Sigurður Ingi Jóhannsson: Ófullnægjandi spurningar og svör um ESB

Jón Sigurðsson	Myntráð	Kanadadalur	Icesave-vextir	NEI við ESB	Icesave-vextir
Stjórnarskráin	Fjárframlög	Vinstrivaktin	Samtök fullveldis	Evrópuvaktin	Heimssýn

 

  

Samstaða þjóðar    NATIONAL UNITY COALITION                                                               Baráttusamtök fyrir sjálfstæðu ríki á Íslandi og fullveldisréttindum almennings.    Stöndum vörð um Stjórnarskrá Lýðveldisins.

  

Sigurður Ingi Jóhannsson: Ófullnægjandi spurningar og svör um ESB.

Fyrst birt 06. júní 2013.

  

 

Loftur Altice Þorsteinsson.

Í Bændablaðinu 06. júní 2013 er viðtal við Sigurð Inga Jóhannsson ráðherra, þar sem fjallað er um verkefni núverandi ríkisstjórnar. Sigurður er spurður um ESB-umsóknina, sem Alþingi setti af stað með ályktun 16. júlí 2009. Sigurður svarar samvitskulega spurningum blaðamannsins, en gallinn er sá, að spurningarnar fjalla ekki um kjarna málsins.

Ekki er spurt þeirrar mikilvægu spurningar, hvort viðræðum við ESB verður slitið eða hvort þeim verður bara frestað, eins og Evrópusinnar óska heitast. Ríkisstjórn Jóhönnu Sigurðardóttur setti raunar umsóknina til hliðar 14. janúar 2013, þannig að spurning landsmanna er hvort ríkisstjórn Sigmundar er bara í afleysingum fyrir ríkisstjórn Jóhönnu.

Það má teljast til tíðinda, að Árni Páll Árnason skilur að ríkisstjórnin ræður ekki framgangi samninganna við ESB. Hann bendir á, að ríkisstjórnin er bundin af ákvörðunum Alþingis. ESB-málið verður að koma til ákvörðunar Alþingis, með ályktun um að slíta viðræðunum STRAX, eða fela ríkisstjórninni að halda þeim áfram.

Að ríkisstjórnin er bundin af ákvörðunum Alþingis kemur skýrt fram í 1.grein Stjórnarskrárinnar: »Ísland er lýðveldi með þingbundinni stjórn.« Engum vafa getur verið undirorpið, að Árni Páll mun leggja fram tillögu á Alþingi um ESB-viðræðurnar, ef ríkisstjórnin gerir það ekki. Tillaga Árna mun líklega ekki fjalla um tafarlaus slit viðræðna, heldur að þeim verði haldið áfram. Stóra spurningin er því sú, hvort ríkisstjórnin ætlar að láta stjórnar-andstöðuna taka frumkvæði málsins úr sínum höndum.

Það sem alltaf vekur mikla furðu þegar innlimun Íslands í ESB er til umræðu, er að afsal sjálfstæðis landsins er ekki ofarlega í huga stjórnmálamanna. Hvers vegna er þörf á að gera skýrslu um efnahagsstöðu Evrópusambandsins, en ekki skýrslu um framsal sjálfstæðis Íslands við núverandi aðild Íslands að Evrópska efnahagssvæðinu ?

<<<>>><><<<>>> 

Bændablaðið 06. júní 2013.

Á ekki von á að þjóðaratkvæðagreiðsla fari fram.

Spurning: Utanríkisráðherra hefur sett stopp á alla vinnu að ESB-umsókn á meðan verið er að meta árangur og gang viðræðnanna og einnig stöðu mála í sambandinu. Þær verði ekki teknar upp fyrr en að aflokinni þjóðaratkvæðagreiðslu, að því er kemur fram í stjórnarsáttmála, en þar er engin tímasetning nefnd varðandi slíka atkvæðagreiðslu. Á slík þjóðaratkvæðagreiðsla að fara fram að þínu mati, og þá hvenær?

„Við erum á sömu leið og Malta og Sviss völdu á sínum tíma. Niðurstaða þjóðanna varð ólík. Maltverjar lögðu niður samningaviðræður við ESB í fjögur ár og tóku þær svo upp aftur vegna breyttra aðstæðna í samfélaginu. Það sem við höfum sagt er að það verður ekki gert hér nema að á undan hafi gengið þjóðaratkvæðagreiðsla um hvort Íslendingar vilji ganga í Evrópusambandið, vegna þess að það er lykillinn að því að sækja um.

Sviss hefur geymt samningana sem farnir voru af stað ofan í læstri kistu. Ef það er mat Íslendsku þjóðarinnar á næstu árum og áratugum að það sé heppilegt, þá förum við þá leið. Það er mat beggja stjórnarflokka og meirihluta landsmanna, að okkar hag sé betur borgið utan sambandsins. Ef það breytist þá er það okkar stefna að þjóðaratkvæðagreiðslu þurfi til.“

Spurning: En hvernig á að meta hvort það hafi breyst?

„Gunnar Bragi utanríkisráðherra hefur eins og þú sagðir ákveðið að fram fari úttekt á stöðu samninganna. Það er ekki tilviljun að öll stærstu málin eru eftir, það er vegna þess að menn hafa ekki treyst sér í þau. Það er sjávarútvegurinn, landbúnaðurinn og byggðakaflinn að hluta. Sömuleiðis á að fara yfir stöðu mála á þróun sambandsins. Við bíðum eftir niðurstöðu þessara úttekta og viljum tala við fulltrúa sambandsins.

Það getur vel verið að þeir segi, að viðræðunum sé bara sjálfhætt með þessari ákvörðun og þá þarf ekki að taka þessa umræðu frekar hér innanlands. Ef taka á samningana upp aftur þarf eins og áður segir þjóðaratkvæðagreiðslu. Ef þú spyrð mig persónulega sé ég ekki á næstu árum að ástand í Evrópu og í heiminum verði með þeim hætti að Íslendsk þjóð muni óska eftir inngöngu í Evrópusambandið, ég sé það ekki.“

Spurning: Þú ert í raun að segja að eins og staðan er núna, miðað við skoðanakannanir og úrslit kosninga, verði ekki haldin nein þjóðaratkvæðagreiðsla um þetta mál. Til þess þurfi eitthvað alveg nýtt að koma til?

„Já, það þarf eitthvað alveg nýtt að koma upp til þess. Við erum bara að feta slóð Maltverja og Svisslendinga. Hvort við förum leið Maltverja vegna breyttra aðstæðna eða hvort við förum leið Svisslendinga sem hafa þessa umsókn bara í læstri skúffu verður bara að koma í ljós.“

Spurning: Þannig að næstu fjögur ár, fram að kosningum, er harla ólíklegt að þjóðaratkvæðagreiðsla af þessu tagi fari fram?

„Eins og ég segi þarf eitthvað stórkostlegt að gerast í heiminum og Evrópu til þess að Íslendska þjóðin vilji sækja um aðild, já.“