði Íslands.    Stöndum vörð um Stjórnarskrá Lýðveldisins.

 

Einkavæðing bankanna í boði Steingríms J. Sigfússonar

06. janúar 2012.

  

Loftur Altice Þorsteinsson.

Flestum mun ljóst að einhver stærstu mistök ríkisstjórnar Jóhönnu Sigurðardóttur varða nýgju bankana þrjá, Arion, Íslandsbanka og Landsbanka. Neyðarlögin frá 06. október 2008 (lög 125/2008) heimiluðu ríkinu að stofna og eignast nýgju bankana. Ætlunin var að taka úr gömlu bönkunum eignir og skuldir sem stæðust á að verðmæti. Ríkið legði síðan til eiginfé, þannig að bankarnir uppfylltu kröfur þær sem ríkið gerði um eiginfjárhlutfall banka.

  

Ljóst var að nýgju bankarnir myndu verða mikil búbót fyrir ríkissjóð, þar sem kaupverð þeirra yrði lágt og arður öruggur vegna fákeppni á markaðnum. Horfur voru góðar um að þetta gengi eftir, þar til Steingrímur J. Sigfússon tók að klúðra málum, á hliðstæðan hátt og hann hafði hugsað sér að gera með Icesave-kröfur nýlenduveldanna. Það sem Steingrímur gerði, í nafni ríkisstjórnarinnar og án samþykkis Alþingis, var eftirfarandi.

  

Arion og Íslandsbanki.

Kröfuhafar (óþekktir vogunarsjóðir) sem áttu þrotabú Kaupþings og Glitnis fengu Arion og Íslandsbanka gefins. Að forminu til lögðu þeir inn í nýgju bankana eignir umfram skuldir þannig að kröfur ríkisins um eiginfjárhlutfall voru uppfylltar. Ef miðað er við 8% eiginfjárhlutfall, eins og gilti á árinu 2008, hefðu þetta verið samtals um kr.92 milljarðar fyrir báða bankana. Þetta hefði verið það verð sem ríkið hefði þurft að greiða með skuldabréfi og í krónum fyrir báða bankana Arion og Íslandsbanka.

  

Meðfylgjandi töflur sína hvernig rekstur nýgju bankanna hefur gengið, frá því að þeir voru stofnaðir í kjölfar bankahrunsins. Ekki verður annað sagt en dável hafi gengið. Á fyrstu 36 mánuðum hefur hagnaður bankanna tveggja verið um kr.103 milljarðar. Við sjáum enda, að eiginfé þeirra er orðið samtals kr.253 milljarðar. Þetta er mikil tekjumissir fyrir ríkissjóð enda hefur þetta fé eingöngu fengist með blóðmjólkun heimila og fyrirtækja í landinu.

  

Landsbanki.

Um Landsbankann (NL) gildir að hann var keyptur af þrotabúi gamla Landsbankans fyrir kr.360 milljarða, greitt með verðtryggðu ríkis-skuldabréfi til 10 ára í erlendum gjaldmiðli. Þetta er sem snara um háls ríkissjóði og þar með almenningi. Miðað við kröfuna um 8% eiginfé hefði kaupverð bankans átt að vera um kr.72 milljarðar, greitt í krónum. Þarna var því ofgreitt um kr.300-400 milljarða. Til samanburðar, sjáum við að raunverulegt eigiðfé bankans var um kr.143 milljarðar í lok árs 2008, eða tvöfalt það sem eðlilegt var.

  

Þessi ofgreiðsla var því ránsfengur sem greiddur var þrotabúi gamla Landsbankans til að það ætti örugglega upp í Icesave-kröfur nýlenduveldanna. Minnumst þess að Neyðarlögin veittu innistæðueigendum forgang í eignir þrotabúsins, án þess að það hefði nokkur áhrif á innlendar inneignir hjá Landsbankanum eða öðrum bönkum. Verið var að vernda hagsmuni tryggingasjóðanna í Bretlandi og Hollandi, auk ríkissjóðs Bretlands (HM Treasury). Þetta var gert á kostnað Seðlabankans, innlendra lífeyrissjóða og þar með almennings á Íslandi. Steingrímur J. Sigfússon hlýtur því að teljast mesti ræningi allra tíma.

  

Hagnaður (milljónir króna)

	Árið 2008	Árið 2009	Árið 2010	Árið 2011
	31. des.	31. des.	31. des.	30. sept.
1. Arion	4.817	12.871	12.557	13.648
2. Íslandsbanki	2.366	23.982	29.369	3.284
Samtals 1,2:	7.183	36.853	41.926	16.932
3. Landsbanki	- 6.936	14.332	27.231	2.519
Samtals 1,2,3:	247	51.185	69.157	19.451

  

Eignir (milljónir króna)

	Árið 2008	Árið 2009	Árið 2010	Árið 2011
	31. des.	31. des.	31. des.	30. sept.
1. Arion	641.203	757.344	812.615	823.052
2. Íslandsbanki	658.003	717.342	683.222	679.088
3. Landsbanki	1.037.391	1.061.101	1.081.133	1.124.250

  

Skuldir (milljónir króna)

	Árið 2008	Árið 2009	Árið 2010	Árið 2011
	31. des.	31. des.	31. des.	30. sept.
1. Arion	564.257	667.310	703.079	702.392
2. Íslandsbanki	589.973	625.239	561.759	547.012
3. Landsbanki	894.106	903.509	896.268	914.024

  

Eiginfé (milljónir króna)

	Árið 2008	Árið 2009	Árið 2010	Árið 2011
	31. des.	31. des.	31. des.	30. sept.
1. Arion	76.946	90.034	109.536	120.660
2. Íslandsbanki	68.030	92.103	121.463	132.076
Samtals 1,2:	144.976	182.137	230.999	252.736
3. Landsbanki	143.285	157.592	184.866	210.226

  

Eiginfjárhlutfall (milljónir króna)

	Árið 2008	Árið 2009	Árið 2010	Árið 2011
	31. des.	31. des.	31. des.	30. sept.
1. Arion	12,0%	11,9%	13,5%	14,7%
2. Íslandsbanki	10,3%	12,8%	17,8%	19,4%
3. Landsbanki	13,8%	14,9%	17,1%	18,7%

Eiginfjárhlutfall er hlutfallið á milli eiginfjár fyrirtækis og bókfærðs virðis eigna þess.

  

   

Við einkavæðingu bankanna hafa stórkostlegir fjármunir farið til spillis.

Líklega er tap landsmanna á bilinu kr.500 - kr.1000 milljarðar,

ef horft er til lengri tíma en bara 36 mánaða.

Steingrímur J. Sigfússon hlýtur að vera ábyrgur fyrir tjóninu.

Landsdóms bíður það verkefni að láta valda-aðalinn svara til saka.

  

  

   

   

   

	Tryggvi Þór tekur til varna
Ábyrgðarmaður færslu Tenging við þessa frétt hefur verið rofin vegna kvartana.

Vísindamenn í Kanada hafna "hlýnun veðurfars af mannavöldum"

 

 

Samstaða þjóðar    NATIONAL UNITY COALITION                                                               Baráttusamtök fyrir fullveldisrétti almennings og sjálfstæði Íslands.    Stöndum vörð um Stjórnarskrá Lýðveldisins.

 

Vísindamenn í Kanada hafna "hlýnun veðurfars af mannavöldum"

05. janúar 2012.

  

Loftur Altice Þorsteinsson. 

Kanadíska þingið er með fastanefnd sem fjallar um orku, umhverfi og auðlindir náttúru (Canadian Senate Standing Committee on Energy, the Environment and Natural Resources). Nefndin hélt fund 15. desember 2011, þar sem fjórir vísindamenn frá Kanada fluttu erindi og andmæltu hugmyndum um hlýnun veðurfars af völdum manna. Málflutningur þeirra er í fullkomnu samræmi við það sem ég sjálfur hef árum saman haldið fram. Myndband af fundinum er að finna hér fyrir neðan.

Vísindamennirnir eru: Ross McKitrick prófessor við Guelph University, Ian Clark prófessor við University of Ottawa, Jan Veizer prófessor við University of Ottawa og Timothy Patterson prófessor við Carleton University. Ég legg til að þeir sem hafa áhuga á málinu, taki tíma í að hlusta á erindin og umræður nefndarinnar.

Mér sjálfum finnst málflutningur Ian Clark nærtækastur, vegna þess að hann notar þær einföldu og augljósu staðreyndir sem ég hef haldið til haga. Ian bendir á að engin hlýnun hefur verið mæld síðustu 10 ár. Ef lífsandinn (CO2) væri drifkraftur hlýnunar gæti þetta ekki skeð. Svona stöðugt hitafar samræmist ekki spá IPCC (Intergovernmental Panel on Climate Change), sem gerir ráð fyrir 0,2C gráðu hækkun hitastigs á áratug.

Ian Clark bendir á að hlýnunin á 20. öldinni var einungis eitt tímabil hlýnunar af mörgum slíkum tímabilum á síðustu 10.000 árum. Lífsandinn (carbon dioxide) í andrúminu var tiltölulega stöðugur á þessum fyrri skeiðum. Enginn möguleiki er að sanna að CO2 valdi hlýnun á þessum tímabilum. Hins vegar er hægt með fylgnigreiningu að færa mjög sterk rök fyrir að aukning á CO2 hafi á öllum þessum hlýviðrisskeiðum fylgt í kjölfar hlýnunarinnar.

Ian bendir einnig á að vatnsgufa (H2O) er lang varma-heldnasta lofttegundin í andrúminu. Magn vatnsgufu í andrúminu ræðst að mestu leyti af geislun Sólarinnar. Þeir félagar sögðu allir sömu söguna. Veðurfarsumræðan hefur verið á villigötum og líkist meira trúarbrögðum en vísindum. Ég bendi á að Veðurstofa Íslands aðhyllist þessi fáránlegu trúarbrögð og hefur tapað öllum trúverðugleika.

  

Vísindamenn hafna "hlýnun veðurfars af mannavöldum"

 .

  

   

Ég legg til að Veðurstofa Íslands verði lögð niður.

Ríkisstofnun, sem tekur trúarlega afstöðu

til vísindalegra viðfangsefna, á engan tilverurétt.

   

   

   

Norðausturleiðin að opnast

Leitin er hafin að nýgjum lýðræðissinnuðum forseta fyrir Lýðveldið

 

 

Samstaða þjóðar    NATIONAL UNITY COALITION                                                               Baráttusamtök fyrir fullveldisrétti almennings og sjálfstæði Íslands.    Stöndum vörð um Stjórnarskrá Lýðveldisins.

 

Leitin er hafin að nýgjum lýðræðissinnuðum forseta fyrir Lýðveldið

04. janúar 2012.

  
Loftur Altice Þorsteinsson. 

Þar sem Ólafur Ragnar Grímsson hafnar áframhaldandi setu á forsetastóli, er verkefni lýðræðissinna að finna frambjóðanda sem virðir Stjórnarskrána. Í henni er einkum að finna tvö ákvæði sem nýr forseti verður að hafa staðfestu til að framfylgja. Þetta er ákvæðið um þingrof (24. grein) og ákvæðið um þjóðaratkvæði (26. grein). Þessi ákvæði hljóða svona:

   

24. grein. Forseti lýðveldisins getur rofið Alþingi, og skal þá stofnað til nýrra kosninga, áður en 45 dagar eru liðnir frá því er gert var kunnugt um þingrofið, enda komi Alþingi saman eigi síðar en tíu vikum eftir að það var rofið. Alþingismenn skulu halda umboði sínu til kjördags.

