Yfirlýsing Samstöðu þjóðar um varnir í Icesave málinu

  

 

Samstaða þjóðar    NATIONAL UNITY COALITION                                                               Baráttusamtök fyrir fullveldisrétti almennings og sjálfstæði Íslands.    Stöndum vörð um Stjórnarskrá Lýðveldisins.

  

• Mótmælt er aðkomu utanríkisráðherra að Icesave-málinu.
• Hafnað er allri leiðsögn ríkisstjórnarinnar í Icesave deilunni. 
• Þjóðholl samtök skulu hafa forustu um varnir Íslands. 
• Hvatt er til sóknar gegn Bretlandi og Hollandi. 
• Hvatt er til uppsagnar á samningnum um EES. 
• Krafist er skipunar Icesave-varnarnefndar.

Með stefnu dagsettri 14. desember 2011, hefur Eftirlitsstofnun EFTA (ESA) ákært Ísland fyrir EFTA-dómstólnum, vegna meintra brota á samningnum um Evrópska efnahagssvæðið (EES). Um er að ræða aðför í framhaldi af Icesave-kúgun nýlenduveldanna Bretlands og Hollands. Vitað er að ESA starfar sem handrukkari fyrir Framkvæmdastjórn Evrópusambandsins og koma aðgerðir ESA í kjölfar tilrauna nýlenduveldanna að gera Ísland að þrælanýlendu. 

Ríkisstjórn Íslands hefur enn og aftur valið að lúta í gras fyrir Evrópu-sambandinu (ESB) og aðstoða það við að koma Icesave-klafanum á þjóðina. Þar sem samningaleiðinni var hrundið með andstöðu almennings, ætla nú kjölturakkar ESB að fara dómstólaleiðina að sama marki. Ætlunin er að Icesave-lögin sem í tvígang voru felld í þjóðaratkvæði skuli birtast þjóðinni aftur, en núna í formi dómsúrskurðar.

  

1.   Samstaða þjóðar mótmælir harðlega, að utanríkisráðherra stjórni vörnum Íslands fyrir EFTA-dómstólnum, gegn Icesave-kröfum Bretlands og Hollands, sem bornar eru fram af ESA (Eftirlitsstofnun EFTA). Samstaða þjóðar krefst þess að Alþingi skipi varnarnefnd til að stjórna vörnum Íslands og nefndin verði eingöngu skipuð steinhörðum andstæðingum Icesave-kúgunarinnar. Mikilvægt er að nefndarmenn komi bæði úr hópi Alþingismanna og frá baráttusamtökum gegn Icesave-kröfunum, eins og Samstöðu þjóðar.

    

2.   Samstaða þjóðar lýsir fullu vantrausti á Össuri Skarphéðinssyni til að gæta hagsmuna Íslands. Með margsannaðri undirgefni sinni gagnvart Evrópu-sambandinu og stuðningi við Icesave-kröfur Bretlands og Hollands, hefur hann fyrirgert öllu trausti þjóðarinnar. Össur Skarphéðinsson er versti verjandi Íslendskra hagsmuna, sem hægt er að finna innan lands jafnt sem utan.

  

3.   Samstaða þjóðar hafnar tillögum um að Árni Páll Árnason fari með varnir Icesave-málsins. Þótt hann hafi í orði skipt um skoðun og gengið í lið með almenningi, var hann stuðningsmaður beggja Icesave-laganna og er hann því vanhæfur. Málið er afar mikilvægt og einungis fólk með hreinan skjöld og steinharða andstöðu gagnvart Icesave-kröfum Bretlands og Hollands mun njóta trúnaðar til verksins. Undirgefni Árna Páls Árnasonar við Evrópu-sambandið er öllum kunn og er honum ekki til framdráttar í þessu máli.

  

4.   Samstaða þjóðar bendir á að þótt góðir kaflar finnist í andsvari efnahags-ráðherra til ESA frá 2. maí 2011, er fullt af sterkum rökum sem ekki koma þar fram. Mikilvægt er að þjóðholl samtök fái að koma af fullum krafti að málsvörninni og ekki svo takmarkað, sem raunin var með andsvarið. Þeir sem börðust fyrir hagsmunum Bretlands og Hollands í Icesave-deilunni, eiga ekki að koma að vörnum Íslands fyrir EFTA-dómstólnum.

  

5.   Samstaða þjóðar minnir á að Ísland heldur ekki bara uppi vörnum í Icesave-málinu, heldur er þjóðin einnig í sókn vegna ólöglegra aðgerða Bretlands og Hollands gegn Íslandi haustið 2008. Rökræður eru í gangi á milli Framkvæmdastjórnar ESB og félaga í Samstöðu þjóðar. Tekist er á um hvort Framkvæmdastjórnin taki að sér að ákæra Bretland og Holland fyrir Evrópudómstólnum. Alþingi ætti að hafa metnað að veita þessu verki fullan stuðning.

  

6.   Samstaða þjóðar  hvetur til að samningnum um Evrópska efnahagssvæðið (EES) verði tafarlaust sagt upp, en að styrktur verði Fríverzlunarsamningurinn sem Ísland hefur við ESB. Bezta lausn Íslands varðandi samskipti við Evrópusambandið er að Fríverzlunar-samningur Íslands og ESB verði þróaður áfram, með samning Svisslands sem fyrirmynd. Sá stóri kostur fylgir uppsögn EES-samningsins, að bæði ESA og EFTA-dómstóllinn missa alla merkingu - þessi kúgunartæki ESB verða fullkomlega gagnlaus.

 
 

Samstaða þjóðar 21. desember 2011.

 

_____________________________________________________________________
    Skrásett heimilisfang: Laugarásvegur 4, 104 Reykjavík   -   Netföng: [e-mail] / [e-mail]

 

 

Ósannfærandi fyrir dómstólum

Þriðja kærubréf til Framkvæmdastjórnar Evrópusambandsins

 

 

Samstaða þjóðar    NATIONAL UNITY COALITION                                                               Baráttusamtök fyrir fullveldisrétti almennings og sjálfstæði Íslands.    Stöndum vörð um Stjórnarskrá Lýðveldisins.

 
Commission of the European Union
Attention: Silvia Scatizzi
Rue de la Loi 200
B-1049 Brussels
BELGIUM                                                             

Your: MARKT H4/SS/ms Ares (2011)s - 1367350 
 
                                                                                  Reykjavík, 20. December 2011

  
 

 
Third letter of complaint to the Commission of the European Union, concerning breaches of the EEA Agreement by the United Kingdom and the Netherlands. Complaint No. CHAP(2011) 2011.

  
 

 

 
 

 _____________________________________________________________________
    Skrásett heimilisfang: Laugarásvegur 4, 104 Reykjavík   -   Netföng: [e-mail] / [e-mail]

  

EUROPEAN COMMISSION
Directorate General Internal Market and Services
FINANCIAL INSTITUTIONS
Financial Stability 

Brussels, 24/11/2011
MARKT H4/SS/ms Ares (2011)s - 1367350

 

Mr. Loftur Altice Þorsteinsson
Mr. Petur Valdimarsson
Laugarásvegur 4
104 REYKJAVIK
Iceland
E-mail: [e-mail]

 
Subject: Complaint Nr. CHAP(2011) 2011 related to alleged breaches of
               the EEA Agreement by the United Kingdom and the Netherlands.
 

  
 

 

 
 

Yours faithfully,       
 
Nathalie de Basaldúa        

  
 
Contact:
Silvia Scatizzi, Telephone: [phone], [e-mail]

______________________________________________________________________

 

 

 Fyrri kærubréf til Framkvæmdastjórnar Evrópusambandsins

 

 

Birta stefnu gegn Íslandi

Uppreisn í Utanríkismálanefnd Alþingis - gegn utanríkisráðherra !

  

 

Samstaða þjóðar    NATIONAL UNITY COALITION                                                               Baráttusamtök fyrir fullveldisrétti almennings og sjálfstæði Íslands.    Stöndum vörð um Stjórnarskrá Lýðveldisins.

  

Uppreisn í Utanríkismálanefnd Alþingis - gegn utanríkisráðherra !

  
Utanríkismálnefnd hélt þriggja klukkustunda átaka-fund í dag. Nýr meirihluti myndaðist í nefndinni, því að Guðfríður Lilja Grétarsdóttir gekk til liðs við fulltrúa stjórnar-andstöðunnar. Það er vilji hins nýgja meirihluta að Árni Páll Árnason og ráðuneyti hans verði í forsvari fyrir Ísland vegna Icesave-kúgunar nýlenduveldanna. Algerlega er hafnað aðkomu Össurar Skarphéðinssonar. Ályktun Utanríkismálanefndar er svo hljóðandi: 

 

Undirrituð fulltrúar í utanríkismálanefnd alþingis beinum því til ríkisstjórnarinnar að fyrirsvar í dómsmálum og öðru því sem snýr að Icesave gagnvart ESA og EFTA-dómstólnum sé áfram í höndum efnahags- og viðskiptaráðherra.

  

Ýmis fordæmi eru fyrir þeirri tilhögun að fagráðherra fari með fyrirsvar í tilteknum milliríkjamálum og eðlilegt er að efnahags- og viðskiptaráðherra hafi áfram samráð um allar ákvarðanir í málinu við utanríkismálanefnd Alþingis.

  

Þá hlýtur að teljast æskilegt að úrvinnsla Icesave sé ekki á sömu hendi og aðildarviðræður við Evrópusambandið.

  

Í ljósi forsögu málsins er mikilvægt að aðkoma að málinu byggi á raunverulegu samráði allra flokka á Alþingi og að sem víðtækust sátt ríki um málsmeðferðina í samfélaginu.

 

Sigmundur Davíð Gunnlaugsson
Gunnar Bragi Sveinsson
Ólöf Nordal
Ragnheiður Elín Árnadóttir
Guðfríður Lilja Grétarsdóttir

 

 

Icesave verði í höndum Árna Páls

Landsdómur er forsenda sátta með þjóðinni

  

 

Samstaða þjóðar    NATIONAL UNITY COALITION                                                               Baráttusamtök fyrir fullveldisrétti almennings og sjálfstæði Íslands.    Stöndum vörð um Stjórnarskrá Lýðveldisins.

  

Landsdómur er forsenda sátta með þjóðinni 

Fyrst birt í Morgunblaðinu 18. september 2010.
  
Loftur Altice Þorsteinsson
 

Í undirbúningi er ákæra á hendur ráðherrum sem sátu í Þingvallastjórninni, þeirri ríkisstjórn sem var við völd í aðdraganda efnahagshrunsins haustið 2008. Ákveðið hefur verið að ákæra einhverja ráðherra, en þegar þetta er ritað er ekki vitað hvor allir ráðherrarnir verða dregnir fyrir Landsdóm, eða einungis fáeinir. Ekki eru allir sáttir við slíkar ákærur og hafa jafnvel heyrst raddir um að dómar yfir ráðherrum geti skapað ríkinu skaðabótaábyrgð og jafnvel valdið þriðju efnahagskreppunni.

Þótt skaðabótaskylda ríkissjóðs vegna þjóðnýtingar bankanna liggi ljós fyrir, verður að telja fráleitt, að ríkissjóður verði skaðabótaskyldur þótt ráðherrar verði dæmdir af Landsrétti. Lög um ráðherraábyrgð (lög 4/1963) segja þetta skýrum orðum:

Lög um ráðherraábyrgð.

2. gr. Ráðherra má krefja ábyrgðar samkvæmt því, sem nánar er fyrir mælt í lögum þessum, fyrir sérhver störf eða vanrækt starfa, er hann hefur orðið sekur um, ef málið er svo vaxið, að hann hefur annaðhvort af ásetningi eða stórkostlegu hirðuleysi farið í bága við stjórnarskrá lýðveldisins, önnur landslög eða að öðru leyti stofnað hagsmunum ríkisins í fyrirsjáanlega hættu.

13. gr. Hafi ráðherra bakað almenningi eða einstaklingi fjártjón með framkvæmd eða vanrækslu, sem refsiverð er eftir lögum þessum, skal og þegar þess er krafist, jafnframt hegningunni dæma hann til að greiða skaðabætur, en um skaðabótaskyldu hans fer eftir almennum reglum.

