Þuríður Backman um ofur-verndun ráðherra og réttmæti Landsdóms

Jón Sigurðsson	Myntráð	Kanadadalur	Icesave-vextir	NEI við ESB	Icesave-vextir
Stjórnarskráin	Fjárframlög	Vinstrivaktin	Samtök fullveldis	Evrópuvaktin	Heimssýn

  

  

Samstaða þjóðar    NATIONAL UNITY COALITION                                                               Baráttusamtök fyrir sjálfstæðu ríki á Íslandi og fullveldisréttindum almennings.    Stöndum vörð um Stjórnarskrá Lýðveldisins.

  

Þuríður Backman um ofur-verndun ráðherra og réttmæti Landsdómi.

Fyrst birt 30. júní 2013.

  

Hér er rökstuðningur Þuríðar Backman gegn ofverndun ráðherra og rök hennar fyrir starfrækslu Landsdóms, sem hún flutti fyrir Laga- og mannréttindanefnd (Committee on Legal Affairs and Human Rights), sem starfar á vegum þingmannafundar (parliamentary assembly) Evrópskra þingmanna.

Auk annara verka er nefnd þessari ætlað að standa vörð um hagsmuni Evrópusambandsins og auka ofverndun þingmanna, í anda höfðingjaveldisins (þingræðisins) sem er við lýði innan ESB og flestra landa Evrópu.

Nefndin hefur nýlega fellt tvo úrskurði sem staðfesta þessi verkefni hennar. Nefndin hafnaði í byrjun árs 2011, að gera skýrslu um kæru Íslands á hendur Bretlandi, vegna beitingar hryðjuverkalaga. Nýlega sendi hins vegar nefndin frá sér skýrslu þar sem hún kemst að þeirra niðurstöðu, að starfræksla Landsdóms skerði ofverndun ráðherra.

Ef tími vinnst til, mun síðar verða fjallað um Landsdóm og ofverndun ráðherra.

Loftur Altice Þorsteinsson.

Samfylkingin fer hamförum gegn Ólafi Ragnari Grímssyni

Jón Sigurðsson	Myntráð	Kanadadalur	Icesave-vextir	NEI við ESB	Icesave-vextir
Stjórnarskráin	Fjárframlög	Vinstrivaktin	Samtök fullveldis	Evrópuvaktin	Heimssýn

  

  

Samstaða þjóðar    NATIONAL UNITY COALITION                                                               Baráttusamtök fyrir sjálfstæðu ríki á Íslandi og fullveldisréttindum almennings.    Stöndum vörð um Stjórnarskrá Lýðveldisins.

  

Samfylkingin fer hamförum gegn Ólafi Ragnari Grímssyni.

Fyrst birt 29. júní 2013.

  

   

Loftur Altice Þorsteinsson.

Við setningu Alþingis 06. júní 2013, flutti forseti Íslands ávarp sem liðsmenn Samfylkingar rembast nú við að afbaka og skrumskæla, í þeim tilgangi að koma höggi á Ólaf Ragnar Grímsson. Til verksins eru kallaðir ýmsir sótraftar, sem þekktir voru fyrir að lofsyngja getuleysi og skemmdarverk hinnar gæfulausu ríkisstjórnar Jóhönnu Sigurðardóttur. Í ávarpinu sagði forsetinn:

»Viðræðurnar við Ísland hafa líka gengið afar hægt – hafa nú þegar staðið lengur en þegar norrænu EFTA-ríkin, Svíþjóð og Finnland, áttu í hlut. Kjörtímabilinu lauk án þess að hreyft væri við þeim efnisþáttum sem mestu máli skipta fyrir okkur Íslendinga.

Þessi atburðarás og reyndar líka viðræður mínar við fjölmarga Evrópska áhrifamenn hafa sannfært mig um að þrátt fyrir vinsamlegar yfirlýsingar sé í raun ekki ríkur áhugi hjá Evrópusambandinu á því að ljúka á næstu árum viðræðum við okkur.

Ástæðurnar eru frá sjónarhóli sambandsins sjálfs, að mörgu leyti skiljanlegar. Norræn lýðræðisþjóð felldi aðildarsamning tvisvar í þjóðaratkvæðagreiðslum og áfall yrði ef slíkt gerðist í þriðja sinn með höfnun Íslendinga. Þá virðast litlar líkur á þróun varanlegrar sjávarútvegsstefnu sem Íslendingar teldu þjóna sínum hagsmunum. Þar að auki telja ýmis aðildarríki nær að sigrast fyrst á núverandi erfiðleikum sambandsins áður en farið væri að koma til móts við kröfur Íslendinga.

Því er í senn ábyrgt og nauðsynlegt að deila þeirri sýn með þingi og þjóð að litlu kann að skipta hvort Ísland kýs að halda viðræðum áfram; mótaðilann virðist í reynd skorta getu eða vilja til að ljúka þeim á næstu árum.«

Hvert orð sem forsetinn segir þarna er satt og rétt, um ólöglegar tilraunir Samfylkingar til að leggja Ísland undir þursann í austri (Umsóknin um ESB-aðild Íslands var stjórnarerindi og framkvæmdin var brot á 19. grein Stjórnarskrárinnar). Viðræður sem áttu að taka 18 mánuði að sögn Össurar Skarphéðinssonar, eru varla hafnar fjórum árum síðar. Eftir er alveg að hefja viðræður um þau atriði sem allir vissu að myndu stranda á skeri.

Þeir sem hafa verið í sambandi við fólk hjá ESB vita, að forustumenn Evrópusambandsins eru dauðhræddir við að þurfa að horfa upp á afleiðingar gönuhlaups Samfylkingar til Brussel. Niðurlægingin lifir ennþá í minni kerfis-karlanna, frá því að Norðvegur hafnaði aðild í þjóðaratkvæði, 24. September 1972 og síðar 28. nóvember 1994. Sömu niðurlægingu hafði ESB hlotið í Svisslandi með þjóðaratkvæði 06. desember 1992. Eins og forsetinn segir, þá er ótti ESB skiljanlegur við að ljúka viðræðum og sýna samning sem almenningur á Íslandi myndi örugglega hafna.

Það er merkilegt að sjá því haldið fram, að forsetinn viðhafi spuna, þegar hann endurtekur ummæli sín og útskýrir. Því er haldið fram að forsetinn hafi sagt »að Evrópusambandið vildi ekki taka við Íslandi«. Allir sæmilega læsir menn geta séð að forsetinn segir: »sé í raun ekki ríkur áhugi hjá Evrópusambandinu á því að ljúka á næstu árum viðræðum við okkur«.

Áhugi ESB er vissulega mikill að stækka í allar áttir og auðlindir Íslands hafa mikið aðdráttarafl. Verið er að setja kraft í viðræður við Tyrkland og önnur svæði eru stöðugt til skoðunar.  Í samræmi við Schuman yfirlýsinguna frá 09. maí 1950 (sem Jean Monnet skrifaði) hefur ESB áætlanir um að innlima öll lönd Evrópu, auk fornra nýlendna.  Sérstaklega á þetta við um fornar nýlendur í Afríku. Í Schuman yfirlýsingunni segir:

»In this Europe, the Ruhr, the Saar and the French industrial basins will work together for common goals and their progress will be followed by observers from the United Nations. All Europeans without distinction, whether from east or west, and all the overseas territories, especially Africa, which awaits development and prosperity from this old continent, will gain benefits from their labour of peace.«

Einn af öfgamönnum Samfylkingar (Jónas Kristjánsson), sem venjulega geta ekki stunið upp heilli setningu án þess að lofsyngja Evrópusambandið, segir á bloggi sínu 28. júní 2013:

»Í auknum mæli halla íslenzkir pólitíkusar sér að lyginni sem meginþætti í framgöngu sinni. Fremstir fara þar Ólafur Ragnar Grímsson og Sigmundur Davíð Gunnlaugsson. Ólafur Ragnar segir sig hafa sagt allt annað fyrir mánuði en myndskeið sýna, að hann sagði. Sigmundur Davíð laug upp heilli stefnuskrá, sem hann hefur ekkert reynt að efna. Þessir tveir hafa uppgötvað, að lygar skipta marga kjósendur engu máli. Að sumir telja þær eðlilega ör í vopnabúri pólitíkusa. Þegar slíkum gengur vel að ljúga, fylgja aðrir pólitíkusar hratt í kjölfarið. Þannig eitrast íslenzk pólitísk hratt, verður vettvangur bófa.«

• Getur verið að Ísland eigi skilið að ala menn eins og þennan Jónas ?

• Getur verið að óþjóðleg viðhorf séu ættgeng meinsemd ?

