Sex þúsund manna dauðasveit gegn litlum fugli

Jón Sigurðsson	Myntráð	Kanadadalur	Icesave-vextir	NEI við ESB	XXX
Stjórnarskráin	Fjárframlög	Veðurfar	Sunni-Islam	Evrópuvaktin	XXX

  

 

Samstaða þjóðar    NATIONAL UNITY COALITION                                                               Baráttusamtök fyrir sjálfstæðu ríki á Íslandi og fullveldisréttindum almennings.    Stöndum vörð um Stjórnarskrá Lýðveldisins.

 

 

Sex þúsund manna dauðasveit gegn litlum fugli.

Fyrst birt í Morgunblaðinu 13. apríl 2017.

Ole Anton Bieltvedt.

Eins og allir vita er rjúpan fallegur, skaðlaus og varnarlaus lítill fugl, sem auðgar og skreytir Íslenzkt lífríki. Rjúpan er lykiltegund í Íslenzku vistkerfi og einn einkennisfugla Íslenzkrar náttúru. Ég hygg að flestir sem láta sér annt um Íslenzkt dýralíf, Íslenzka náttúru og Íslenzkt umhverfi elski þessa litlu, fallegu og friðsælu lífveru, sem prýðir og gleður með fegurð sinni og líflegu korri.

Þróaðir lifnaðarhættir.

Karrinn helgar sér óðal í lok apríl og 2-3 vikum síðar veljast hæna og karri saman. Ef bæði lifa bindast þau böndum saman alla ævi. Rjúpan er því »einkvænisdýr«. Óðal karrans verður þeirra sameiginlega heimili svo lengi sem bæði lifa og karri getur varið óðal sitt. Við eðlilegar aðstæður getur hænan orpið allt að 12 eggjum. Meðalvarp hér á Íslandi er hins vegar aðeins 6-7 ungar, sem gæti verið vísbending um hversu illa er búið að þrengja að rjúpnastofninum. Meðan ungarnir eru að vaxa úr grasi dvelst karrinn í nánd við hreiðrið og gætir hænu og unga. Báðir foreldrar afla fæðu og fóðra ungana saman.

Hörð lífsbarátta – snjóhús á veturna.

Fæðuleit er oftast tiltölulega einföld á sumrin, en rjúpan lifir aðallega á rjúpnalaufi, krækilyngi, bláberjalyngi, birki og grasvíði. Þegar haustar og vetrar verður lífsbarátta rjúpunnar hins vegar oft hörð, einkum í harðæri og miklum snjóavetrum. Til marks um gáfnafar og þroska rjúpunnar má nefna að á vetrum byggja þær 5-15 saman snjóhús, þar sem þær dvelja að mestu yfir daginn. Að þessum snjóhúsum eru yfirleitt um hálfs metra göng. Í morgunsárið fara þær af stað í fæðisleit, sem oftast er hópvinna. Það er því langt í frá að rjúpan sé „skynlaus skepna“, sem reyndar er algjört öfugmæli, sem ekki á við um neitt dýr.

Elt og ofsótt – hvergi griðland.

Rjúpan hefur verið elt, ofsótt og drepin í gegnum tíðina, framan af af þörf, í harðbýlu landi, en þessi þörf er ekki lengur til staðar. Nú flokkast rjúpnadráp undir tómstundagaman og skemmtun, jafnvel sport. Í mín eyru er orðið »sport« yfir að elta, ofsækja, limlesta og níða niður saklausar og varnarlausar lífverur, sem ekkert hafa til saka unnið, óheyrilegt. Náttúran hefur gefið rjúpunni að hluta til þrjá fjaðurhami á ári, til að verjast erkifjandanum, manninum, en það dugar skammt. Rjúpnaveiðimenn eru vopnaðir nýjustu sjónaukum og sjálfvirkum haglabyssum – marghlæðum – og er rjúpunni vart undankomu auðið, þegar dauðasveitirnar, yfirleitt um 6.000 blóðþyrstir veiðimenn, fara af stað, þegar veiðitímabil hefst.

Stofninn varla sjálfbær.

Í viðtali Morgunblaðsins við Ólaf K. Nielsson, rjúpnasérfræðing Náttúrufræðistofnunar, 19. september sl. kemur fram að rjúpnastofninn sé mjög lítill, varla sjálfbær. Viðurkennir Ólafur að viðkoman hafi verið mjög slök síðustu 10-12 ár, eða frá um 2005. Er ljóst að varpstofninn er kominn niður undir 100.000 fugla, sem er aðeins brot af því sem var á árum áður. Þrátt fyrir þetta vafasama ástand stofnsins var enn leyft að drepa 40.000 fugla á síðasta veiðitímabili. Hvað gekk umhverfis- og auðlindaráðuneytinu til með því? Of mörg atkvæði í húfi?

Nánast búið að útrýma rjúpunni árið 2002.

Loks var ákveðið að friða blessað dýrið 2002. Eitt af því sem hafði vafizt fyrir þeim sérfræðingum sem málinu stýrðu var það sem kallað er »veiðiafföll«. Hér er að mestu um það að ræða að veiðimenn skjóta á fljúgandi fugla, sem eru að reyna að forða sér, limlesta þá og særa, án þess að drepa þá endanlega, og geta þessi blessuðu limlestu og dauðsærðu dýr komið sér undan, til þess eins þó að kveljast til dauða, fjarri veiðimanni. Er greinilegt að tugþúsundir fugla hafa verið níddir til dauða með þessum ömurlega hætti ár hvert, en nú liggur fyrir að þessi »veiðiafföll«, sem frekar mætti kalla níðdráp, hafi numið allt að 40%. 2005 virðast stjórnvöld ekki hafa staðizt þrýsting blóðþyrstra veiðimanna lengur, og aftur fór dauðasveitin af stað.

Rjúpan fái grið.

Fáar verur hafa verið ofsóttar og hrelldar, meiddar og níddar til dauða á Íslandi í sama mæli og blessuð rjúpan. Það er mál til komið að fuglinn fagri og friðsæli, sem er lykiltegund í Íslenzku vistkerfi og prýðir það og skreytir, fái grið og frið. Ég og þúsundir dýra- og rjúpnavina setjum traust okkar á nýjan, bjartan og djarfan umhverfis- og auðlindaráðherra, Björtu Ólafsdóttur, með þessa löngu tímabæru og réttu friðunarákvörðun.

Loftslagsblaðran sprungin

Jón Sigurðsson	Myntráð	Kanadadalur	Icesave-vextir	NEI við ESB	XXX
Stjórnarskráin	Fjárframlög	Veðurfar	Sunni-Islam	Evrópuvaktin	XXX

  

 

Samstaða þjóðar    NATIONAL UNITY COALITION                                                               Baráttusamtök fyrir sjálfstæðu ríki á Íslandi og fullveldisréttindum almennings.    Stöndum vörð um Stjórnarskrá Lýðveldisins.

 

 

Loftslagsblaðran sprungin.

Fyrst birt í Morgunblaðinu 03. apríl 2017.

Friðrik Daníelsson.

Það þurfti leiðtoga hins frjálsa heims til að stinga á loftslagsblöðrunni. Og ekki er fagurt það sem út þeytist:

Blekkingar, falsanir, umhverfistrúarofstæki, losunarkvótabrask og heimsvaldabrölt. Stóriðja sem hefur eytt trilljónum dala til einskis. Nú gerist það væntanlega að fjárveitingavald Bandaríkjanna mun veita fé óháðum vísindamönnum til rannsókna á loftslagi án þess að þeir þurfi að reyna að sanna ógnina af loftslagshlýnun til að fá framlögin. Bandaríkin hafa eytt yfir 20 milljörðum dala á ári í »loftslagsrannsóknir« um hlýnun af mannavöldum.

Það verður sem sagt »ræst fram fenið« eins og Bandaríkjaforseti orðar það. Við Íslendingar erum þegar komnir út í fenið. Tilskipanavald ESB, EES, hefur komið hér á bókstafstrúarstjórn á »loftslagsmál«. Það þýðir lélegt bensín, mokstur ofan í skurði, svindlriðið losunarkvótakerfi, rafvæðingartilraunir á kostnað bíleigenda, vindmyllur og ýmiss konar »umhverfisvænt« fálm á kostnað skattgreiðenda. Vankunnáttumenn vilja minnka »kolefnissporið« og boða »grænar« aðgerðir en vita ekki að meiri koltvísýringur gerir jörðina grænni og eflir lífið í sjónum.

Þó að enn sé engin afgerandi hlýnun (nema ónákvæmar mælingar sem sagt er frá í fjölmiðlunum) er bara að vona að óháðir vísindamenn muni finna svar við hvort við getum einhvern tíma fengið einhverja hlýnun þó koltvísýringurinn hafi hverfandi áhrif og ríkt hafi kólnun í 7500 ár. Það yrði mikil búbót fyrir okkur hér á norðurhjara þó að við séum of kjarklaus til að segja frá því. Þegar Keops byggði pýramídann voru grænar hlíðar í stað Vatnajökuls.