Af þessu má ráða, að ráðherrar eru persónulega ábyrgir, samkvæmt almennum hegningarlögum, ef almenningi eða einstaklingi er bakað fjártjón. Ákærur fyrir Landsdómi snúast því ekki um bótaábyrgð ríkissjóðs, heldur einungis um ábyrgð ráðherranna. Að reynt verður að láta ráðherra Þingvallastjórnarinnar sæta ábyrgð er frumforsenda fyrir sátt í þjóðfélaginu. Fyrir alþingismenn er mikilvægt að skilja, að án opinna réttarhalda fyrir Landsdómi yfir öllum ráðherrum þessarar ríkisstjórnar, er tómt mál að tala um þjóðarsátt og siðferðilega endurreisn.

Ráðherrar ríkisstjórnar fara sameiginlega með framkvæmdavaldið og þótt sumir geri núna lítið úr sameiginlegri ábyrgð þá er það Landsdóms að fella dóma yfir ráðherrum og dómurinn verður að vera algerlega óháður utanaðkomandi mönnum. Óeðlilegt verður að telja, að fram komi spádómar um niðurstöðu dómsins og það veikir dómsferlið að fjallað sé opinberlega um efnisatriði málsins, eða að settar séu fram hrakspár um hugsanlegar afleiðingar dóma. Menn ættu einnig að hafa í huga, að ekki er síður mikilvægt að fá úrskurð um sýknu ráðherra en sekt.

Landsdómur má ekki fá þröngt umboð frá Alþingi, heldur verður það að vera til þess fallið að skapa trúverðugleika. Alþingi má alls ekki skilgreina viðfangsefni dómstólsins svo þröngt að niðurstaða hans sé gefin fyrirfram. Almenningur mun ekki sætta sig við hálfkák og því verður saksóknari Alþingis að hafa fullkomlega frjálsar hendur. Umboð hans er víðtækt eins og segir í Lögum um Landsdóm (lög 3/1963):

Lög um Landsdóm.

16. gr. Það er skylda saksóknara Alþingis að leita allra fáanlegra sannana fyrir kæruatriðum, hann undirbýr gagnasöfnun og rannsókn í málinu og gerir tillögur til landsdóms um viðeigandi ráðstafanir til að leiða hið sanna í ljós. Hann hefur um starf sitt samráð við saksóknarnefnd Alþingis.

Skipan Landsdóms, umboð hans og úrskurður er prófsteinn á vilja Alþingis til að upplýsa um orsakir efnahagshrunsins. Verkefni Landsdóms er ekki bara að fella dóma, heldur einnig að upplýsa málið og þá sérstaklega aðkomu stjórnmála-stéttarinnar. Kalla þarf fyrir alla þá sem sátu Alþingi í aðdraganda hrunsins. Nú er komið að því að velta við hverjum steini og setja allan ósómann upp á borð, eða hreinsa menn ella af ósönnum áburði.

Í skýrslu Rannsóknarnefndar Alþingis var gerð góð grein fyrir mistökunum sem gerð voru með inngöngu landsins í Evrópska efnahagssvæðið, en ástæður efnahagshrunsins voru fleirri. Vonandi dettur engum í hug að Rannsóknarnefnd Alþingis hafi tæmt málið með sínum skýrslum - því fer fjarri. Til dæmis er ekkert fjallað þar um sjálfa peningastefnuna, sem var meginorsök hrunsins. Við búum ennþá við torgreinda peningastefnu og því eru allar forsendur fyrir áframhaldandi verðbólgu og nærsta hruni. Nú er komið að útfærslu mikilvægra ákvæða Stjórnarskrárinnar um ábyrgð ráðherra. Um þetta segir þar:

  
Stjórnarskráin.

14. gr. Ráðherrar bera ábyrgð á stjórnarframkvæmdum öllum. Ráðherraábyrgð er ákveðin með lögum. Alþingi getur kært ráðherra fyrir embættisrekstur þeirra. Landsdómur dæmir þau mál.

Þeir sem halda því fram að Stjórnarskráin sé gölluð og henni beri að gjörbreyta ættu að hugsa sitt ráð. Stjórnarskrá á að vera gagnorð og það er okkar stjórnarskrá um ráðherraábyrgð. Stjórnarskráin reyndist vel þegar kom að hinu sögulega þjóðaratkvæði 6. marz 2010, um Icesave-gjörning ríkisstjórnarinnar. Nú reynir á framkvæmd ákvæðis Stjórnarskrárinnar um ráðherraábyrgð. Vonandi bregðast þeir ekki, sem falið verður að sjá um framkvæmd málsins.

 

 

 

 

Vonandi dettur engum í hug að Rannsóknarnefnd Alþingis

hafi tæmt málið með sínum skýrslum - því fer fjarri.

Til dæmis er ekkert fjallað þar um sjálfa peningastefnuna,

sem var meginorsök hrunsins.

 

 

Hreyfingin krefst endurupptöku á landsdómsákærum !

 

 

 

	Óvíst um forræði í Icesave
Ábyrgðarmaður færslu Tenging við þessa frétt hefur verið rofin vegna kvartana.

Ríkisstjórnin ber höfðinu við ESB-steininn

 

 

Samstaða þjóðar    NATIONAL UNITY COALITION                                                               Baráttusamtök fyrir fullveldisrétti almennings og sjálfstæði Íslands.    Stöndum vörð um Stjórnarskrá Lýðveldisins.

 

Ríkisstjórnin ber höfðinu við ESB-steininn

Fyrst birt í Morgunblaðinu 16. desember 2011.
  
Hjörleifur Guttormsson
 

Þegar umsóknin um aðild að Evrópusambandinu er annars vegar hamast ríkisstjórn Íslands við að neita hinu augljósa og berja höfðinu við stein. Fyrri ríkisstjórn Samfylkingar og Sjálfstæðisflokks gerði sig seka um hliðstætt athæfi þegar látið var vaða á súðum í efnahagsmálum og fjármálakerfi landsins hrundi. Þá var helsta baráttumál ráðherranna að koma Íslandi  í Öryggisráðið þó ekki væri nema til tveggja ára. Nú er taflið um inngöngu í Evrópusambandið það bindiefni sem heldur liðsoddunum saman.
 

Ómarktækur utanríkisráðherra

Mánudagurinn 12. desember sl. var að mati Össurar utanríkisráðherra „sérstakur gleðidagur‟. Hann var þá staddur í Brussel til að halda upp á það með „Stefáni fúla‟ að búið væri að semja um fjórðung þess sem fyrir lægi áður en Ísland kæmist að Gullna hliðinu. Reyndar hefði þetta hingað til snúist um sjálfsagða hluti sem lesa mætti um í EES-samningnum. Á næsta ári kæmi að því að hefja viðræður um afganginn og ljúka við sem flesta kafla.  Fréttamaður leyfði sér að spyrja ráðherrann hvort ekki væri skrítið að vera nú að semja við Evrópusamband sem eigi í djúpstæðri kreppu. Össur lét slíkt fjas ekki spilla þessum gleðidegi og svaraði að bragði:

„Hafi einhverntíma verið vitlaus hugmynd að slíta viðræðunum er það fráleitt núna þegar Evrópusambandið er loksins búið að ákveða aðgerðir sem sérfræðingar telja líklegar til að leysa bæði núverandi skuldavanda óábyrgu ríkjanna og líka lagfæra hönnunargalla í umbúnaði evrunnar sem líklega kemur í veg fyrir frekari kreppu af þessu tagi. Það er núna sem við eigum að halda áfram af fullum þrótti og ekki síst með tilliti til þess að við höfum lokið að semja um fjórðung kaflanna og það væri óábyrgt af Íslandi að hætta við núna og það myndi skaða stöðu og orðstír Íslands langt út fyrir Evrópu.‟
 

Kaþólskari en norrænir kratar

Ummæli Össurar féllu þrem dögum eftir sögulegan fund forystu Evrópusambandsins sem endaði með klofningi. Reynt hefur verið að draga upp þá mynd af samkomunni að það hafi aðeins verið Cameron hinn breski sem stóð í vegi fyrir allsherjar samstöðu ESB-ríkjanna, allir aðrir hefðu skrifað upp á nýtt Evrusamband með hertum aðgerðum á fjármála- og efnahagssviði. Þetta mun reynast ótímabær túlkun ekki síður en blaðrið í Össuri um endalok kreppunnar.

Svo mikið er víst að kratar á öðrum Norðurlöndum eru ekki í klappliði út af niðurstöðunni. Sænskir sósíaldemókratar kváðu strax upp úr um að ekki kæmi til greina að Svíar fylgdu með inn í Evrusambandið, þó ekki væri nema vegna enn frekara fullveldisafsals. Lars Calmfors leiðarahöfundur hjá Dagens Nyheter segir niðurstöðuna í Brussel enga lausn á kreppunni og evran sé áfram á berangri. Mogens Lykketoft talsmaður Folketinget, fyrrum ráðherra og formaður danskra krata, tekur í sama streng. Stefna ESB nú muni aðeins dýpka þá gröf sem við blasi. Núverandi utanríkisráðherra Dana og formaður SF, Villy Søvndal, sagði strax eftir Brussel-fundinn að Danir ættu að segja nei við niðurstöðunni og Enhedslisten sem meirihluti dönsku stjórnarinnar hvílir á hefur sett fram kröfu um þjóðaratkvæðagreiðslu.
 

VG í hörmulegri stöðu

Það hefur lengi blasað við að kollhnís VG-forystunnar eftir síðustu kosningar í afstöðu til ESB-umsóknar yrði flokknum dýrkeypt. Sú ömurlega vegferð er langt frá því á enda ef marka má síðustu viðbrögð og svör formanns flokksins á Alþingi 13. desember. Í stað þess að flytja þar og taka undir rök gegn aðild að Evrópusambandinu, sem landsfundur VG ályktaði um að vera skuli eitt af forgangsverkefnum flokksins, hljóp Steingrímur undir bagga með utanríkisráðherranum síglaða. Kröfunni um að vegna breyttra forsendna verði endurskoðað umboðið sem Alþingi veitti ríkisstjórninni til að sækja um aðild fyrir meira en tveimur árum svaraði Steingrímur J þannig skv. þingtíðindum:

 

 „Ég sé ekki hverju við Íslendingar værum þá nær. Þá fyrst væri til lítils á sig lagður þessi leiðangur, sem vissulega hefur verið erfiður og ekki okkur öllum sérstakt fagnaðarefni, ef við værum bókstaflega engu nær þegar við allt í einu hættum eða slægjum málinu á frest.‟

Það sýnist orðið verkefni fyrir sálfræðinga að lesa í málflutning sem þennan frá formanni flokks sem allt frá stofnun hefur litið á það sem eina meginstoð í stefnu sinni að halda Íslandi utan við aðild að Evrópusambandinu. Nú birtist okkur ESB í enn skýrara ljósi en áður með stökkbreytingu yfir í ríkjasamband og skuldbindingu um fullveldisafsal í áður óþekktum mæli og gerir kröfu til að ákvæði þar að lútandi verði tekin upp í stjórnarskrár aðildarríkja.
 

Í aðdraganda alþingiskosninga

Vegabréf Össurar Skarphéðinssonar til Brussel var frá upphafi áritað af forystu Vinstrihreyfingarinnar græns framboðs. Enn skal það framlengt, fari fram sem horfir. Á árunum 2012 og 2013 á að halda áfram að „kíkja í pakkann‟ undir handleiðslu stækkunarstjóra ESB á sama tíma og Evrópusambandið af náð sinni hyggst verja ómældu fé til að kenna Íslendingum að krossa rétt í fyllingu tímans. Til Alþingis verður í síðasta lagi kosið í apríl 2013. Hvað segja bændur þá?

  

Í stað þess að taka undir rök gegn aðild að ESB, sem landsfundur VG ályktaði

að skuli vera eitt af forgangsverkefnum flokksins,

hljóp Steingrímur undir bagga með utanríkisráðherranum síglaða.

 

 

Lifa allt af nema kosningar

Bréf til Forsætisnefndar Alþingis - EKKERT SVAR !

  

 

Samstaða þjóðar    NATIONAL UNITY COALITION                                                               Baráttusamtök fyrir fullveldisrétti almennings og sjálfstæði Íslands.    Stöndum vörð um Stjórnarskrá Lýðveldisins.

  
 

Forsætisnefnd Alþingis
Skrifstofa Alþingis
150 Reykjavík                              

                                                                   Reykjavík  21. október 2011.