• Getur verið að Gamli sáttmáli frá 1262 hafi verið vísbending frá gvuðunum um að þessari þjóð væri ætlað að vera þrælar ?

Þessi forréttindi ætlum við að verja fyrir ágangi Evrópusambandsins

Jón Sigurðsson	Myntráð	Kanadadalur	Icesave-vextir	NEI við ESB	Icesave-vextir
Stjórnarskráin	Fjárframlög	Vinstrivaktin	Samtök fullveldis	Evrópuvaktin	Heimssýn

  

  

Samstaða þjóðar    NATIONAL UNITY COALITION                                                               Baráttusamtök fyrir sjálfstæðu ríki á Íslandi og fullveldisréttindum almennings.    Stöndum vörð um Stjórnarskrá Lýðveldisins.

  

Þessi forréttindi ætlum við að verja fyrir ágangi Evrópusambandsins.

Fyrst birt í Morgunblaðinu 06. ágúst 2009.

  

 

Einar K. Guðfinnsson.

YFIRLÝSTUR tilgangur umsóknar að ESB hefur verið að kanna í eitt skipti fyrir öll hvað í boði sé þannig að enginn þurfi að velkjast í vafa. Það gildir ekki síst um sjávarútvegsmálin, því margir helstu ESB-sinnarnir hafa reynt að segja okkur að ekkert sé að óttast. Nú hefur spænski Evrópumálaráðherrann Diego López Garrido sagt okkur hvað sé í boði. Hverjir skilmálarnir séu. Sú lýsing er í algjöru ósamræmi við það sem trúuðustu ESB-sinnarnir hafa sagt okkur.

Það er óhætt að taka mark á senjór Garrido. Spánverjar eru heimsveldi á sjávarútvegssviðinu. Fátt óttast aðrar evrópskar sjávarútvegsþjóðir meira en mögulegan ágang spænska fiskiskipaflotans, eftir hálft ár verða Spánverjar í forsvari ESB og svo er Diego Lópes Garrido Evrópumálaráðherra. Orð hans hafa því mikla vigt og skipta höfuðmáli þegar kemur að því að ræða um stöðu Íslands almennt og sjávarútvegsins sérstaklega innan ESB. Og hann svarar skýrt þegar hann er spurður um þessi mál í Ríkisútvarpinu 30. júlí sl. Spænski ráðherrann segir þar orðrétt:

Íslendingar eru í forréttindastöðu.

»En það er auðvitað mikilvægt, og ekki bara fyrir Spán heldur allt Evrópusambandið, að við varðveitum í framtíðinni, að Íslandi gengnu í það, réttarreglur bandalagsins. Sú staða sem Ísland hefur nú, við getum kallað hana forréttindastöðu, enda er Ísland fyrir utan Evrópusambandið, og getur þannig útilokað önnur ríki frá miðum sínum og náð að hindra erlend fyrirtæki í að kaupa hlut í Íslendskum útgerðum... Þetta er nokkuð sem verður augljóslega að endurskoða þegar viðræður hefjast.«

Þetta má heita kjarni málsins. Og það er rétt hjá spænska ráðherranum. Við Íslendingar erum sannkallaðir lukkunnar pamfílar; forréttindafólk þegar kemur að sjávarútvegsmálum, séð frá sjónarhóli ESB. Við erum með okkar eigin lögsögu. Við ráðum fiskveiðunum sem hér eru stundaðar, samkvæmt okkar eigin vilja, á grundvelli Íslendskra laga og reglna og í samræmi við ákvarðanir Íslendskra stjórnvalda. Þetta kallar ráðherrann forréttindi og þau telur hann augljóslega að verði að endurskoða.

En það eru einmitt þessi meintu forréttindi sem við ætlum að viðhalda. Það er kjarni málsins. Út á það ganga hagsmunir sjávarútvegsins okkar; hagsmunir Íslendsku þjóðarinnar. Það sem spænski ráðherrann bendir á er að slíkur réttur sjálfstæðrar þjóðar með eigin efnahagslögsögu sé ósamrýmanlegur því að starfa innan ESB. Þarna blasir við okkur alvara málsins.

Íslendingar sitja ekki einir að fiskimiðunum, eftir inngöngu í ESB.

Málflutningur Spánverjans er í sjálfu sér alveg rökréttur, séður frá tröppum ráðamanna í Brussel eða Madríd. Forræði einnar þjóðar yfir sinni helstu auðlind jafnar spænski Evrópumálaráðherrann til forréttinda. Hann telur að sá möguleiki þurfi að vera fyrir hendi að Spánverjar veiði hér við land og í aðildarviðræðum Íslands við ESB verði að greiða fyrir því. Síðan segir hann í sama viðtali:

»Og mér sýnist að það verði erfitt fyrir Íslendinga þegar þeir verða komnir í ESB að sitja að öllu leyti einir að fiskimiðum sínum eða halda erlendu fjármagni frá útgerðum. Það gefur augaleið að innganga táknar að játast kostum hennar og göllum, öllu. Og við látum allir eftir í þessu.«

Menn velja ekki bestu berin á trjánum.

Út á þetta gengur allt heila klabbið einfaldlega. Í ESB er óhjákvæmilegt að opna fyrir erlenda fjárfestingu og þar með aðgang útlendinga að fiskveiðiauðlindinni. Það verður erfitt fyrir okkur að sitja einir að fiskveiðiauðlindinni að gefinni ESB-aðild. Menn velja ekki bara bestu berin á trjánum þegar játast er undir ESB-aðild. Menn samþykkja ESB með kostum og göllum þess, en velja ekki bara úr það sem þeim þóknast. Í ljósi þessa verða menn að skoða athyglisverða yfirlýsingu Össurar Skarphéðinssonar utanríkisráðherra um að við fáum ekki varanlega undanþágu frá sjávarútvegsstefnu ESB.

Frá Íslendskum sjónarhóli er réttur okkar til þess að fara með forræði yfir fiskveiðiauðlindinni sjálfsagður réttur sjálfstæðrar þjóðar; ekki forréttindi. Frá sjónarhóli ESB er forræði okkar sem sjálfstæðrar þjóðar yfir fiskveiðiauðlindinni forréttindi. Það blasir við öllum að þetta eru ósamrýmanleg sjónarmið. En með aðild Íslands að ESB verðum við að horfa á þessi mál með augum Brussel, en ekki okkar eigin. Það eru nefnilega Íslendsk stjórnvöld sem eru að sækja um aðild að ESB fyrir hönd þjóðarinnar, en ESB hefur ekki sótt um að gerast partur af Íslendskri lögsögu.

Krafa ESB: »að Ísland taki upp sameiginlega fiskveiðistefnu Evrópu«

Jón Sigurðsson	Myntráð	Kanadadalur	Icesave-vextir	NEI við ESB	Icesave-vextir
Stjórnarskráin	Fjárframlög	Vinstrivaktin	Samtök fullveldis	Evrópuvaktin	Heimssýn

  

  

Samstaða þjóðar    NATIONAL UNITY COALITION                                                               Baráttusamtök fyrir sjálfstæðu ríki á Íslandi og fullveldisréttindum almennings.    Stöndum vörð um Stjórnarskrá Lýðveldisins.

  

Krafa ESB: »að Ísland taki upp sameiginlega fiskveiðistefnu Evrópu«

Fyrst birt 27. júní 2013.

  

Loftur Altice Þorsteinsson.

Í dag var haldinn 6. fundur Sameiginlegrar þingmannanefndar ESB og Íslands, sem undanfarin ár hefur haft það verkefni að reka á eftir innlimun Íslands í Evrópusambandið. Eftir að Íslendingar staðfestu andstöðu sína við ESB í Alþingiskosningunum 27. apríl 2013, vekur furðu, að innlimunar-nefndin skuli ennþá starfa. Eftir kosningar voru eftirfarandi þingmenn kosnir af Íslands hálfu til setu í Óþjóðlegu innlimunar-nefndinni:

Árni Páll Árnason, Árni Þór Sigurðsson, Birgir Ármannsson, Birgitta Jónsdóttir, Guðlaugur Þór Þórðarson, Óttarr Proppé, Silja Dögg Gunnarsdóttir, Vilhjálmur Bjarnason, Willum Þór Þórsson.