 

26. grein. Ef Alþingi hefur samþykkt lagafrumvarp, skal það lagt fyrir forseta lýðveldisins til staðfestingar eigi síðar en tveim vikum eftir að það var samþykkt, og veitir staðfestingin því lagagildi. Nú synjar forseti lagafrumvarpi staðfestingar, og fær það þó engu að síður lagagildi, en leggja skal það þá svo fljótt sem kostur er undir atkvæði allra kosningabærra manna í landinu til samþykktar eða synjunar með leynilegri atkvæðagreiðslu. Lögin falla úr gildi, ef samþykkis er synjað, en ella halda þau gildi sínu.

 

Varla geta þessar málsgreinar talist flóknar og örugglega á færi flestra læsra manna að skilja. Samt hafa forsetar Lýðveldisins hver af öðrum skorast undan beitingu þeirra, þrátt fyrir áskoranir landsmanna. Það var ekki fyrr en Ólafur Ragnar Grímsson kom að Bessastöðum sem forseti landsins hafði dug til að notfæra heimild 26. greinar, að vísa málum í þjóðaratkvæði.

  

Forsendulausar Icesave-kröfur nýlenduveldanna voru keyrðar áfram af kjölturökkum Evrópusambandsins og einungis steinhörð andstaða almennings og lýðræðisvitund forsetans fekk stöðvað hin fláráðu áform. Ekki eru margar þjóðir sem eiga alvöru stjórnarskrá, eins og við Íslendingar. Ákvæðið um þjóðaratkvæði er einn af dýrgripum þessarar þjóðar. En í Stjórnarskránni er aðra dýrgripi að finna, eins og sannast með 24. greininni.

        

Burt með skaðlega ríkisstjórn - 24. grein Stjórnarskrárinnar.

Stærsta verkefni þjóðarinnar - í framhaldi af Icesave-sigrunum - er að losa þjóðina við skaðlega ríkisstjórn og endurnýgja hættulegt Alþingi. Ekki verður séð að innanmein ríkisstjórnarinnar muni verða henni að falli, þjóðin og forsetinn verða í sameiningu að fjarlægja þessa þjóðarógn. Nærsti forseti verður að hafa kjark til að virkja 24. grein Stjórnarskrárinnar og boða til Alþingiskosninga. Val á forsetaefni lýðræðissinna er því mikilvægt verkefni og ekki má tilviljun ráða hver nær kosningu.

      

Að sjálfsögðu koma margir til álita sem frambjóðendur lýðræðissinna, en einn hópur manna hlýtur að hafa nokkurt forskot. Það eru þeir Alþingismenn sem höfðu vit og æru til að standa gegn Icesave-III-lögunum (lög 13/2011) á Alþingi. Meðfylgjandi tafla sýnir nöfn þessa heiðursfólks, sem saga Íslands mun geyma um aldir, ritaða gylltum stöfum.

  

Alþingismenn sem sögðu NEI við Icesave-III, 16. febrúar 2011.

 

Ásmundur Einar Daðason Birgir Ármannsson Birgitta Jónsdóttir Birkir Jón Jónsson Eygló Harðardóttir Gunnar Bragi Sveinsson Höskuldur Þórhallsson Lilja Mósesdóttir

Margrét Tryggvadóttir Pétur H. Blöndal Sigmundur Davíð Gunnlaugsson Sigurður Ingi Jóhannsson Sigurður Kári Kristjánsson Unnur Brá Konráðsdóttir Vigdís Hauksdóttir Þór Saari

  

   

Nærsti forseti verður að hafa kjark

til að virkja 24. grein Stjórnarskrárinnar og boða til Alþingiskosninga.

Val á forsetaefni lýðræðissinna er því mikilvægt verkefni

 og ekki má láta tilviljun ráða hver nær kosningu.

  

   

   

	Ónotatilfinning sjálfstæðismanna
Ábyrgðarmaður færslu Tenging við þessa frétt hefur verið rofin vegna kvartana.

EKKERT SVAR frá útvarpsstjóra, stjórn RÚV eða menntamálaráðherra !

  

 

Samstaða þjóðar    NATIONAL UNITY COALITION                                                               Baráttusamtök fyrir fullveldisrétti almennings og sjálfstæði Íslands.    Stöndum vörð um Stjórnarskrá Lýðveldisins.

  
 

 

Kjölturakkar ESB glefsa ólundarlega - hver í annan !

04. janúar 2012.

                              
Loftur Altice Þorsteinsson.

   

Þrælar erlends valds og borðberar framandi hugmyndafræði hafa tekið að sér það verkefni að skemmta alþjóð og kasta á milli sín hrakyrðum. Kjölturakkinn Eiður Guðnason krefst þess að kjölturakkinn Páll Magnússon biðji Norðmenn afsökunar á ummælum sem hann segir hafa fallið í Áramótaskaupi RÚV, sem varla nokkur maður hafði geð til að horfa á. Kjölturakkinn Eiður Guðnason glefsaði til útvarpsstjóra:

   

En annað tók þó út yfir allan þjófabálk í Skaupinu. Það var að skopast skyldi að fjöldamorðunum í Útey í Noregi og þau voðaverk sem þar voru framin höfð í flimtingum. Það sýnir veikleikana í yfirstjórn Ríkisútvarpsins að hvorki útvarpsstjóri né dagskrárstjóri skyldu koma í veg fyrir þessa ósvinnu. Stöðva þessa einstæðu smekkleysu. Þessir embættismenn eiga nú að ganga á fund sendiherra Noregs á Íslandi og biðjast afsökunar á þessum dæmalausu mistökum Ríkisútvarpsins. Útvarpsstjóri og dagskrárstjóri bera fulla ábyrgð á þeirri lítilsvirðingu sem norsku þjóðinni var sýnd í íslenska Ríkissjónvarpinu á gamlárskvöld. Þetta var þjóðarskömm.

  

Þessum ávirðingum svaraði kjölturakkinn Páll Magnússon, með glefsi:

   

Norðmönnunum umræddu vil ég ekki gera þann óleik að nefna, nema þá með sérstöku leyfi þeirra, því það myndi væntanlega kalla yfir þá hefðbundinn fúkyrðaflaum frá þér – á borð við „þjóðníðingar“, „landráðamenn“ eða eitthvað þaðan af verra.

   

Þetta tvítal þeirra skoðanabræðra verður bara áhugaverðara og áhugaverðara. Umræða sem hófst á misskilningi, virðist meir og meir snúast um nafngiftir sem kjölturakkar ESB hafa áunnið sér með þrælslund og undirgefni. Nú var komið að Eiði Guðnasyni að glefsa:

  

Hvenær hef ég notað orðin ,,landráðamenn“ og ,, þjóðníðingar“ sem þú skrifar innan gæsalappa eins um beina tilvitnun í skrif mín sé að ræða? Vænt þætti mér um að þú tilgreindir það. Hvern eða hverja hef ég kallað þessum nöfnum ? Ég hef vitnað í menn sem kalla okkur stuðningsmenn ESB aðildar landráðamenn, en engan hef ég nefnt slíku nafni eða kallað þjóðníðing, allavega rekur mig ekki minni til þess. Nefndu mér dæmin annars ert þú hreinlega að ljúga upp á mig.

  

Áhorfendur bíða spenntir eftir nærstu glefsum. Landsmenn bíða einnig eftir svörum frá útvarpsstjóra, stjórn RÚV og menntamálaráðherra. Jafnvel Evrópusambandið myndi ekki líða þau vinnubrögð sem viðgangast á ríkiskompum landsins, undir stjórn Jóhönnu Sigurðardóttur og Steingríms J. Sigfússonar.

 

---<<<>>>---

 

Menntamálaráðherra Katrín Jakobsdóttir.

Reykjavík  28. maí 2011.

                              
Menntamálaráðuneytið hefur sent frá sér tilkynningu um að gerður hafi verið þjónustu-samningur við RÚV. Af tilkynningunni verður ekki séð að RÚV hafi hlotið verðskuldaðar ávítur fyrir að brjóta gróflega gegn skýrum ákvæðum Útvarpslaga, við umfjöllun um Icesave-málið. Þetta vekur upp grunsemdir, að RÚV muni halda áfram uppteknum hætti.

 

Til upprifjunar má minna á, að verkefni RÚV er að reka útvarpsþjónustu í almannaþágu, sem samkvæmt lögum um Ríkisútvarpið (lög 6/2007) felur meðal annars í sér eftirfarandi:

 

5. Að halda í heiðri lýðræðislegar grundvallarreglur og mannréttindi og frelsi til orðs og skoðana. Gæta skal fyllstu óhlutdrægni í frásögn, túlkun og dagskrárgerð.

 

7. Að veita víðtæka, áreiðanlega, almenna og hlutlæga fréttaþjónustu um innlend og erlend málefni líðandi stundar og vera vettvangur fyrir mismunandi skoðanir á málum sem efst eru á baugi hverju sinni eða almenning varða.

 

Að mínu mati hefur RÚV ekki »gætt fyllstu óhlutdrægni« og ekki »veitt hlutlæga fréttaþjónustu« hvað Icesave-málið varðar. Sama skoðun hefur ítrekað komið fram í yfirlýsingum sem "Samstaða þjóðar gegn Icesave" hefur sent frá sér og í því sambandi má benda á eftirfarandi vefslóðir.

 

16.03.2011: Bréf til útvarpsstjóra - EKKERT SVAR !

 

15.03.2011: http://www.kjosum.is/frettir/2-tilkynningar/45-vegna-frettaflutnings-ruv-af-icesave-iii-samningnum

 

07.03.2011: Bréf til Sigmars þáttastjórnanda hjá RÚV - EKKERT SVAR !

Í framhaldi af tilkynningu ráðuneytisins óska ég eftir að fá sendan umræddan þjónustusamning. Vonandi eru grunsemdir mínar ástæðulausar og vonandi verður ekki framvegis tilefni að almenningur í landinu telji sig svikinn af umfjöllun RUV, eins og verið hefur síðustu tvö árin.

Kveðja.

 

Loftur Altice Þorsteinsson.

---<<<>>>---

 

 

Í framhaldi af bréfi mínu birti Menntamálaráðuneytið samninginn við RÚV. Hann er nú hægt að lesa hér:  

Samningur um útvarpsþjónustu í almannaþágu. 

 

Að öðru leiti hefur ekki orðið vart viðbragða frá Menntamálaráðuneyti.

 

---<<<>>>---

  

  

Önnur bréf til Íslendskra valdhafa:

09.12.2011: Bréf til fulltrúa í Utanríkismálanefnd Alþingis - EKKERT SVAR !  

21.10.2011: Bréf til Forsætisnefndar Alþingis - EKKERT SVAR !

28.05.2011: Bréf til menntamálaráðherra - EKKERT SVAR !

14.04.2010: Bréf til útvarpsstjóra - EKKERT SVAR !

07.04.2011: Bréf til Sigmars þáttastjórnanda hjá RÚV - EKKERT SVAR !