 

 

Varðar störf nefndar sem skipuð var af Forsætisnefnd Alþingis

til að úthluta styrkjum

"til að stuðla að umræðu og fræðslu um Evrópusambandið"

                           

Félagið “Samstaða þjóðar” er baráttusamtök einstaklinga til varnar Stjórnarskrá Lýðveldisins á Íslandi og til að standa vörð um fullveldi almennings og sjálfstæði Íslands. Félagið er formlegt framhald samtakanna “Samstaða þjóðar gegn Icesave” sem stofnað var til að berjast gegn kúgun nýlenduveldanna Bretlands og Hollands, sem birtist í formi Icesave-krafna þessara ríkja.

 

   

1.     Á fundi Forsætisnefndar Alþingis 30. maí 2011 voru samþykktar reglur um úthlutun styrkja “til að stuðla að umræðu og fræðslu um ESB”. Meðal annars segir svo um tilgang styrkjanna:

  

Alþingi veitir styrki…..til að stuðla að opinberri og upplýstri umræðu og fræðslu um Evrópusambandið, stefnu þess og áhrif hugsanlegrar aðildar Íslands að sambandinu.

 

2.     Í reglunum segir einnig:

 

Styrki skal veita til íslenskra félaga og félagasamtaka sem, samkvæmt tilgangi sínum, fjalla um málefni Evrópusambandsins og lýsa sjónarmiðum sínum til hugsanlegrar aðildar að sambandinu…..Styrki skal eingöngu veita til skýrt afmarkaðra verkefna.

  

3.     Með hliðsjón af þeim reglum sem Forsætisnefnd Alþingis setti um úthlutun styrkjanna, var það skoðun stjórnar “Samstöðu þjóðar” að reglurnar væru sem sniðnar að starfi félagsins. Sótti “Samstaða þjóðar” því um styrki til margra afmarkaðra verkefna, sem öll varða málefni ESB og eru til þess fallin til að stuðla að opinberri og upplýstri umræðu og fræðslu um Evrópusambandið.

  

4.     Auglýstur umsóknarfrestur um styrkina var til 09. ágúst 2011. Umsókn “Samstöðu þjóðar” er dagsett 08. ágúst 2011 (1. fylgiskjal).

  

5.     Með bréfi dagsettu 25. ágúst 2011 (2. fylgiskjal) tilkynnti úthlutunarnefndin að “Samstaða þjóðar” hefði ekki hlotið neinn styrk hjá nefndinni. Var ákvörðun nefndarinnar lýst svo:

  

Fjöldi umsókna um styrki til verkefna var umtalsvert meiri en unnt var að verða við og margar góðar styrkbeiðnir bárust. Því miður getur nefndin ekki orðið við umsókn yðar að þessu sinni.

  

6.     Stjórn “Samstöðu þjóðar” taldi útskýringar úthlutunarnefndarinnar ekki fullnægjandi og með bréfi dagsettu 02. September 2011 (3. fylgiskjal) var óskað frekari skýringa um ákvörðun nefndarinnar.

  

7.     Útskýringar úthlutunarnefndarinnar bárust í bréfi dagsettu 16. September 2011 (4. fylgiskjal). Þar kemur meðal annars fram, að umsókn “Samstöðu þjóðar” um styrki til að stuðla að umræðu og fræðslu um Evrópusambandið uppfyllti skilyrði um úthlutun og var tekin til efnislegrar umfjöllunar af nefndinni. Skilgreind verkefni “Samstöðu þjóðar” voru því borin saman við verkefni annarra umsækjenda.

  

8.     Alls sóttu 18 félög um styrki og af þeim voru umsóknir 8 félaga metnar hæfar til úthlutunar styrkja. Að því er best verður séð voru öll verkefni “Samstöðu þjóðar” metin hæf til úthlutunar styrkja.

  

9.     Þótt framsetning umsókna sé mismunandi, má ætla að alls hafi verið sótt um 21 verkefni (5. fylgiskjal). Þar af átti “Samstaða þjóðar” umsóknir um 15 verkefni plús sex verkefni sem unnin eru á mismunandi vettvangi, en aðrir umsækjendur færri.

  

10. Úthlutunarnefndin veitti þremur félögum styrki, til að vinna að mismunandi verkefnum, sem ekki nema að litlu leyti eru sömu verkefni og “Samstaða þjóðar” sótti um styrki til. Þessi félög eru: Evrópuvaktin sótti um styrk að upphæð 6,0 milljónir Króna - með 2 verkefni, Heimssýn um 22,1 milljónir Króna - með 9 verkefni og Já Ísland sótti um 14,7 milljónir Króna - með 6 verkefni. Nefndin úthlutaði allri upphæðinni samtals 27 milljónum til þessara þriggja félaga þ.e. 13,5 milljónum til Já Ísland og 13,5 milljónir skiptust á milli Evrópuvaktarinnar og Heimssýnar.

   

11. Ámælisvert verður að telja, að ekki hefur verið úthlutað til ákveðinna verkefna, eins og reglur Forsætisnefndar gera ráð fyrir, en í reglunum frá 30. maí 2011 segir:

  

“Styrki skal eingöngu veita til skýrt afmarkaðra verkefna”

 

12. Með hliðsjón af framansögðu, vekur mikla furðu að úthlutunarnefndin taldi ekki ástæðu til að veita “Samstöðu þjóðar” styrk til að vinna að einu einasta verkefni. Þessari niðurstöðu nefndarinnar vill stjórn “Samstöðu þjóðar” mótmæla harðlega og skorar á Forsætisnefnd Alþingis að rannsaka verklag úthlutunarnefndar og leiðrétta þau mistök sem hún hefur gert.

       

  

Virðingarfyllst.

  

  

Samstaða þjóðar.

  

  

Pétur Valdimarsson, tæknifræðingur.

  

Anna Ragnhildur Kvaran, leiðsögumaður.

  

Loftur Altice Þorsteinsson, verkfræðingur.

  

  

---<<<>>>---

  

     

Önnur bréf til Íslendskra valdhafa:

09.12.2011: Bréf til fulltrúa í Utanríkismálanefnd Alþingis - EKKERT SVAR !  

21.10.2011: Bréf til Forsætisnefndar Alþingis - EKKERT SVAR !

28.05.2011: Bréf til menntamálaráðherra - EKKERT SVAR !

14.04.2010: Bréf til útvarpsstjóra - EKKERT SVAR !

07.04.2011: Bréf til Sigmars þáttastjórnanda hjá RÚV - EKKERT SVAR !

 

_____________________________________________________________________
    Skrásett heimilisfang: Laugarásvegur 4, 104 Reykjavík   -   Netföng: [e-mail] / [e-mail]

	„Arfavitlaust"
Ábyrgðarmaður færslu Tenging við þessa frétt hefur verið rofin vegna kvartana.

Gullnir steypast fossar - Ísland - ég elska þig !

 

 

Samstaða þjóðar    NATIONAL UNITY COALITION                                                               Baráttusamtök fyrir fullveldisrétti almennings og sjálfstæði Íslands.    Stöndum vörð um Stjórnarskrá Lýðveldisins.

 

Engilfríða fósturjörð

fyrir þér liggur tíðin hörð.

Flárátt lævíst lið - landið hatast við.

  
 

.

Baggalútur ásamt Gömlum Fóstbræðrum. 

Ó, aldagamla Íslands byggð
þér ævarandi ég heiti tryggð.
Þú þekkir ekkert illt
þér enginn getur spillt.
Styður öngvin stríð
staðföst, frjáls og blíð.

Engilfríða fósturjörð
fyrir þér liggur tíðin hörð.
Flárátt lævíst lið
landið hatast við
þitt helga hjarn vill fá
hrifsað til sín aftanfrá.

Góða land, gjöfula land!
Gullnir steypast fossar þínir enn.
Sæla fold, sjálfstæða mold!
Sakleysi þitt girnast vondir menn.

Gull þín brjóta gírug flón
er gleypa vilja hið dýra frón.
En aldrei, ástin mín
skal efnd sú myrka sýn
að fjallsins fagra mær
sé forfærð, svívirt, gráti nær.

Glæsta land, gegnheila land!
Gullnir steypast fossar þínir enn.
Ísafold, magnþrungna mold!
Meyjarblóm þitt girnast vondir menn.

Aldrei! Aldregi meir!
Íslandi allt!
Ísland ég elska þig!

Gullnir steypast fossar þínir enn.

Hrjúfa fold, höfuga mold!
Hrekkleysi þitt girnast vondir menn
– illgjarnir menn.

Gamla land! Göfuga land!
Gullnir steypast fossar þínir senn.

Baggalútur ásamt Gömlum Fóstbræðrum.

Ísland, ég elska þig (gullnir steypast fossar)

Lagið er innblásinn ættjarðarsöngur ætlaður Íslendskri þjóð á ögurstundu.
 

Má segja að verkið sé baráttusöngur þjóðarinnar gegn ásælni

Evrópusambandsins og undirlægjuhætti Íslendskrar valdastéttar.

  

Laginu er ætlað að endurspegla gengdarlausa ást og umhyggju fyrir landi, tungu og þjóð.

Karlakórinn Gamlir Fóstbræður lagði til þá karlmannlegu undiröldu sem nauðsynleg er lagi sem þessu og laglínan er sungin tifandi tenórröddu, sem ekki er heiglum hent að fylgja - enda á það ekki að vera á færi nema fagmanna að túlka góða ættjarðarsöngva.

Lag: Bragi Valdimar Skúlason, Mickael Svensson & Guðm. Kristinn Jónsson
Ljóð: Bragi Valdimar Skúlason

Söngur: Guðmundur Pálsson, tenór.

Hljóðfæraleikarar:
Bassi og gítarar: Guðmundur Pétursson. Trompet: Kjartan Hákonarson. Básúna: Samúel Jón Samúelsson. Strengir: Chris Carmichael ásamt léttstrengjasveit Nashvilleborgar. Trommur: Kristinn Snær Agnarsson. Hammond: Sigurður Guðmundsson. Petrof flygill: Mikael Svensson.

Kór:
Gamlir Fóstbræður.
Raddsetning: Karl Sigurðsson. Kórstjórn: Njáll Sigurðsson.

Upptökur:
Hljóðritað í Sýrlandi, Hafnarfirði, Sýrlandi, Skúlatúni og í OMNIsound studios, Nashville. Upptökumenn: Guðm. Kristinn Jónsson og Styrmir Hauksson.
Stjórn upptöku: Guðm. Kristinn Jónsson.
Aðstoð við upptöku: Karl Sigurðsson og Bragi Valdimar Skúlason.

 

	„Ótrúlegur yfirgangur“
Ábyrgðarmaður færslu Tenging við þessa frétt hefur verið rofin vegna kvartana.

Er ekki sanngjarnt að þreytt ríkisstjórn fái hvíld ?

  

 

Samstaða þjóðar    NATIONAL UNITY COALITION                                                               Baráttusamtök fyrir fullveldisrétti almennings og sjálfstæði Íslands.    Stöndum vörð um Stjórnarskrá Lýðveldisins.

  

Er ekki sanngjarnt að þreytt ríkisstjórn fái hvíld ? 

Fyrst birt í Morgunblaðinu 20. júlí 2011.
  
 
Loftur Altice Þorsteinsson
Pétur Valdimarsson

 
Undanfarna áratugi hafa Íslendingar augum litið margar þreyttar og gagnlausar ríkisstjórnir. Núverandi ríkisstjórn er engin undantekning frá þeirri sorgarsögu. Það sem veldur mönnum sérstöku hugarangri, er að engin ríkisstjórn hefur verið þjóðarhag jafn skaðleg og ríkisstjórn Jóhönnu Sigurðardóttur. Engin ríkisstjórn hefur sýnt hagsmunum almennings viðlíka afskiptaleysi og beinlínis neitað að taka þátt í hagsmunabaráttu þjóðarinnar.
 
Þrátt fyrir yfirlýsingar ríkisstjórnarinnar um að hún hafi snúið við blaðinu í Icesave-málinu, verður að hafa efasemdir um að hugur fylgi máli. Birst hafa fullyrðingar um að samtökin »Samstaða þjóðar« muni verða fengin til liðs við efnahagsráðherra, en ekkert bólar á slíkum óskum. Samt liggur fyrir að »Samstaða þjóðar« var ekki sátt við andsvar ríkistjórnarinnar frá 2. maí 2011, sem sent var ESA. Það liggur fyrir að málsvörn Íslands getur verið mun betri en kom fram í andsvarinu og lagði þó »Samstaða þjóðar« nokkuð af mörkum við samningu þess. 
 