Á fundinum í dag, fjallaði Óþjóðlega innlimunar-nefndin meðal annar um sjávarútvegsstefnur Íslands og ESB. Allt frá upphafi viðræðna, hefur verið ljóst að eitt meginmarkmið ESB hefur verið að ná tangarhaldi á  fiskimiðunum við Ísland. Sem sönnun fyrir þessu markmiði má nefna eftirfarandi setningu úr sameiginlegri ályktun, sem gerð var á 1. fundi nefndarinnar 05. október 2010:

»Sameiginleg þingmannanefnd ESB og Íslands hvetur bæði ESB og Íslendsk stjórnvöld til að ganga með jákvæðu hugarfari til samningaviðræðna um þá kröfu að Ísland taki upp sameiginlega fiskveiðistefnu Evrópu« (úr málsgrein 21).

»EU–Iceland Joint Parliamentary Committee invites both the EU and the Icelandic authorities to adopt a constructive attitude in negotiations on the requirement for Iceland to adopt the European Common Fisheries Policy.«

Skýrar hefði ekki verið hægt að orða kröfu ESB um yfirráð á Íslandsmiðum. Fiskveiðistefna ESB merkir, að Brussel úthlutar fiskveiðiheimildum og með samþykki sínu, voru fulltrúar Íslands að fallast á kröfu ESB. Undantekning var þó Einar K. Guðfinnsson sem var einn um að hafna ályktun nefndarinnar og vék hann af fundi þegar hún var afgreidd. Hverjir voru þessir þingmenn sem kiknuðu í hnjánum frammi fyrir mikilleika Evrópusambandsins? Þeir voru:

Árni Þór Sigurðsson, Valgerður Bjarnadóttir, Álfheiður Ingadóttir, Jónína Rós Guðmundsdóttir, Margrét Tryggvadóttir, Sigmundur Davíð Gunnlaugsson, Þorgerður K. Gunnarsdóttir og Þórunn Sveinbjarnardóttir.

Er ekki merkilegt að sjá í þessum hópi Sigmund Davíð Gunnlaugsson, núverandi formann Framsóknarflokks? Af fundargerð verður ekki séð að þessi fulltrúi Framsóknarflokks hafi á nokkurn hátt mótmælt hinni sameiginlegu ályktun. Hins vegar gerði fulltrúi Sjálfstæðisflokks það kröftuglega, eins eftirfarandi málsgrein úr fundargerð sýnir og sannar:

»Í lok fundar voru drög að sameiginlegri ályktun um aðildarviðræður Íslands og Evrópusambandsins tekin fyrir. Einar K. Guðfinnsson kvaðst hafa alvarlegar athugasemdir við svo marga þætti í drögunum að hann mundi ekki taka þátt í afgreiðslu þeirra og vék hann af fundi. Í umræðum um drögin voru gerðar á þeim tvær breytingar og var ályktunin því næst samþykkt samhljóða.«

Leynileg ESB samráðsnefnd Össurar Skarphéðinssonar lögð niður

Jón Sigurðsson	Myntráð	Kanadadalur	Icesave-vextir	NEI við ESB	Icesave-vextir
Stjórnarskráin	Fjárframlög	Vinstrivaktin	Samtök fullveldis	Evrópuvaktin	Heimssýn

  

  

Samstaða þjóðar    NATIONAL UNITY COALITION                                                               Baráttusamtök fyrir sjálfstæðu ríki á Íslandi og fullveldisréttindum almennings.    Stöndum vörð um Stjórnarskrá Lýðveldisins.

  

Leynileg ESB samráðsnefnd Össurar Skarphéðinssonar lögð niður

Fyrst birt hjá Vinstrivaktin gegn ESB 21. júní 2013.

  

 

Ragnar Arnalds.

Nýr utanríkisráðherra, Gunnar Bragi Sveinsson fer ekki dult með að hann sé algerlega andvígur inngöngu Íslendinga í ESB. Hann segir hreint út að það sem í boði sé fyrir Íslendinga af hálfu ESB sé einfaldlega regluverk ESB upp á nokkur þúsund blaðsíður.

Nýr utanríkisráðherra vinnur nú markvisst að því að stöðva aðildarferlið sem fyrri stjórn setti af stað fyrir fjórum árum. Í gær var fundur haldinn í 25 manna samráðsnefnd um aðildarferlið sem Össur Skarphéðinsson setti á fót, en sá sem þessar línur ritar átti sæti í nefndinni tilnefndur af Heimssýn.

»»Tekið skal fram, að »Samstaða þjóðar« átti enga aðild að þessari leynilegu samráðsnefnd Össurar Skarphéðinssonar. Hvorki Heimssýn né aðrir sem að nefnd Össurar hafa komið, hafa haft fyrir því að segja frá starfi nefndarinnar, fyrr en nú þegar hún er lögð niður.««

Á fundinum gerði Gunnar Bragi Sveinsson, utanríkisráðherra, grein fyrir stöðu málsins og minnti á að í aðildarviðræðunum við ESB hefði nær eingöngu tekist að afgreiða auðveldustu kafla fyrirhugaðs aðildarsamnings, en þeir kaflar væru einmitt jafnframt hluti af EES-samningnum. Erfiðustu kaflarnir hefðu hins vegar verið skildir eftir. Ljóst væri að langt yrði í land að sjávarútvegskaflinn kæmist á hreint. Þar hefði makrílmálið að sjálfsögðu haft sín áhrif en þó ekki síður sá vandræðagangur sem verið hefði innan ESB um stefnumótun á því sviði.

Gunnar Bragi sagði það ekkert leyndarmál að sjálfur væri hann „algerlega andvígur inngöngu Íslands í ESB“. Þegar hann var svo spurður hvort ekki væri rétt að kanna betur hvað væri í boði fyrir Íslendinga af hálfu ESB svaraði hann því til að það væri einfaldlega regluverk ESB upp á nokkur þúsund blaðsíður (Der Vertrag von Lissabon, 01.12.2009).

Gunnar Bragi sagði jafnframt að mjög mikið hefði gerst innan ESB undanfarin áratug. Miklar deilur væru uppi um framtíð ESB; sumir vildu breyta því í sambandsríki en aðrir ekki. Hann minnti á óvissu um framtíð Breta innan ESB og eins hitt að Svíar hefðu hafnað því í þjóðaratkvæði að taka upp evru. Þar við bættust svo vandræðin á evrusvæðinu.

Utanríkisráðherrann tók það sérstaklega fram að í stjórnarsáttmálanum stæði EKKI að fram ætti að fara þjóðaratkvæði um hugsanlegt áframhald aðildarviðræðna heldur hitt að ríkisstjórnin gerði hlé á viðræðum. Engir frekari fundir yrðu milli Íslendskra embættismanna og fulltrúa ESB meðan svo stæði. Viðræður yrðu síðan ekki teknar upp að nýju nema því aðeins að það yrði samþykkt í þjóðaratkvæði. Hann hnykkti svo á þessu með því að bæta því við að „það væru einhverjir aðrir sem sett hefðu þann bolta á loft, að bráðlega yrði haldin þjóðaratkvæðagreiðsla um það hvort viðræðum skyldi haldið áfram“.

Ekkert lægi fyrir um hvenær hugsanlegt þjóðaratkvæði færi fram né um hvað spurt yrði. Til greina kæmi að spyrja kjósendur einfaldlega hvort þeir vilji að Ísland gangi í ESB, já eða nei. Ekki hefði heldur verið tekin ákvörðun um hvort lögð yrði fram þingsályktunartillaga á Alþingi um afturköllun aðildarumsóknar.

Svo sem vænta mátti, ef haft er í huga hvernig til samráðsnefndarinnar var stofnað, voru skiptar skoðanir á fundinum um þá stefnu í ESB-málinu sem ný ríkisstjórn hefur markað. Að sjálfsögðu er eðlilegast að ríkisstjórnin gangi hreint til verks og Alþingi afturkalli umsóknina. Augljóst er þó að aðildarumsóknin er dauð hvort sem formleg útför fer nú fram eða ekki. Þjóðaratkvæði er af hinu góða, en þó því aðeins að spurningin sé hrein og bein en ekki loðin og leiðandi, eins og t.d. um það hvort „halda eigi viðræðum áfram“ eða hvort „ljúka eigi viðræðum“. Villandi og óljósar spurningar veita enga leiðsögn um vilja þjóðarinnar. En svo er að sjá af stefnuskrá nýrrar stjórnar að spurningin um þjóðaratkvæði verði þá fyrst á dagskrá ef aftur myndast þingmeirihluti hér á landi fyrir því að gerður sé samningur við aðildarríki ESB um inngöngu.