  

_____________________________________________________________________
    Skrásett heimilisfang: Laugarásvegur 4, 104 Reykjavík   -   Netföng: [e-mail] / [e-mail]

	Útvarpsstjóri svarar fyrrverandi ráðherra
Ábyrgðarmaður færslu Tenging við þessa frétt hefur verið rofin vegna kvartana.

Forsætisráðherra sem ekkert getur lært - flytur áramótaávarp !

  

 

Samstaða þjóðar    NATIONAL UNITY COALITION                                                               Baráttusamtök fyrir fullveldisrétti almennings og sjálfstæði Íslands.    Stöndum vörð um Stjórnarskrá Lýðveldisins.

 

Forsætisráðherra sem ekkert getur lært - flytur áramótaávarp ! 

  
Loftur Altice Þorsteinsson

Er ekki merkilegt að í landinu skuli vera forsætisráðherra sem ár eftir ár flytur sama innihaldslausa áramótaávarpið ? Við skoðun á áramótaávarpi Jóhönnu Sigurðardóttur 2011/2012 kom í ljós að það var jafn innihaldslaust og ávarp hennar 2010/2011, sem ég hafði borið saman við ávarp Ólafs Ragnars Grímssonar, forseta Íslands.

Stafar þetta af því að forsætisráðherrann getur ekki lært neitt nýtt, eða vill hann ekki fjalla um það sem skiptir máli fyrir fólkið í landinu ? Ég tel fyrri kostinn líklegri, en hreyfi engum andmælum þótt þú veljir þann síðari.

Hvað er til ráða þegar maður lendir jafn vonlausri aðstöðu og hér um ræðir, en vill samt gera viðfangsefninu einhver skil ? Þér dettur líklega í hug, að úrræðið sé að birta samanburðinn frá fyrra ári. Ég þygg þá tillögu !

  

---<<<>>>---

  

  

Áramótaávörp forsætisráðherra og forseta.

Fyrst birt í Morgunblaðinu 04. janúar 2010.
  
 

Loftur Altice Þorsteinsson

Margir líta svo á, að áramótaávörp valdamanna séu bara til hátíðabrigða og hafi enga merkingu umfram flugeldasýningar og annað sem áramótum tilheyrir. Þetta viðhorf er alrangt og við höfum fyrir augunum dæmi sem sannar fullyrðingu mína. 
 
Nú hafa flutt áramótaávörp sín Ólafur Ragnar Grímsson og Jóhanna Sigurðardóttir. Samanburður á þessum tveimur ávörpum endurspeglar gjörólík lífsviðhorf og gjörólíka mannkosti. Ljóst má vera, að forseti lýðveldisins lítur á sig sem umboðsmann almennings, en forsætisráðherra er fulltrúi erlends valds og framandi hugmyndafræði.    
 
 
Almenningur fer með fullveldi landsins
Forseti lýðveldisins lagði áherslu á að almenningur fer með fullveldi landsins og að þeim skoðunum, að hér ríki annað stjórnarfar en lýðveldi, ber að hafna. Þjóðin verður að snúast hart gegn þeirri framandi hugmynd að hér ríki þingræði, svo ekki sé nefnd sú atlaga sem felst í hugmyndum um að leggja þjóðveldið undir yfirráð Evrópuríkisins. Ólafur Ragnar sagði:

 
Á liðnu ári sýndi þjóðin að hún getur tekið forystuna. Atkvæðagreiðslan 6. mars var afdráttarlaus vitnisburður um hve vel stjórnskipun lýðveldisins virkar þegar mest á reynir, að þjóðin er fullfær um að fara með valdið sem henni ber. Allt tókst það vel þótt ýmsir spáðu öðru.

  
 

Forseti lýðveldisins sagði einnig:

Kjarni lýðræðisins er vilji fólksins. Svo einfalt er það, hvað sem líður kenningum eða visku spekinganna. Hinn eindregni þjóðarvilji hefur á örlagastundum reynst Íslendingum býsna vel og því er mikilvægt að átök, harka eða óbilgirni lami ekki afl okkar til góðra verka.

  
 
Til samanburðar er hollt að líta til þess sem forsætisráðherra hafði um þetta að segja: - EKKERT ! - Forsætisráðherra landsins heldur áramótaávarp á greinilegum tímamótum í sögu þjóðarinnar og segir ekki aukatekið orð um þjóðaratkvæðið 6. marz 2010, né heldur eitt orð um þingsályktun Alþingis frá 16. júlí 2009, um innlimun landsins í Evrópuríkið.   
 
 
Biðraðir eftir matargjöfum er smánarblettur
Forseti lýðveldisins fjallaði einnig ýtarlega um biðraðir fólks eftir matargjöfum, sem er smánarblettur á ásýnd þjóðarinnar. Valdhafarnir yppa bara öxlum og láta sér ekki koma til hugar að úrbóta sé þörf. Um þetta sagði Ólafur Ragnar eftirfarandi:

   
 
Efnahagskreppan, hrunið sem við nefnum svo, hefur þrengt svo að þúsundum Íslendinga að í viku hverri bíður fjöldi í röðum eftir matargjöfum. Fátækt hefur að vísu fylgt okkur lengi en nú hefur fjárhagsvandi margra, biðraðirnar eftir mat, orðið að smánarbletti.

 
Einnig sagði forsetinn:

 
Hafi fyrir átta árum, þegar velmegun ríkti hér á flestum sviðum, verið ástæða til að ræða fátæktina er nú brýnt að grípa til aðgerða. Hún er til muna útbreiddari, örlög þúsunda nístandi. Samfélag sem kennir sig við norræna velferð getur ekki liðið að vikulega standi þúsundir í biðröðum eftir mat. Við skulum sameinast um að afmá þennan smánarblett strax á næstu mánuðum.

   
 
Hvað ætli forsætisráðherra hafi sagt um biðraðirnar eftir matargjöfum: - EKKERT ! -  Jóhanna Sigurðardóttir lítur svo á, að hungur þúsunda Íslendinga sé ekki mál til að nefna í áramóta-ávarpi. Hún hefur meiri áhyggjur af áliti Alþjóðagjaldeyrissjóðsins (AGS) og nýlenduveldanna Bretlands og Hollands (alþjóðasamfélagið). Um þessa aðila sagði forsætirráðherrann:

Látum þetta verða árið þegar farsælu samstarfi við Alþjóða-gjaldeyrissjóðinn lauk og full sátt náðist við alþjóðasamfélagið á ný.

 
Ólafur Ragnar Grímsson og Jóhanna Sigurðardóttir hafa flutt áramótaávörp sín. Öllum mega nú vera ljós gjörólík lífsviðhorf og gjörólíkir mannkostir þessara tveggja einstaklinga. Spurningin er bara, hvaða lærdóm ætlar almenningur að draga af þeim staðreyndum sem liggja augljósar fyrir? 

 

 

 

 

Forseti Lýðveldisins lítur á sig sem umboðsmann almennings,

en forsætisráðherra er fulltrúi erlends valds

og framandi hugmyndafræði.

 

 

 

Sakar Ólaf Ragnar um óvirðingu við þjóðina

Steingrímur fórnaði Jóni Bjarnasyni í þágu ESB-hagsmuna

 

 

Samstaða þjóðar    NATIONAL UNITY COALITION                                                               Baráttusamtök fyrir fullveldisrétti almennings og sjálfstæði Íslands.    Stöndum vörð um Stjórnarskrá Lýðveldisins.

 

Steingrímur fórnaði Jóni Bjarnasyni í þágu ESB-hagsmuna

02. janúar 2012.

  
Ragnar Arnalds. 

Um áramótin gerði ríkisstjórn Jóhönnu Sigurðardóttur líklega sín stærstu mistök. Til að uppfylla óskir kommissararanna í Brussel var Jóni Bjarnasyni bolað úr embætti, í þeim gagngera tilgangi að liðka fyrir aðildarumsókninni að Evrópusambandinu. Hvað gengur forystu og þingflokki VG til, að beygja sig fyrir kröfugerð frá Brussel ?

 

 

Evrópusambandið þykist eiga makrílinn.

Forystumenn ESB í Brussel og talsmenn þeirra hafa margoft kvartað yfir því að yfirlýstur andstæðingur ESB-aðildar stjórni sjávarútvegs- og landbúnaðarráðuneytinu hér á landi. Skemmst er að minnast þess þegar breskur ESB-þingmaður, Robert Atkins, sagði á þingfundi í Brussel frá heimsókn sinni til Íslands og fullyrti blákalt að Jón Bjarnason væri andvígur ESB-aðild vegna þess að hann væri forstokkaður „stalínisti“!!! Vera má að einhver grunnhygginn ESB-sinni hér á landi hafi hvíslað þessu að Atkins. Engu að síður lýsir þessi groddalega umræða á þingi ESB þeim hugsunarhætti fáfræði og hroka gagnvart Íslendingum sem einkennir umræðuna í Brussel.

  

En hvers vegna er ráðamönnum í ESB svo annt um að Jóhanna losi sig við Jón Bjarnason úr ráðherrastóli. Það er augljóst. Makríldeila Íslendinga við ESB er í hnút. Árum saman krafðist ESB þess að Íslendingar veiddu ekki eina einustu bröndu af makríl, sem þó hefur fyllt hér alla flóa og firði. Hitt er aftur á móti ráðgáta, hvernig ráðamenn í Brussel fengu þá flugu í höfuðið að þeir gætu ráðið því hvernig Íslendingar haga veiðum sínum í eigin lögsögu, án þess að landið sé komið inn í ESB. Þeir neituðu jafnvel lengi vel að Íslendingum væri boðið á ráðstefnur þar sem fjallað hefur verið um makrílveiðar í Norður Atlantshafi. Í seinni tíð hefur þessi yfirgangur og frekja af hálfu ESB brotist út í beinum hótunum sjávarútvegsráðherra ESB um innflutningsbann og aðrar refsiaðgerðir gagnvart Íslendingum.

  

Jón Bjarnason hefur óhikað virt þessar hótanir að engu, eins og óhjákvæmilegt er. Veiðiheimildir til makrílveiða sem hann veitti íslenskum skipum á síðasta ári sköpuðu eitt þúsund ársverk á sjó og landi og öfluðu þjóðarbúinu 26 milljarða tekna. Þau verðmæti jafngilda árlegum innflutningi Íslendinga á matvöru frá öðrum ríkjum. Makrílveiðin ásamt auknum straumi erlendra ferðamanna á einmitt sinn stóra þátt í að við Íslendingar erum loks að ná okkur upp eftir hrunið með aukinni landsframleiðslu. Jafnframt ætti hverjum manni að vera ljóst, að hefðum við gengið í ESB áður en makríllinn hóf göngu sína inn á Íslandsmið, væri okkur nú fyrirmunað að veiða hann. ESB- umsóknin og makrílveiði Íslendinga eru því náskyld mál sem hanga á sömu spýtunni. Og mikilvægur þáttur í þessu stríði ESB við Íslendinga var að koma Jóni Bjarnasyni úr ráðherrastóli.

 

 

Evrópusambandið skortir markaði fyrir landbúnaðarvörur.