Nýlenduveldin kærð fyrir átroðslu á lögsögu Íslands
Eins og oft hefur komið fram í fréttum, hafði »Samstaða þjóðar« áform um að kæra nýlenduveldin fyrir framkvæmdastjórn Evrópusambandsins. Þessi kæra var send 25. júní 2011 og undir hana rituðu Pétur Valdimarsson og Loftur Altice Þorsteinsson. Kæruna er hægt að lesa á eftirfarandi vefsíðu:

http://samstada-thjodar.blog.is/blog/samstada-thjodar/entry/1206046/

Borist hefur svar frá framkvæmdastjórninni, þar sem staðfest er að kæran hefur verið skrásett og þess má vænta að fljótlega hefjist rannsókn á átroðslu Bretlands og Hollands á lögsögu Íslands. 
 
Átroðslan á lögsögunni var í Bretlandi fólgin í reglugerð (The Landsbanki Freezing Order 2008 sem fjármálaráðuneyti Bretlands gaf út 8. október 2008, á grundvelli þarlendra hryðjuverkalaga (Anti-terrorism, Crime and Security Act 2001). Brot Bretlands var yfirþyrmandi, því að í raun skilgreindi reglugerðin alla Íslendinga sem hryðjuverkamenn. Eftirfarandi aðilar voru nefndir til sögunnar: 
 
(a) Landsbanki Íslands.
(b) Skilanefnd Landsbankans.
(c) Seðlabanki Íslands.
(d) Fjármálaeftirlitið.
(e) Ríkisstjórn Íslands. 
 
Í Hollandi var átroðsla á lögsögu Íslands fólgin í dómi sem héraðsdómur Amsterdam felldi 13. október 2008. Með honum var seðlabanka Hollands veitt heimild til að kyrrsetja eignir Landsbankans. Átján mánuðum síðar viðurkenndi dómstóllinn að hann hafði skort lögsögu til að heimila þessar aðgerðir. Holland hafði troðið á lögsögu Íslands, þótt ekki hafi verið um jafn grófar aðgerðir að ræða og í Bretlandi. 
 

Skömm ríkisstjórnarinnar mun lengi lifa

Samningurinn um Evrópska efnahagssvæðið (EES) byggir á fjórum meginstoðum frelsis í samskiptum aðildarþjóðanna. Kæran til framkvæmdastjórnarinnar byggist á þeirri forsendu að tvær þessara stoða hafi verið brotnar með átroðningi Bretlands og Hollands á lögsögu Íslands. Um er að ræða »frjálst flæði fjármagns« og »frelsi til að veita þjónustu«. Auðvelt er að finna þau ákvæði EES-samningsins sem brotin voru og í kærunni er þess krafist að framkvæmdastjórnin dragi nýlenduveldin fyrir Evrópudómstólinn og fái þau dæmd fyrir svívirðileg brot gegn Íslandi.
 

Einhverjum kynni að detta í hug að ríkisstjórn Íslands vildi leggja framangreindri kæru liðsinni. Þrátt fyrir ítrekaðar beiðnir um stuðning í einhverju formi, hefur ríkisstjórnin haldið að sér höndum og ekki svarað neinum fyrirspurnum sem málið varða. Þrátt fyrir fögur fyrirheit um að þjóðaratkvæðið 9. apríl 2011 myndi marka kaflaskil, má vera ljóst að ríkisstjórn Jóhönnu Sigurðardóttur er ekki að gæta hagsmuna Íslands varðandi réttlátar bætur fyrir átroðning nýlenduveldanna á lögsögu landsins. Þjónkun ríkisstjórnarinnar við Bretland og Holland er því ljóslega ekki bundin við Icesave-kúgunina eina. 
 
Þess má að lokum geta að Evrópudómstóllinn er bara fyrsta skref á langri leið. Dómstóllinn getur einungis úrskurðað um brot nýlenduveldanna á EES-samningnum. Á grundvelli slíks úrskurðar þarf að sækja skaðabótamál fyrir dómstólum í Bretlandi og Hollandi. Þegar að þeim málarekstri kemur, verður núverandi ríkisstjórn vonandi horfin af ríkisjötunni og þjóðhollt fólk tekið við völdum. Varla getur talist eðlilegt að einstaklingar og frjáls félagasamtök séu ein um að gæta hagsmuna landsins. Veitum hinni þreyttu ríkisstjórn sanngjarna hvíld frá því erfiða verki að stjórna landinu - verki sem ríkisstjórn Jóhönnu Sigurðardóttur hefur ekki þrek til að annast.

Framkvæmdastjórn ESB hefur staðfest skráningu kærunnar

og vænta má að fljótlega hefjist rannsókn á átroðslu Bretlands

og Hollands á lögsögu Íslands.

 

(Málið er í fullum gangi 14.12.2011)

 

Tekið til ýtrustu varna

Ólafur Ragnar Grímsson fjallar um handhafa fullveldis á Íslandi

 

 

Samstaða þjóðar    NATIONAL UNITY COALITION                                                               Baráttusamtök fyrir fullveldisrétti almennings og sjálfstæði Íslands.    Stöndum vörð um Stjórnarskrá Lýðveldisins.

Ólafur Ragnar Grímsson um fullveldið:

"Fullveldið er hjá þjóðinni en ekki hjá Alþingi" !

 

.

Ólafur Ragnar Grímsson í viðtali hjá Ríkisútvarpinu - Rás 2. 

01. desember 2010

 

---<<<>>>---

 

 

 

Ég held að hið beina lýðræði sem stundum er kallað, sem í raun og veru er bara hugtak yfir það að fólkið sjálft fái að ráða sínum eigin málum, það er kjarni lýðræðisins. Lýðræðið er það stjórnarform þar sem fólk ræður för í sameiningu.

 

Við völdum fulltrúaræði á sínum tíma, eins og aðrar þjóðir vegna þess að það var kannske erfitt fyrir almenning að afla sér þekkingar og vitneskju og heimilda. Nú aftur á móti hefur upplýsingabyltingin haft það í för með sér að sérhver borgari hefur sama aðgang að upplýsingum eins og kjörinn fulltrúi. Þess vegna hefur mér fundist óhjákvæmilegt lengi, að við byggjum til nýgjan sáttmála þar sem réttur þjóðarinnar til þess að ráða sínum eigin málum væri breiðkaður og styrktur.

 

Þegar menn eru að segja að forsetinn, með því að nýta sér málskotsréttinn og vísi málum til þjóðarinnar, að hann sé að ganga gegn þingræðinu, þá er það bara svo röng fullyrðing að það tekur því eiginlega ekki að ræða hana.

 

Því að grundvöllur Íslendskrar stjórnskipunar eins og var gengið frá honum við lýðveldisstofnunina - og menn vissu nákvæmlega hvað þeir voru að gera við lýðveldisstofnunina og ég bið nú menn að hætta að tala um þá sem þar komu að verki eins og þeir hafi ekki vitað hvað þeir voru að gera, eða að þeir hafi bara verið að taka einhverja Danska stjórnarskrá og svo framvegis og svo er talað um það fram og aftur - var byggður á þeirri grunnhugsun að fullveldið - hinn endanlegi réttur, það sem á ensku er kallað “the sovereign right”  – væri hjá þjóðinni en ekki hjá þinginu.

 

Hvers vegna var það – jú það var vegna þess að sjálfstæðisbarátta Íslendinga hafði alltaf verið þjóðar-barátta. Það var fólkið í landinu, með þjóðfundum, með héraðafundum, með Þingvallafundum, með samtakamætti sínum sem færði okkur á endanum þennan rétt í samfélagi þjóðanna. Það sem ég gerði var einfaldlega að leyfa gangvirki stjórnskipunarinnar að ráða för. Fólkið fekk það vald í hendur sem því bar samkvæmt Stjórnarskránni. Síðan hélt veröldin bara áfram eins og ekkert hefði í skorist og stjórnkerfið hélt áfram að virka.

 

Það er grundvallar misskilningur að halda það, að forsetinn geti setið hér á Bessastöðum og velt vöngum yfir því hvort hann beiti nú málskotsréttinum og hafi frumkvæði að því og svo framvegis. Hann er með sama hætti og aðrir þjónn þjóðarinnar í þessum efnum. Það mun engin ógalinn forseti (auðvitað getur forsetinn einhvertíma orðið galinn), en það mun engin ógalinn forseti fara að beita málsskotsrétti, nema það sé yfirgnæfandi krafa fólksins í landinu – þjóðarinnar sjálfrar.

 

 

 

ESA stefnir Íslandi

Kjölturakkar Evrópusambandsins gjamma ólundarlega

  

 

Samstaða þjóðar    NATIONAL UNITY COALITION                                                               Baráttusamtök fyrir fullveldisrétti almennings og sjálfstæði Íslands.    Stöndum vörð um Stjórnarskrá Lýðveldisins.

  

Kjölturakkar Evrópusambandsins gjamma ólundarlega 

Fyrst birt í Morgunblaðinu 20. september 2011.
  
Loftur Altice Þorsteinsson
  
 
Ólafur Ragnar Grímsson hefur sýnt meira hugrekki en hægt er að krefjast af honum sem forseta lýðveldisins. Á erlendum vettvangi jafnt sem innlendum hefur hann skipað sér afdráttarlaust í sveit með almenningi landsins gegn nýlenduveldum Evrópu. Þetta eru tíðindi og umbreyting frá fyrri forsetum Íslands, sem alla jafna sýndu hugleysi gagnvart erlendu valdi og tóku hagsmuni valda-aðalsins fram yfir hagsmuni þjóðarinnar. Í viðtali við RÚV 4. september 2011 sagði forsetinn:

»Menn (ríkisstjórnin) beygðu sig fyrir þessu ofbeldi (Icesave-kröfunum) af hálfu Evrópuþjóðanna og samþykktu fyrst samning sem var svo óheyrilegur að ekki aðeins hrópaði íslenska þjóðin hann af, heldur hlupu Bretar og Hollendingar frá honum strax nokkrum mánuðum eftir að ákveðið var að setja þessa þjóðaratkvæðagreiðslu. Það er rannsóknarefni fyrir Evrópusambandið að horfast í augu við það hvernig í ósköpunum stóð á því að ríki í Evrópusambandinu samþykktu að styðja þessar fáránlegu kröfur Breta og Hollendinga gagnvart Íslandi.«
 

Flestir Íslendingar eru sammála þeirri skoðun forsetans að ríkisstjórnin er ekki að gæta hagsmuna landsmanna, heldur beygir sig í auðmýkt fyrir ESB (Evrópusambandinu). Það er einnig merkilegt sem forsetinn bendir á, að nýlenduveldin hlupu sjálf frá Icesave-II samningunum, þegar athygli heimsins var beint að þeim. Þjóðaratkvæðin 6. marz 2010 og 9. apríl 2011 tóku af allan vafa um að þjóðin mun ekki fallast á ólöglegar og siðlausar kröfur nýlenduveldanna og skiptir þá engu máli hvað ESB kann að skipa EFTA-dómstólnum að samþykkja. 
 
Auðvitað skilja kjölturakkar ESB ekki þessar staðreyndir. Þeir halda áfram að gjamma ólundarlega, til að þóknast húsbændum sínum í Brussel. Á síðum Fréttablaðsins er dag eftir dag ausið hrakyrðum um forsetann og traðkað á stjórnarskránni. Þar gengur fremstur í flokki Jón Baldvin Hannibalsson. Rógburður hans mun lengi lifa, en er mismunandi metinn á Íslandi og innan höfuðstöðva ESB. 
 
Framganga Jóns Baldvins Hannibalssonar
Rætin og fullkomlega siðlaus ritgerð eftir Jón Baldvin Hannibalsson birtist í Fréttablaðinu 7. september 2011. Þar uppnefnir hann forseta landsins á ósmekklegri hátt en líklega hefur sézt áður. Forseta Íslands gefur Jón Baldvin heitið »Lady GaGa« og nefnir hann »veizlustjóra og viðskiptasmyril óreiðumanna útrásarinnar«. Það vex Jóni Baldvin í augum, að Ólafur Ragnar hefur brennandi áhuga á framgangi íslenzkra hagsmuna og leggur landsmönnum það lið sem hann getur. Jón Baldvin virðist ekki skilja, að Ólafur Ragnar var að gegna stjórnarskrár-bundinni skyldu sinni með að vísa lagafrumvörpunum um Icesave í þjóðaratkvæði. 
 