Vondi kallinn Trump og Íslandófóbía háttfirrtra þingmanna

Jón Sigurðsson	Myntráð	Kanadadalur	Icesave-vextir	NEI við ESB	XXX
Stjórnarskráin	Fjárframlög	Veðurfar	Sunni-Islam	Evrópuvaktin	XXX

  

 

Samstaða þjóðar    NATIONAL UNITY COALITION                                                               Baráttusamtök fyrir sjálfstæðu ríki á Íslandi og fullveldisréttindum almennings.    Stöndum vörð um Stjórnarskrá Lýðveldisins.

 

 

Vondi kallinn Trump og Íslandófóbía háttfirrtra þingmanna.

Fyrst birt í Morgunblaðinu 21. febrúar 2017.

Sverrir Stormsker.

Gríðarleg móðursýki hefur gripið um sig eftir að Adolf Hitler - en svo kalla vinstri öfgamenn Donald Trump - setti 90 daga bann við komu fólks frá nokkrum vara- og vafasömum ríkjum sem að mestu heyra undir alræðisstefnuna Islam. Flest þessi ríki eiga það sameiginlegt að hafa verið bombarderuð af Obama, friðarverðlaunahafa Nóbels, og því var talið líklegt að þau væru ekki í sjöunda himni með það og vildu hugsanlega svara fyrir sig á sínu tungumáli - með hryðjuverkum. Þessi ríki voru því ekki valin af handahófi. Obama sá um þetta á sínum tíma og enginn sagði neitt við því.

Trump var ekkert að finna upp hjólið í þessum efnum. Hann uppgötvaði ekki harðar reglur í innflytjenda- og varnarmálum. Ríki Vesturlanda eru hvert af öðru að vakna upp af óværri þyrnirósarmartröð og taka upp strangari landamæragæslu, gott ef ekki öll, nema Ísland að sjálfsögðu.

Vissulega er Trump stórtækur í þessu sem öðru og situr ekki við orðin tóm. Það finnst mörgu góðu fólki mjög slæmur ókostur.

Kosningarnar eru búnar - Skiljú?

Fjölmargir Bandaríkjarforsetar hafa sett svipuð ferðabönn á undan Trump og enginn hefur gert óveður út af því en þar sem Trump á í hlut þá er náttúrulega um að gera að reyta og tæta hár sitt og skegg og öskra afar vinsæl blótsyrði eins og »fasisti rasisti nasisti kvenhatari« og ganga alveg af göflunum og hnífunum. Það þarf varla að taka það fram að þessi móðursýki er að megninu til í höfðinu á vinstrimönnum sem hata kallinn einsog pestina og prestana og geta með engu móti sætt sig við að hann hafi sigrað óspilltu friðardúfuna hana Hillary í lýðræðislegum kosningum eftir þeim leikreglum sem gilda í USA. Á ensku heitir þetta að vera libtard, en það orð er samsett úr orðunum liberal (frjálslyndur) og retard (þroskaheftur).

Islamófóbía - Nasismófóbía - Einhver munur?

Móðursýkin er komin á það svakalegt stig að nú segjast Píratar ekki lengur geta sofið á nóttunni sökum angistar og þeir sjá eld og brennistein og gasklefa í hverju horni og eru með klærnar fastar uppí sér í vitfirringslegri skelfingu, titrandi og skjálfandi á beinunum með sængina breidda uppfyrir haus, muldrandi í svitakófi og óráði að nú sé heimsendir í nánd því vondi kallinn hann Trump (Hitler) ætli sér að sprengja okkur öll í loft upp. Svo gægjast þeir undir rúmið með geðveikislegan hræðsluglampa í augunum til að athuga hvort skrímslið hann Trump (Hitler) sé nokkuð mættur á svæðið.

Vinstrimenn verða að fara að róa sig. Slaka aðeins á. Taka svefnpillu eða arsenik eða eitthvað. Það er Hillary en ekki Trump sem vill stríð við Rússa. Það var Hillary en ekki Trump sem talaði Obama inná að sprengja Lýbíu í tætlur. Obama friðarhöfðingi var í stríði hvern og einn einasta dag sem hann sat á forsetastóli, en Trump (Hitler) hefur hinsvegar ekki farið í stríð við neinn ennþá - nema hvað hann mun alveg örugglega taka blessuðu englana í ISIS í bakaríið - svo farið nú að anda með rananum kæru óttaslegnu taugabiluðu vinstri öfgamenn hvar í flokki sem þið standið og hættið að gleypa allt hrátt sem stendur í falsfréttamiðlunum ykkar og látið af angist ykkar og andúð og taumlausu hatri og ofsa og ofstæki og grynnkið aðeins á þráhyggjukenndri heiftúðugri hatursorðræðu ykkar sem þið eruð alltaf að ásaka aðra fyrir að viðhafa. Þið verðið að fara að láta af þessari nasismófóbíu ykkar svo þið öðlist svefnsamar nætur.

Vinstriflokkarnir 3 - Gísli, Eiríkur og Helgi.

Ég er náttúrulega að tala við vegg (múr) því nú hafa vinstriflokkarnir þrír, semsé Vinstri græningjar, Samfylkingin (þriggja manna »fylking«) og systurflokkur þeirra - Píratar - tekið sig til og drullumallað gjörsamlega tilgangslausa þingsályktunartillögu þar sem tilskipun Trumps er harðlega mótmælt og farið fram á að »Alþingi fordæmi og saki Bandaríkjaforseta um fordæmalausa mannfyrirlitningu og fordóma,« eins og þeir orða það svo fágað og fordómafullt. Popúlisminn og pólitíska rétthugsunin í algleymingi.

Ef það á að vera eitthvert samræmi í þessu óráði þeirra og ofstæki og ef þeir ætla að vera sjálfum sér samkvæmir þá verða þeir einnig að senda harðorð mótmæli til þjóðhöfðingja Japans, Austurríkis, Ungverjalands, Póllands, Slóveníu, Króatíu o.s.frv. en öll þessi ríki hafa verið mun harðari í innflytjendamálum og landamæravörslu sinni en Bandaríkin. En munu þeir gera það? Nebb. Hversvegna ekki? Sumir myndu segja að það væri vegna þess að þeir væru libtard, en það er bara hluti af skýringunni. Annað brot af skýringunni er inngróin kommalufsuhræsni og eðlislægur popúlismi stefnulausra rekalda. Það er t.d. mikill misskilningur hjá Sjálfstæðisflokknum að halda að það sé til fylgisaukningar og vinsælda fallið að stökkva uppá bögglabera vinstri öfgaflokkanna og þeirra úrelta útrunna útbrunna pólitíska rétttrúnaðar. Svoleiðis reiðhjólatúr er dæmdur til að enda útí skurði.

Trumpófóbía.

En fyrst og fremst beinast mótmæli háttfirrtra þingmanna og fordæmalaus mannfyrirlitning og fordómar þeirra eingöngu gegn Trump vegna þess að þeir hata hann út af lífinu og orðræðan eftir því. Hann stendur fyrir allt sem þeir hata og svo snúa þeir hatri sínu á honum yfir á hann sjálfan og segja að hann sé kvenhatari og kynþáttahatari o.s.frv. Tóm vitleysa og rugl. En það er ansi margt sem þeir hata við hann:

Hann er t.d. ekki femínisti. Hann er ekki hálfviti, sem er mjög slæmt því ef hann væri það þá væri hann hugsanlega femínisti. Hann er kjaftfor ráðríkur ákveðinn og óheflaður (ruddaleg týpa með vonlausan tónlistarsmekk). Svo er hann að sjálfsögðu Hitler með afrakaða hormottu og uppfærða hárgreiðslu.

Hann er ómútanlegur (það hlýtur að hafa hneykslað Hillary). Hann er öðruvísi (allir verða að vera eins í dag). Hann stendur við kosningaloforð sín og er snöggur að því (algerlega ófyrirgefanlegt). Hann er ekki kelling í neinum skilningi. Hann er með pung í öllum skilningi. Hann er ekki pólitískt rétthugsandi viðrini (skelfilegt. Hvert er þessi heimur að fara?). Hann tengir saman öfga-Islam og hryðjuverk (öfugt við Hillary og Obama sem þorðu ekki að nefna öfga-Islam á nafn og hvað þá að fordæma hryðjuverk Islamista).

Hann er hreinskilinn og segir hug sinn umbúðalaust án fílters og án tillits til hvort það falli í kramið eða ekki (öfugt við popúlista). Hann þorir að vera hann sjálfur (glæpur). Hann hefur heilbrigða þjóðerniskennd (en það er bannað í dag og er kallað þjóðremba). Hann vill landi sínu og þjóð allt hið besta og vill verja landamærin mynduglega (öfugt við vinstrimenn). Hann gerir sér grein fyrir að galopin landamæri þýða eyðileggingu þjóðríkisins, hann vill ekki að land sitt fari til helvítis eins og Evrópa stefnir hraðbyri í undir forystu Merkel. Hann er semsé ekki dæmigerður vestrænn stjórnmálaslúbbert.

