Örvænting Samfylkingar vegna forsetakosninga - er landsmönnum gleðiefni

 

Jón Sigurðsson	Myntráð	Kanadadalur	Icesave-vextir	forseti Íslands	Icesave-vextir
Stjórnarskráin	forseti Íslands	Vinstrivaktin	Samtök fullveldis	Evrópuvaktin	Heimssýn

  

  

Samstaða þjóðar    NATIONAL UNITY COALITION                                                               Baráttusamtök fyrir sjálfstæðu ríki á Íslandi    og fullveldisréttindum almennings.    Stöndum vörð um Stjórnarskrá Lýðveldisins.

  

  

   

    

Örvænting Samfylkingar vegna forsetakosninga - er landsmönnum gleðiefni

25. marz 2012.

 

 

Loftur Altice Þorsteinsson.

                                 

Kjölturakkar Evrópusambandsins eru fullir örvæntingar vegna framboðs Ólafs Ragnars Grímssonar til áframhaldandi setu á forsetastóli. Þessa borðbera framandi hugmyndafræði og varðhunda erlends valds, er einkum að finna í Samfylkingunni. Á neyðarstundu hefur Ólafur Ragnar Grímsson gegnt kalli þjóðarinnar og samþykkt að gefa kost á sér, að gegna áfram starfi forseta Lýðveldisins. Leit Samfylkingar að frambjóðana gegn Ólafi Ragnari tekur á sig hinar aumkunarverðustu myndir.

                                 

Forustumenn Samfylkinginar gera sér ljóst, að með Ólaf Ragnar sem forseta að Bessastöðum mun þeim ekki takast að koma þrælshlekkjum Evrópusambandsins á Íslendinga. Ólafur Ragnar sýndi í tvennum Icesave-kosningum að hann virðir Stjórnarskrána og er tilbúinn að taka slaginn með þjóðinni. Í Nýársávarpi 2012 gerði Ólafur Ragnar skýra grein fyrir afstöðu sinni til Icesave-kúgunar nýlenduveldanna:

                                 

Þjóðin kvað í annað sinn upp dóm í deilum um skuldir banka í öðrum löndum og víst er að atkvæðagreiðslurnar báðar færðu fólkinu í landinu sjálfstraust, vísuðu veginn í átt að auknu lýðræði, vöktu athygli og jafnvel aðdáun í öðrum löndum.

   

Forseti Íslands er eini kjörni fulltrúinn sem valinn er af þjóðinni allri, hvorki háður flokkum né öðrum hagsmunum. Fólkið treystir því að hann bregðist ekki á örlagastundum. Það er einn helsti hornsteinn íslendskrar stjórnskipunar, lýðræðis í landinu.

   

Að dómi margra eru tímarnir hins vegar markaðir verulegri óvissu og er þá einkum vísað til stöðu stofnana og samtaka á vettvangi þjóðmálanna, að stjórnarskráin hafi verið sett í deiglu breytinga, fullveldi Íslands orðið dagskrárefni vegna viðræðna við Evrópuríki og áríðandi sé að málstaður þjóðarinnar birtist skýrt í alþjóðlegri umfjöllun.

                                 

    

Tími Samfylkingar í ríkisstjórn er að renna út. Samstaða þjóðar mælir þann tíma á táknrænan hátt með einkennismerki sínu. Örvænting Samfylkingar birtist í tilraunum til að finna frambjóðanda sem á forsetastóli yrði tilbúinn að taka þátt í að afsala sjálfstæði Íslendska ríkisins í hendur hinum austræna dreka.

 

Tími Samfylkingar er að renna út.

                                 

Afnám fullveldisréttinda almennings úr Stjórnarskránni er eitt af þeim forgangsefnum sem Samfylkingin ætlar nýgjum forseta að fullkomna. Lýðveldi yrði breytt í höfðingaveldi, undir nafninu þingræði. Í komandi forsetakosningum mun valda-aðall landsins fylkja liði til andstöðu við Ólaf Ragnar, en þjóðin mun sýna steinharðan vilja og fara með sigur í baráttunni fyrir ævarandi hugsjónum þeirra fóstbræðra: Jóns Sigurðssonar forseta og Jóns Guðmundssonar ritstjóra.

  

>>><<<
 

Höfnum höfðingjaveldi í formi þingræðis.

Fullveldisréttindi ríkisins í höndum almennings.

Steinhörð barátta fyrir sjálfstæðu lýðveldi á Íslandi.

  

>>><<<