Forseti Íslands hefur skyldur gagnvart almenningi í landinu, sem meðal annars eru formfestar með 26. grein stjórnarskrárinnar. Forsetanum ber siðferðileg skylda til að hafna þeim lagafrumvörpum samþykkis, sem stór hluti almennings er andvígur, eða sem forsetinn telur geta skaðað hagsmuni landsmanna. Engin önnur afstaða birtist í synjun forsetans, en að hann telur að viðkomandi lagafrumvarp skuli borið undir úrskurð fullveldishafans. 

Vakin er athygli á, að lagafrumvarp verður ekki að lögum fyrr en forsetinn hefur undirritað það, eða forsetinn hefur hafnað undirritun. Alþingi hefur því ekki heimild til að senda ríkisstjórninni frumvörp »sem lög frá Alþingi«. Frumvarp er einungis frumvarp, þar til ákvörðun forsetans liggur fyrir, hvort sem það hefur verið samþykkt á Alþingi eða ekki. Því er rangt sem víða getur að lesa í gögnum Alþingis og ríkisstjórnar: »Frumvarp, sem þingið samþykkir, er sent ríkisstjórninni sem lög frá Alþingi.« 
 
Jón Baldvin gerir aumkunarverða tilraun til að etja saman forseta og ríkisstjórn. Hann vísar þar til fyrrnefndra orða Ólafs Ragnars, um að »ríkisstjórnin hafi beygt sig fyrir fáránlegum kröfum og ofbeldi Breta og Hollendinga«. Jón Baldvin vill meina að með þessum ásökunum sé forsetinn að brigsla ríkisstjórninni um landráð. Að beygja sig fyrir ofurefli er afsakanlegt, en fæstir landsmenn eru líklega þeirrar skoðunar að um enga aðra kosti hafi verið að ræða en samþykkja Icesave-kröfurnar. Þetta viðhorf almennings kom skýrt fram í tvennum þjóðaratkvæðum. 

Kjölturakkar ESB reyndu að hræða Íslendinga frá því að hafna Icesave-kröfunum í þjóðaratkvæðunum. Jón Baldvin heldur uppteknum hætti og leggur núna allt sitt traust á EFTA-dómstólinn. Honum hefur greinilega ekki borist til eyrna, að þrotabú Landsbankans mun eiga fyrir forgangskröfum. Ekki svo að skilja að það atriði skipti Íslendinga einhverju máli, því að kröfur á þrotabúið eru almenningi óviðkomandi. Tryggingasjóðir í Bretlandi og Hollandi, auk ríkissjóðs Bretlands, keyptu Icesave-kröfur innistæðueigenda á eigin ábyrgð. Tryggingasjóðirnir eru reknir fyrir reikning starfandi banka í þessum löndum og einungis helsjúkir Evrópusinnar geta fundið það út að almenningi á Íslandi beri skylda til að hlaupa undir bagga með þessum erlendu bönkum. Kjölturakkar ESB verða að leita annað en til almennings á Íslandi til að svala valdadraumum Þýskalands og Frakklands.

Flestir Íslendingar eru sammála þeirri skoðun forsetans
     að ríkisstjórnin er ekki að gæta hagsmuna landsmanna,
     heldur beygir sig í auðmýkt fyrir ESB.
 

 

Ekki enn gert upp hug sinn

Ólafur Ragnar stóð fastur fyrir - en Jóhanna var Íslandi til skammar !

 

 

Samstaða þjóðar    NATIONAL UNITY COALITION                                                               Baráttusamtök fyrir fullveldisrétti almennings og sjálfstæði Íslands.    Stöndum vörð um Stjórnarskrá Lýðveldisins.

Ólafur Ragnar stóð fastur fyrir

en Jóhanna var Íslandi til skammar !

 

.

Ólafur Ragnar Grímsson í viðtali hjá Jeremy Paxman á BBC 

06. janúar 2010

 

Bréf til fulltrúa í Utanríkismálanefnd Alþingis - EKKERT SVAR !

 

 

Samstaða þjóðar    NATIONAL UNITY COALITION                                                               Baráttusamtök fyrir fullveldisrétti almennings og sjálfstæði Íslands.    Stöndum vörð um Stjórnarskrá Lýðveldisins.

          

Formaður Utanríkismálanefndar Alþingis
Hr. Árni Þór Sigurðsson
Skrifstofa Alþingis
150 Reykjavík                              

                                                                   Reykjavík  09. desember 2011.

 

 

Til fulltrúa í Utanríkismálnefnd Alþingis.

                           

Okkur hefur borist til eyrna, að Utanríkismálanefnd fjalli þessa dagana um hugsanlegar skaðabótakröfur vegna afleiðinga efnahagsstríðs nýlenduvelda Evrópu á hendur Íslandi. Þessi umfjöllun nefndarinnar er í framhaldi af kröfu okkar frá 06. júlí 2011.

Í millitíðinni hafa komið fram tvær tillögur um að Alþingi álykti um málið:

05.10.2011: Um málshöfðun á hendur breska ríkinu fyrir viðeigandi dómstól vegna beitingar hryðjuverkalaga.  (Gunnar Bragi Sveinsson og fleiri).

11.10.2011: Um málshöfðun og skaðabótakröfu á hendur breska ríkinu, Atlantshafsbandalaginu og Evrópusambandinu vegna beitingar hryðjuverkalaga.  (Árni Johnsen og fleirri).

 

Við viljum aftur vekja athygli nefndarmanna á kröfugerð okkar um að Framkvæmdastjórn Evrópusambandsins geri rannsókn á brotum Bretlands og Hollands og reki mál Íslands gegn þessum ríkjum fyrir Evrópudómstólnum. Dagsetningar bréfaskipta okkar við Framkvæmda-stjórnina eru eftirfarandi:

          25. júní 2011. Fyrsta erindi okkar.

          27. júlí 2011. Fyrsta svar Framkvæmdastjórnar ESB.

          25. september 2011. Annað erindi okkar.

          24. nóvember 2011. Annað svar framkvæmdastjórnar ESB.

Fyrrnefnd þrjú bréf er hægt að lesa hér: http://samstada-thjodar.blog.is/blog/samstada-thjodar/entry/1206046/

 

Þriðja svar Framkvæmdastjórnarinnar er merkilegt fyrir þær staðreynda-falsanir sem þar eru notaðar til varnar ESB. Meðal annars koma fram fullyrðingar um gildi Brussel samningsins frá 14. nóvember 2008, sem Ísland getur ekki leitt hjá sér. Í bréfinu frá 14. nóvember 2011 segir:

 

In relation to the Agreement of the 14 November 2008 that you mention, we would like to point out that this agreement is purely of a political nature and has no legal effect. Therefore, the Commission cannot take it into account in the analysis of your complaint.

 

Framkvæmdastjórn Evrópusambandsins afneitar þannig réttarfarslegu gildi Brussel samningsins frá 14. nóvember 2008 og lýsir því yfir að hann sé pólitískur ómerkingur. Evrópusambandið afneitar samningi sem gerður var af ráðherrum landanna og sem var undirstaða ályktunar Alþingis frá 05. desember 2008 og samninga Íslands við Alþjóðlega gjaldeyrissjóðinn. Frumkvæði að Brussel samningnum hafði Christine Lagarde, þáverandi fjármálaráðherra Franklands og núverandi framkvæmdastjóri Alþjóða gjaldeyrissjóðsins. 

Í tilefni þessarar fordæmalausu afneitunar Framkvæmdastjórnar Evrópusambandsins hefur Samstaða þjóðar sent frá sé yfirlýsingu, sem hægt er að lesa hér:  Evrópusambandið stendur ekki við gerða samninga.

 

Það er tillaga okkar að Utanríkismálanefnd snúist tafarlaust gegn tilraunum Framkvæmda-stjórnarinnar að gera Brussel samninginn að ómerkingi. Heimta verður skýringar frá Framkvæmdastjórninni á ummælum hennar og að óbreyttri stöðu leita staðfestingar Alþjóða dómstólsins (International Court of Justice) á þjóðréttarlegu gildi samningsins.

  

Með kveðju.

Félagar í Samstöðu þjóðar.

Pétur Valdimarsson

Borghildur Maack

Loftur Altice Þorsteinsson

 

   

---<<<>>>---

  

  

  

Önnur bréf til Íslendskra valdhafa:

09.12.2011: Bréf til fulltrúa í Utanríkismálanefnd Alþingis - EKKERT SVAR !  

21.10.2011: Bréf til Forsætisnefndar Alþingis - EKKERT SVAR !

28.05.2011: Bréf til menntamálaráðherra - EKKERT SVAR !

14.04.2010: Bréf til útvarpsstjóra - EKKERT SVAR !

07.04.2011: Bréf til Sigmars þáttastjórnanda hjá RÚV - EKKERT SVAR !

  

_____________________________________________________________________
    Skrásett heimilisfang: Laugarásvegur 4, 104 Reykjavík   -   Netföng: [e-mail] / [e-mail]
  

Gaggið í Evrópu-hænunum heyrist langar leiðir

 

 

Samstaða þjóðar    NATIONAL UNITY COALITION                                                               Baráttusamtök fyrir fullveldisrétti almennings og sjálfstæði Íslands.    Stöndum vörð um Stjórnarskrá Lýðveldisins.

  

Gaggið í Evrópu-hænunum heyrist langar leiðir

.

Nigel Farage á SKY NEWS ásamt Evrópu-hænsnum

08. desember 2011

----------------------------------------------------------------------------------

 

 

Tilraun til samkomulags 27 ríkja fjarar út

Orkulindir Íslands undir stjórn Evrópusambandsins ?

 

 

Samstaða þjóðar    NATIONAL UNITY COALITION                                                               Baráttusamtök fyrir fullveldisrétti almennings og sjálfstæði Íslands.    Stöndum vörð um Stjórnarskrá Lýðveldisins.

  

Orkulindir Íslands undir stjórn Evrópusambandsins ? 

Ritað 07. nóvember 2011.

Friðrik Daníelsson

Breytingar sem gerðar hafa verið á íslendska orkugeiranum vegna aðildar Íslands að Evrópska efnahagssvæðinu (EES) fela m.a. í sér að skilin hafa verið að framleiðsla og dreifing orku. Það hefur orðið til þess að stofna hefur þurft ný fyrirtæki sem eru milliliðir milli orkuframleiðandans og orkukaupandans. Það hefur valdið hærra raforkuverði til neytenda.

Íslendska orkukerfið er lítið bæði að framleiðslugetu og landdreifingu og hagkvæmast að hafa framleiðslu og dreifingu undir sömu stjórn. Notendasvæði fyrirtækjanna eru að miklu leyti bundin við nágreni virkjana þeirra. Það er gamalt og gróið fyrirkomulag í íslendskum orkubúskap og hefur gefist svo vel að fyrir daga EES var íslendska orkukerfið eitt það hagkvæmasta í heimi.

Umhverfislöggjöf EES hefur reynst mjög kostnaðarsöm og flókin, margir aðilar sem fá aðkomu að verkefnunum og hefur það bæði tafið uppbyggingu og fælt fjárfesta frá. Vegna EES-samningsins hafa núverandi stjórnvöld einnig ákveðið að setja orkufrekan iðnað hérlendis undir kerfi ESB fyrir losun koltvísýrings. Það mun valda skertri samkeppnisstöðu miðað við nálægustu samkeppnislöndin, sérstaklega Norður-Ameríku. 

Fyrirsjánlegar afleiðingar fyrir löndin í Evrópusambandinu.
Jarðefnaauðlindir helstu landa Evrópusambandsins (ESB) eru að mestu á þrotum, ekki síst orkuauðlindirnar. Nýtilegar orkulindir er aðallega að finna í jaðarlöndum ESB, svo sem úrannámur í Svíþjóð sem ESB hefur þegar forræði á, og olíu- og gaslindir í Norðursjó en afraksturinn af þeim minnkar fyrirsjáanlega. Vaxandi orkuskortur er í ESB og verð á orku of hátt til að orkufrek grunn- og milli-framleiðsla geti vaxið. Sjónir ESB beinast þess vegna að grannlöndum sem hafa yfir orkulindum að ráða, svo sem Noregi, Íslandi, Færeyjum og Grænlandi.

Miðstýringarvald ESB hefur með nýju stjórnarskránni fengið heimildir til að stjórna mikilvægum málum orkuframleiðslu og dreifingar, þar á meðal til að þvinga aðildarlönd sem hafa næga orkuframleiðslu til þess að afhenda orku til þeirra landa sem vantar orku. Vald það sem ESB hefur nú yfir orkugeiranum, reyndar líka að hluta hér gegnum EES-samninginn, hefur verið að talsverðu leiti í gegnum tilskipanir um umhverfismál og samkeppnismál, en innifelur nú einnig úrslitavald um hvar orkan verður nýtt og á hvaða forsendum. Aðildarlönd munu því eiga erfiðara með að standa vörð um eigin framleiðslu orku til heimanota.