Menn hafa nú verið hataðir fyrir minna en þetta. Og svo er hann með hárgreiðslumeistara sem hlýtur að vera mikill húmoristi.

Auðvitað er kallinn egóisti, klámkjaftur, frekur, hefnigjarn, gráðugur, móðgandi, ögrandi, »karlrembusvín,« en svo hefur hann eflaust líka einhverja ókosti. Enginn er fullkominn.

Hagsmunir Íslands aukaatriði að venju.

En hvaða árangri vilja þessir Íslendsku vinstriflokkar ná með þessari þingsályktunartillögu sinni og fordæmingu og formælingum? Hverju vilja þeir ná fram? Halda þeir að þetta komi Íslandi vel? Það finnst þeim náttúrulega aukaatriði enda haldnir Íslandófóbíu. Halda þeir að þetta bæti samskipti ríkjanna? Aukaatriði. Íslandófóbían. Halda þeir að Trump breyti stefnu sinni vegna þessa? Ég þykist vita að þeir séu að slá sig til réttlætisriddara með þessu dómgreindarlausa tilfinningalega frumhlaupi sínu en halda þeir virkilega að Trump segi við ráðherrana sína skjálfandi röddu:

»Ég var að fá hérna fordæmingu og svívirðingar frá Alþingi Íslands og það þýðir að ég verð að hætta þessum komubannspælingum einn tveir og bingó. Ég er lamaður af ótta og er alveg við það að spræna í buxurnar og gubba af stressi. Ég veit að þið hafið aldrei heyrt á Ísland minnst en ég get sagt ykkur það að Ísland er smáhólmi norður í rassgati með nokkrum hræðum. Við byggðum handa þeim flugvöll og höfum varið þá í um sjö áratugi endurgjaldslaust. Þingmenn þessa eyjakrílis eru ofboðsleg gáfnaljós og vammlausir stálheiðarlegir óspilltir siðavandir réttlætisriddarar og eru gríðarlega áhrifamiklir í alheiminum þannig að það er mjög mikilvægt að hafa þá góða. Ég er hættur við öll áform um ferðabann og ég verð að fara að ganga í brúnum buxum svo það sjáist ekki þegar ég drulla á mig úr hræðslu.«

Ekki vaxa dvergar yfir höfuð.

Eru þetta viðbrögðin sem vinstrivitringarnir búast við? Ef ekki, til hvers eru þeir þá að þessu?

Árangurinn af svona óráðstillögu verður að liggja fyrir. Það þarf engan stjórnvitring til að sjá að þetta vanhugsaða tilfinningalega óðagot mun engu skila nema fullkomnu antípati valdamesta manns heims á okkur. Trump er ekkert að fara að taka við fíflalegum umvöndunum og formælingum einnar spilltustu þjóðar Evrópu með brosi á vör án þess að svara með rothöggi til baka eins og hann er frægur fyrir. Það er kýrskýrt.

Það er nú þegar búið að eyðileggja móralinn milli Íslands og Rússlands með þátttöku okkar í fáránlegu viðskiptabanni og nú á að myndast við að rústa vinskapnum milli Íslands og Bandaríkjanna, sem alltaf hafa reynst okkur vel, rétt eins og Rússland.

Fyrir rúmu ári stakk borgarstjórinn í Reykjavík uppá því að sniðganga vörur frá Ísrael, sem var náttúrulega gaga, og um svipað leyti toppaði kafteinn Pírata hann í ruglinu með sniðgöngutillögu á Kína og sagði: »Ég legg til að við skoðum innkaupastefnu Alþingis um það hvort við eigum að kaupa vörur frá Kína.«

Hvað er að? Mikilmennskubrjálæði? Veruleikafirring? Eigum við ekki bara að slíta öll tengsl við umheiminn og fara að búa í leðurblökuhelli í öllum okkar heilagleika úr því að siðferði okkar er á svona líka miklu hærra plani en allra annarra? Hvað höldum við eiginlega að við séum? Íslendingar verða að fara að fatta að þeir eru dvergar í dvergríki og hafa ekki beint úr háum söðli að detta í neinu tilliti. Dvergar stækka ekkert við það að tylla sér á tá og reyna að breiða úr sér. Trump er ekki Hitler. Óhætt að fara að sofa. Það vill gleymast að meirihluti Bandaríkjamanna styður forseta sinn í þessu máli og svo má geta þess að samkvæmt nýrri viðamikilli breskri skoðanakönnun kemur fram að meirihluti fólks í 10 ESB-löndum vill alfarið stöðva innflutning fólks frá löndum Múslima. Ekki tímabundið eins og Trump er að gera heldur alfarið.

Þessi tíu vondu ESB-lönd kunna greinilega ekki að meta góða »fjölmenningu« og nútímalega Sharia dómstóla. Hvað ætla háttfirrtir vinstriþingmenn á Íslandi að gera í því? Krefjast viðskiptabanns á þau? Sniðganga vörur frá þeim? Fordæma þessar þjóðir og gangsetja sína dæmigerðu hatursorðræðu gegn þeim og úthrópa þær sem rasista og fasista? Heimta að þær taki við fólki frá löndum Múslima með góðu eða illu og raði því á 5 stjörnu hótel á kostnað skattgreiðenda eins og gert er á Íslandi?

Traust og virðing Alþingis mælist skiljanlega í frostmarki en samt halda þessir óhæfu óvitar að þeir séu þess umkomnir að skipta sér af innanríkismálum Bandaríkjanna og vanda um fyrir Bandaríkjaforseta með blammeringum og fasistauppnefningum og segja honum til í þjóðaröryggismálum og jafnvel í fóstureyðingarmálum. Síðan hvenær fór rottan að hafa efni á að halda siðaprédikun yfir fílnum? Á hún ekki að vera að taka til í sinni illa þefjandi rottuholu? Þessir háttfirrtu þingmenn eru með allt í rusli hér heimafyrir í öllum málaflokkum og með allt niðrum sig og saursletturnar langt uppá hnakka en halda samt að þeir séu akkúrat réttu mennirnir til að segja Trump hvernig hann eigi að stjórna landi sínu. Hvað eru þessir jólasveinar eiginlega að reykja? Þurrkaðan grameðluskít? Finnst þeim þeir virkilega hafa efni á að leika einhvern Tarzan útí heimi? Þessi gúmmí-Tarzan er ekki einusinni í skýlu eða með bleyju. Hann er ekki apabróðir heldur bara api.

Ísland fyrst.

Svo lengi hafa værukærir krónískir vinstrimenn legið maríneraðir í sínum pólitíska rétthugsunarsora eins og klóakrottur að það er ekki nema von að þeir fái hland fyrir hjartað þegar fram kemur harðduglegur sjálfstætt þenkjandi hreingerningamaður sem lætur hendur standa fram úr ermum og fer að skrúbba allt hátt og lágt. Ef þessir háttfirrtu þingmenn vilja fordæma forseta Bandaríkjanna og saka hann um mannfyrirlitningu og fordóma og rasisma og fasisma og þessháttar ekkisensdellu og prumphænsnapíp þá eiga þeir að gera það í sínu eigin nafni, ekki í nafni Alþingis eða þjóðarinnar - en það er örugglega til of mikils mælst. Þetta eru nefnilega að uppistöðu til sömu flokkarnir og vildu að við borguðum Icesave og slógu tjaldborg um heimilin. Þeir virðast haldnir Íslandófóbíu á háu stigi. Þessir háttfirrtu þingmenn mættu gjarnan taka Trump sér til fyrirmyndar og fara að setja hagsmuni eigin lands og þjóðar í fyrsta sæti. Það væri tímabær tilbreyting. Til þess voru þeir kjörnir og til annars ekki - þó þeir skilji það greinilega ekki ennþá.

Til að taka ómakið af góða og gáfaða fólkinu með réttu skoðanirnar þá skal ég titla mig með ofnotuðustu blótsyrðum þess:

Höfundur er rasisti, fasisti, nasisti, kvenhatari og miðaldra hvítur karl-maður.

Hún er Múslimi, kvenmaður og innflytjandi, en kaus samt Donald Trump

Jón Sigurðsson	Myntráð	Kanadadalur	Icesave-vextir	NEI við ESB	XXX
Stjórnarskráin	Fjárframlög	Veðurfar	Sunni-Islam	Evrópuvaktin	XXX

  

 

Samstaða þjóðar    NATIONAL UNITY COALITION                                                               Baráttusamtök fyrir sjálfstæðu ríki á Íslandi og fullveldisréttindum almennings.    Stöndum vörð um Stjórnarskrá Lýðveldisins.

