Höldum áfram baráttu gegn innlimun Íslands í Evrópusambandið

Jón Sigurðsson	Myntráð	Kanadadalur	Icesave-vextir	NEI við ESB	Icesave-vextir
Stjórnarskráin	Ólafur og Dorit	Vinstrivaktin	Samtök fullveldis	Evrópuvaktin	Heimssýn

  

  

Samstaða þjóðar    NATIONAL UNITY COALITION                                                               Baráttusamtök fyrir sjálfstæðu ríki á Íslandi og fullveldisréttindum almennings.    Stöndum vörð um Stjórnarskrá Lýðveldisins.

  

 

 

Höldum áfram baráttu gegn innlimun Íslands í Evrópusambandið.

 

Fyrst birt 22. maí 2013.

 

  

 

Loftur Altice Þorsteinsson.

Því miður er ekki að sjá, að ríkisstjórn Sigmundar Davíðs Gunnlaugssonar ætli að taka djarfmannlega á ESB-málinu. Í raun er bara tekið við keflinu frá ríkisstjórn Jóhönnu og það vafið í bómull og silki. Krafan um að viðræður verði stöðvaðar STRAX og að Alþingi geri það með ályktun er algerlega vanvirt. Í stjórnarsáttmálanum segir:

»Gert verður hlé á aðildarviðræðum Íslands við Evrópusambandið og úttekt gerð á stöðu viðræðnanna og þróun mála innan sambandsins. Úttektin verður lögð fyrir Alþingi til umfjöllunar og kynnt fyrir þjóðinni. Ekki verður haldið lengra í aðildarviðræðum við Evrópusambandið nema að undangenginni þjóðaratkvæðagreiðslu.«

Hér stendur skýrum stöfum, að ESB-umsókninni er haldið í nákvæmlega sama horfi og ríkisstjórn Jóhönnu Sigurðardóttur skilur við hana. Sú furðulega ákvörðun er tekin, að gerð skuli úttekt á stöðu viðræðnanna og að gerð skuli  úttekt á þróun mála innan ESB. Þetta merkir að þjóðin mun um langa framtíð hafa ESB-málið hangandi yfir sér eins og fallöxi. Þetta er nákvæmlega það sem Evrópusinnar hafa óskað eftir. Þeir vilja bíða færis til að hefja að nýgju aðlögun að ESB.

Samstaða þjóðar mun því halda áfram baráttu gegn aðlögun að ESB og ekki verður séð að ríkisstjórn Sigmundar muni leggja okkur mikið lið. Látið verður reyna á afstöðu Alþingis, enda er það Alþingi sem verður að slíta viðræðunum, ekki ríkisstjórnin. Það var Alþingi sem hóf viðræðurnar og stjórnskipulega er það því Alþingi sem verður að slíta þeim. Í ljósi þeirrar staðreyndar að Alþingi fer með málið, er undarlegt að sjá eftirfarandi ummæli Bjarna Benediktssonar:

»Ég sé þetta þannig fyrir mér að því verði komið til skila til Evrópu-sambandsins, að ríkisstjórnin hafi ekki áhuga á að halda aðildarviðræðunum áfram. Það er síðan hugmundin að staða viðræðnanna, þróunin innan Evrópusambandsins og málið í heild sinni verði tekið saman í sérstaka skýrslu sem flutt verður þinginu. Þannig að umræða fari fram um árangurinn af viðræðunum fram til þessa, hvar ferlið er statt og hvernig Evrópusambandið hefur verið að þróast og breytast á undanförnum árum og sú umræða fari fram á næsta þingi sé ég fyrir mér, nærsta vetur.«

»Ég tel mikilvægt að hafa það í huga í þessu sambandi að við ráðum okkur ekki alfarið sjálf í þessu, hlutirnir verða að gerast í réttri röð. Það er til dæmis mikilvægt að fá viðbrögð frá Evrópusambandinu við þessari niðurstöðu ríkisstjórnarinnar sem hér er í burðarliðnum. Jafnframt finnst mér rétt að taka ekki fram fyrir hendurnar á þinginu um það hvenær slík þjóðaratkvæðagreiðsla kæmi til greina. En þetta er að mínu mati dæmigert mál um það þar sem þjóðaratkvæðagreiðsla er heppileg aðferð til þess að leiða þann ágreining sem hefur verið um málið í jörð.«

Getur nokkur annar en Evrópusinni talað með þessum hætti? Þarf ríkisstjórnin að standa framkvæmdastjórn ESB skil á afstöðu Íslands, áður en nokkuð hefur verið gert í málinu? Þarf að kanna viðbrögð ESB við ákvörðun Íslands, áður en Alþingi tekur ákvörðun um slit viðræðna? Hvers vegna ætti þingið að fjalla um áframhald viðræðna, þegar fyrir liggur að þjóðin hefur engan áhuga á innlimun Íslands í ESB? Hér er verið að snúa á haus þeirri atburðarás, sem verður að viðhafa. Ég spyr hvort nokkur sjálfstæðissinni geti haldið uppi þeim málflutningi sem Bjarni Benediktsson gerir og hefur raunar gert allt frá Landsfundi Sjálfstæðisflokks 24. febrúar 2013?

 

Yfirlýsing: Alþingi ber STRAX að slíta formlega viðræðum við ESB.

Stöðvum strax aðlögun að ESB - undirskriftasöfnun.