Til viðbótar þessu er það ófrávíkjanleg krafa ESB að Íslendingar opni land sitt fyrir óheftum innflutningi landbúnaðarvara frá aðildarríkjum ESB. Ljóst er að þar með yfirtækju framleiðendur búvara á meginlandinu um það bil helming búvörumarkaðarins hér á landi. Afleiðingin yrði minnkaðar þjóðartekjur og stóraukin gjaldeyriseyðsla, samhliða því sem þúsundir manna misstu vinnuna, bæði í hópi þeirra sem búskap stunda en ekki síður mjög margt af því fólki í bæjum og þorpum víðs vegar um land sem atvinnu hefur af úrvinnslu landbúnaðarvara.

  

Gegn þessum áformum hafa íslensk bændasamtök snúist af öllu afli. Jón Bjarnason hefur stutt varnarstríð bændasamtakanna einarðlega. Og þess vegna varð Jón Bjarnason að víkja, að kröfu forystumanna ESB og Samfylkingarinnar.

  

Skammt er síðan forystulið ESB lét sig ekki muna um að koma háttsettum fyrrum embættismönnum úr starfsliði sínu í Brussel í stóla forsætisráðherra í tveimur aðildarríkjum, þ.e. á Grikklandi og Ítalíu. Þessu yfirþjóðlega liði finnst því sjálfsagt ekki til of mikils mælst að hér norður á Íslandi sé svo sem eins og einum landbúnaðar- og sjávarútvegsráðherra kippt úr umferð, svo að hann sé ekki að þvælast lengur fyrir áformum ESB. Er undirgefni Vinstri-Grænna svo fullkomin að þar á bæ telji menn þetta sjálfsagt ?

 

Hverjum manni ætti að vera ljóst, að hefðum við gengið í ESB

áður en makríllinn hóf göngu sína inn á Íslandsmið,

væri okkur nú fyrirmunað að veiða hann.

 ESB- umsóknin og makrílveiði Íslendinga eru því náskyld mál

sem hanga á sömu spýtunni.

 

 

 

Jón: ESB hluti af forsetakjöri

Hugleiðingar í upphafi árs 2012 - að loknu ávarpi Ólafs Ragnars

  

 

Samstaða þjóðar    NATIONAL UNITY COALITION                                                               Baráttusamtök fyrir fullveldisrétti almennings og sjálfstæði Íslands.    Stöndum vörð um Stjórnarskrá Lýðveldisins.

  
 

Hugleiðingar í upphafi árs 2012 - að loknu ávarpi Ólafs Ragnars.

01. janúar 2012.

                              

Loftur Altice Þorsteinsson.

  

Vonir stóðu til að áramótaávarp forsetans yrði stund bjartsýni og hvatningar, að Ólafur Ragnar tæki sér atgeirinn í hönd og gengi fremstur í liði frjálshuga Íslendinga. Það voru því mikil vonbrigði, að Ólafur Ragnar hefur ákveðið að gefa ekki kost á sér til embættis forseta. Óbærileg óvissa hefur því skapast varðandi samskipti forseta og þjóðar, um Evrópusamband, Icesave og gagnsókn gegn nýlenduveldunum. Samt hljótum við að virða ákvörðun Ólafs Ragnars og vona að styrkur hans komi fram á öðrum vettvangi, til góðs fyrir land og lýð.

  

Verkefnið framundan er því risavaxið, að finna frambjóðanda til forsetaembættisins sem hefur þann steinharða vilja sem þarf til að standast atlögu þingræðissinna gegn lýðræði á Íslandi. Síðan er verkefni lýðræðissinna að tryggja kjör frambjóðandans og þar með hindra að þingræðissinnar nái tökum á neyðarhemli þjóðarinnar, því valdi sem allir verða að viðurkenna að fólgið er í forsetaembættinu. Baráttan um framtíð Íslands verður hörð og óvægin. Mun Ísland halda sjálfstæði sínu ? Mun fullveldisrétturinn haldast í höndum almennings ?

  

Við þessi tímamót og með hliðsjón af þeim upplýsingum sem við búum yfir, er mikilvægt að móta framtíðarmarkmið, til nærstu mánaða jafnt sem ára. Þeir sem hyggjast halda áfram baráttunni, sem Samstaða þjóðar hefur háð síðustu ár, mega ekki láta deigan síga. Þrátt fyrir þrönga stöðu í upphafi árs 2012, er mikið á sig leggjandi fyrir lýðræðið. Enginn skildi vanmeta styrk almennings á Íslandi. Lýðræðið mun bera hærri hlut gegn undirróðri þingræðissinna og undirgefni kjölturakka Evrópusambandsins.

  

Auk afskipta Samstöðu þjóðar af nærstu forsetakosningum og þó í tengslum við þær, mun baráttan gegn ríkisstjórninni verða fyrirferðamikil. Nauðsynlegt er að nærsti forseti hafi skýra sýn á þá valdheimild forsetans að rjúfa Alþingi og stofna til Alþingiskosninga. Stjórnarskráin veitir forsetanum fulla heimild til þingrofs, eins og stendur þar skýrum stöfum:

  

24. grein. Forseti lýðveldisins getur rofið Alþingi, og skal þá stofnað til nýrra kosninga, áður en 45 dagar eru liðnir frá því er gert var kunnugt um þingrofið, enda komi Alþingi saman eigi síðar en tíu vikum eftir að það var rofið. Alþingismenn skulu halda umboði sínu til kjördags.

  

Alger frumskylda nærsta forseta verður að hann rjúfi Alþingi við fyrsta tækifæri. Þetta verður prófsteinn á samband hans við þjóðina og hlýtur að verða gert öllum ljóst í kosningabaráttunni. Endurnýgja verður umboð og erindi Alþingismanna og mynda verður ríkisstjórn sem hefur stuðning meirihluta landsmanna. Ekki er hægt að búa við svika-stjórn sem tilbúin er að nota sérhvert tækifæri til að fórna sjálfstæði landsins í hendur Evrópu-sambandinu og lúffa fyrir fjárkröfum nýlenduveldanna Bretlands og Hollands.

 

  

---<<<>>>---

  

  

_____________________________________________________________________
    Skrásett heimilisfang: Laugarásvegur 4, 104 Reykjavík   -   Netföng: [e-mail] / [e-mail]

Býður sig ekki fram

Kristrún Heimisdóttir gerir upp við ríkisstjórnina

  

 

Samstaða þjóðar    NATIONAL UNITY COALITION                                                               Baráttusamtök fyrir fullveldisrétti almennings og sjálfstæði Íslands.    Stöndum vörð um Stjórnarskrá Lýðveldisins.

  
 

Kristrún Heimisdóttir gerir upp við ríkisstjórnina.

31. desember 2011.

                              

Loftur Altice Þorsteinsson.

  

Flokkstjórnarfundur Samfylkingarinnar í gær markaði tímamót á feigðarflani ríkisstjórnar Jóhönnu Sigurðardóttur. Fundirinn stóð í 6 klukkustundir og í lok hans var samþykkt tillaga frá varaformanninum Degi B. Eggertsyni og handlangaranum Hrannari B. Arnarssyni, borin fram af Jóhönnu Sigurðardóttur. Tillagan var samþykkt með 77 atkvæðum (73%) af 105 fulltrúum flokksstjórnarinnar.

  

Tillagan felur í sér brottför beztu manna ríkisstjórnarinnar, þeirra Árna Páls Árnasonar og Jóns Bjarnasonar. Breyting ríkisstjórnarinnar er gerð til að auðvelda aðför að sjálfstæði Íslands og auðvelda nýlenduveldunum að innheimta forsendulausar Icesave-kröfurnar. Engum getur dulist á hvaða vegferð þessi ríkisstjórn hefur verið allt frá því að hún var mynduð vorið 2009.

  

Kristrún Heimisdóttir, aðstoðarmaður Árna Páls Árnasonar á ráðherrastóli, hefur sagt frá flokkstjórnarfundinum á mergjaðan og hreinskiptinn hátt. Kristrún er líklega merkasti liðsmaður Samfylkingarinnar frá upphafi og þess má geta að hún var einnig aðstoðarmaður Ingibjargar Sólrúnar Gísladóttur, sem gegndi starfi utanríkisráðherra í bankahruninu haustið 2008.

  

Líklega er hægt að þakka Kristrúnu að gerður var Brussel-samningurinn frá 14. nóvember 2008. Að stórum hluta byggir sókn okkar Péturs Valdimarssonar á hendur nýlenduveldunum, á Brussel samningnum. Við gerum þá samningsbundnu kröfu að Framkvæmdastjórn Evrópusambandsins reki mál Íslands fyrir Evrópudómstólnum.

    

  

---<<<>>>---

  

  

Frásögn Kristrúnar Heimisdóttur

  

af Flokkstjórnarfundi Samfylkingarinnar 30. desember 2011.

  

  

Ráðherrakapall Jóhönnu (og Dags og Hrannars) var svo ruglingslegur, ráðalaus, óviss og órökstudd ferð án fyrirheits að enginn var hrifinn og hann í raun féll í umræðu á sögulegum flokkstjórnarfundi Sf í gær. Ég hef verið á þeim öllum frá stofnun: Aldrei áður hefur neitt þessu líkt gerst.

  

Klukkan hálf níu var svo komið að forysta og ríkisstjórn væru að falla á fundinum líka og fór um marga föla fyrirliða. Það þurfti ræðu Árna Páls til bjargar og höfðu þó allar hvellandi básúnur Össurar og annarra sjálfskipaðra yfirkonfrensráða glumið yfir salinn og hótunum verið beitt á jafnt á ungliða sem eldri borgara.

  

Tillaga um aukalandsfund í vor til kjörs á nýrri forystu hlaut afgreiðslu. Ný forysta verður væntanlega kosin í vor. Þá kemur flokksstjórn aftur saman í janúar til að krefjast stefnu og stjórnfestu í stað fyrirhugaðs mánaða flöskustúts á Arnarhóli um á hvaða ráðherrum í hlutastörfum og hvernig ýmis helstu þjóðarhagsmunamál lendi s.s. efnahags- atvinnu-, auðlinda- og nýsköpunarmál.

  

Á fundinum í gær var því miður ekki staðfest hver yrði fjármálaráðherra landsins eftir 6 mánuði. AGS, ESB, lánshæfismatsfyrirtækin og norrænu lánveitendur ríkissjóðs verða "hrifnir".

 

---<<<>>>---

  

  

_____________________________________________________________________
    Skrásett heimilisfang: Laugarásvegur 4, 104 Reykjavík   -   Netföng: [e-mail] / [e-mail]

„Mér finnst þetta rangt“

Myndbönd úr baráttunni 2011 - gegn Icesave-kröfunum

 

 

Samstaða þjóðar    NATIONAL UNITY COALITION                                                               Baráttusamtök fyrir fullveldisrétti almennings og sjálfstæði Íslands.    Stöndum vörð um Stjórnarskrá Lýðveldisins.

 

  

Samstaða þjóðar

  

óskar þér mikillar gleði á árinu 2012 !

 

 ---<<<>>>---

 

 

Kæra nýlenduveldin til ESB

Á Stöð 2 - 03. júlí 2011

 

 

---<<<>>>---

 

Þjóðaratkvæðið um Icesave

 09. apríl 2011.

   

---<<<>>>---

 

 

Af hverju NEI við Icesave ?

.