 

 

Hún er Múslimi, kvenmaður og innflytjandi, en kaus samt Donald Trump.

Fyrst birt í Morgunblaðinu 17. nóvember 2016.

Loftur Altice Þorsteinsson.

Sjálfhatur er sjúkdómur sem hrjáir marga á Vesturlöndum. Oft birtist sjúkdómurinn sem hatur á eigin samfélagi og þjóð, ásamt ást á öllu sem útlendt er, svo sem útlendri hugmyndafræði og trúarbrögðum. Hér á landi stunda sjúklingarnir beinlínis þjóðníð, auk þess sem þeir ganga blygðunarlaust í lið með Arabiskum landræningjum í Palestínu og styðja Mujahida í Sýrlandi og Írak.

Það er opinbert leyndarmál að hryðjuverkamenn Sunni-Múslima (ISIS) eru fjármagnaðir og vopnaðir af Saudi-Arabíu, Katar og Obama-stjórninni í Bandaríkjunum. NATO-ríkið Tyrkland sér svo aumur á þeim og aðstoðar með að breyta stolinni olíu í peninga. Valdastéttin á Vesturlöndum lætur sér vel líka, enda jafnast engin smurolía á við mútufé Saudi-Arabíu. Þegar leikar stóðu sem hæst birtist senuþjófur að nafni Donald J. Trump og fór í forseta-framboð.

Framboð Donalds Trump var öllu siðuðu fólki sem himnasending.

Þrátt fyrir að valdastéttin kepptist við að birta skoðanakannanir sem sönnuðu, að Trump ætti enga möguleika að vinna prófkjör Republicana, tóks honum það. Fréttastofur valhafanna unnu síðan baki brotnu við að sanna að Bandaríkjamenn ættu enga ósk heitari en að Bill Clinton fengi aftur búsetu í Hvíta húsinu. Allt kom fyrir ekki, því að »hvít úrhrök« (nafngift Democrata á fátæku dreifbýlisfólki) tóku upp á því að mæta á kjörstað og kjósa Donald J. Trump sem 45. forseta Bandaríkjanna.

Niðurstaða kosninganna veldur valdastéttinni auðvitað sárindum og jafnvel sáust tár á hvarmi þeirra sem verst eru haldnir af sjálfshatri. Máltækið segir: »lengi getur vont versnað« og það sannast varðandi forseta-kosningarnar. Það voru nefnilega ekki bara »hvít úrhrök« sem greiddu Trump atkvæði sitt. Jafnvel Múslimar, kvenmenn og innflytjendur notuðu atkvæði sitt á þennan hátt – þrátt fyrir að ríkjandi »hugsunarlaus rétthugsun« leggi blátt bann við þjóðlegri afstöðu. Dæmi um þetta er Asra Quratulain Nomani, sem er Múslimi, kvenmaður og innflutt til Bandaríkjanna.

Asra sagði sögu sína í blaðagrein, sem birtist í The Washington Post, 10. nóvember 2016. Hún rekur þar aðdraganda þess, að hún fyrrverandi »liberal« og kjósandi Barack Obama 2008 og 2012 ákvað að greiða Donald J. Trump atkvæði sitt. Hún talar um að frásögnin sé játning og útskýring, enda hafi hún verið þögull kjósandi, vegna þeirrar örvahríðar rétthugsunar sem yfir almenning hefur drifið. Asra sér ástæðu til að undirstrika, að hún er ekki fordómafull, ekki haldin kynþáttahatri og ekki haldin þjóðernis-hroka. Eftirfarandi er sumt af því sem mótaði afstöðu hennar:

Hófsömum Múslimum ofbýður undirgefni Obama við Sunni-Islam.

»Ég er einstæð móðir og hef ekki efni á sjúkratryggingu samkvæmt »Obama-care«. Húsnæðislánakerfi forsetans »Hope Now« kom mér að engu gagni. Eftir átta ára stjórn Obama og vegna hennar, er almenningur í dreifðum byggðum Bandaríkjanna í miklum fjárhagskröggum.«

»Að auki sem hófsamur Múslimi, sem hef sjálf fengið að þola afleiðingar öfga-Islams, hef ég verið andvíg þeirri undirgefni Obama og Democrata flokksins, að stepp-dansa umhverfis orðið Islam í nafninu »Islamska ríkið«. Þetta er augljós tilraun til að fela það málefni sem veldur mér mestum ótta í jarðlífinu. Öfga-Islam hefur úthellt blóði frá anddyri Taj Mahal hótelsins í Mumbai til dans-gólfsins í Pulse næturklúbbsins í Orlando.«

»Það sem endanlega réði afstöðu minni, voru ummæli Hillary Clinton í tölvuskeyti 17. ágúst 2014 til aðstoðarmannsins John Podesta, sem WikiLeaks birti. Þar segir Hillary:

“Við ættum að nota sambönd okkar við stjórnmálamenn og hefðbundna útsendara til að hafa áhrif á ríkisstjórnir Katar og Saudi-Arabíu, sem leynilega veita ISIL fjárhagslegan stuðning og útvega þeim vopnabúnað. Með ISIL meina ég »Islamska ríkið« og aðrar sveitir öfgafullra Sunni-Múslima á svæðinu.”«

»Þegar svo bættist við, að Clinton stofnunin (The Clinton Foundation) hafði fengið milljóna Dollara framlög frá Katar og Saudi-Arabíu, hvarf algerlega áhugi minn fyrir framboði Hillary Clinton.«

Obama-stjórnin hefur valdið hörmungum sem Hillary hefði endurtekið.

Margir Bandaríkjamenn geta örugglega sagt sömu sögu og Asra Quratulain Nomani. Obama hefur gjörsamlega mistekist stjórn á innanlandsmálum og utanríkisstefnan hefur leitt til hörmunga fyrir milljónir manna, einkum í Mið-Austurlöndum og Afríku. Það eina sem Obama-stjórninni hefur tekist með »ágætum« er að tvöfalda ríkisskuldir Bandaríkjanna. Hvað Hillary áhrærir, þá er hún meðsek Obama, auk þess sem hún er fullkomlega siðlaus mútuþegi.

Varla hvarflar að nokkrum manni að Hillary hefði komið einhverju gagnlegu til leiðar sem forseti. Hún hefði haldið áfram sama fjármála sukkinu og daðri við hryðjuverka samtök Sunni-Múslima, sem fjármögnuð eru af Katar og Saudi-Arabíu – eins og hún sjálf staðfesti í WikiLeaks skeytinu. Mannkyn hlaut stóra vinningin, þegar Bandaríkjamenn höfðu vit á að kjósa Donald J. Trump sem forseta. Eftir 8 dapurleg ár undir stjórn Obama, er hægt að hefja sókn til bættra lífskjara í Bandaríkjunum og útrýma Mujahidum Sunni-Múslima.

 

Fyrir smáríki eins og Ísland er myntráð hið mesta heillaráð

Jón Sigurðsson	Myntráð	Kanadadalur	Icesave-vextir	NEI við ESB	XXX
Stjórnarskráin	Fjárframlög	Veðurfar	Sunni-Islam	Evrópuvaktin	XXX

  

 

Samstaða þjóðar    NATIONAL UNITY COALITION                                                               Baráttusamtök fyrir sjálfstæðu ríki á Íslandi og fullveldisréttindum almennings.    Stöndum vörð um Stjórnarskrá Lýðveldisins.

 

 

Fyrir smáríki eins og Ísland er myntráð hið mesta heillaráð.

Fyrst birt í Morgunblaðinu 20. október 2016.

Loftur Altice Þorsteinsson.

Peningastefna ríkja er eitt mikilvægasta tæki þeirra til að tryggja stöðugleika og stuðla að hagveksti. Svo undarlegt sem það er þá er staðreyndin sú, að valdastéttin á Íslandi hefur engan áhuga á að ná slíkum markmiðum. Eðlileg afleiðing þessa áhugaleysis er fullkominn þumbaraháttur um peningastefnu landsins – markvisst er umræðu um þetta mikilvæga mál beint að aukaatriðum, málefnalegum ábendingum er engu sinnt og venjulegustu viðbrögðin eru heimskulegur útúrsnúningur.

Seðlabankinn er sníkjudýr á hagkerfi Íslands.

Í September 2012 gaf Seðlabankinn út skýrslu, undir nafninu: »Valkostir Íslands í gjaldmiðils- og gengismálum«. Þrátt fyrir ólund Seðlabankans varð ekki komist hjá, að leiða í ljós afgerandi kosti fastgengis undir stjórn myntráðs. Hins vegar hafði valdastéttin engan áhuga á vitrænni umræðu um nýgja peningastefnu og Sigmundar-stjórnin hafnaði afdráttarlaust að kanna kosti fastgengis, með stjórnarsáttmálanum frá 22. maí 2013.