Hitt er mikill misskilningur að ályktanir Alþingis um afturköllun eða þjóðaratkvæðagreiðsla um málið slái botn í það í eitt skipti fyrir öll. Norðmenn höfðu ekki fyrr hafnað aðild árið 1972 en áróður hófst á nýjan leik fyrir aðild. Árið 1994 voru svo Norðmenn látnir kjósa í annað sinn um hugsanlega aðild. Og enn höfnuðu þeir. En norskir ESB-sinnar gáfust þó hreint ekki upp. Það er ekki fyrr en nú á seinustu árum að mjög er farið að draga af þeim, og ESB-aðild er því tæpast lengur á dagskrá í norskum stjórnmálum. En hér á landi er bersýnilega langt í land að þeim átökum sé lokið.

 

Að svæfa eða ljúka aðildarviðræðum við ESB ?

Jón Sigurðsson	Myntráð	Kanadadalur	Icesave-vextir	NEI við ESB	Icesave-vextir
Stjórnarskráin	Fjárframlög	Vinstrivaktin	Samtök fullveldis	Evrópuvaktin	Heimssýn

  

  

Samstaða þjóðar    NATIONAL UNITY COALITION                                                               Baráttusamtök fyrir sjálfstæðu ríki á Íslandi og fullveldisréttindum almennings.    Stöndum vörð um Stjórnarskrá Lýðveldisins.

  

Að svæfa eða ljúka aðildarviðræðum við ESB ?

Fyrst birt í Morgunblaðinu 24. júní 2013.

  

 

Guðni Ágústsson.

Ýmsir þeir sem vilja halda áfram aðlögun eða samningaviðræðum við ESB fara nú mikinn og fordæma ríkisstjórnarflokkana og væna þá um svik við kjósendur. Svikaumræðan nú stafar af því að Alþingi ályktaði að sótt yrði um aðild að ESB sumarið 2009 og sú ályktun standi þar til annað verði ákveðið. Ennfremur er því haldið fram að allavega Sjálfstæðisflokkurinn hafi lofað þjóðaratkvæðagreiðslu um hvort viðræðunum verði fram haldið eða hætt einhvern tímann á kjörtímabilinu. Þessi umræða og ákvarðanataka, sem virðist þvælast fyrir nýrri ríkisstjórn og ráðherrum, getur áður en varir skaðað trúverðugleikann og ESB botnar þetta ekki heldur.

Allt er þetta sambærileg orðræða og á síðasta kjörtímabili sem nú er að fara í gang og þegar svikaumræðan tröllreið Vinstri-grænum og þeir voru eðlilega vændir um að hafa svikið sitt stærsta og eina kosningaloforð 2009. Þorsteinn Pálsson, fyrrverandi forsætisráðherra, staddur á sínum Kögunarhól, og fleiri fara fyrir þessari umræðu. Umræðan er ríkisstjórninni og stjórnarflokkunum hættuleg til lengdar. Ég vil trúa því að höggvið verði á allan vafa í þessu efni þegar Alþingi kemur saman til fundar í haust.

Ef sáttmáli stjórnarflokkanna er lesinn yfir finnst mér hann auðskilinn en ég heyri hann samt túlkaðan á mismunandi vegu eftir viðhorfum manna, hvort þeir vilja halda áfram í aðildarviðræðum eða ekki. Kaflinn hljóðar svo:

»Gert verði hlé á aðildarviðræðum Íslands við Evrópusambandið og úttekt gerð á stöðu viðræðnanna og þróun mála innan sambandsins. Úttektin verði lögð fyrir Alþingi til umfjöllunar og kynnt fyrir þjóðinni. Ekki verður haldið lengra í aðildarviðræðum við Evrópusambandið nema að undangenginni þjóðaratkvæðagreiðslu.«

Þetta þýðir að mínu viti að viðræðum er lokið og formlega beri að staðfesta það sem fyrst.

Alþingi verður að höggva á hnútinn.

Utanríkisráðherra, Gunnar Bragi Sveinsson, hefur farið á fund Stefans Füle, stækkunarsjóra ESB, og tilkynnt hlé á viðræðunum, já, hlé, ekki viðræðuslit. Össur Skarphéðinsson tilkynnti að hægt yrði á viðræðum í aðdraganda kosninganna eins og menn muna, ljósin dempuð. Í stjórnarsáttmálanum stendur að tekið verði saman tvennt: annars vegar staða samningaviðræðnanna og hins vegar þróun ESB frá því aðildarviðræður hófust 2010.

Nú er sambandið að verða yfirþjóðlegt og gerræðislegt gagnvart ríkjum í erfiðleikum. Ég get hins vegar tekið undir það með Þorsteini Pálssyni að á þeim sama stað og viðræður voru settar í gang með ályktun 2009 verði einnig að ljúka þeim á Alþingi sjálfu. Þorsteinn segir: »Í fullveldi Alþingis felst að Ísland er umsóknarland þar til það sjálft ályktar annað.« Þarna liggur hundurinn grafinn og um þetta munu ríkja deilur. Þess vegna verður að virða þessa skoðun og kalla fram nýjan þingvilja til að framfylgja stefnu ríkisstjórnarinnar og að utanríkisráðherrann, Gunnar Bragi Sveinsson, standi á bjargi en ekki í sandi. (Athugasemd: Alþingi fer ekki með fullveldi Íslands. Það er almenningur sem það gerir.)

Þjóðarvilji, þingvilji og ríkisstjórnarvilji.

Í haust þegar úttektin liggur fyrir og verður lögð fyrir Alþingi á á grundvelli hennar að samþykkja ályktun um að aðildarviðræðum um inngöngu Íslands í ESB verði slitið. Eins og hér er rakið stendur samþykktin frá 2009 verði hún ekki rofin með nýrri ályktun Alþingis, munu þeir sem vilja í ESB nota gömlu ályktunina eins og arfasátuna forðum í brennunni, kveikja við hana bál og ófrið sem verður ríkisstjórninni hættulegur. Alltaf er best í átakamálum að ganga hreint til verks og höggva á hnútana. Það getur ekki verið erfitt fyrir stjórnarflokkana að gera þetta afdráttarlaust. Báðir boðuðu þeir þetta í kosningabaráttunni og kallast nei-flokkar sem unnu afgerandi kosningasigur. Samfylkingin, ESB-flokkurinn, tapaði kosningunum og ellefu þingmönnum.

Afdráttarlaus fannst mér þjóðhátíðarræða forsætisráðherra, Sigmundar Davíðs Gunnlaugssonar, á þjóðhátíðardaginn um sjálfstæði Íslands og þar kom fram hörð gagnrýni á ESB fyrir aðförina að Íslandi í Icesave. Og ekki lyfti ESB hönd til að verja okkur í hryðjuverkaárás Bretanna að efnahag Íslendinga, sem er versta aðför að sjálfstæðu ríki - og það Natóþjóð gegn annarri vopnlausri Natóþjóð. Það þarf síðan þjóðarvilja, þingvilja og ríkisstjórnarvilja til að fara í aðildarviðræður við ESB að nýju. Komi fram ríkisstjórnarvilji síðar sem ekki er til staðar nú þarf fram að fara þjóðaratkvæðagreiðsla um málið. Utanríkisráðherra á því aðra ferð fyrir höndum til Brussel í haust til að tilkynna endanlega niðurstöðu ríkisstjórnar og Alþingis; að viðræðunum sé slitið. Góður vilji Gunnars Braga eða hljómmikil ræða dugar skammt. Alþingi verður að klára málið.

Von þjóðar - tækifæri til að láta gott af sér leiða

Jón Sigurðsson	Myntráð	Kanadadalur	Icesave-vextir	NEI við ESB	Icesave-vextir
Stjórnarskráin	Fjárframlög	Vinstrivaktin	Samtök fullveldis	Evrópuvaktin	Heimssýn

  

  

Samstaða þjóðar    NATIONAL UNITY COALITION                                                               Baráttusamtök fyrir sjálfstæðu ríki á Íslandi og fullveldisréttindum almennings.    Stöndum vörð um Stjórnarskrá Lýðveldisins.

  

Von þjóðar - tækifæri til að láta gott af sér leiða.

Fyrst birt í Morgunblaðinu 22. júní 2013.

  

 

Baldur Ágústsson.

Víst er fargi létt af fólki nú þegar fyrsta vinstri ríkisstjórn lýðveldisins sem haldið hefur út í heilt kjörtímabil er farin frá. Þegar hún var kosin 2009 var það vegna loforða um betri tíð og blóm í haga - margskonar »blóm«. Fátt blóma kom þó úr gróðurhúsi ríkisstjórnar alþýðunnar - og mest voru það frostrósir. En þetta vitum við öll og ekki skal fjölyrt hér um þann harmleik - aðeins nefnt að þeir sem lofa, ljúga síðan og svíkja, falla fyrr eða síðar. Það er lögmálið.