Á Austurvelli - 05. apríl 2011

 

 ---<<<>>>---

 

 

engin áhætta af að segja nei við icesave

Á Stöð 2 - 03. apríl 2011

 

 ---<<<>>>---

 

Þjóðaratkvæði um Icesave kunngert

Að Bessastöðum - 20. febrúar 2011

 

 ---<<<>>>---

 

 

Samstaða þjóðar gegn Icesave

kynnir www.kjósum.is

Þjóðmenningarhúsi - 14. febrúar 2011

 

 ---<<<>>>---

 

 

	Óánægja vegna breytinga
Ábyrgðarmaður færslu Tenging við þessa frétt hefur verið rofin vegna kvartana.

Yfirlýsing vegna forsetakosninga á árinu 2012 !

  

 

Samstaða þjóðar    NATIONAL UNITY COALITION                                                               Baráttusamtök fyrir fullveldisrétti almennings og sjálfstæði Íslands.    Stöndum vörð um Stjórnarskrá Lýðveldisins.

  

 

Y F I R L Ý S I N G !

                              
               

Um stuðning við framboð Ólafs Ragnars Grímssonar

til embættis forseta Íslands.

                              

 

 

Samstaða þjóðar hvetur Ólaf Ragnar Grímsson að gefa kost á sér að gegna embætti forseta Íslands hið fimmta kjörtímabil. Jafnframt lýsir Samstaða þjóðar yfir stuðningi við framboðið ef það kemur fram og mun vinna að því að Ólafur Ragnar Grímsson nái góðri kosningu.

 

Að okkar mati hefur Ólafur Ragnar sýnt og sannað hollustu sína við stjórnarskrá Íslands og vilja þjóðarinnar. Þar kemur sérstaklega við sögu 26. grein Stjórnarskrárinnar, sem Ólafur Ragnar hefur virt í hvívetna, þrátt fyrir tilraunir valdamanna að hafa fullveldisréttinn af almenningi.

 

Gerðir og orð Ólafs Ragnars endurspegla þekkingu hans á stjórnskipun landsins. Til að undirstrika þetta mikilvæga atriði, birtum við eftirfarandi tilvitnun í orð Ólafs Ragnars, sem hann mælti í viðtali hjá Ríkisútvarpinu, Rás 2 – á Sjálfstæðisdaginn 01. desember 2010:

Þegar menn eru að segja að forsetinn, með því að nýta sér málskotsréttinn og vísi málum til þjóðarinnar, að hann sé að ganga gegn þingræðinu, þá er það bara svo röng fullyrðing að það tekur því eiginlega ekki að ræða hana.

 Því að grundvöllur Íslendskrar stjórnskipunar eins og var gengið frá honum við lýðveldisstofnunina….var byggður á þeirri grunnhugsun að fullveldið - hinn endanlegi réttur, það sem á ensku er kallað “the sovereign right”  – væri hjá þjóðinni en ekki hjá þinginu.

    

Samstaða þjóðar telur að það væri mikið stjórnarfarslegt slys ef að Bessastöðum kæmi forseti með aðra sýn á skyldur þjóðarleiðtogans en Ólafur Ragnar Grímsson hefur sýnt og sannað í verki. Þess vegna hlýtur þjóðin að fylkja sér um framboð Ólafs Ragnars, sem vonandi lítur dagsins ljós um áramótin.

                              

 

 

Samstaða þjóðar 26. desember 2011.

 

 

---<<<>>>---

  

         _____________________________________________________________________
    Skrásett heimilisfang: Laugarásvegur 4, 104 Reykjavík   -   Netföng: [e-mail] / [e-mail]

Samskiptin við Ólaf alltaf verið eðlileg

Bréf til menntamálaráðherra - EKKERT SVAR !

  

 

Samstaða þjóðar    NATIONAL UNITY COALITION                                                               Baráttusamtök fyrir fullveldisrétti almennings og sjálfstæði Íslands.    Stöndum vörð um Stjórnarskrá Lýðveldisins.

  
 

Menntamálaráðherra Katrín Jakobsdóttir.

Reykjavík  28. maí 2011.

                              
Menntamálaráðuneytið hefur sent frá sér tilkynningu um að gerður hafi verið þjónustu-samningur við RÚV. Af tilkynningunni verður ekki séð að RÚV hafi hlotið verðskuldaðar ávítur fyrir að brjóta gróflega gegn skýrum ákvæðum Útvarpslaga, við umfjöllun um Icesave-málið. Þetta vekur upp grunsemdir, að RÚV muni halda áfram uppteknum hætti.

 

Til upprifjunar má minna á, að verkefni RÚV er að reka útvarpsþjónustu í almannaþágu, sem samkvæmt lögum um Ríkisútvarpið (lög 6/2007) felur meðal annars í sér eftirfarandi:

 

5. Að halda í heiðri lýðræðislegar grundvallarreglur og mannréttindi og frelsi til orðs og skoðana. Gæta skal fyllstu óhlutdrægni í frásögn, túlkun og dagskrárgerð.

 

7. Að veita víðtæka, áreiðanlega, almenna og hlutlæga fréttaþjónustu um innlend og erlend málefni líðandi stundar og vera vettvangur fyrir mismunandi skoðanir á málum sem efst eru á baugi hverju sinni eða almenning varða.

 

Að mínu mati hefur RÚV ekki »gætt fyllstu óhlutdrægni« og ekki »veitt hlutlæga fréttaþjónustu« hvað Icesave-málið varðar. Sama skoðun hefur ítrekað komið fram í yfirlýsingum sem "Samstaða þjóðar gegn Icesave" hefur sent frá sér og í því sambandi má benda á eftirfarandi vefslóðir.

 

16.03.2011: Bréf til útvarpsstjóra - EKKERT SVAR !

 

15.03.2011: http://www.kjosum.is/frettir/2-tilkynningar/45-vegna-frettaflutnings-ruv-af-icesave-iii-samningnum

 

07.03.2011: Bréf til Sigmars þáttastjórnanda hjá RÚV - EKKERT SVAR !

Í framhaldi af tilkynningu ráðuneytisins óska ég eftir að fá sendan umræddan þjónustusamning. Vonandi eru grunsemdir mínar ástæðulausar og vonandi verður ekki framvegis tilefni að almenningur í landinu telji sig svikinn af umfjöllun RUV, eins og verið hefur síðustu tvö árin.

Kveðja.

 

Loftur Altice Þorsteinsson.

---<<<>>>---

 

 

Í framhaldi af bréfi mínu birti Menntamálaráðuneytið samninginn við RÚV. Hann er nú hægt að lesa hér:  

Samningur um útvarpsþjónustu í almannaþágu. 

 

Að öðru leiti hefur ekki orðið vart viðbragða frá Menntamálaráðuneyti.

 

---<<<>>>---

  

  

Önnur bréf til Íslendskra valdhafa:

09.12.2011: Bréf til fulltrúa í Utanríkismálanefnd Alþingis - EKKERT SVAR !  

21.10.2011: Bréf til Forsætisnefndar Alþingis - EKKERT SVAR !

28.05.2011: Bréf til menntamálaráðherra - EKKERT SVAR !

14.04.2010: Bréf til útvarpsstjóra - EKKERT SVAR !

07.04.2011: Bréf til Sigmars þáttastjórnanda hjá RÚV - EKKERT SVAR !

  

_____________________________________________________________________
    Skrásett heimilisfang: Laugarásvegur 4, 104 Reykjavík   -   Netföng: [e-mail] / [e-mail]

	OECD með úrelt gögn um Ísland
Ábyrgðarmaður færslu Tenging við þessa frétt hefur verið rofin vegna kvartana.

Bréf til Sigmars þáttastjórnanda hjá RÚV - EKKERT SVAR !

 

 

Samstaða þjóðar    NATIONAL UNITY COALITION                                                               Baráttusamtök fyrir fullveldisrétti almennings og sjálfstæði Íslands.    Stöndum vörð um Stjórnarskrá Lýðveldisins.

  
 

Sigmar Guðmundsson þáttastjórnandi hjá RÚV.

                              
                                                   Reykjavík  07. marz 2011.

 

 

Samstaða þjóðar gegn Icesave

mótmælir umfjöllun RÚV um Icesave-III-samningana

                           

Til Sigmars Guðmundssonar þáttastjórnanda hjá RÚV.       

Vegna viðtals sem þú tókst við Lárus Blöndal í Kastljósi 02. marz 2011 viljum við félagar í Samstöðu þjóðar gegn Icesave koma á framfæri athugasemdum er varða Icesave-málið. Að okkar mati hallar Lárus gróflega réttu máli og viljum við rökstyðja það álit með nokkrum orðum. Jafnframt bendum við á skyldur RÚV að »gæta fyllstu óhlutdrægni« og »veita hlutlæga fréttaþjónustu«.

Samstaða þjóðar gegn Icesave stóð fyrir undirskriftasöfnuninni á kjósum.is, þar sem yfir 40.000 manns gengu til liðs við okkur. Markmið Samstöðu þjóðar gegn Icesave er að Icesave-kröfum Bretlands og Hollands verði hafnað. 

   

  

 

  1.  Lárus Blöndal hefur haldið því fram að lögsaga Íslands væri varin með Icesave-samningum-III. Ekkert gæti verið fjær sanni, því að í flestum samningunum 10 sem þjóðinni hafa verið færðir undir heitinu Icesave-III eru ákvæði sem afsala lögsögu landsins fullkomlega. Dæmigert ákvæði af þessu tagi er eftirfarandi:

  

Lögsaga og réttarframkvæmd. Þessi samningur og öll atriði, kröfur eða deilur sem rísa kunna vegna hans eða í tengslum við hann, hvort sem um er að ræða samningsbundin atriði eða ósamningsbundin, skulu lúta lögum Bretlands og vera túlkuð samkvæmt lögum Bretlands.

  

  2.  Lárus Blöndal gefur í skyn að gjaldeyrishöftum verði viðhaldið um langa hríð, vegna þess að annars fari hagkerfið úr skorðum. Af þessu leiði að gjaldeyrisáhætta sé lítil á Icesave-samningunum. Á það má benda að gjaldeyrishöft eru brot á EES-samningnum og því geta Bretland og Holland kollvarpað  þeim  með litlum fyrirvara. Staðreynin er sú að eina brotið sem Ísland hefur framið gegn EES-samningnum er gjaldeyrishöftin. Stór áhætta liggur í að þessi höft við  frjálst fjármagnsflæði verði afnumin og það getur hæglega skeð ef Icesave-lögin verða samþykkt á þjóðaratkvæðinu 09. apríl.

    

  3.  Ef Icesave-lögin verða samþykkt, munu tugir milljarða verða greiddir strax og er sú greiðsla skilgreind sem áfallnir vextir. Ekki mun króna af þessum milljörðum verða endurgreidd úr þrotabúi Landsbankans. Raunar munu engir vextir verða endurgreiddir, né innifaldir í endurheimtum úr þrotabúi Landsbankans, verði Icesave-lögin samþykkt.

  

  4. Lárus og aðrir starfsmenn ríkisins tala um góðar heimtur úr þrotabúi Landsbankans, en samt vildi Bretland og Holland ekki taka þá áhættu að bíða eftir uppgjöri þrotabúsins. Ef það er svo að þrotabúið mun eiga fyrir forgangskröfum, væri þá ekki ráð að bíða með Icesave-samningana þangað til það er komið í ljós ?  Ef lögsögu Íslands verður afsalað með Icesave-lögunum, er verulegar líkur að forgangskröfum samkvæmt Neyðarlögunum verði hafnað og þá skipta heimtur úr þrotabúinu engu máli, þar verður lítið til skiptanna.