Staðreyndin er sú, að Seðlabankanum er ekki treystandi að gera heiðarlega úttekt á peningastefnu fyrir þjóðina. Ástæðan er auðvitað sú að Seðlabankinn er gamaldags ríkisstofnun, sem hangir fast á ríkis-spenanum. Við upptöku fastgengis, hvort sem væri í formi Dollaravæðingar eða undir stjórn myntráðs, yrði Seðlabankinn lagður niður. Seðlabankinn er sníkjudýr á hagkerfi landsins, sem sjálft mælir sér blóðskammtana.

Sjálftaka Seðlabankans skeður þannig, að hann framleiðir verðbólgu með stýrivöxtum. Afleiðing verðbólgunnar er aukið peningamagn í umferð og aukningin kemur fram sem svonefndur myntsláttu-hagnaður hjá bankanum. Það hefur vakið furðu margra, að Seðlabankinn hefur ákveðið verðbólgumarkmið, sem frá 2001 hefur verið 2,5%. Með verbólgumarkmiðinu er verið að tryggja Seðlabankanum rúmar og stöðugar tekjur, enda hefur það markmið forgang hjá bankanum.

Í lok árs 2014 námu útgefnir peningar Seðlabankans um 50 milljörðum króna. Í 2,5% verðbólgu næmi árleg aukning peningamagns 1,25 milljörðum króna, sem Seðlabankinn tæki til sín í formi myntsláttu-hagnaðar. Hins vegar var aukning peningamagns 2015 um 5,7 milljarðar króna – dágóður fengur. Til samanburðar má nefna að 2015 voru rekstrargjöld Seðlabankans um 5,0 milljarðar króna.

Fastgengi er forsenda efnahagslegs stöðugleika.

Kostir fastgengis undir stjórn myntráðs eru fjölmargir, auk þess léttis að geta lagt niður gamaldags ríkisstofnun eins og Seðlabankann. Hér má til dæmis nefna: lága vexti, enga verðtryggingu, lága verðbólgu og gjldmiðil sem heldur verðgildi gagnvart útlendum gjaldmiðlum. Af hverju ætli það sé að valdastéttin neitar að hugleiða upptöku myntráðs? Getur verið að Reglubundin peningastefna (Rule Bound Monetary Policy) sem tryggir fastgengi sé of heiðarlegt og of hagkvæmt fyrirkomulag, til að þóknist valdastéttinni?

Fjarstæðukenndum rökum er gjarnan varpað fram til að hindra alvöru umræðu um myntráð. Eitt sem oft heyrist er að það sé kosnaðarsamt að koma á fót myntráði. Staðreyndin er sú, að einungis um 40% af núverandi hreinum eignum Seðlabankans nægja til að stofna myntráð með fullum tryggingum, um alla framtíð. Kalla þarf inn útistandandi krónur Seðlabankans, sem nema um 60 milljörðum, en þess utan er ekki þörf að leggja myntráðinu til neitt fjármagn. Myntráðið stundar hvorki lánveitingar, né aðra áhættusama starfsemi – eina verkefni myntráðs er að skipta á milli stoðmyntar og eigin gjaldmiðils.

Þessi einfalda starfsemi tryggir að myntráð getur ekki komist í neinar fjárhagskröggur. Sjóður myntráðsins nægir alltaf til að greiða fyrir útistandandi peningamagn. Þeirri lygasögu var komið á kreik, að Argentína hafi haft myntráð sem ekki hafi staðist álagið. Sannleikurinn er sá að seðlabanki Argentínu var nefndur myntráð, en hann uppfyllti nær engar þær formkröfur sem gerðar eru til alvöru myntráðs. Ekki ætti að vera erfitt að skilja, að myntráð er tæknilegt fyrirkomulag peningaútgáfu, sem er einskis virði ef reglunum er ekki fylgt.

Myntráð er öruggt tæki til að halda efnahagslegum stöðugleika.

Vert er að geta þess að fjölmörg ríki í Evrópu hafa tímabundið tekið í notkun myntráð, til að ná efnahagslegum skilyrðum sem Evrópusambandið setur fyrir inngöngu. Í öllum tilvikum hafa menn uppskorið eins og vonir voru bundnar við - verðbólga hefur nær horfið og efnahagslegt jafnvægi náðst. Gjaldmiðlarnir sem engin vildi áður líta við, náðu sama styrk og stoðmyntir þeirra – raunar getur ekkert farið úrskeiðis hjá myntráði þegar heiðarleiki valdamanna er fyrir hendi.

Þótt svo vilji til, að á undanförnum árum hafi fastgengi undir stjórn myntráðs verið liður í inngöngu ríkja í Evrópusambandið, er það á engan hátt forsenda fyrir upptöku myntráðs á Íslandi. Þeir fjölmörgu efnahagslegu kostir sem beint leiða af upptöku myntráðs, eru sérstaklega eftirsóknarverðir fyrir þjóðir sem vilja halda sjálfstæði sínu um langa framtíð. Fyrir liggur eindreginn vilji flestra Íslendinga, að styrkja sjálfstæði Lýðveldisins og ekkert getur gagnast þjóðinni betur en sá efnahagslegi stöðugleiki sem fastgengi undir stjórn myntráðs tryggir.

Veðurfar - blaðagreinar um þá röngu tilgátu að lífsandinn (CO2) valdi hlýnun

Jón Sigurðsson	Myntráð	Kanadadalur	Icesave-vextir	NEI við ESB	XXX
Stjórnarskráin	Fjárframlög	Veðurfar	Sunni-Islam	Evrópuvaktin	XXX

  

 

Samstaða þjóðar    NATIONAL UNITY COALITION                                                               Baráttusamtök fyrir sjálfstæðu ríki á Íslandi og fullveldisréttindum almennings.    Stöndum vörð um Stjórnarskrá Lýðveldisins.

 

 

03.04.2017: Loftsblaðran sprungin.

08.10.2016: Jörðin er með sjálvirka hitastýringu, sem útilokar aukna CO2-hlýnun.

24.09.2016: Rangar tilgátur um hlýnun Jarðar og sannleikur eðlisfræðinnar.

 

26.11.2015: Loftslagsmál eru alvörumál.

12.11.2015: Lífsandinn (CO2) er undirstaða lífs á Jörðinni.

04.07.2015: Naglasúpu-tilgátan um hlýnun veðurfars af völdum manna.

 

28.11.2009: Loftslagssirkusinn kemur til Köben.

 

14.12.2001: Loftslagssamningar.

04.04.2001: Kyoto-bólan sprungin.

 

Valið stendur um Myntráð Íslands eða Seðlabanka

Jón Sigurðsson	Myntráð	Kanadadalur	Icesave-vextir	NEI við ESB	XXX
Stjórnarskráin	Fjárframlög	Vinstrivaktin	Sunni-Islam	Evrópuvaktin	XXX

  

 

Samstaða þjóðar    NATIONAL UNITY COALITION                                                               Baráttusamtök fyrir sjálfstæðu ríki á Íslandi og fullveldisréttindum almennings.    Stöndum vörð um Stjórnarskrá Lýðveldisins.

 

 

Valið stendur um Myntráð Íslands eða Seðlabanka.

Birtist fyrst í Morgunblaðinu 20. desember 2008.

Loftur Altice Þorsteinsson.

Þeir hagfræðingar gerast stöðugt háværari sem halda því fram, að seðlabankar séu óþarfir eða jafnvel skaðlegir efnahag þjóða. Jafnframt er því haldið fram, að svonefnd myntráð séu mun gagnlegri og þjóðhagslega hagkvæmari stofnanir. Þessar vangaveltur manna snúast um aðferðir sem seðlabankar og myntráð nota, til að skapa stöðugleika á gengi gjaldmiðla, því eins og Karl Schiller (1911-1994) fjármálaráðherra Þýðskalands og einn áhrifamesti hagfræðingur sins tíma, sagði: »Stöðugur gjaldmiðill er ekki allt, en án stöðugs gjaldmiðils er allt annað einskis virði.«

Stöðugur gjaldmiðill ætti að vera forgangsverkefni.

Seðlabankar segjast hafa efnahagslegan stöðugleika að markmiði. Raunveruleikinn er sá að oftar en ekki hella þeir olíu á eldinn. Úrræði þeirra eru verri en vandamálið. Til að halda gengi gjaldmiðilsins stöðugum, hefur Seðlabankinn tvær meginaðferðir. Annars vegar er genginu tyllt (pegged currency) við sterkan gjaldmiðil eins og US-dollar og gefin fögur fyrirheit um að það sé nú fast. Hin leiðin er að láta gengið fljóta (floating currency).

Báðar aðferðir seðlabankanna eru gagnslausar, því að þeirra meginverkefni er að þjóna pólitískum öflum en ekki efnahagslegum þörfum almennings. Enginn tekur mark á innistæðulausum yfirlýsingum seðlabanka, enda vinna þeir sjálfir einarðlega gegn yfirlýstum markmiðum. Með reglulegu millibili missa seðlabankar tökin á efnahagsmálunum og koma hagkerfunum á kaldan klakann. Óðaverðbólga tekur við af gengisfalli og almenningur fær að blæða fyrir mistökin.