Ný ríkisstjórn Framsóknar og Sjálfstæðisflokks og þingmenn allir eru boðnir velkomnir til starfa. Margt ungt fólk, með nýfenginn veldissprota í höndum, stendur á krossgötum. Til annarrar handar liggur gamalkunnur slóði. Hann geymir sögu valdapots, hrossakaupa, leyndarhyggju, sérhagsmunagæslu, ósanninda og óheilinda. Til hinnar liðast lítt kannaður stígur heilinda, réttlætis, sanngirni, mannvirðingar, hógværðar, umhyggju og auðmjúks þakklætis fyrir traust þjóðarinnar og það tækifæri sem í því felst til að láta gott af sér leiða. Það er komið að því að velja leiðina.

Vonin.

Kosningaloforðin byggja upp vonina sem við síðan fáum fyrir atkvæðaseðilinn. Vonina um betra líf fyrir okkur og afkomendur okkar. Vonin breytist í væntingu og síðan í gleði og hamingju - eða í reiði og vonleysi ef hún ekki rætist. Það er sárt - mjög sárt. Okkur finnst við hafa verið svikin. Það sem verra er: Börn okkar og barnabörn hafa verið svikin um þá framtíð sem við reyndum að tryggja þeim. Fyrr eða síðar »fjúka hausar« - með skömm. Það er lögmálið.

En eigum við ekki að hefja þessa vegferð okkar nú með Framsókn og sjálfstæðismönnum full vonar? Vonar um að Alþingi og ríkisstjórn feti síðarnefnda stíginn, full metnaðar og einlægs vilja til að standa undanbragðalaust við loforð sín og vinna okkur öllum allt það gagn er verða má. Að gleyma því aldrei að þjóna þjóðinni - ekki Mammon eða öðrum tálsýnum.

Og við landsmenn góðir, eigum við ekki líka að setja okkur markmið?  Thomas Jefferson, þriðji forseti Bandaríkjanna, sagði eitthvað á þessa leið:  »Fólk sem heldur að það geti búið í þjóðfélagi réttlætis, lýðræðis og jöfnuðar, án þess að hafa nokkur afskipti af þjóðmálum er að óska sér þess sem aldrei hefur verið og aldrei verður.«

Þetta segir okkur að ef við viljum búa í öruggu, heiðarlegu þjóðfélagi er ekki nóg að kjósa á nokkurra ára fresti. Við verðum að fylgjast með, benda á og gagnrýna ef kjörnir fulltrúar okkar standa sig ekki. Minnumst þess sem oft er sagt; völd spilla og algjör völd spilla algjörlega.

Sanngjarnt aðhald.

Það er ekki flókið að kveða sér hljóðs í okkar litla þjóðfélagi. Bloggsíður eru öllum opnar og landsþekktir - og óþekktir - einstaklingar eru þegar að gera þar mikið gagn. Flest blöð taka við greinum og útvarpsstöðvar, t.d. Saga, taka við innhringingum í þjóðmálaþætti þar sem hægt er að koma skoðunum sínum á framfæri. Fréttastofur taka líka við ábendingum, a.m.k. ef um stærri mál er að ræða. Þá má á Alþingi.is finna nöfn allra alþingismanna ásamt símanúmerum og netföngum. Ekkert er auðveldara en að senda þeim línu eða hringja.

Allir kannast við »nöldurstundir« með vinnufélögunum í kaffitímanum. Þetta eru oft sterkar umræður sem e.t.v. skiluðu árangri ef hópurinn sendi tölvupóst til þingmanna með ábendingu, fyrirspurn, gagnrýni eða hrósi. Ísland er heimili okkar allra - því skyldum við ekki segja skoðun okkar á heimilishaldinu?

»Sjónvarp Alþingi«

Það var fróðlegt að sjá og heyra stefnuræðu hins nýja forsætisráðherra og ræður þingmanna úr öllum flokkum í beinni útsendingu. Þingmönnum til hróss lögðu margir áherslu á jákvætt samstarf allra þingmanna og flokka. Einn a.m.k. nefndi að allir þingmenn væru kosnir til að ráða málum til heilla fyrir alþjóð og annar taldi það ekki vera skyldu sína að berjast gegn ríkisstjórn eða þingmeirihluta þó sjálfur væri í »stjórnarandstöðu«. Hér kveður við nýjan tón á hinu háa Alþingi. Guð láti gott á vita.

Forsætisráðherra var yfirvegaður og mæltist vel sem oft áður. Þess saknaði ég þó að hann minntist ekki á þátttöku okkar í Schengen-samstarfinu sem þegar hefur reynst okkur dýrkeypt. Það er orðið hreint öryggismál fyrir okkur að ganga úr þessu samstarfi og taka sjálf upp fulla gæslu á landamærum Íslands - nú þegar. Það gera engir betur en Íslendskir löggæslumenn og -konur. Þetta er einfalt að framkvæma - vilji er allt sem þarf.

Fjármál almennings tóku drjúgan tíma hjá forsætisráðherra enda hefur of lengi, og of nærri, verið höggvið nærri heimilunum í landinu. Mál er að linni. Þótt fullur vilji ráðherrans verði ekki dreginn í efa mátti samt skilja að fljótlegra og einfaldara yrði að lækka veiðigjöld útgerða og gefa ferðaþjónustunni eftir virðisaukaskatt. Það vil ég hinsvegar segja að óviturlegt er að draga úr tekjum ríkisins rétt á meðan ekki er ljóst hvernig koma á böndum á risavaxinn, uppsafnaðan vanda heimilanna. Ég vildi síður að hinir nýju trúnaðarmenn okkar á Alþingi fengju á sig stimpil sérhagsmunagæslu á kostnað mannúðar. Það yrði blettur á Íslendskri þjóð.

 

Utanríkisráðherra í viðtali við Fréttablaðið 20. júní 2013

Jón Sigurðsson	Myntráð	Kanadadalur	Icesave-vextir	NEI við ESB	Icesave-vextir
Stjórnarskráin	Fjárframlög	Vinstrivaktin	Samtök fullveldis	Evrópuvaktin	Heimssýn

  

  

Samstaða þjóðar    NATIONAL UNITY COALITION                                                               Baráttusamtök fyrir sjálfstæðu ríki á Íslandi og fullveldisréttindum almennings.    Stöndum vörð um Stjórnarskrá Lýðveldisins.

  

Utanríkisráðherra í viðtali við Fréttablaðið 20. júní 2013.

Fyrst birt 20. júní 2013.

  

   

Loftur Altice Þorsteinsson.

Viðtalið við Gunnar Braga sem hér birtist, er um margt merkilegt, vegna þess að þar er að einhverju leyti svarað þeim spurningum sem brunnið hafa á vörum almennings. Þeir sem töldu sig hafa unnið sigur í kosningunum hafa verið á milli vonar og ótta, vegna þess að Stjórnarsáttmáli ríkisstjórnarinnar um ESB-málið, er ekki í fullu samræmi við ályktanir landsfunda Sjálfstæðisflokks og Framsóknarflokks. Að auki hafa þeir Sigmundur Davíð Gunnlaugsson og Bjarni Benediktsson hagað máli sínu þannig, að þeir virðast vera í afleysingum fyrir Samfylkinguna og ESB-andstæðingar hafa ekki vitað hvaðan á sig hefur staðið veðrið.

Stjórnskipulega rétt að Alþingi slíti umsókninni um ESB-aðild.

Mikilvægt er að Gunnar Bragi tekur undir þá skoðun sjálfstæðissinna, að það er Alþingi sem verður að slíta formlega viðræðum við Evrópusambandið. Raunar virðast allir fræðingar sammála þessum skilningi og stjórnarandstaðan einnig. Því fyrr sem Alþingi fær málið til úrlausnar, þeim mun betra. Áframhaldandi óvissa um svona mikilvægt mál, myndi eyðileggja allt starf ríkisstjórnarinnar, því að hvorki stjórnarandstaðan né sjálfstæðissinnar munu linna látum, fyrr en niðurstaða Alþingis liggur fyrir.

Þjóðarkönnun um yfirstandandi umsókn um aðild að ESB kemur ekki til álita, nema ljóst sé að meirihluti sé á Alþingi fyrir áframhald viðræðna. Þá fyrst er grundvöllur fyrir þjóðarkönnun um málið og ef þjóðin samþykkir er hægt að standa eðlilega að umsókn. Ríkisstjórn Jóhönnu gerði allt rangt og umsóknin um ESB-aðild var eitt af þessum stórkostlegu glapparskotum hennar.