Samtenging dreifikerfanna og samkeppnis regluverkið þýða að staðbundinn orkuframleiðandi mun framleiða inn á samtengt orkunet. Hann fær betra verð fyrir orkuna til stórborga í sambandinu en til iðnfyrirtækja í sínu nágrenni. Stefna ESB er að öll orkufyrirtæki í opinberri eigu verði sett á hlutabréfamarkað og þannig komast þau með tímanum í eigu þeirra sem aðeins hafa gróða að markmiði. Þar með hækkar orkuverðið og aukast líkur á að enn meiri flótti bresti í iðnað ESB en mörg iðnfyrirtæki hafa flutt til annarra landa. Þetta mun veikja stöðu orkuvera í þeim aðildarlöndum sem hafa aðstöðu til aukinnar orkuframleiðslu. Nú eiga þau á hættu að orkuframleiðsla sem byggð var upp fyrir eigin iðnað og til almannanota verði nýtt annarsstaðar í sambandinu.

Afleiðingarnar fyrir Ísland ef landið gengur í ESB.
Virkjanir á Íslandi munu verða nýttar til framleiðslu raforku fyrir ESB ef Ísland gengur í sambandið. Þar er í raun orkukreppa, verðið hátt og mikil þörf á öruggri orku til frambúðar. Rafmagnið verður þá leitt til ESB gegnum sæstrengi í samræmi við stefnu ESB um samtengingu dreifikerfa. Hugmyndir um sæstreng hafa skotið upp kollinum hérlendis annað slagið og gera jafnvel enn í dag hjá þeim sem ekki virðast hafa áttað sig á að íslendskar orkulindir eru helsti grundvöllur atvinnu og búsetu í landinu.

Af þeim 50 TWst raforku sem talið hefur verið að Ísland gæti í framtíðinni gefið af sér árlega er þegar búið að virkja um 1/3, það besta og hagkvæmasta. Sæstrengur mundi þurfa obbann af orkunni sem eftir er til að bera sig, jafnvel þó mun hærra orkuverð fáist í ESB. Íslenskur iðnaður , t.d. ál, járnblendi eða lýsi og mjöl, mun ekki standa undir því orkuverði og draga saman seglin. Þar með yrði innlend atvinnustarfsemi, sem byggir á aðgengi að hagkvæmri orku, úr sögunni og hrörna smám saman eða hverfa. Ef gas- og olíulindir finnast fyrir Norðurlandi munu þær lenda undir sameiginlega yfirstjórn ESB. Leyfisveitingakerfi ESB  mun ná yfir þær og mikilvægar ákvarðarnir um nýtingu og uppbyggingu yrðu teknar af ESB.

Fjárfestar og samstarfsaðilar Íslendinga um uppbyggingu orkufreks iðnaðar vita að bæði íslendska hagkerfið sem og efnahagslegur sjálfsákvörðunarréttur Íslands byggist á einkaafnotarétti og fullu forræði þjóðarinnar á orkufyrirtækjunum og auðlindunum. Fjárfestarnir hafa hingað til getað samið beint við Íslendinga um orkuna enda öll orkufyrirtækin í almannaeigu lengst af. Aðildarviðræður við ESB eru túlkaðar sem uppgjöf þeirrar stefnu að íslendska ríkið og almannafyrirtæki hafi óskoraðan yfirráðarétt yfir auðlindunum og sem yfirlýsing um að Ísland ætli að gefa frá sé yfirstjórn orkulinda til erlends yfirvalds.

Sama er að segja um inngönguna í koltvísýringslosunarkerfi ESB. Þetta þýðir að sumir erlendir samstarfsaðilar, sem flestir koma frá Vesturheimi og öðrum heimsálfum en ESB-löndin, munu bíða með fjárfestingar í orkufrekum iðnaði hérlendis meðan ekki er vitað hvort ESB mun taka við stjórn orkumála hérlendis. Þungt skrifræði og kvaðir ESB á iðnað almennt munu hafa slæm áhrif á nýfjárfestingar í landinu. Orkufrekur iðnaður hefur rýrnað í ESB um langt skeið, bæði vegna kvaða og reglugerða auk hás orkuverðs og kraumandi orkukreppu. Umhverfisreglur ESB eru hamlandi, kostnaðarsamar og óskilvirkar, ýta undir spillingu og svik, eins og kvótakerfið með losunarheimildir fyrir koltvísýring innan ESB hefur sýnt.

Vegna EES-samningsins hafa núverandi stjórnvöld einnig ákveðið að setja

orkufrekan iðnað hérlendis undir kerfi ESB fyrir losun koltvísýrings.

Það mun valda skertri samkeppnisstöðu miðað við nálægustu

samkeppnislöndin, sérstaklega Norður-Ameríku. 

  
 

	Allra augu á Brussel
Ábyrgðarmaður færslu Tenging við þessa frétt hefur verið rofin vegna kvartana.

Evrópusambandið stendur ekki við gerða samninga

 

 

Samstaða þjóðar    NATIONAL UNITY COALITION                                                               Baráttusamtök fyrir fullveldisrétti almennings og sjálfstæði Íslands.    Stöndum vörð um Stjórnarskrá Lýðveldisins.

  

 Y F I R L Ý S I N G  !

Evrópusambandið stendur ekki við gerða samninga

   
 

• Aðild Íslands að Evrópska efnahagssvæðinu (EES) reyndist Íslandi dýrkeypt reynsla, sem varpa mun skugga á lífskjör þjóðarinnar um langa framtíð. Vitað var fyrirfram, að faðmlag Evrópusambandsins (ESB) yrði smáþjóð eins og Íslendingum bæði kæfandi og svikult. Þeir sem stóðu í forsvari fyrir þessum samningi bera mikla ábyrgð, sem fylgja mun þeim um ókomna tíma.

• Þann 14. nóvember 2008 gerði ríkisstjórn Íslands svo nefndan Brussel samning við Evrópusambandið, ásamt nýlenduveldunum Bretlandi og Hollandi. Frumkvæði að samningnum hafði Christine Lagarde, þáverandi fjármálaráðherra Franklands og núverandi framkvæmdastjóri Alþjóða gjaldeyrissjóðsins. Á þeim tíma var Frankland í forsæti fyrir  Evrópusambandinu. Efnisatriði samningsins eru svonefnd Brussel-viðmið og fjölluðu um aðkomu Evrópusambandsins að endurreisn Íslands eftir bankahrunið.

• Með Brussel-viðmiðunum viðurkenndi Evrópusambandið að efnahagsaðstæður Íslands væru svo erfiðar að þær væru fordæmislausar. Evrópusambandið lofaði að hjálpa til við endurreisn efnahags og fjármálakerfis landsins. Bretland og Holland urðu aðilar að samkomulaginu, með undirskrift ráðamanna þessara landa. Blekið á samningnum var ekki fyrr þornað en nýlenduveldin hófu efnahagsstyrjöld gegn Íslandi. Vonir stóðu þó til að Evrópusambandið, sem samningsaðili að Evrópska efnahagssvæðinu, virti þann samning sem gerður hafði verið að þess frumkvæði.

• Þótt lítið hafi farið fyrir aðstoð Evrópusambandsins og nýlenduveldunum hafi leyfst að viðhalda efnahagsstyrjöldinni gegn Íslandi, hafa Íslendingar talið að Brussel samningurinn hefði réttarfarslegt gildi. Raunar má fullyrða að hann er þjóðréttarlega bindandi. Á grundvelli samningsins samþykkti Alþingi 05. desember 2008 ályktun um pólitíska samningaleið í Icesave-deilunni og á Brussel samningnum byggðist afgreiðsla efnahagsáætlunar Íslands í stjórn Alþjóða gjaldeyrissjóðsins undir lok nóvember 2008.

• Nú ber svo við að Framkvæmdastjórn Evrópusambandsins afneitar réttarfarslegu gildi samningsins og talar um að hann sé pólitískur ómerkingur. Í bréfi sem Samstaða þjóðar hefur undir höndum er jafnframt fullyrt að samningurinn hafi ekkert lagalegt gildi. Orðrétt segir Framkvæmdastjórnin (European Commission) í bréfi dagsettu 24. nóvember 2011:

In relation to the Agreement of the 14 November 2008 that you mention, we would like to point out that this agreement is purely of a political nature and has no legal effect. Therefore, the Commission cannot take it into account in the analysis of your complaint.

• Löngu var orðið ljóst að Evrópusambandið ætlaði ekki að standa við Brussel samninginn, en núna í fyrsta skipti er það gert opinbert. Evrópusambandið afneitar samningi sem gerður var af ráðherrum landanna og sem var undirstaða ályktana Alþingis og samninga Íslands við Alþjóðlega gjaldeyrissjóðinn. Hafa Íslendingar eitthvað að ræða við ríkjasamband sem ekki virðir alþjóðlegar skuldbindingar sínar ?

    

Yfirlýsing gerð á Sjálfstæðisdeginum

01. desember 2011.

   

Félagar í Samstöðu þjóðar

   

Pétur Valdimarsson

Borghildur Maack

Loftur Altice Þorsteinsson

 _____________________________________________________________________
    Skrásett heimilisfang: Laugarásvegur 4, 104 Reykjavík   -   Netföng: [e-mail] / [e-mail]

 

Styður okkar málstað

Samstaða þjóðar: Ályktun Alþingis gegn Icesave-kröfum nýlenduveldanna

 

 

Samstaða þjóðar    NATIONAL UNITY COALITION                                                               Baráttusamtök fyrir fullveldisrétti almennings og sjálfstæði Íslands.    Stöndum vörð um Stjórnarskrá Lýðveldisins.

  

 Samstaða þjóðar gegn Icesave  

 

Við lýsum yfir ánægju með skýra og skorinorða andstöðu Alþingis

 gegn Icesave-kröfum Bretlands og Hollands. 
 
17. júní 2011.

 
Sent ýmsum fréttastofum.
 
Samstaða þjóðar gegn Icesave eru grasrótar-samtök einstaklinga, sem eru andvíg Icesave-kröfum Bretlands og Hollands. Fyrsta verkefni Samstöðu var að standa fyrir áskorun á forseta Íslands og Alþingi um að fram færi þjóðaratkvæði um Icesave-III-lögin. Nærsta verkefni var að upplýsa almenning um staðreyndir Icesave-málsins og afhjúpa þær rangfærslur sem stundaðar voru, í aðdraganda þjóðaratkvæðisins 09. apríl 2011.
 
Núverandi verkefni er að undirbúa kæru til Framkvæmdastjórnar Evrópusambandsins á hendur Bretum og Hollendingum fyrir átroðning á lögsögu Íslands, efnahags-hernað gegn Íslandi og brotum á samningnum um Evrópska efnahagssvæðið (EES). Nýlenduveldin hafa brotið á meginstoðum EES, hvað varðar “frjálst flæði fjármagns” og “frelsi til þjónustustarfsemi”. Þess verður jafnframt krafist að Framkvæmdastjórnin reki málin gegn Bretlandi og Hollandi fyrir ESB-dómstólnum.
 
Íslendsku ríkisstjórninni hefur borist “rökstutt álit” frá ESA. Þar er hafnað röksemdum Íslands í andsvari ríkisstjórnarinnar frá 02. maí 2011 og þess í stað hótað málsókn fyrir EFTA-dómstólnum. Um leið og við fögnum þeirri samstöðu sem birtist á Alþingi 10. júní 2011 um steinharða andstöðu við málabúnaði ESA, viljum við benda á nokkur atriði sem mikilvægt er að hafa í huga við framhald Icesave-málsins:
 
1.    EKKI má svara hinu “rökstudda áliti”. Þetta álit frá ESA er undirbúið af Bretlandi og Hollandi, sem vitað er að hafa þrýst á stofnunina um að halda áfram hótunum við Ísland. Álitinu má ekki svara einu orði heldur mæta nýlenduveldunum fyrir EFTA-dómstólnum. Ef álitinu verður svarað mun það gera stöðu okkar erfiðari, því að við gefum þá upp málsvörn okkar. Þá málsvörn á Ísland að geyma þar til hennar er raunverulega þörf fyrir EFTA-dómstólnum. 
 