Vilji menn í alvöru skapa stöðugleika í hagkerfi, er myntráð eina lausnin. Myntráð starfar eftir föstum ósveigjanlegum reglum, sem tryggja stöðugt og fast gengi (fixed currency) gjaldmiðilsins. Viðfangsefni myntráðs er að gefa út gjaldmiðil landsins, til dæmis Íslendskan dollar (ISD) og varðveita stoðmynt (anchor currency), sem í okkar tilfelli er eðlilegt að sé US-dollar (USD). Bezt er að hafa skiptihlutfallið 1 ISD = 1 USD, því að þannig verða öll viðskipti með báða gjaldmiðlana auðveld innanlands.

Þeir sem vilja frekari upplýsingar um upptöku Íslendsks dollars, með myntráði og baktryggingu USD, geta fundið þær hér: Umræða um fyrirhugaða upptöku Kanadadals er lífleg og uppbyggileg.

Myntráð með USD sem stoðmynt er lausn Íslands.

Frá því að Bretton Woods-samkomulagið var gert 1944, hefur dollarinn verið bakhjarl peningakerfis heimsins, að svo miklu leyti sem gjaldmiðill einnar þjóðar getur verið í slíkri stöðu. Dollarinn er eini alþjóðlegi gjaldmiðill heimsins, sem lýsir sér í því að 3/4 allra dollara eru í notkun utan Bandaríkjanna. Gjaldeyrisvarasjóðir þjóða heimsins eru að 65% í dollurum og öll hrávöru-viðskipti heimsins fara fram í dollurum. Ef Íslendingar eru að leita að traustum alþjóðlegum gjaldmiðli, til að koma á stöðugleika hins Íslendska gjaldmiðils, er valið augljóslega USD.

Hægt er að nýta sér stöðugleika dollarasvæðisins með tvennu móti. Annaðhvort beinlínis með upptöku USD sem gjaldmiðils í landinu, eða að nota USD til stuðnings Íslendskum gjaldmiðli með myntráði. Þessa aðferð mætti einnig kenna við dollarafót. Hugmyndin að baki myntráði er sú sama og að baki gullfæti, sem lengi reyndist þjóðum heims frábærlega. Hægt er að lýsa þessum kostum svo:

1. Upptaka USD. Krónunni er þá skipt út fyrir USD, sem að loknum 6-12 mánaða aðlögunartíma yrði eini gjaldmiðill landsins. Á þessari aðferð er sá stóri galli, að við værum með í umferð mikil verðmæti sem við annars gætum verið með í vinnu og gæfi okkur arð. Á móti kemur sparnaður við að leggja Seðlabankann niður.

2. Upptaka ISD og USD. Í stað krónunnar er tekinn upp Íslendskur dollar (ISD) sem er varinn með 100% baktryggingu með USD, auk þess sem USD verður fullkomlega gjaldtækur. Þetta krefst þess að komið verði á fót myntráði Íslands, með um 10 manna starfsliði og jafnframt er hægt að leggja Seðlabankann niður. Verkefni myntráðsins er að gefa út ISD, varðveita varasjóðinn og skipta úr USD yfir í ISD, eða öfugt, með skiptihlutfallinu 1 ISD = 1 USD. Bæði ISD og USD verða gjaldgeng mynt. Varasjóðurinn verður ávaxtaður í Bandarískum ríkisskuldabréfum og áætlaður arður af því er 1,5 milljarðar króna á hverju ári.

Trúarlegur ofsi er ekki viðeigandi í efnahagsmálum.

Ávinningur af leið 2 er augljóslega mikill og ekki hægt að hafna honum án einhverra raka. Maður tekur ekki upp 1,5 milljarða króna af götunni! Til að útskýra þennan myntgróða (seiniorage) betur, getum við hugsað okkur, að við værum með „gullfót“ undir gjaldmiðlinum í stað USD. Myndi okkur detta í hug að nota gullið sem gjaldmiðil til daglegra nota? Þetta var auðvitað gert í fornöld, en varla í dag. Við myndum leigja út mest af gullinu, til öruggra aðila og hafa þannig af því arð.

Er ekki kominn tími til að fjallað sé um gjaldmiðilsmál, án einhliða áróðurs fyrir Evru? Þótt einhverjir berjist fyrir ESB-aðild, af trúarlegum ofsa, er ekki við hæfi að umræða um jafn mikilvægt mál og efnahagslegan stöðugleika í landinu sé undirlögð af innantómum upphrópunum. Eigum við ekki fyrst að koma okkur upp stöðugum gjaldmiðli og síðan að takast á um stjórnarfarslegt frelsi þjóðarinnar? Þeir sem vilja beygja sig undir ok ESB, munu áfram njóta málfrelsis og svo geta þeir líka flutt búferlum til Evru-landsins.

 

Jörðin er með sjálfvirka hitastýringu, sem útilokar aukna CO2-hlýnun

Jón Sigurðsson	Myntráð	Kanadadalur	Icesave-vextir	NEI við ESB	XXX
Stjórnarskráin	Fjárframlög	Vinstrivaktin	Sunni-Islam	Evrópuvaktin	XXX

  

 

Samstaða þjóðar    NATIONAL UNITY COALITION                                                               Baráttusamtök fyrir sjálfstæðu ríki á Íslandi og fullveldisréttindum almennings.    Stöndum vörð um Stjórnarskrá Lýðveldisins.

 

 

Jörðin er með sjálfvirka hitastýringu, sem útilokar aukna CO2-hlýnun.

Úrdráttur birtur fyrst í Morgunblaðinu 08. október 2016.

Loftur Altice Þorsteinsson.

Eins og ég hef sýnt fram á í nokkrum blaðagreinum er útilokað að aukinn lífsandi (CO2) valdi hlýnun Jarðar. Hvorki Umhverfisráðuneyti né Veðurstofan geta fært eðlisfræðileg rök fyrir kostnaðarsömum aðgerðum gegn lífsandanum. Að hlýta leiðsögn Evrópusambandsins á þessu sviði er jafn skaðleg flónska og að fylgja ESB í viðskiptastríði við Rússland. Þeir valdamenn munu verða hart dæmdir af sögunni, sem valda Íslandi fjárhagslegum skaða með blindri fylgispekt við erlent vald.

Planck-ferillinn, sem Veðurstofan hefur ekki hugmynd um.

Eins og ég fjallaði um í Morgunblaðinu 24. September 2016 [Rangar tilgátur um hlýnun Jarðar og sannleikur eðlisfræðinnar], lýsir Stefan-Bolzmann lögmálið sambandi á milli hitastigs Jarðar og útgeislunar frá henni. Útgeislunin er í formi rafsegul-bylgna, sem spanna ákveðið samfellt bylgju-svið, með skilgreindum orkutoppi. Ferill orkuflæðisins er því fall af bylgjulengd og hann nefnist Planck-ferill. Skýringarmynd 4 sýnir nokkra Planck-ferla, fyrir hluti sem eru misheitir og senda því frá sér mismikila geislaorku.

Flatarmálið undir hverjum Plank-ferli samsvarar þeirri orku sem viðkomandi hlutur sendir samtals frá sér. Hægt er að skipta flatarmálinu undir hverjum ferli í glugga og finna hversu mikla orku hluturinn sendir frá sér um hvern bylgju-glugga. Með þessu móti er hægt að öðlast góða mynd af orku-ástandi Jarðar og andrúmsins.

Þótt hitanæmar sameindir andrúms endurvarpi jafnt í allar áttir, er endurvarp til Jarðar ekki alltaf 50%. Hlutföllin ráðast af í hvaða hæð upphafleg gleyping fer fram. Því nær Jörðu sem frum-gleypingin verður, þeim mun stærri hluti endurvarpast niður og tekur þátt í hitun hennar. Ef frum-gleypingin verður í mikilli hæð, hefur hnöttótt lag Jarðarinnar áhrif. Ef frum-gleypingin verður í mjög lítilli hæð, koma byggingar, trjágróður og ójöfnur á yfirborðinu við sögu.

Mælingar á orkustreymi í hitabeltinu yfir Kyrrahafi 1974.

Skýringarmynd 5 sýnir mælt orkustreymi frá andrúminu. Niðurstöðurnar eru lagðar yfir Planck-ferla sem sýna orkuflæði sem fall af bylgjulengd. Bylgjurófinu er skipt í glugga, þannig að innan hvers glugga er hægt að nálgast ferlana með beinum línum. Í hverjum afmörkuðum glugga eru ákveðnar hitanæmar sameindir ríkjandi. Með þessum gögnum er hægt að reikna orkuflæði og orkujöfnuð fyrir hvern glugga fyrir sig og andrúmið í heild sinni. Gluggar II og IV hleypa allri útgeislun í gegn, en í öðrum gluggum eru varmabylgjurnar gleyptar og þeim endurvarpað bæði upp og niður.