    

  5. Ef Icesave-lögin verða samþykkt í þjóðaratkvæðinu 09. apríl 2011, má óttast að Neyðarlögin verði afnumin af hinum Hollendska dómstóli sem mun dæma eftir lögum Bretlands en ekki Íslands. Forgangsröð kröfuhafa við gjaldþrot er mjög mismunandi eftir löndum. Afsal lögsögunnar með samþykkt Icesave-samninganna  yrðu stórkostleg mistök, sem ekki munu einungis afsala lögsögu Íslands yfir Neyðarlögunum, heldur einnig Gjaldþrotalögunum ásamt Innistæðu-tryggingalögunum.

  

  6. Talsmenn ríkisstjórnarinnar hafa með loðnu orðalagi talað um ákveðnar líkur fyrir hinu og þessu varðandi Icesave-samningana. Hins vegar er hægt að sýna framá að líkur fyrir ákæru ESA fyrir EFTA-dómstólnum eru hverfandi. Þótt komi til ákæru eru óverulegar líkur fyrir sakfellingu EFTA-dómstólsins. Þá er eftir að fara með málið fyrir héraðsdóm og Hæstarétt. Að Hæstaréttur dæmi almenning á Íslandi til sektargreiðslu vegna gjaldþrots einkabanka er nánast fjarstæðukennt. Þegar allur þessi ferill er skoðaður saman, er hægt að færa stærðfræðileg rök fyrir því að útilokað er að sektardómur bíði Íslendinga, þótt Icesave-lögunum verði hafnað.

   

  7. Stór hluti af eignum þrotabús Landsbankans er 310 milljarða króna skuldabréf sem NLB er greiðandi að. Tilurð þessa skuldabréfs er mörgum undrunarefni og aðkoma ríkissjóðs að útgáfu þess hefur ekki verið upplýst. Skuldabréfið mun upphaflega hafa verið að nafnverði 280 milljarðar, en með vöxtum og gengistryggingu er það komið í 310 milljarða. Þetta skuldabréf er tryggt með skuldabréfum Íslendskra félaga og það getur því ekki talist mjög traust. Ef  skuldabréfið er með beinni eða óbeinni bakábyrgð ríkisins, er það ekki bara ótraustur pappír heldur tifandi tímasprengja fyrir ríkissjóð.

  

  8. Ítrekað hefur verið tilkynnt um seinkun á útgreiðslum úr þrotabúi Landsbankans og núna til 01. ágúst 2011. Mjög líklegt er að frekari seinkanir verði og uppgjör bankans gæti tekið mörg ár í viðbót. Samkvæmt Icesave-lögunum verða allan þann tíma reiknaðir vextir sem nema tugum ef ekki hundruðum milljóna. Þessir vextir verða einungis greiddir ef Icesave-lögin verða samþykkt. Hins vegar ef Icesave-lögin verða felld og hið ómögulega skeður að Hæstiréttur dæmi almenning til að greiða kröfur Bretlands og Hollands, þá verða vextir ekki greiddir langt aftur í tímann og líklega engir vextir.

  

  9. Fram kom hjá Lárusi að Landsbankinn hefur ekki hafnað kröfum vegna heildsöluinnlána. Þetta gerðu hins vegar þrotabú Glitnis og Kaupþings. Nú er rekið kröfumál fyrir Héraðsdómi Reykjavíkur, þar sem reynt er að hnekkja Neyðarlögunum og fá heildsöluinnlánin viðurkennd sem forgangskröfur. Þetta mun örugglega ekki takast á meðan lögsaga Íslands gildir. Hins vegar um leið og lögsögunni er afsalað með samþykkt Icesave-laganna, munu Neyðarlögin ekki halda. Raunar munu kröfuhafarnir strax drífa sig til Haag og reka mál sitt undir lögsögu Bretlands.

  

10. Rangfærslur eru hafðar uppi um áminningarbréf ESA frá 26. maí 2010. Þær áminningar voru að lang mestu leyti dregnar til baka í úrskurði ESA frá 15. desember 2010. Þar voru Neyðarlögin til meðferðar og úrskurðað um tvö atriði: a) Forgangur innistæðueigenda og b) Framkvæmd FME á yfirfærslum úr gömlu bönkunum yfir í þá nýgju. ESA úrskurðaði að engin samningar, lög eða tilskipanir hefðu verið brotin. Enginn ágreiningur er því um að neyðarlögin munu halda, en samt er hótunum haldið áfram um mismunun innistæðu-eigenda, innan lands og utan. Allt er þetta mál í uppnámi ef lögsögunni verður afsalað með Icesave-lögunum.

    

11. Neyðarlögin fjölluðu um tvö atriði, a) Stofnun nýrra banka og b) Forgang krafna frá innistæðu-eigendum í þrotabú banka . Af hótunum ESA stendur bara eftir hugsanleg mismunum innlendra og erlendra innistæðu-eigenda. Gegn þessum hótunum er hægt að tefla sterkum rökum og má nefna eftirfarandi:

  

• Neyðarlögin fjölluðu ekki um mismunun innistæðu-eigenda og því er langsótt að halda því fram að þau hafi mismunað. Neyðarlögin sem slík bera ekki ábyrgð á hugsanlegri mismunun. Framkvæmd laganna gæti hafa valdið mismunun, sem væri þá fólgin í að innistæðu-eigendur erlendis hafi ekki fengið greiddar sínar innistæður.

  

• Allir innistæðu-eigendur erlendis hafa fengið greitt og þeir eiga engar kröfur lengur á TIF. Greiðslurnar voru gerðar að frumkvæði stjórnvalda í Bretlandi og Hollandi. Ríkisstjórnir þessara ríkja hrifsuðu til sín lögsögu Íslands og sköpuðu sér með því skýra skaðabótaábyrgð. Ekki er því hægt að ákæra Ísland fyrir brot á tilskipun Evrópusambandsins um lágmarkstryggingu. Hugsanlega eru einhverjar lögvarðar kröfur á hendur TIF, en alls ekki á hendur almenningi á Íslandi.

 

·       Ólögleg inngrip ríkisstjórna Bretlands og Hollands í atburðarásina urðu þess valdandi að Íslendsk stjórnvöld áttu ekki möguleika að beita erlendis sömu úrræðum og beitt var hér heima. Ríkisstjórnir Bretlands og Hollands áttu kost á að fylgja lagalegu fordæmi Íslands, en kusu á eigin ábyrgð að fara aðra og ólöglega leið. Hafi mismunun átt sér stað var hún á ábyrgð Bretlands og Hollands.

  

·       Landsbankinn var með fullar innistæðu-tryggingar í Bretlandi og Hollandi, auk lágmarkstryggingar ESB hér heima. Ábyrgð tryggingasjóðanna FSCS og DNB er því sameiginleg með TIF. Trygginga-iðgjöld eru greidd af fjármálfyrirtækjum ríkjanna þriggja. Ef einhver kostnaður vegna Icesave er óuppgerður, þá er það mál bankanna í þessum löndum. Ekki reyndist nauðsynlegt að hækka iðgjöld bankanna til FSCS og DNB vegna Icesave, þannig að ólíklegt er að bankar í Bretlandi og Hollandi muni stefna þrotabúum föllnu bankanna á Íslandi.

  

12. Lárus hefur haldið því fram að kostnaði af Icesave-málinu hafi verið skipt á milli aðila. Þetta er rangt, því að fyrir liggur, að með Icesave-samningunum fá Bretar og Hollendingar allan sinn kostnað greiddan og taka enga áhættu af gengis-falli krónunnar, slökum innheimtum úr þrotabúi Landsbankans, seinum greiðslum úr þrotabúinu, minnkandi þjóðartekjum Íslands og öðrum óvisuþáttum. Jafnframt er vitað að nýlenduveldin voru tilbúin að semja um núll vexti og það var bara kjánaskapur Íslendsku samninganefndarinnar sem kom í veg fyrir að sú staðreynd kæmi upp á yfirborðið.

  

13. Á það má benda að Landsbankinn var með fullar innistæðu-tryggingar í Bretlandi og Hollandi. Þar voru því fyrir hendi tryggingar sem voru hærri en lágmarkstrygging ESB. Minna má á að tilskipanir ESB tala um innistæðu-trygginga-kerfi í fleirtölu og ekkert bannar bönkum að vera með margfaldar tryggingar. Þess skal getið, að Landsbankinn fekk starfsleyfi í Bretlandi í desember 2001 og hann fekk viðbótartryggingu hjá FSCS fyrir Icesave í júlí 2006 (FSA No. 207250). Aðild Landsbankans að tryggingasjóðnum FSCS var til dæmis staðfest með yfirlýsingu FSA frá 08. marz 2010:

  

Landsbanki Íslands var með rekstrarheimild í Bretlandi frá desember 2001, sem FSA (Fjármáleftirlit Bretlands) veitti. Bankinn hafði starfsstöð í London og sem rekstraraðila í Bretlandi bar honum skylda að taka aukatryggingu hjá FSCS (Tryggingasjóður Bretlands) í samræmi við kröfur sjóðsins. Þess vegna gátu viðskiptavinir bankans í Bretlandi verið vissir um hvaða innistæðu-tryggingar þeir nutu. Við getum staðfest að FSCS greiðir innistæðu-eigendum fullar bætur, óháð þeim iðgjöldum sem greidd hafa verið vegna þeirra.

  

14 .Þeir sem vilja hafna dómstólaleiðinni ættu að íhuga að dómstólaleiðin er löngu hafin. Haustið 2008 (13. október) dæmdi til dæmis Héraðsdómur Amsterdam (Rechtbank Amsterdam, einn af 19 héraðsréttum Hollands) eftir Hollendskum lögum að kyrrsetning eigna Landsbankans væri heimil. Kyrrsetningin gilti í 18 mánuði, en þegar gerð var frekari krafa um kyrrsetningu úrskurðaði dómstóllinn (08. marz 2010) að hann hefði ekki lögsögu í málinu og hafnaði beiðninni. Einnig má nefna ákærur fyrir Héraðsdómi Reykjavíkur þar sem reynt er að hnekkja Neyðarlögunum og fá heildsöluinnlán viðurkennd sem forgangskröfur. Úrskurður ESA frá 15. desember 2010 er einnig hluti af dómstólaleiðinni. Lögsaga Íslands gildir, svo framarlega sem henni verður ekki afsalað með Icesave-lögunum.

  

15 .Sóma síns vegna verða Íslendingar að krefjast dómsúrskurðar, vegna þeirrar efnahagsstyjaldar sem Bretland og Holland hafa háð gegn okkur. Eftir beitingu hryðjuverkalaganna gegn Íslendskum hagsmunum og misbeitinu aðstöðu sinnar hjá AGS og fjármálstofnunum í Evrópu, getur þjóðin ekki gengið til eðlilegra samninga við kúgara sína. Íslendingar verða að fá rétt sinn staðfestan af dómstólum, þótt einhver lítilvæg áhætta sé með því tekin. Þjóðarheiður liggur við að beygja sig ekki fyrir ólöglegu ofbeldi.Alþjóðasamfélagið krefst þess að lög og réttur gildi í samskiptum þjóða og kúganir eins og nýlenduveldin hafa beitt gegn Íslandi verði fordæmdar.