2.    Þjóðholl samtök verða að fá aðgang að málsvörninni. Þótt góðir sprettir séu í andsvarinu til ESA frá 2. maí 2011, er fullt af sterkum rökum sem ekki koma þar fram. Mikilvægt er að þjóðholl samtök fái að koma af fullum krafti að málsvörninni og ekki í músa-líki, eins og raunin var með andsvarið. Þeir sem börðust fyrir hagsmunum Bretlands og Hollands, eiga ekki að koma að vörnum Íslands fyrir EFTA-dómstólnum.
 
3.    Úrsögn úr EES kann að verða nauðsynleg. Atburðarásin getur hæglega leitt til, að Íslendingar telji nauðsynlegt að segja landið úr Evrópska efnahagssvæðinu (EES). Gera þarf aðilum EES-samningsins ljóst að Íslendingar láta ekki gömul nýlenduveldi kúga sig til hlýðni.
 
4.    Kæra verður Bretland og Holland fyrir ESB-dómstólnum. Mikilvægur þáttur í að Ísland nái rétti sínum, er að hin gömlu nýlenduveldi verði látin sæta ákærum. Hafin hefur verið undirbúningur að kæru til Framkvæmdastjórnar ESB, sem samkvæmt EES-samningnum er réttur aðili. Alþingi ætti að hafa metnað að veita þessu verki fullan stuðning.

 
Félagar í Samstöðu þjóðar gegn Icesave.
 
Loftur Altice Þorsteinsson
 
Anna Kvaran       Borghildur Maack
 
Daníel Sigurðsson     Pétur Valdimarsson
 

 

Við ákærum Bretland og Holland fyrir átroðning á lögsögu Íslands,

efnahags-hernað gegn Íslandi

og

brotum á samningnum um Evrópska efnahagssvæðið (EES).

 

Nýlenduveldin hafa brotið á meginstoðum EES,

hvað varðar "frjálst flæði fjármagns" og "frelsi til þjónustustarfsemi".

 

 

 

	Veit ekki hvort hann heldur stólnum
Ábyrgðarmaður færslu Tenging við þessa frétt hefur verið rofin vegna kvartana.

Myndbönd og PowerPoint sýningar

 

 

Samstaða þjóðar    NATIONAL UNITY COALITION                                                               Baráttusamtök fyrir fullveldisrétti almennings og sjálfstæði Íslands.    Stöndum vörð um Stjórnarskrá Lýðveldisins.

  

Baráttan fyrir hagsmunum lýðveldisins

 

.

Nigel Farage fjallar um mútur Evrópusambandsins

30. nóvember 2011

----------------------------------------------------------------------------------

Smelltu á myndina

Gagnsókn gegn nýlenduveldunum.

Viðtal á Stöð 2  -  03. júlí 2011

 

---------------------------------------------------------------------------------

 

Smelltu á myndina

Bara kostir við að segja nei við Icesave.

Viðtal á Stöð 2  -  03. apríl 2011

 

----------------------------------------------------------------------------------

#

#

 

----------------------------------------------------------------------------------

 

Hér munu birtast myndbönd og PowerPoint sýningar,

 sem varða baráttumál Samstöðu þjóðar.

 

 

	Stjórnvöld í viðræðum við Nubo
Ábyrgðarmaður færslu Tenging við þessa frétt hefur verið rofin vegna kvartana.

Skaðlegar hugmyndir um skipan bankamála eftir hrunið

 

 

Samstaða þjóðar    NATIONAL UNITY COALITION                                                               Baráttusamtök fyrir fullveldisrétti almennings og sjálfstæði Íslands.    Stöndum vörð um Stjórnarskrá Lýðveldisins.

  

Skaðlegar hugmyndir um skipan bankamála eftir hrunið
 

Fyrst birt í Morgunblaðinu 09. nóvember 2011.
  
Loftur Altice Þorsteinsson
 
 
Valdaaðallinn veit ekki sitt rjúkandi ráð, eftir að allur almenningur hefur öðlast skilning á skaðsemi »torgreindu peningastefnunnar«. Ekki gengur lengur að reyna að telja fólki trú um að »minniháttar ágallar« hafi valdið bankahruninu. Enginn hlustar lengur á fullyrðingar um að ef þessir ágallar verði lagfærðir muni efnahagslegur stöðugleiki hagkerfa og fjármálalegt öryggi einstaklinga verða tryggt til frambúðar. 
 
Varðandi »torgreindu peningastefnuna« er fólki bent á að lesa fyrri skrif mín um það efni (http://altice.blogcentral.is), en hér verður fjallað um lausnir á þeim »minniháttar ágöllum«, sem reynt er að telja fólki trú um að muni leysa aðsteðjandi efnahagsvanda. Þetta eru aðgerðir sem varða viðskiptabankana, en ekki seðlabankana sem þó eru hinn raunverulegi skaðvaldur. 
 
Valdaaðallinn hefur látið BIS (Bank for International Settlements) útbúa reglur um bankaviðskipti. BIS er alþjóðlegt skúmaskot seðlabanka heimsins, sem hefur aðsetur í Basel í Svisslandi. Nýjustu reglur BIS nefnast Basel III og sagan mun dæma þær jafn gagnslausar og Basel I og Basel II. Þessar reglur varða einkum eiginfjárhlutfall banka og hugmyndir um aðskilnað bankastarfsemi í viðskiptabanka og fjárfestingabanka. 
 

Vandamálin koma upp þegar bankar fara í þrot
Eins og vonandi öllum er ljóst, koma upp alvarleg vandamál þegar bankar lenda í gjaldþroti. Hvernig á samfélagið að bregðast við gjaldþroti banka? Hvaða hagsmuni ber að vernda? Er eðlilegt að almenningur beri ábyrgð á bankarekstri, með ríkistryggðu innistæðu-tryggingakerfi? Er eðlilegt að seðlabankar í eigu almennings séu bönkunum »lánveitendur til þrautavara« ? 
 
Þeir sem aðhyllast ríkisrekstur telja eðlilegt að almenningur beri ábyrgð á öllum mistökum sem ríkisvaldið gerist sekt um. Þetta kerfi gengur gjarnan undir nafninu kommúnismi. Þeir sem eru hins vegar þeirrar skoðunar að atvinnufrelsi sé æskilegt, tala gjarnan um að »frelsi fylgi ábyrgð«. Þeir telja fráleitt að almenningur beri ábyrgð á mistökum bankastofnana. Spurningin er þá hvernig hlutum verði þannig komið fyrir, að kostnaði af gjaldþrotum banka verði ekki velt yfir á herðar almennings? 
 
Stór kostur við að leggja af »torgreinda peningastefnu« og um leið seðlabanka er að þar með hverfur úr sögunni það fyrirkomulag, að seðlabanki sé notaður fyrir einkabankana sem »lánveitandi til þrautavara«. Bankarnir geta sjálfir keypt sér allar þær tryggingar sem þeir vilja og auðvitað er fráleit sú hugmynd að þeir megi ekki verða gjaldþrota. Að flestra mati er mikilvægast að innistæðueigendur fái sínar innistæður greiddar, þótt þeir þurfi að bíða þar til þrotabúið hefur verið gert upp. 
 
Hvernig er hægt að tryggja að banki sem kominn er í gjaldþrot, eigi fyrir innistæðum? Það verður ekki gert með því að banna bönkum að fjármagna sig með útgáfu skuldabréfa, heldur þvert á móti. Skylda ætti banka að taka ekki við meiri innlánum en sem nemur til dæmis helmingi heildarskulda hans. Meiri hluti fjármagns banka ætti því að koma frá fjárfestingafélögum, eða vera hlutafé hans. Eignir banka ættu að geta hrapað í verði, án þess að inneignir séu í hættu. 
 
Samtímis þarf löggjöfin að vera þannig að innistæður séu forgangskröfur í þrotabú banka. Þetta er sá réttur sem Neyðarlögin frá 2008 tryggðu eigendum Icesave-reikninganna í Bretlandi og Hollandi, gagnvart þrotabúi Landsbankans. Forgangur innistæðueigenda, ásamt takmörkun á heildarinnistæðum í bönkum, tryggja rétt þeirra til endurgreiðslna. 
 

Viðskiptabankar eða fjárfestingabankar
Til að beina athygli almennings frá sjálfum sér hrópa seðlabankar hátt um að skipta beri bönkum í viðskiptabanka og fjárfestingabanka. Ekki er langt síðan seðlabankarnir töldu allra meina bót að hafa starfsemi bankanna frjálsa. Raunar er staðreyndin sú, að bankar nefnast þau fyrirtæki sem fjármagna sig að hluta með innlánum. Þau fyrirtæki sem fjármagna sig einungis með útgáfu skuldabréfa eru ekki bankar heldur fjárfestingafélög. Umræða seðlabankanna um viðskiptabanka og fjárfestingabanka er því mjög villandi. 
 
Önnur fjarstæðukennd hugmynd sem viðruð hefur verið um bankastarfsemi, er að viðskiptabankar séu að gefa út peninga á sama hátt og seðlabankar eða myntráð. Þá eru menn að rugla saman veltuhraða útlána hjá bönkum og hins vegar útgáfu peninga. Einungis myntsláttur gefa út peninga og hægt er að fullyrða að peningar verða ekki til með því að láta þá ganga nógu hratt á milli manna. 
 
Auðvelt er að sjá að Basel III reglur seðlabankanna eru ekki bara kjánalegar heldur stórhættulegar. Ef Seðlabanki Íslands hefði haft lánstraust haustið 2008, hefði tap hans í bankahruninu orðið þeim mun stærra. Seðlabankinn sem »lánveitandi til þrautavara« getur því á einni nóttu gert Ísland gjaldþrota. Ef Landsbankinn hefði einungis fjármagnað sig með innlánum hefði farið fjarri að þrotabúið ætti fyrir Icesave-reikningunum. Skaðlegum hugmyndum seðlabankanna verður því að hafna.
 
 

Almenningur má ekki bera ábyrgð á bankarekstri,

með ríkistryggðu innistæðu-tryggingakerfi

og seðlabankar mega ekki vera lánveitendur til þrautavara. 
 

 

	Gríðarlegur áhugi á framboðinu
Ábyrgðarmaður færslu Tenging við þessa frétt hefur verið rofin vegna kvartana.

Schengen-aðild Íslands var misráðin

 

 

Samstaða þjóðar    NATIONAL UNITY COALITION                                                               Baráttusamtök fyrir fullveldisrétti almennings og sjálfstæði Íslands.    Stöndum vörð um Stjórnarskrá Lýðveldisins.

  

 

Schengen-aðild Íslands var misráðin

 
Fyrst birt í Morgunblaðinu 26. apríl 2011.
  
Hjörleifur Guttormsson
 

Tíu ár eru liðin frá því Schengen-samningurinn um afnám persónueftirlits á sameiginlegum landamærum Evrópusambandsins, Íslands og Noregs öðlaðist gildi. Ekki hafa íslensk stjórnvöld minnst þessara tímamóta svo ég hafi tekið eftir, þó ekki væri nema með því að meta reynsluna af þessum viðamikla og kostnaðarsama samningi. Það er frekar að hans sé nú getið vegna atburða á meginlandinu í kjölfar vaxandi straums flóttamanna frá Norður-Afríku og deilna milli Schengen-ríkja um hvernig við skuli brugðist. Hér verða rifjuð upp nokkur atriði um Schengen um leið og skorað er á íslensk stjórnvöld að gera hið fyrsta rækilega úttekt á reynslunni af aðild Íslands að samningnum.

Fimm ára þóf 1995 - 1999
Schengen-samstarfið um afnám vegabréfaeftirlits hófst 1985 með yfirlýsingu 5 Evrópusambandsríkja og tíu árum síðar voru 10 ESB-ríki orðin þátttakendur. Um það leyti höfðu Svíar og Finnar gerst aðilar að ESB og þá var staðhæft að Norræna vegabréfasambandið frá 6. áratugnum heyrði brátt sögunni til. Samstarfssamningur var undirritaður í árslok 1996 milli Íslands, Noregs og þáverandi Schengen-ríkja en með Ansterdam-sáttmála ESB 1997 voru meginreglur samningsins færðar undir lögsögu Evrópusambandsins og þar með orðnar yfirþjóðlegar. Þá var enn sest að samningaborði og fundnar krókaleiðir til að Ísland og Noregur gætu haldið áfram þátttöku sem viðhengi. Samningur aðila var undirritaður vorið 1999 en öðlaðist ekki gildi hvað Ísland varðaði fyrr en eftir breytingar á flugstöðinni í Keflavík 25. mars 2001.   