Það má nefna sem sígilt dæmi um aulahátt Össurar Skarphéðinssonar og Jóhönnu Sigurðardóttur, að þau brutu ákvæði Stjórnarskrárinnar um meðferð stjórnarerinda. Forseta Íslands var haldið frá undirskrift umsóknarinnar, þótt 19. grein Stjórnarskrárinnar segi skýrt:

»Undirskrift forseta lýðveldisins undir löggjafarmál eða stjórnarerindi veitir þeim gildi, er ráðherra ritar undir þau með honum.«

Umsókn um innlimun landsins í ESB er líklega mikilvægasta stjórnarerindi sem nokkur ríkisstjórn hefur sent frá sér. Umsóknin var því ógild og eins gott að Alþingi hraði sér við að afnema þann ólöglega gerning. Krafa þjóðarinnar er, að Alþingi slíti STRAX viðræðum við ESB.

Aðild Íslands að EES verður að endurmeta.

Það sem Gunnar Bragi hefur að segja um Evrópska efnahagssvæðið veldur vissum vonbrigðum. Rannsaka verður hvort það þjónar hagsmunum Íslands, að halda áfram aðild að EES. Á sínum tíma var mikil andstaða við inngöngu landsins og í þjóðaratkvæði hefði aðildin verið felld. Einungis þjónkun hins gagnslausa forseti við höfðingjaveldið (þingræðið) kom í veg fyrir að þjóðin fengi notið fullveldis síns. Inngangan var samþykkt á Alþingi með einungis 33 atkvæðum af 63.

Þegar Ísland gekk í EES 1994, hafði landið fríverzlunarsamning við ESB og hann er reyndar ennþá í fullu gildi. Svissland var í sömu stöðu og Ísland, en kaus að viðhalda sjálfstæði sínu og það var þeim til happs. Með kúgun tókst höfðingjunum (þingræðinu) að valda atvinnuvegum landsins miklum skaða. Sementsverksmiðjan og áburðarverksmiðjan voru lagðar niður auk flestra annara iðnfyrirtækja. Eftir stendur þjónusta við ferðamenn og hráefnaöflun fyrir stórfyristæki Evrópusambandsins.

Aðildin að EES var orsök bankahrunsins og af því leiddi gengishrun, vegna þess að landið býr við þá ógæfu að notast við »torgreinda peningastefnu«. Ef stjórnarandstaðan krefst þjóðarkönnunar um EES, þá hlýtur hún að samþykkja einnig þjóðarkönnun um ESB. Ef þjóðin ætlar að læra eitthvað af hrakförum liðinna ára, er lágmark að reynt verði að finna út hvort einkverjir kostir eru við aðild landsins að hvoru tveggja EES og ESB.

Trúðurinn Össur Skarphéðinsson viðurkenndi, að aðildin að EES væri samfellt brot á Stjórnarskránni. Gunna Bragi virðist einnig þeirrar skoðunar og bendir á, að ef höfðingjarnir ætla að kviksetja landið í EES-feninu, verður að skoða þessi stjórnarskrárbrot. Evrópska efnahagssvæðið var af höfðingjunum hugsað sem fordyri ESB, en engin ástæða er til að draumsýn þessa óþjóðholla liðs rætist. Allt samband Ísland og ESB verður að taka til endurmats

  

<<<<>>>><<>><<<<>>>>

  

Viðtalið við Gunnar Braga.

Gunnar Bragi Sveinsson settist í stól utanríkisráðherra í síðasta mánuði. Fyrir honum liggja margvísleg viðfangsefni, enda er málaflokkurinn yfirgripsmikill. Meðal annars eru mál tengd NATO-aðild Íslands, EES og norðurslóðum, sem verða að öllu óbreyttu einn af burðarásum utanríkisstefnunnar næstu ár. Það sem hefur þó borið hæst fyrstu vikur hans í embætti eru Evrópusambandsmálin. Eins og kunnugt er, gerði ríkisstjórnin hlé á aðildarviðræðum Íslands við ESB og Gunnar tilkynnti Stefan Füle stækkunarstjóra, formlega um þessa ákvörðun fyrir réttri viku.

"Viðtökurnar voru eins og við var að búast," segir Gunnar aðspurður. "Þetta kom þeim eðlilega ekki á óvart. Füle sagði sjálfur að þetta væru persónuleg vonbrigði en sýndi þessu að öðru leyti skilning. Það var einmitt það sem við vonuðumst til að heyra, að ESB myndi sýna því skilning að um væri að ræða pólitíska ákvörðun sem byggði á útkomu kosninga."

Á fundi þínum með Füle var rætt um samskipti ESB og Íslands á næstu árum. Var eitthvað minnst á makríldeiluna?

"Nei, við ræddum makrílinn ekki neitt, enda er ekki rétt að blanda þessu saman. Makrílmálið snýst um viðræður milli nokkurra ríkja, en ákvörðunin [um að gera hlé á aðildarviðræðum] er fyrst og fremst innanríkismál. Varðandi önnur mál, þá tjáði ég þeim að ríkisstjórnin hefði engin önnur áform uppi en að styrkja EES-samninginn ef það er einhver möguleiki. Svo erum við að sjálfsögðu alltaf til í tvíhliða viðræður við ESB um mál þar sem við getum átt samstarf, eins og til dæmis endurnýjanlega orku, viðskipti, menntamál og ýmislegt fleira. Það er í samræmi við það sem við höfum áður sagt, að þrátt fyrir allt erum við ekki á leið út úr Evrópu og viljum eiga gott samstarf við ESB áfram."

Óvíst með orðalag og tímasetningu þjóðaratkvæðagreiðslu.

Þú lést hafa eftir þér í viðtali á dögunum, aðspurður um þjóðaratkvæðagreiðslu um framhald ESB-viðræðna, að óvíst væri um hvað væri spurt. Hvernig sérðu þetta fyrir þér og hvaða tímaramma er rætt um?

"Í fyrsta lagi stendur í stjórnarsáttmálanum að ekki verði gengið lengra nema að undangenginni þjóðaratkvæðagreiðslu. Það þýðir að það verði ekki frekari vinna af hálfu þessarar ríkisstjórnar fyrr en sú þjóðaratkvæðagreiðsla fer fram og þjóðin gefi þá skilaboð um að haldið verði áfram.

Það er ekki búið að ákveða neina tímasetningu og ekki heldur búið að ákveða um hvað verði spurt; hvort spurningin snúist um hvort halda eigi viðræðum áfram eða hvort Ísland eigi að ganga í ESB, og þá með möguleikunum já eða nei.

Í þessu samhengi er líka vert að spyrja: Alþingi tók ákvörðun um að hefja þessar viðræður. Getur Alþingi þá ákveðið að hætta þeim? Hvers vegna var þjóðin ekki spurð þegar farið var af stað? Mér finnst að þeir sem kalla nú eftir þjóðaratkvæðagreiðslu þurfi að svara því af hverju þjóðin hafi ekki verið spurð þegar ákveðið var að leggja upp í þessa vegferð."

En var ekki alltaf gert ráð fyrir því að spurt yrði hvort halda ætti viðræðunum áfram?

"Nei. Það eru einhverjir sem hafa talað þannig en það er hvergi gengið út frá því í stjórnarsáttmálanum."

IPA-verkefni metin hvert fyrir sig.

Nú standa nokkur atriði enn út af varðandi aðildarferlið, til dæmis hvað varðar IPA-styrkina. Til stóð að síðasta úthlutun yrði í ár. Hvernig verður því háttað í ljósi stöðunnar?

"Það má skipta þessum verkefnum sem um ræðir í þrennt. Í fyrsta lagi verkefni sem þegar eru byrjuð, svo verkefni sem eru tilbúin og loks verkefni sem eru lengra inni í framtíðinni. Niðurstaðan var að láta embættismenn fara yfir öll þessi verkefni og komast að því hver þeirra tengjast aðildarumsókninni beint og hvort önnur tengist henni alls ekki og reyna að flokka hlutina út frá því og sú vinna er komin í gang nú þegar. Það er ljóst að styrkirnir geta nýst okkur að einhverju leyti sem EES-ríki en þarna eru líka verkefni sem eru beintengd aðildarumsókninni og hvert verkefni verður metið fyrir sig."

Verður þá síðasta úthlutun IPA-styrkja kláruð í einhverjum verkefnum og tekið á móti fjármunum?

"Við munum skoða hvort grundvöllur sé til að halda einhverjum verkefnum áfram eða hvort önnur þurfi augljóslega að slá af vegna þess að þau tengjast viðræðunum og breytingum þeim tengdum. En það er ekki tímabært að segja hversu mörg þau verkefni eru eða hver þau eru."