  

16.Lárus Blöndal virðist ekki skilja muninn á greiðslum til Breta og Hollendinga, sem munu hverfa út úr hagkerfinu og greiðast með gjaldeyri og sem byggja á forsendulausum kröfum og hins vegar fjárfestingum ríkisins í innlendum fjármálafyrirtækjum eins og Sjóvá og Sparisjóði Keflavíkur. Innlendu fjárfestingarnar eru í versta falli tilfærsla á milli dálka í bókhaldi ríkisins, en í bezta falli arðsöm fjárfesting. Er ekki ábyrgðarhluti að maður sem ekki skilur þetta skuli vera ráðinn til að veita almenningi upplýsingar um Icesave, stærstu ákvörðun sem tekin hefur verið í Íslandssögunni ?

  

17.Draga verður í efa trúverðugleika stjórnvalda og þá fulltrúa þeirra Lárusar Blöndal. Ekki er eins og Icesave-III sé fyrsta tilraun þessa fólks til að láta almenning á Íslandi greiða forsendulausar kröfur Bretlands og Hollands. Landsmenn hafa horft uppá ríkisstjórnina reyna að fá samþykki fyrir Icesave-I og Icesave-II, með þvingunum, blekkingum og hreinum lygum. Hvers vegna ættu landsmenn að trúa einu orði þessa fólks, sem kosið var á Alþingi áður en Icesave-deilan kom til umræðu og sem skoðanakannanir sýna að nýtur mjög takmarkaðs trausts hjá almenningi ? Ekki er sæmandi að bjóða uppá annað en hlutlausan kynningaraðila. Icesave-málið er í fullkomnum ógöngum og kynning málsins fram að þessu lyktar ekki af neinu öðru en myrkraverkum.

  

18. Við kynningu Icesave-málsins er beitt aumkunarverðum áróðursbrellum eins ogþeirri fullyrðingu að Landsvirkjun njóti ekki lánstrausts erlendis vegna Icesave-deilunnar. Landsvirkjun malar gull, því að árlegur hagnaður þessa fyrirtækis verður minnst 20 milljarðar í fyrirsjánlega framtíð. Ef slíkt fyrirtæki nýtur ekki lánstrausts í heimi hækkandi orkuverðs, þá merkir það að aðrar þjóðir hafa tekið upp þann hátt Íslendskra stjórnvalda að draga allt fjármagn inn í seðlabanka landanna. Það merkir auðvitað fullkomna stöðnum efnahagslífs heimsins, eins og ríkisstjórn Íslands hefur tekist að gera hér á landi. Gjarnan er hótað að Evrópski fjárfestingabankinn, sem er pólitísk stofnun, vilji ekki lána Landsvirkjun. Samt fekk Landsvirkjun lánaða 10 milljarða Króna (70 milljónir Evra) hjá bankanum 21. september 2010. Þessar hótanir eru orðnar hlægilegar.

  

19. Lárus Blöndaler að reyna að koma því inn hjá landsmönnum að hann sé aðal samningamaður Íslands. Hvers vegna stóð hann þá ekki fast á lögsögu landsins og varði þannig sjálfstæði þess ? Beitt er blekkingum um áhrif þess að færa Icesave-dómstólinn frá London til Haag. Hvers vegna var ekki vikið eina orði að beitingu Breta á hryðjuverkalögunum gegn Íslendingum ? Hvers vegna var bara hlutstað á hótanir nýlenduveldanna, en beiting hryðjuverka laganna ekki kærð hið snarasta til ESA (Eftirlitsstofnunar EFTA) ? Við eigum miklu hærri kröfur á hendur Bretum en nokkru sinni hafa verið nefndar í Icesave-málinu. Trúverðugleiki Lárusar Blöndal er enginn.

 

  

Virðingarfyllst.

  

  

Samstaða þjóðar gegn Icesave.

  

  

Loftur Altice Þorsteinsson....... [e-mail]

 

Helga Þórðardóttir....... [e-mail]

 

Jón Valur Jensson....... [e-mail]

 

Gústaf Adolf Skúlason....... [e-mail]

 

Borghildur Maack....... [e-mail]

 

Baldur Ágústsson....... [e-mail]

 

Sigurbjörn Svavarsson....... [e-mail]

 

 

  

---<<<>>>---

  

     

Önnur bréf til Íslendskra valdhafa:

09.12.2011: Bréf til fulltrúa í Utanríkismálanefnd Alþingis - EKKERT SVAR !  

21.10.2011: Bréf til Forsætisnefndar Alþingis - EKKERT SVAR !

28.05.2011: Bréf til menntamálaráðherra - EKKERT SVAR !

14.04.2010: Bréf til útvarpsstjóra - EKKERT SVAR !

07.04.2011: Bréf til Sigmars þáttastjórnanda hjá RÚV - EKKERT SVAR !

_____________________________________________________________________
    Skrásett heimilisfang: Laugarásvegur 4, 104 Reykjavík   -   Netföng: [e-mail] / [e-mail]

	„Íslenska byltingin“ í Venesúela
Ábyrgðarmaður færslu Tenging við þessa frétt hefur verið rofin vegna kvartana.

Bréf til útvarpsstjóra - EKKERT SVAR !

  

 

Samstaða þjóðar    NATIONAL UNITY COALITION                                                               Baráttusamtök fyrir fullveldisrétti almennings og sjálfstæði Íslands.    Stöndum vörð um Stjórnarskrá Lýðveldisins.

  
 

Útvarpsstjóri, stjórn Ríkisútvarpsins (RÚV),
stjórnendur: fréttastofu RÚV, Silfur Egils og Kastljóss.

                              
                                                   Reykjavík  14. marz 2011.

 

 

Samstaða þjóðar gegn Icesave

mótmælir umfjöllun RÚV um Icesave-III-samningana

                           

Samstaða þjóðar gegn Icesave eru samtök einstaklinga, sem eru andvígir Icesave-kröfum Bretlands og Hollands. Fyrsta verkefni Samstöðu var að standa fyrir undirskriftasöfnun á www.kjósum.is. Núverandi verkefni er að upplýsa almenning um staðreyndir Icesave-málsins og afhjúpa þær rangfærslur sem ríkisstjórnin og erindrekar hennar stunda.

Samstaða þjóðar gegn Icesave vill ítreka fyrri mótmæli gegn hlutdrægum fréttaflutningi RUV um Icesave-málið. Að því er best verður séð hafa þær ábendingar ekki borið neinn árangur. Fréttir RUV og viðtalsþættir halda áfram að færa landsmönnum falsanir um Icesave-málið og sneiða hjá mikilvægum staðreyndum.

 

Í fréttatíma RUV 13. marz 2011 kl.19:00 var í mörgum atriðum farið með rangt mál, varðandi Icesave. Fréttaþátturinn nefndist »Icesave: Hvað felst í dómstólaleiðinni?« og umsjónarmaður þáttarins var Heiðar Örn Sigurfinnsson.

Samstaða þjóðar gegn Icesave vill sérstaklega nefna eftirfarandi atriði:

 

  

1.     Heiðar fullyrðir að flestir telji, að ef landsmenn hafna Icesave-III í þjóðaratkvæðinu 09. apríl 2011 verði ekki lengra komist til lausnar Icesave-deilunnar með samningum. Við höfnum því algerlega að flestir hafi þessa skoðun. Einnig höfnum við því algerlega að ekki sé hægt að ná öðrum samningum við  þessi fyrrverandi nýlenduveldi, ef Icesave-III verður hafnað í þjóðaratkvæðinu.

  

2.     Hræðsluáróður ríkisstjórnarinnar hefur fylgt Icesave-málinu frá upphafi. Allir ættu því að þekkja hótunina um að ekki verði lengra komist eftir Samningaleiðinni. Sömu hótanir fylgdu Icesave-I og Icesave-II og þær birtast núna með Icesave-III, eins og Icesave-draugurinn sjálfur. Hægt er að fullyrða að svo lengi sem þessar þjóðir hafa engan lagalegan grundvöll til að byggja á kröfur sínar, munu þau vera tilbúin að gera samninga.

  

3.     Vitað er að ríkin tvö eru tilbúin að falla frá öllum vaxtakröfum af forsendulausum Icesave-kröfunum. Einnig eru dómstólar í Bretlandi og Hollandi búnir í verki að viðurkenna lögsögu Íslands yfir Icesave-málinu öllu. Engin ástæða er því að gera samninga um greiðslu vaxta eða að afsala lögsögu Íslands. Hins vegar ef ríkisstjórnin getur ekki hugsað sér að standa á rétti Íslands, þá kemst hún auðvitað ekki lengra eftir Samningaleiðinni.

   

4.     Fréttaþáttur Heiðars var skreyttur með gömlu og úreltu viðtali við Per Sanderud, sem titlaður er forseti ESA (Eftirlitsstofnun EFTA) svo undarlega sem sá titill hljómar. Þarna býður Sanderud upp á gamla hótun sem kom fram í hótunarbréfi ESA frá 26. maí 2010.  Með úrskurði ESA frá 15. desember 2010 var megnið af hótuninni dregið fullkomlega til baka. ESA úrskurðaði að engir samningar, lög eða tilskipanir hefðu verið brotnar. Hvernig væri að ræða við Sanderud um úrskurð ESA frá 15. desember 2010 ?

  

5.     Í fréttaþættinum var mikið veður gert úr því, að ef Icesave-III yrði hafnað í þjóðaratkvæðinu, myndi líða langur tími þar til Icesave-kröfur Breta og Hollendinga hyrfu af yfirborði Jarðar. Ef horft er til sögu Icesave-málsins, hlýtur öllum að verða augljóst að tíminn hefur unnið með Íslendingum. Því lengur sem Icesave-kröfunum er hampað, þeim mun fleirri sjá hversu fáránlegar þær eru. Engin rök hafa komið fram sem benda til annars en að staða Íslands muni halda áfram að batna ef Icesave-III verður hafnað. Mikilvægt er að NEI-ið hljómi hátt og skýrt að afloknu þjóðaratkvæðinu.

  

6.     Samstaða þjóðar gegn Icesave bendir á að Dómstólaleiðin var hafin áður en hótunarbréf ESA kom til sögunnar 26. maí 2010. Þessu til staðfestingar má nefna dóma sem héraðsdómur í Hollandi felldi. Þann 13.10.2008 dæmdi Rechtbank Amsterdam að kyrrsetning eigna Landsbankans væri heimil í 18 mánuði. Þann 08.03.2010 úrskurðaði dómstóllinn hins vegar að hann hefði ekki lögsögu í málinu og hafnaði beiðni um að framlengja kyrrsetninguna. Lögsaga Íslands gildir í Icesave-málinu, ef henni verður ekki afsalað með Icesave-III-lögunum.

  

7.     Jóhannes Karl Sveinsson er einn þeirra erindreka ríkisstjórnarinnar sem taka þátt í að hræða almenning. Hann heldur því fram að vegna þess að kröfur Bretlands og Hollands séu háar, þá beri að taka þeim samningum sem bjóðast. Hins vegar líta allir skynsamir menn til þess hvort kröfurnar styðjist við lög. Það gera Icesave-kröfurnar auðvitað ekki og það hefur jafnvel ríkisstjórnin fest á prenti. Icesave-kröfurnar er forsendulaus kúgun, sem Íslendingar mega ekki láta undan. Ekki er bara um að tefla heiður Íslendinga heldur ekki síður er neitun mikilvæg fyrir almenning um allan heim.