Á Skýringarmynd 6 er sýnd úrvinnsla byggð á skýringarmynd 5. Dálkar 1, 2 og 3 sýna hvernig orkuflæðinu frá Jörðu er skipt upp á glugga. Dálkur 4 gefur þá Planck ferla sem samsvara mældri útgeislun í gegnum andrúmið. Dálkar 5 og 6 gefa reiknað orkuflæði um hvern glugga, sem samtals nemur 278,7 W/m2, sem er jafnt inngeislun Sólar. Þetta orkuflæði er ýmist bein útgeislun eða endurvarp. Dálkar 7 og 8 gefa heildar orkuflæði án skiptingar á glugga.

Á Skýringarmynd 7 er sýnt líkan yfir orkujafnvægið, sem byggir á fyrrgreindum mælingum og útreikningum. Innstreymi Sólar er 278,7 W/m2, sem samkvæmt Stefan-Bolzmann myndi gefa yfirborðshita Jarðar án andrúms 265K (-8°C) sem er 10°C gráðum heitara en Jörðin öll án andrúms. Hitastig Jarðar á þessum stað var 295K (+22°C) samkvæmt mælingunni, sem er 7°C gráðum heitara en Jörðin öll er talin vera.

Sjálfvirk stýring er á hitastigi Jarðar.

Framangreind úrvinnsla sýnir að CO2 getur ekki valdið meiri hlýnun en nú þegar er orðin. Þannig kemur í ljós að í CO2-glugganum endurvarpast 14,4 W/m2 til Jarðar, sem er 53,1% af heildinni í þeim glugga. Að endurvarpið er langt yfir 50% sannar að frum-gleypingin skeður fast við Jörðu, líklega í innan við 1 meters hæð. Aukið magn CO2 í andrúminu getur því ekki valdið auknu endurvarpi og aukinni hlýnun. Þótt CO2 endurvarpaði til Jarðar allri hitageislun í CO2-glugganum, sem er útilokað, þá væri einungis um að ræða 12,7 W/m2 sem samsvarar um 2°C.

Endurvarp annara hitanæmra gastegunda til Jarðar er 136,3 W/m2, sem er 48,2% alls endurvarps í tilsvarandi gluggum. Af þessu hlutfalli má ráða að frum-gleyping þessa orkuhluta verði í um 5 km hæð. Þarna er því fyrir hendi svigrúm til hlýnunar, en svigrúm sem hefur ekkert að gera með lífsandann (CO2). Höfum í huga, að um glugga II og IV fer 119,4 W/m2 án nokkurs endurkasts – þessir gluggar eru galopnir og geta alls ekki valdið neinni hlýnun Jarðar.

Þessu til viðbótar má nefna, að 50 ára mælingar úr gervihnöttum hafa ekki greint neina breytingu á endurvarpi CO2 til Jarðar. Á sama tíma hefur magn CO2 í andrúminu aukist um nær 30%. Útilokað er því að CO2 hafi valdið aukinni hlýnun þetta tímabil. Þeir sem samt halda því fram, að lífsandinn (CO2) sé mikil ógn við lífríki Jarðar, verða að styðja málflutning sinn einhverjum rökum – að öðrum kosti verða þeir áfram nefndir heimskingjar og ærulausir dómsdagsspámenn.

Rangar tilgátur um hlýnun Jarðar og sannleikur eðlisfræðinnar

Jón Sigurðsson	Myntráð	Kanadadalur	Icesave-vextir	NEI við ESB	XXX
Stjórnarskráin	Fjárframlög	Vinstrivaktin	Sunni-Islam	Evrópuvaktin	XXX

  

 

Samstaða þjóðar    NATIONAL UNITY COALITION                                                               Baráttusamtök fyrir sjálfstæðu ríki á Íslandi og fullveldisréttindum almennings.    Stöndum vörð um Stjórnarskrá Lýðveldisins.

 

 

Rangar tilgátur um hlýnun Jarðar og sannleikur eðlisfræðinnar.

Fyrst birt í Morgunblaðinu 24. september 2016.

Loftur Altice Þorsteinsson.

Trúboðar hlýnunar Jarðar af völdum aukins lífsanda (CO2) hafa komið áru sinni vel fyrir borð. Á Íslandi er milljörðum króna árlega varið í baráttu gegn sannleika eðlisfræðinnar. Þeir sem stjórna þessari herferð gegn hagsmunum Íslands -Umhverfisráðuneyti og Veðurstofan- boða harðlínu-stefnu í anda ESB, án þess að búa yfir eðlisfræðilegri grunnþekkingu.

Sólin og andrúmið valda hlýnun Jarðar.

Allir hlutir senda frá sér orku í formi geislunar og því heitari sem hluturinn er þeim mun orkumeiri er útgeislunin. Þessi geislun er í formi rafsegul-bylgna og stuttar bylgjur flytja mikla orku en langar bylgjur minni. Sólin er mjög heit og sendir því frá sér mikla orku með stutt-bylgju geislun, en frá Jörðu berst lang-bylgju geislun.

Hiti Sólar stafar af kjarna-samruna, þar sem Vetni (H) breytist í Helíum (He), en hiti Jarðar stafar af þeirri geislun Sólar sem nær yfirborði Jarðar. Við stöðugt orku-ástand er inngeislun jöfn útgeislun Jarðar. Orkubúskapur Jarðar er kjarni umræðunnar um hugsanlega hlýnun hennar. Eiginleikar andrúmsins koma hér afgerandi við sögu.

Í andrúminu eru margar tegundir sameinda, sem sumar eru hitanæmar en aðrar ekki. Hitanæmar sameindir gleypa rafsegul-geisla af ákveðnum bylgjulengdum en fúlsa við öðrum. Eftir skamma meltingu, kasta sameindirnar frá sér orkunni til allra átta í formi geisla með sömu bylgjulend og þær tóku við henni. Mikilvægustu hitanæmu sameindirnar eru vatnsgufa (H2O) og lífsandi (CO2).

Í andrúminu er magn H2O sameinda ákaflega breytilegt. Í heiðskýru veðri á eyðimörkum og heimskautasvæðum er nær enginn raki í andrúminu. Í regnskógum hitabeltis getur rakinn hins vegar komist upp í 4.0% (40.000 ppm), mælt í rúmmáli. Til samanburðar er magn CO2 sameinda um 400 ppm.

Útbreiðsla gassins skiptir öllu máli fyrir upptöku og endurvarp útgeislunar. Gluggarnir á H2O gasinu valda því að upptaka þess er ekki fullnýtt. Nýting CO2 er hins vegar löngu orðin 100%. Aukið magn CO2 hefur því engin áhrif til aukinnar hlýnunar. Að öðru jöfnu myndi hitastig Jarðar vaxa úr 15°C upp í 30°C, ef öllum gluggum á H2O hulunni væri lokað.

Þar sem endurvarpið frá hitanæmu sameindunum er jafnt í allar áttir, berst helmingur til Jarðar og helmingur út í himingeiminn. Auk þeirrar geislunar sem fer óhindrað í gegn um vatnsgufuna er endurvarp á milli hitanæmra sameinda einkennandi fyrir orku-geislun í andrúminu. Orkumiklir geislar Sólar sneiða að mestu hjá sameindum andrúmsins og annað hvort endurkastast af skýjum, snjóbreiðum og öðrum hvítum flötum, eða lenda á dökkum flötum Jarðar og hita þá upp.

Oft er reiknað með að endurkast sólarljóss sé 30% og því gagnast 70% til að hita upp Jörðu. Þar sem Jörðin er hnattlaga og einungis skín á helming hennar í einu, er dreifð orka á yfirborð Jarðar aðeins 25% af þeirra orku sem tiltæk er til upphitunar. Ef geisla-orka Sólar sem berst til Jarðar er 1371 W/m2 verður jafndreifð sólarorka á yfirborð Jarðar: S = 1371 x 70% x 25% = 240 W/m2.

Líkan til útskýringar á orkujafnvægi.

Skýringarmynd 1 sýnir líkan af orkujafnvægi í andrúmi Jarðar. Hitastig Jarðar er afleiðing af þeirri orku sem Jörðinni berst frá Sólu og endurkastast frá andrúminu. Þekking á orkujafnvæginu er afgerandi um skilning á hlýnun Jarðar.

Innstreymi Sólarorku er metið vera S=240 W/m2 og án andrúms væri útstreymi frá Jörðu það sama. Samkvæmt lögmáli Stefan-Bolzmann ætti hitastig yfirborðs Jarðar þá að vera 255K (-18°C). Staðreyndin er sú, að hitastigið er að meðaltali 288K (+15°C). Hlýnunin stafar af endurkasti hitanæmra sameinda í andrúminu, einkum H2O og CO2. Þessi hlýnun af völdum andrúmsins gerir lífvænlegt á Jörðu. Varðandi lögmál Stefan-Bolzmann sjá skýringarmynd 2.