Stjórnarskrárbreytingar nauðsyn.

Talsvert hefur verið rætt um framtíð EES að undanförnu, meðal annars hvað varðar aðkomu Íslands að gerð reglna sem falla undir samninginn. Hver er ykkar áhersla í þeim málum?

"Við þurfum að skoða hvernig við stöndum okkur í innleiðingum á reglum og tilskipunum sem heyra sjálfkrafa eða beint undir EES-samninginn, en það má ekki gleyma því að þetta er tvíhliða samningur. Þrýstingurinn frá ESB hefur aukist sífellt með hluti sem setja þrýsting á stjórnarskrána bæði hjá okkur og Norðmönnum.

Ég held að það sé óumflýjanlegt, ef við ætlum að vera áfram í þessu samstarfi og nálgun ESB verður óbreytt, að við þurfum að gera ákveðnar breytingar á stjórnarskránni hjá okkur. Þar þarf þó að vanda mjög til verka því að við megum ekki afsala rétti okkar til að setja niður hælana. Við eigum að geta fylgt eftir eðlilegri þróun þessa samnings án þess að gefa eitthvað eftir af okkar fullveldi eða sjálfsákvörðunarrétti og án þess að þynna út stjórnarskrána. Að sama skapi er eðlilegt að við og hinar EES-þjóðirnar setjum spurningarmerki við þá þróun að þrýstingurinn frá ESB sé stöðugt að aukast í þessum málum."

Það eru sannarlega leiðir til að gæta hagsmuna Íslands í EES-samvinnunni, einna helst í sameiginlegu EES-nefndinni og á vettvangi Framkvæmdastjórnar ESB þar sem lög og reglur eru upprunnar. Hvaða leiðir teljið þið vænlegastar til árangurs?

"Við höfum áður sagst hafa áhuga á að styrkja okkar veru í Brussel til að koma fyrr að hlutum sem tengjast EES. Það er í samræmi við þingsályktunartillögu frá síðasta þingi og vonandi fáum við afl til þess. Ég held að það sé mikilvægt til að koma í veg fyrir óþarfa núning milli aðila, því það er enginn að tala um að hætta í EES-samstarfinu."

Breið sátt um norðurslóðir.

Málefni norðurslóða hefur skipað stóran sess í utanríkismálum Íslands síðustu árin. Er að vænta stefnubreytingar frá síðasta kjörtímabili?

"Norðurslóðastefna hlýtur alltaf að vera kvik og í stöðugri endurskoðun og við erum að sjálfsögðu að skoða hvernig við getum styrkt þetta samstarf. Við ætlum okkur að sjálfsögðu að vera þátttakendur í þessu starfi. Hvað varðar stefnubreytingu, þá eru allir að þróa sig í þessum málum og við munum fylgja því eftir og gæta hagsmuna Íslands.

Við eigum ákveðin sóknarfæri, til dæmis hvað varðar miðstöð til leitar og björgunar, sem við munum horfa á áfram. Það er mikilvægt að halda áfram að styrkja samstarf og samráð við þau ríki sem þar eru, en við erum strandríki og munum ekki gefa það eftir að koma að borðinu þegar strandríki hittast og teljum að við getum átt góða bandamenn þar á ýmsum stöðum.

Norðurslóðir eru einn af stóru áherslupunktunum í utanríkisstefnunni næstu ár en það góða í þessum málaflokki er að það hefur verið mikil samstaða um stefnuna inni á Alþingi. Það er mikilvægt að halda því þannig, þó að ef til vill kunni að koma upp skiptar skoðanir um einstök mál."

Steve H. Hanke: North Korea - From Hyperinflation to Dollarization?

Jón Sigurðsson	Myntráð	Kanadadalur	Icesave-vextir	NEI við ESB	Icesave-vextir
Stjórnarskráin	Fjárframlög	Vinstrivaktin	Samtök fullveldis	Evrópuvaktin	Heimssýn

  

  

Samstaða þjóðar    NATIONAL UNITY COALITION                                                               Baráttusamtök fyrir sjálfstæðu ríki á Íslandi og fullveldisréttindum almennings.    Stöndum vörð um Stjórnarskrá Lýðveldisins.

  

North Korea: From Hyperinflation to Dollarazition?

Fyrst birt 17. júní 2013.

  

   

Sjálfsagt vilja ekki margir Íslendingar viðurkenna, að margt sé líkt með Íslandi og Norður-Kóreu. Staðreyndin er samt sú að hinn veigamikli þáttur peningastefnan (monetary policy) er sú sama í báðum löndum. Í tímarits-greininni hér fyrir neðan, fjallar hinn þekkti hagfræðingur Steve H. Hanke um óformlega og refsiverða Dollaravæðinu í Norður-Kóreu. Greinin mun birtast í júlí hefti tímaritsins Globe Asia.

Steve nefnir mynt-breytinguna sem gerð var í Norður-Kóreu 2009, þegar strikað var yfir tvö öftustu núllin á peninga-seðlunum. Við gjaldmiðlaskiptin var tækifærið notað, til að leggja 100% auðlegðarskatt á upphæðir umfram þá upphæð sem ríkisvaldið ákvað að hvert heimili fengi að skipta á réttu gengi.

Íslendingar muna mynt-breytinguna á árinu 1981, þegar því var logið að fólki að efnahagsstjórn landsins myndi framvegis tryggja stöðugleika Krónunnar, lága verðbólgu og að eignabruni væri langt að baki. Einnig hérlendis var mynt-breytingin fólgin í þeirra aðgerð að strika yfir tvö öftustu núllin á peninga-seðlunum. Gengishrunið 2008 var auðvitað bara einn atburður í langri hörmungar-sögu Krónunnar, sem »torgreinda peningastefnan« hefur valdið.

Að því er komið, að mynt-skipti þurfa aftur að eiga sér stað á Íslandi. Hafna verður Flotkrónunni og taka upp fastgengi. Samtímis er nauðsynlegt að leggja 100% auðlegðarskatt á eignir Hrægammanna, sem halda efnahagslífi landsins í heljar-greipum. Steve segir svona frá mynt-breytingunni í Norður-Kóreu:

»In 2009, the North Korean government attempted to address these problems by implementing a phony currency »reform« program, which it promptly bungled. The so-called reform was actually just a currency redenomination program, which arbitrarily lopped two zeros off every won note. North Koreans were given less than two weeks to exchange all of their won for new notes. And, the government set limits on the quantity of old won a family could exchange for new won. For those North Koreans who had saved a few too many won, the redenomination program was effectively a wealth tax program, too.«

Í öllum ríkjum þar sem fjármála-spilling ríkir og hún einkennir »torgreinda peningastefnu«, er einkennið gengisfall, verðbólga og óstöðvandi flótti frá innlenda gjaldmiðlinum. Jafnvel þótt refsingar liggi við eins og í Norður-Kóreu, leitast fólk við að tryggja eigur sínar, með skiptum innlenda sýndar-peningsins (fiat money) fyrir erlendan alvöru pening (real money). Þetta er nefnt Dollaravæðing, þótt alvöru peningurinn sé ekki Bandaríkjadalur. Um Dollaravæðinguna í Norður-Kóreu segir Steve:

»This confirms that North Korea is experiencing a phenomenon that goes hand-in-glove with elevated inflation – »spontaneous dollarization«. This phenomenon of voluntarily dumping the domestic currency in favour of a stable foreign currency (not necessarily the U.S. dollar), has been wide-spread in recent years, despite the fact that Pyongyang has criminalized the circulation of foreign currencies on the black market.«

Hvað ætla Íslendingar að bíða lengi eftir að slæmt ástand verði óþolandi? Er raunverulega engin áhuga hjá stjórnvöldum að leysa úr vanda landsmanna? Er ætlunin að halda áfram með Flotkrónu sem hjálpar fjármála-bröskurum að ræna kerfisbundið sparnaði landsmanna? Er talið um efnahagslegan stöðugleika fullkomlega marklaust?

Loftur Altice Þorsteinsson.

 

Flotkrónan er í öndvegi hjá ríkisstjórninni, með skaðlegum afleiðingum

Jón Sigurðsson	Myntráð	Kanadadalur	Icesave-vextir	NEI við ESB	Icesave-vextir
Stjórnarskráin	Fjárframlög	Vinstrivaktin	Samtök fullveldis	Evrópuvaktin	Heimssýn

  

  

Samstaða þjóðar    NATIONAL UNITY COALITION                                                               Baráttusamtök fyrir sjálfstæðu ríki á Íslandi og fullveldisréttindum almennings.    Stöndum vörð um Stjórnarskrá Lýðveldisins.