  

8.     Valdhafar um allan heim eru að velta kostnaði af fjármálasukki yfir á herðar almennings. Þeim lygum er haldið að almenningi að bankar megi ekki verða gjaldþrota, þótt gjaldþrot banka sé nánast daglegur viðburður. Hér heima þurfa menn að hlusta á þær lygar að allar innistæður í bönkum landsins njóti verndar ríkissjóðs. Samstaða þjóðar gegn Icesave krefst þess að RUV fari að sinna því verkefni sínu að veita »hlutlæga fréttaþjónustu« og gæta »fyllstu óhlutdrægni«.

     

 

  

Virðingarfyllst.

  

  

Samstaða þjóðar gegn Icesave.

  

  

Loftur Altice Þorsteinsson....... [e-mail]

 

Helga Þórðardóttir....... [e-mail]

 

Jón Valur Jensson....... [e-mail]

 

Gústaf Adolf Skúlason....... [e-mail]

 

Borghildur Maack....... [e-mail]

 

Baldur Ágústsson....... [e-mail]

 

Sigurbjörn Svavarsson....... [e-mail]

 

Pétur Valdimarsson....... [e-mail]

 

Axel Þór Kolbeinsson....... [e-mail]

 

Rakel Sigurgeirsdóttir....... [e-mail]

 

Guðmundur Ásgeirsson....... [e-mail]

 

Jón Lárusson....... [e-mail]

 

  

  

---<<<>>>---

  

     

Önnur bréf til Íslendskra valdhafa:

09.12.2011: Bréf til fulltrúa í Utanríkismálanefnd Alþingis - EKKERT SVAR !  

21.10.2011: Bréf til Forsætisnefndar Alþingis - EKKERT SVAR !

28.05.2011: Bréf til menntamálaráðherra - EKKERT SVAR !

14.04.2010: Bréf til útvarpsstjóra - EKKERT SVAR !

07.04.2011: Bréf til Sigmars þáttastjórnanda hjá RÚV - EKKERT SVAR !

_____________________________________________________________________
    Skrásett heimilisfang: Laugarásvegur 4, 104 Reykjavík   -   Netföng: [e-mail] / [e-mail]

Það koma vonandi Jól - hjá Íslendskri þjóð !

 

 

Samstaða þjóðar    NATIONAL UNITY COALITION                                                               Baráttusamtök fyrir fullveldisrétti almennings og sjálfstæði Íslands.    Stöndum vörð um Stjórnarskrá Lýðveldisins.

 

Það koma vonandi Jól - hjá Íslendskri þjóð !

  

Samstaða þjóðar

  

óskar þér gleðilegra jóla !

.

.

Baggalútur - frábærir að venju !

 

	Klöguð fyrir að bera brjóstin
Ábyrgðarmaður færslu Tenging við þessa frétt hefur verið rofin vegna kvartana.

Frá Evrópuþinginu: þingmenn telja andstæðinga ESB vera Stalínista !

 

 

Samstaða þjóðar    NATIONAL UNITY COALITION                                                               Baráttusamtök fyrir fullveldisrétti almennings og sjálfstæði Íslands.    Stöndum vörð um Stjórnarskrá Lýðveldisins.

 

Frá Utanríkismálanefnd Evrópuþingsins

20. desember 2011

Umræða um Ísland  
 

.

William Dartmouth, UK Independence Party

svarar

Robert Atkins, Conservative Party.

 

Atkins telur Jón Bjarnason vera Stalínista,

því að Jón vill ekki að Ísland gangi í Evrópusambandið.

 

Það hljóta að vera tíðindi, að flestir Íslendingar er taldir vera Stalínistar, af fólki á þingi Evrópusambandsins. Þingmaðurinn Robert Atkins hélt blygðunarlaust fram að Jón Bjarnason væri Stalínisti, þar sem Jón vill ekki ganga í ESB. Atkins sagði meðal annars: 

Við hittum til dæmis sjávarútvegsráðherrann sem kom mér fyrir sjónir sem þvermóðskufyllsta afturhald frá fimmta áratugnum, nokkurn veginn frá Stalínstímanum, sem ég hef nokkurn tímann rekist á í lýðræðisríki.

Alkins lét þessi orð falla í umræðu um skýrslu sem færð hafði verið Utanríkismálanefnd þingsins, eftir heimsókn ESB-þingmanna til Íslands í september á þessu ári. Tilgangur ferðarinnar var að meta hversu mikið fjármagn þurfi að taka úr áróðurssjóði ESB, til að snúa vilja Íslendinga.

Vitað er að Evrópusambandið hefur tekið frá jafnvirði kr.125 milljarða til að tryggja undirgefni Íslendinga. Af þessari upphæð hafa kr.5 milljarðar verið lagðir í áróðurssjóð – merktum Íslandi. Þar að auki liggur fyrir fjárveiting sem nemur kr.120 milljörðum í áróðurssjóð - til ótilgreindra verkefna. Sendinefndin sem kom til Íslands í september, var að meta ástand máli með tilliti til fjárþarfar við verkefnið: “Undirokun Íslands”.

Sem betur fer eiga Íslendingar einnig vini á þingi Evrópusambandsins. Einn þeirra er William Dartmouth, þingmaður Sjálfstæðisflokks Bretlands. Dartmouth gerði alvarlegar athugasemdir við málflutning Atkins og meðal annars telur hann Atkins vera fáfróðan um Ísland, sögu lýðræðis og sjálfbærar fiskveiðar Íslendinga.

Myndbandið segir sína sögu !

 

---<<<>>>---

 

Þeir sem hafa tíma ættu að horfa á alla umræðu Utanríkismálanefndarinnar um innlimun Íslands. Öll umræðan tekur 27 mínútur.

 

 

 

„Liggur á að komast út úr þessu endemis rugli“

Schengen bullið á Keflavíkurflugvelli

 

 

Samstaða þjóðar    NATIONAL UNITY COALITION                                                               Baráttusamtök fyrir fullveldisrétti almennings og sjálfstæði Íslands.    Stöndum vörð um Stjórnarskrá Lýðveldisins.

 

Schengen bullið á Keflavíkurflugvelli

Fyrst birt í Morgunblaðinu 16. desember 2011.
  
Gísli Vilhjálmsson
 

 

Í nokkur ár höfum við tekið þátt í samevrópskri gæslu landamæra Evrópu - svokallaðri Schengen landamæragæslu. Schengenreglur krefjast þess að allir sem koma inn á svæðið skuli fara í gegnum vopnaleit. Eins og margt annað sem Evrópubandalagið setur reglur um, þá er vopnaleit frá öðru landi ekki viðurkennd. Þetta þýðir að farþegar frá Norður-Ameríku, þar á meðal Íslendingar, geta ekki nýtt sér ganga flugstöðvarinnar í skjóli fyrir veðri og vindum til að komast í móttökufríhöfn og í gegnum tollgæslu við heimkomu, nema með vopnaleit, því að flugstöðin telst vera hluti af Schengen-svæði.

 

Flugstöðin var nefnilega aldrei hönnuð fyrir Schengen-bullið eins og ég vil kalla það. Að krefjast á ný vopnaleitar frá löndum eins og Bandaríkjunum reynist okkur afar kostnaðarsöm, tímafrek og óvinsæl aðgerð af farþegum. Um leið og farþegar stíga á land í Keflavík hefst önnur vopnaleit. Vopnaleit Bandaríkjamanna er líklega nákvæmari en á flestum byggðum bólum í dag. Með þessu er farþegum misboðið með annarri vopnaleit til að komast inn í landið.

 

Farþegar frá Norður-Ameríku fá hraklegar móttökur

Lausn yfirvalda á Keflavíkurflugvelli til að leysa vopnaleitar-bullið við Schengenaðildina, þ.e. nýja vopnaleit, er að hrekja þá sem til landsins koma frá Norður-Ameríku út úr flugstöðinni í rútur sem aka 500 metra með farþega frá landgangi inn í komufríhöfn. Auðvitað ættu allir farþegar að geta gengið óáreittir í þægindum um ganga flugstöðvarinnar sem skattborgarar þessa lands hafa reist með ærnum kostnaði, en farþegum frá Norður-Ameríku er ekki boðið upp á slíkt. Þeir eru sendir í sérstaka biðröð til að fá vegabréfaskoðun, þar sem flugvélar leggja að, og síðan eru þeir hraktir út úr flugstöðinni með handfarangur út í rútur eins og áður sagði.

 

Schengen-aðildin hefur líklega skilað okkur fleiri glæpamönnum sem ganga óáreittir inn og út úr landinu og fylla fangelsin. Afsökunin sem notuð var til að koma þessu kerfi á í ráðherratíð Halldórs Ásgrímssonar var vegabréfalaus samskipti milli Norðulandanna. Þetta er þó alls ekki svo, því að með rafrænum flugmiðum þá eru allir neyddir til að hafa með sér vegabréf sem persónuskilríki. Hverjum ætti svo sem að detta í hug að fara vegabréfslaus til útlanda?

 

Sumar ESB-þjóðir láta ekki bjóða sér Schengen-bullið

Frakkar voru fljótir til að afnema Schengen-kerfið þegar það hentaði þeim, til að verja sig ágangi Túnis-búa. Hvernig væri nú að við notuðum tækifærið og gerðum slíkt hið sama? Það er engin skömm að viðurkenna að þessi samevrópska landamæragæsla hentar okkur ekki. Góð toll- og landamæragæsla á Seyðisfirði sannaði ágæti sitt við að upplýsa innbrot í skartgripaverslun Michaelsen fyrir nokkrum vikum síðan. Er ekki kominn tími til að taka upp vegabréfaskoðun eins og var við lýði á árum áður? Staðreyndin er sú að landamæraverðir eru oft ansi naskir að finna út hver er kominn hér til lands í eðlilegum erindagjörðum ef þeim er gert mögulegt að eiga samskipti við þá sem eru að koma til landsins. Auk þess er farbann algjör markleysa í dag, því að vegabréf eru ekki skoðuð með tilliti til afbrotaferils í brottfararsal, aðeins er skoðað hvort brottfararseðill samsvari vegabréfi, eða persónuskilríki.

  

Yfirvöld hérlendis ættu að sjá sóma sinn í að afnema þetta Schengen-samkomulag og verja landamæri okkar fyrir óþjóðalýð. Bretar taka ekki þátt í Schengen og eru þeir þó í Evrópubandalaginu. Þá ættu íbúar þessa lands að geta notað flugstöðina eins og upphaflega var ætlast til í stað þess að vera vísað út á guð og gaddinn í nafni einhvers vegabréfaleysis sem er í raun bábilja.

  

Er ekki lengur til neitt í þessu landi sem heitir stolt?

 

 

Farþegar frá Norður-Ameríku - þar á meðal Íslendingar - eru sendir

í sérstaka biðröð til að fá vegabréfaskoðun og síðan eru þeir hraktir

út úr flugstöðinni með handfarangur út í rútur. 

 

 

	Atkvæði greidd eftir kosningar
Ábyrgðarmaður færslu Tenging við þessa frétt hefur verið rofin vegna kvartana.