Við núverandi aðstæður er hitastig Jarðar 288K og útstreymi frá henni J=390 W/m2. Til að orkujafnvægi ríki við yfirborð Jarðar, hlýtur yfirborðinu að berast 150 W/m2 sem endurvarp frá andrúminu. Hægt er að áætla að CO2-sameindir endurvarpi F=20 W/m2. Afgangurinn E=130 W/m2 er endurvarp frá H2O-sameindum. Innstreymi er því jafnt og útstreymið J=390 W/m2 – orkujafnvægi ríkir.

Við yfirborð andrúms er einnig jafnvægis-ástand. Innstreymi Sólrorku er S=240 W/m2 og endurkast frá CO2-sameindum F=20 W/m2 og frá H2O-sameindum E=130 W/m2. Krafan um orkujafnvægi veldur því að útgeislun gegnum andrúmið án afskipta hitanæmra sameinda er A=90 W/m2. Útstreymi frá andrúminu er því jafnt og innstreymið S=240 W/m2 – orkujafnvægi ríkir.

Innistæða er fyrir hlýnun Jarðar.

Staða andrúmsins er þannig að nýting endurvarps frá CO2-sameindum er 100% en frá H2O-sameindum 74%. Ef útgeislun Jarðar væri að fullu gleypt af andrúminu myndi endurkast frá því hækka í 240 W/m2, bæði upp og niður. Jörðin sendir þá frá sér J=480 W/m2 . Stefan-Bolzmann jafnan segir okkur að hitastig Jarðar sé þá 303K (+30°C). Eins og sést á skýringarmynd 3, er orkujafnvægi við Jörðu með innstreymi 480 W/m2 og útstreymi það sama J=480 W/m2. Við yfirborð andrúms er einnig orkujafnvægi með útstreymi 240 W/m2, sem er sama og innstreymið S=240W/m2.

 

Ógnvænleg trúarbrögð frá Saudi-Arabíu sem nefnast Sunni-Islam

Jón Sigurðsson	Myntráð	Kanadadalur	Icesave-vextir	NEI við ESB	XXX
Stjórnarskráin	Fjárframlög	Vinstrivaktin	Sunni-Islam	Evrópuvaktin	XXX

  

 

Samstaða þjóðar    NATIONAL UNITY COALITION                                                               Baráttusamtök fyrir sjálfstæðu ríki á Íslandi og fullveldisréttindum almennings.    Stöndum vörð um Stjórnarskrá Lýðveldisins.

 

 

Ógnvænleg trúarbrögð frá Saudi-Arabíu sem nefnast Sunni-Islam.

Fyrst birt í Morgunblaðinu 21. maí 2006.

Grétar H. Óskarsson.

Samkvæmt trúarlögum Múslíma liggur dauðarefsing við því að láta af trúnni. Taki Múslími Kristna trú, gerist Búddisti eða trúleysingi, skal hann líflátinn. Lög trúarinnar eru raunveruleg í löndum Múslíma en ekki táknræn eða einungis siðaboðskapur eins og á Vesturlöndum. Þetta sést glöggt af nýlegum atburðum í Afganistan þar sem dauðarefsing vofði yfir Afgana sem tekið hafði Kristna trú. Það var ekki fyrr en margir helstu ráðamenn heims höfðu hótað að láta af allri aðstoð við Afganistan að Hamid Karzai, forseti landsins, tók í taumana og lét lýsa trúvillinginn geðbilaðan til þess að forða honum frá lífláti.

Fyrir margar aðrar syndir en trúvillu ber að refsa fyrir með lífláti. Ayatollah Khomeni (fyrrum æðstiklerkur í Íran) setti fyrir nokkrum árum stórfé til höfuðs rithöfundinum Salman Rushdie fyrir að skrifa bók sem féll ekki erkiklerkum Islams í geð og um aðra refsingu fyrir afbrotið en líflát var ekki að ræða. Síðan hefur Salman Rushdie að meira og minna leyti orðið að fara huldu höfði á Vesturlöndum.

Múslímar telja það syndsamlegt að sjáist í bert hörund kvenna á almannafæri. Árið 2002 hindraði trúarlögreglan í Mekka slökkviliðsmenn í því að bjarga tugum táningsstúlkna út úr brennandi byggingu, vegna þess að stúlkurnar voru ekki með hefðbundnar slæður um höfuðið til þess að hylja andlit sín. Fjórtán stúlkur létust og fimmtíu slösuðust. Það er erfitt að trúa því að svona lagað skuli geta átt sér stað á 21. öldinni og það í einu ríkasta landi heims, Sádi Arabíu, þar sem menntun og menning eru á háu stigi.

Múslímar og Kristnir menn eiga það sameiginlegt að telja guð sjálfan hafa ritað eða ritstýrt hinum helgu bókum sínum, Kóraninum og Biblíunni. Múslímar virðast flestir trúa bókstaflega sinni helgu bók og túlkunum múllanna á henni og eru því trúarlega í sömu sporum og Kristnir menn voru á miðöldum á tímum rannsóknarréttarins og galdrabrenna.

Nú á tímum er það hins vegar einungis lítill hluti Kristinna manna sem túlkar Biblíuna bókstaflega og trúir orðrétt á boðskap hennar. Kristnir bókstafstrúarmenn eru þó ekki eins hættulegir og Múslímar, því að þeir fylgja síður öllum boðum Biblíunnar svo sem ákvæðum hennar um dauðarefsingu fyrir það að vinna á hvíldardaginn (2. Mósebók 31:15), að leggja nafn guðs við hégóma (3. Mósebók 24:16) og að drýgja hór (3. Mósebók 20:10). Þetta umburðarlyndi Kristinna bókstafstrúarmanna má væntanlega rekja til þess að Vestræn þjóðfélög í dag líða ekki slíkan barbarisma. Margir Kristnir bókstafstrúarmenn skirrast þó ekki við að fórna jafnvel lífi barna sinna á altari trúarinnar með því að neita þeim um nauðsynlega læknishjálp.

Frændur okkar, Danir og Svíar, hafa orðið illilega varir við framferði Múslíma. Danska blaðið Jyllandsposten birti teikningar af Múhameð spámanni og kærðu Danskir Múslímar blaðið og Danska ríkið fyrir guðlast til múllanna í Egyptalandi og Mið-Austurlöndum með hrikalegum afleiðingum. Til þess að sverta Dani enn frekar í augum múllanna fölsuðu Dönsku Múslímarnir til viðbótar nokkrar skopmyndir af spámanninum og sögðu þær líka hafa birst í Jyllandsposten.

Sænska þjóðin varð þrumu lostin fyrir nokkrum árum þegar Sænskur Múslími myrti tvítuga dóttur sína, sem fædd var og uppalin í Svíþjóð, fyrir þá synd að trúlofast fyrrverandi skólabróður sínum. Stúlkan hafði ekki verið manni gefin af föðurnum, hún var sennilega ekki hrein mey lengur og með framferði sínu hafði hún sett svartan blett á heiður fjölskyldunnar sem ekki varð afmáður nema með lífláti hennar. Lög trúarinnar og hefðir Múslíma voru landslögum æðri að mati föðurins og hann myrti dóttur sína með köldu blóði. Við réttarhöldin sýndi hann engin merki iðrunar, hann hafði ekkert brotið af sér, þetta var vilji Allah.

Múslímar reisa moskur víða á Vesturlöndum þar sem þeir eru búsettir. Auk trúariðkana í moskunum, nota Múslímar þær til trúarlegrar fræðslu og ýmiss konar félagsstarfs. Ungu mennirnir sem sprengdu upp neðanjarðarlestirnar í London síðastliðið sumar og drápu fleiri tugi saklausra borgara voru Breskir Múslímar, fæddir og uppaldir í Englandi. Þeir höfðu hlotið trúarlega fræðslu og leiðsögn Breskra múlla og fóru síðan til Pakistan að læra hryðjuverk sem þeir svo frömdu í nafni Allah á Breskum almenningi, trúleysingjunum sem bölvun guðs er yfir (Kóraninn 2:89).

Múslímar á Íslandi hafa sótt um leyfi til að reisa mosku í Reykjavík og yrði slíkt án efa lyftistöng fyrir Islam hér á landi. Hugsanlega myndu einhverjir Íslendingar taka Islamska trú (það er ekki dauðasök á Íslandi) og hver veit nema þeir færu eða yrðu einhvern tímann sendir til alvöru Múslímalands til þess að fullnema sig í fræðunum.

Við Íslendingar erum að fá smjörþefinn af því sem hinar Norðurlandaþjóðirnar hafa mátt búa við síðustu árin en vonandi kemur ekki að því að hér verði framin hryðjuverk á almenningi eins og hjá vinaþjóðum okkar Bandaríkjunum, Bretlandi og Spáni svo aðeins nokkrar séu nefndar. Það væru ill örlög.