  

Flotkrónan er í öndvegi hjá ríkisstjórninni, með skaðlegum afleiðingum.

Fyrst birt 15. júní 2013.

  

  

Loftur Altice Þorsteinsson.

Margt gott er hægt að segja um stefnu nýrrar ríkisstjórnar Sigmundar Davíðs Gunnlaugssonar, en sú erki-vitlausa stefna að halda í Flotkrónuna vekur furðu og vonbrigði. Ef þessari stefnu verður haldið til streitu, mun koma í ljós að flest góðu áformin eru einskis virði, því að þau geta ekki verið grundvölluð á öðru en upptöku fastgengis. Lengi vel töldu menn að ákvæði stjórnarsáttmálans um Flotkrónu væri prentvilla, en varla er lengur hægt að halda í þá von. Í stjórnar-sáttmálanum frá 22. maí 2013 segir:

»Krónan verður gjaldmiðill Íslendinga um fyrirsjáanlega framtíð. Renna þarf styrkari stoðum undir peningastefnuna með traustri hagstjórn sem tekur mið af aðstæðum og hagsveiflum.«

Hvaðan kemur þeim Sigmundi og Bjarna sú vitrun, að Flotkrónan sé náttúru-lögmál, sem mannlegur máttur fái ekki haggað? Jafnframt er sagt, að  »renna þurfi styrkari stoðum undir peningastefnuna«, þótt sannast hafi á síðustu 90 árum, að núverandi peningastefna er almenningi stór-skaðleg. Hvað ætli margar ríkisstjórnir á Íslandi hafi lofað traustri hagstjórn?

Ekki verður önnur ályktun dreginn af stjórnarsáttmálanum, en að fyrirætlun ríkisstjórnarinnar sé að Íslendingar búi áfram við »torgreinda peningastefnu« (discretionary monetary policy), en gengishrunið var einmitt afleiðing þeirrar peningastefnu. »Torgreind peningastefna« er einnig sígild orsök verðbólgu, eignabruna, Snjóhengju og gjaldeyrishafta. Stefnuræða forsætirráðherra frá 10. júní 2013 staðfestir hina illu fyrirboða:

»Íslendska krónan mun verða gjaldmiðill Íslands um fyrirsjáanlega framtíð. Þessa staðreynd voru fulltrúar allra stjórnmálaflokka, Alþýðusambands Íslands og Samtaka atvinnurekenda sammála um í skýrslu þverpólitískrar nefndar um gjaldmiðlamál sem út kom síðastliðið haust. Til þess að styrkja krónuna verðum við að auka framleiðslu, ná tökum á verðbólgunni, greiða niður skuldir og efla Íslendskt efnahagslíf.« 

Það er neyðarlegt fyrir forsætisráðherra, að við öllum blasir, að hann hefur ekki lesið skýrslu þverpólitísku nefndarinnar um gengisstefnu. Fullyrðing hans er röng, að nefndin telji að Flotkrónan hljóti að verða gjaldmiðill landsins um fyrirsjáanlega framtíð. Í skýrslu nefndarinnar frá 04. október 2012 er veigamesta framlagið það sem Heiðar Már Guðjónsson hafði um gengismálin að segja:

»Heiðar Már Guðjónsson var gestur fimmta fundar nefndarinnar. Hann telur að Ísland muni ekki uppfylla þau skilyrði sem sett eru fyrir EMU aðild fyrr en í fyrsta lagi 2022. Heiðar Már telur miklar líkur á ríkisgjaldþroti árið 2016 þar sem 800 ma.kr. séu á gjalddaga í erlendum myntum fram til ársloka það ár. Hann telur að eina leiðin til að fá innstreymi í kerfið sé með því að afnema gjaldeyrishöftin og einhliða upptaka annarrar myntar sé forsenda fyrir því að það sé gerlegt, að teknu tilliti til áhættu. Peningamagn í umferð muni ekki aukast og bankarnir muni áfram liggja á háum innistæðum.

Heiðar ræddi afleiðingar afnáms fjármagnshafta miðað við núverandi aðstæður (áhlaup, fjármagnsflutningar úr landi) og hvernig koma megi í veg fyrir það með einhliða upptöku nýrrar myntar. Fleirri rök sem fram komu fyrir einhliða upptöku nýrrar myntar eru m.a:

• Vextir myndu lækka strax (úr 7,6% í 3,4%).

• Fjárfestingar myndu aukast (innlendar, en ekki síður erlendar) með auknum hagvexti.

• Lánveitandi til þrautavara yrði ekki lengur til staðar. Heiðar telur það kost þar sem þrautavaralánveitandi sé til þess fallinn að ýta undir freistnivanda. Fjármálamarkaðurinn eigi sjálfur að leggja fjármagn til hliðar og lánshæfi ríkissjóðs myndi hækka þar sem áhætta ríkisins af einkageiranum minnkaði.

• Fjármagnseigendur verði rólegir með eignir í Íslendskum bréfum, ef tekin yrði upp ný mynt, þar sem vextir á áður útgefnum bréfum verði ekki lækkaðir.

• Einkageirinn muni greiða upp verðtryggð lán og kerfið muni endurfjármagna sig hratt. Helmings vaxtalækkun hefði afar jákvæð áhrif á ráðstöfunartekjur heimila.

• Viðskiptakostnaður milli landa muni lækka verulega.

• Ekki felist í því fullveldisafsal (þ.e.a.s. sjálfstæðisafsal) þótt peningastefnan verði ekki lengur sjálfstæð (þ.e.a.s. upp væri tekin reglu-bundin peningastefna).

• Bankarnir séu með nokkuð sterka stöðu og mjög gott lánasafn og fái því gott lánshæfi. 

Heiðar Már telur það ekki aðalatriði hvaða mynt verði tekin upp, en telur Kanadadollar fýsilegan. Aðstæður séu um margt líkar og bæði löndin (Ísland og Kanada) hafi mikla hagsmuni af því sem er að gerast á norðurslóðum. Í löndum sem tekið hafa upp mynt annars lands einhliða, hafi fjármálstofnanir lagst harðast gegn breytingum því þær hafi áður notið vaxtamunarins og einokunar á markaðnum. Hér á landi séu aðstæður öðruvísi; fjármálastofnanir muni að líkindum fagna svona ákvörðun (Seðlabankinn mun ekki fagna!), þar sem stór hluti eigenda þeirra séu skammtímafjárfestar.

Hann telur að með upptöku Kanadadollars fylgi kanadísk fjárfesting (þarlendir bankar, smásalar, bensínstöðvar). Heiðar telur einfalt að ákvarða skiptigengið þar sem hér sé einsleit framleiðsla og útflutningur. Skiptigengið gæti t.d. verið núverandi gengi eða jafnvel sterkara gengi. Gengið yrði eins fyrir alla, bæði fjármagnseigendur og lánþega. Hann sagði upptökuna vera ódýra, nefndi þann möguleika að Kanada gæti prentað seðla og afhent á kostnaðarverði – það hefði engin áhrif á þeirra hagkerfi.«

Hægt er að slá því föstu, að ríkisstjórn Framsóknarflokks og Sjálfstæðisflokks  verður ekki langlíf ef Flotkrónan verður áfram konungur í ríki sínu. Þau stóru mál sem þarfnast tafarlausrar úrlausnar, er einungis hægt að sigrast á, með fastgengi að vopni. Tómt mál er að tala um að leiðrétta forsendubrest heimilanna, afnema gjaldeyrishöft, eða bræða Snjóhengjuna. Verðtryggingunni mun verða viðhaldið, ef Flotkrónan á áfram að fá að dansa á bylgjutoppum hins alþjóðlega fjármála-hafs.

Raunar bendir meðhöndlun ríkisstjórnarinnar á ESB-viðræðunum til, að ekki sé tjaldað til nema svo sem hálfs kjörtímabils. Ætlunin virðist vera að allt verði til reiðu fyrir áframhaldandi aðlögunarferli, þegar ný ríkisstjórn Samfylkingar kemst að nýgju í ráðherrastólana. Núverandi ríkisstjórn verði látin falla í kjölfar óljósrar þjóðarkönnunar um vilja landsmanna. Aukinn áróður Evrópusambandsins bendir til að Brussel viti gjörla hvaða gjörninga-graut verið er að brugga af höfðingjaveldinu á Íslandi. Sagan frá 1262 er líklega að endurtaka sig. Eina góða við þessa atburðarás er, að hægt verður að endurnýta Gamla sáttmála og spara fáeinar Flotkrónur.