Falsrök notuð sem tálbeita
Sjaldan hefur verið beitt jafnmiklum blekkingum við gerð aðþjóðasamnings og í þessu tilviki. Íslendingum var talin trú um að með aðild að Schengen losnuðu þeir undan þeirri kvöð að hafa meðferðis vegabréf í ferðum til meginlands Evrópu, annars konar persónuskilríki myndu duga ef eftir væri leitað. Þennan spuna tóku margir trúanlegan þar til hið nýja fyrirkomulag brast á. Alla götu síðan hafa menn verið krafðir um íslenskt vegabréf á Keflavíkurflugvelli, jafnt við innritun sem og við vegabréfaskoðun, hvert svo sem förinni er heitið. Í opinberu kynningarriti utanríkis- og dómsmálaráðuneytis um Schengen var eftir að aðild lá fyrir skýrt tekið fram: „Vegabréfin alltaf meðferðis!“ upphrópunarmerkið komið frá ráðuneytunum sem keyrðu samninginn í gegn. – Þagað var sem fastast um þá staðreynd að ekki þarf að sýna vegabréf nema einu sinni við innkomu á Schengen-svæðið og síðan ekki söguna meir. Með Schengen-aðild tók Ísland einnig að sér að gæta ytri landamæra Evrópusambandsins, m.a. gagnvart ferðamönnum frá Ameríku.

Glæpagengi hafa frjálsa för
Önnur aðalröksemd íslenskra stjórnvalda í aðdraganda Schengen-aðildar var að með henni væri verið að styrkja baráttuna gegn alþjóðlegri glæpastarfsemi. Í stað vegabréfaeftirlits fengju lögregluyfirvöld aðgang að Schengen-upplýsingakerfinu (SIS), viðamiklu miðlægu tölvuskráningarkerfi um hættulega eða óæskilega einstaklinga. Á bak við það er fólgin svonefnd SIRENE-skrifstofa með gagnabanka fyrir lögregluyfirvöld. Þetta kerfi kemur hins vegar fyrir lítið eftir að inn á Schengen-svæðið er komið þar sem víðtæk og þaulskipulögð glæpastarfsemi blómstrar og erindrekar hennar rása um ótruflaðir af eftirliti á landamærum. Íslendingar hafa ekki farið varhluta af skipulögðum þjófagengjum erlendis frá sem treyst geta á frjálsa för yfir landamæri. Áður höfðu íslensk lögregluyfirvöld byggt upp alþjóðlegt samstarf, m.a. við Interpol, þannig að því fór fjarri að Schengen-aðild þyrfti að koma til af þessum sökum.

Fíkniefnaeftirlit erfiðara en áður
Ýmsir vöruðu við því í aðdraganda Schengen-aðildar Íslands að með henni yrði erfiðara um eftirlit með innflutningi fíkniefna, þrátt fyrir það að tolleftirliti yrði áfram haldið uppi. Sem þingmaður flutti ég ítrekað tillögur um úttekt á þessum þætti málsins en þær fengust ekki samþykktar þrátt fyrir jákvæðar undirtektir frá lögreglustjóraembættum og Tollvarðafélagi Íslands. Í umsögn til Alþingis um tillögu mína og Kristínar Ástgeirsdóttur haustið 1998 sagði lögreglustjórinn í Reykjavík m.a.: „Með því verður tolleftirliti ekki haldið uppi með sama hætti og áður, meðal annars leit að fíkniefnum.“ Tollvarðafélagið taldi að niðurstaða úttektar á þessum þætti einum ætti að ráða úrslitum um aðild. Þrátt fyrir þetta fékkst tillaga okkar ekki samþykkt.

Endurmeta ætti afstöðuna til Schengen
Í tilefni tíu ára reynslu af Schengen-aðild ættu stjórnvöld með Alþingi í fararbroddi að beita sér fyrir allsherjarúttekt á kostum og göllum sem fylgt hafa þátttöku Íslands í þessu samstarfi. Liður í slíkri úttekt væri að draga fram kostnað af Schengen-aðild á þessu tímabili, þar á meðal vegna breytinga á flugstöðinni í Keflavík og reksturs stuðningskerfa SIS og SIRENE. Mestu skipta þó öryggisþættir er snúa að alþjóðlegri glæpastarfsemi að innflutningi fíkniefna meðtöldum. Sem eyland hefur Ísland margháttaða sérstöðu er snýr að samskiptum okkar við aðrar þjóðir. Kosti þessarar landfræðilegu stöðu þarf að meta fordómalaust og á raunsæjan hátt.

 

Íslendingum var talin trú um að með aðild að Schengen losnuðu þeir undan

 þeirri kvöð að hafa meðferðis vegabréf í ferðum til meginlands Evrópu.

 

Lagt verði mat á reynsluna af Schengen

Evrópska efnahagssvæðið er helfjötur Íslands

 

 

 

Samstaða þjóðar    NATIONAL UNITY COALITION                                                               Baráttusamtök fyrir fullveldisrétti almennings og sjálfstæði Íslands.    Stöndum vörð um Stjórnarskrá Lýðveldisins.

  

 

Evrópska efnahagssvæðið er helfjötur Íslands

 

Fyrst birt í Morgunblaðinu 06. september 2011.
 
Loftur Altice Þorsteinsson

 
Aðild Íslands að Evrópska efnahagssvæðinu (EES) var einhver stærstu mistök sem gerð hafa verið í íslendskri sögu. Með réttu má segja að samningurinn um EES sé helfjötur sem draga mun allan lífsþrótt úr þjóðinni. Afleiðingar samningsins hafa nú þegar komið fram í Icesave-kúgun nýlenduveldanna Bretlands og Hollands, sem háð hafa efnahagsstríð gegn Íslandi með dyggum stuðningi flestra ríkja í Evrópusambandinu (ESB). Hægt er að styðja úrsögn úr EES með fjölmörgum sterkum rökum: 
 
Fríverzlunarsamningur er í gildi við ESB
Ekki er víst að allir viti, að í gildi er fríverzlunarsamningur Íslands við ESB. Þessi samningur var gerður árið 1972 og er því nær 40 ára. Samningurinn frá 1994 um EES er bara viðauki við fríverzlunarsamninginn og tilgangurinn var að þoka landinu nær undirgefni við Evrópuríkið. Ekkert nema þráhyggja Evrópusinna stendur í vegi fyrir að fríverzlunarsamningurinn verði þróaður áfram, á hliðstæðan hátt og Svisslendingar hafa gert með góðum árangri. 
 
Segja þarf upp Schengen-endaleysunni
Ísland gerðist aðili að Schengen 2001 og þrátt fyrir augljósa galla ríghalda Evrópusinnar í þennan skaðlega samning. Reynt er að halda þeirra bábilju að fólki að eitthvert gagn hafi verið að honum. Staðreyndin er hins vegar sú, að augljósir ókostir Schengen bara vaxa. Í mörgum löndum ESB eru menn að draga í land með hugmyndina um opin landamæri, enda auðveldar það bara umferð glæpamanna og landflótta fólks sem sloppið hefur inn um götótt landamæri Suður-Evrópu. 
 
Ákærur frá ESA verður að stöðva
Varla líður svo dagur að Íslandi berist ekki ákæra eða hótun frá Eftirlitsstofnun EFTA (ESA). Öllum eru í fersku minni hótanirnar frá Per Sanderud, vegna Icesave-kúgunarinnar. Undan þessum ákærum verður ekki komist nema með uppsögn EES-samningsins. Í gegnum EES-samninginn er ESB með óþolandi afskipti af innanríkismálum Íslands. Útþenslusambandi Þýskalands og Frakklands má ekki líðast að þröngva gæluverkefnum sínum upp á Íslendinga. 
 
Stöðva verður niðurlægingu Alþingis
Mikill tími Alþingis fer í skaðlega eða óþarfa lagasetningu, vegna fyrirmæla/tilskipana frá ESB. Þingmenn eru uppteknir við að færa í lög hin undarlegustu boð og bönn, sem kunna að eiga vel heima í ESB en eru hrein afglöp við íslenskar aðstæður. Niðurlæging Alþingis verður ekki stöðvuð nema með úrsögn landsins úr EES. 
 
Bankahrunið má rekja til EES-samningsins
Rannsóknarnefnd Alþingis komst að þeirri niðurstöðu, að án aðildar Íslands að EES hefði íslendskt fjármálakerfi ekki hrunið. EES var ekki komið á fót til að auðvelda Íslandi að sækja fjármagn í greipar evrópskra stórvelda, heldur til að þjóna nýlendu-hagsmunum Evrópu. Fyrirfram mátti því vita að fæti yrði brugðið fyrir íslendsku bankana. Ef ekki eru strax rofin EES-tengslin, eru miklar líkur á annarri fjármála-kreppu af sömu ástæðum. Varla vilja Íslendingar viðhalda ógn af þessu tagi. 
 
Kostnaðarsöm aðild að EES
Árlega eru greiddir milljarðar króna fyrir aðgang að EES. Hafi landsmenn áhuga á greiðum viðskiptum við Evrópu er fríverzlun miklu vænlegri kostur. Fríverzlun fylgja ekki ókostir EES-samningsins og óhæfilegur kostnaður. Þegar allt er talið, er öruggt að EES-samningurinn er hindrun í vegi eðlilegra viðskipta við Evrópu, en ekki sú hagsbót sem Evrópusinnar fullyrða. 
 
Svisslendingar eru ánægðir með fríverzlun við ESB
Svissland hefur bæði hafnað aðild að ESB og EES-samningnum. Þetta ríki sem liggur í miðri Evrópu telur hagsmunum sínum betur borgið utan ESB en innan þess. Svisslendingar vita hvað þeir eru að gera, enda hafa þeir margra alda reynslu af stórveldabrölti Þýskalands og Frakklands. Þótt í Sviss séu margar af virtustu alþjóðastofnunum heims, hafa Svisslendingar engan áhuga á svonefndu friðarbandalagi Evrópu. Þeir vita að ESB er einungis tilraun til að koma Evrópu undir sameiginlega stjórn Þýskalands og Frakklands, í stað fyrri tilrauna hvors ríkis fyrir sig.

Sanngjörn krafa um að Ísland verði fyrir Íslendinga
Kominn er tími til að Íslendingar læri að meta sitt eigið land. Svo nefnd tvíhliða réttindi, annars vegar Íslendinga í Evrópu og hins vegar ESB-manna á Íslandi, er skrumskæling raunveruleikans. Svona samningar, eins og samningurinn um Evrópska efnahagssvæðið, eru einungis gerðir fyrir auðmenn en ekki almenning og hvað auðmenn varðar hallar verulega á Ísland. Bann við landakaupum útlendinga er því þarft fyrsta skref til afnáms EES-samningsins.

Burt með ógildan EES-samning
Færa má sterk rök fyrir þeirri skoðun að EES-lögin frá 13. janúar 1993 séu í raun ógild. Landráðalögin um EES voru samþykkt af Alþingi með naumum meirihluta, þrátt fyrir áköf mótmæli landsmanna. Safnað var undirskriftum um 34.000 kjósenda sem skoruðu á Alþingi að setja málið í þjóðaratkvæði. Þótt áskorunin hafi ekki beinst að forseta lýðveldisins, hefði þessi mikli fjöldi nægt alvöru forseta til að hafna undirskrift laganna og setja þau þannig í hendur fullveldishafans, almennings. Með EES-lögunum var sjálfstæði landsins skert og stjórnarskráin brotin. EES-samningurinn er því ógildur og marklaus. 
 
Barátta Samfylkingar gegn sjálfstæði Íslands
Alþýðuflokkurinn hafði forustu um setningu Landráðalaganna um EES. Undir nafni Samfylkingar hafði sama fólk forustu um tilraunir til að koma Icesave-klafanum á almenning. Núna beitir Samfylkingin öllu sínu afli til að Ísland verði innlimað í ESB. Þetta óþjóðholla fólk var jafnvel andstæðingar Íslands í þorskastríðunum. Hið fyrsta þarf að losa helfjötur EES-samningsins, en það verður ekki gert með Samfylkinguna á ríkisjötunni. 
 

Hið fyrsta þarf að losa helfjötur EES-samningsins,

en það verður ekki gert með Samfylkinguna á ríkisjötunni.

 

	Ekki hlutverk ráðuneytisins
Ábyrgðarmaður færslu Tenging við þessa frétt hefur verið rofin vegna kvartana.