Framkvæmdastjórn Evrópusambandsins fylgir eftir atlögunni að Íslandi

 

Jón Sigurðsson	Myntráð	Kanadadalur	Icesave-vextir	forseti Íslands	Icesave-vextir
Stjórnarskráin	forseti Íslands	Vinstrivaktin	Samtök fullveldis	Evrópuvaktin	Heimssýn

  

  

Samstaða þjóðar    NATIONAL UNITY COALITION                                                               Baráttusamtök fyrir sjálfstæðu ríki á Íslandi    og fullveldisréttindum almennings.    Stöndum vörð um Stjórnarskrá Lýðveldisins.

  

  

   

 

Framkvæmdastjórn Evrópusambandsins fylgir eftir atlögunni að Íslandi.

11. apríl 2012.

 

 

Loftur Altice Þorsteinsson.

                                 

Áróðursmálaráðuneyti ESB, öðru nafni RÚV, var auðvitað fyrst með þá frétt að Framkvæmdastjórn Evrópusambandsins ætlaði að fylgja eftir atlögu sinni gegn Íslandi, sem hafin var haustið 2008. RÚV segir svo frá kl.18:00 í dag:

                                 

Framkvæmdastjórn Evrópusambandsins vill fá aðild að Icesavemálinu sem rekið er fyrir EFTA dómstólnum. Framkvæmdastjórnin tekur undir kröfur Eftirlitsstofnunar EFTA í málinu.

                                 

Þessi frétt kemur Samstöðu þjóðar ekki á óvart eftir að við höfum átt í bréfaskiptum við Framkvæmdastjórnina frá 25. júní 2011. Vitað er að Eftirlitsstofnun EFTA hefur tekið við fyrirmælum frá Framkvæmdastjórninni og að allt kapp verður lagt á að fá Ísland dæmt fyrir EFTA-dómstólnum.

  

Afskipti Framkvæmdastjórnarinnar eru í eðli sínu brot á samningnum um Evrópska efnahagssvæðið, sem skipulagslega hvílir á tveimur stoðum. ESA er ákærandi fyrir EFTA-dómstólnum og þar skal einungis fjalla um brot EFTA ríkjanna Íslands, Norðvegs og Lichtenstein. Fyrir Evrópudómstólnum er Framkvæmdaráðið ákærandi og þar skulu meint brot Evrópu-sambandsríkjanna leidd til lykta.

  

Aðkoma Evrópusambandsins að ákæru ESA fyrir EFTA-dómstólnum, er því ekki bara hatursfullur gerningur heldur einnig óeðlilegur. Þessi afskipti sanna einnig haldleysi Brussel-viðmiðanna, sem samkvæmt fullyrðingum Ingibjargar og Össurar áttu að tryggja Íslandi hlutlausa milligöngu ESB í Icesave deilunni. Samstaða þjóðar hefur sannanir fyrir því að Brussel-samningurinn var samsværi til að blekkja Alþingi.

  

Heimild Framkvæmdastjórnarinnar kemur fram í “Protocol 5” um starfsemi EFTA-dómstólsins. Þar segir í 36. grein:

  

Any EFTA State, the EFTA Surveillance Authority, the Community and the EC Commission may intervene in cases before the Court. The same right shall be open to any person establishing an interest in the result of any case submitted to the Court, save in cases between EFTA States or between EFTA States and the EFTA Surveillance Authority. An application to intervene shall be limited to supporting the form of order sought by one of the parties.

Hvers vegna halda menn að Tim Ward hafi hafnað því að Ísland mótmæli afskiptum Evrópusambandsins af málinu ? Það er vegna þess að hann er ráðinn til að tapa Icesave-málinu en ekki vinna það. Viðbrögð ríkisstjórnarinnar sanna allar verstu ásakanir sem á hana hafa verið bornar. Ríkisstjórnin er ennþá að berjast fyrir hagsmunum Evrópusambandsins, eins og hún hefur gert frá fyrsta degi á ríkisjötunni.

Framkvæmdastjórn ESB hafnaði réttmætum kröfum um að nýlenduveldin verði ákærð fyrir Evrópudómstólnum, þótt dómstóllinn sé réttur aðili til að fjalla um brot Bretlands og Hollands á samningnum um Evrópska efnahagssvæðið. Framkvæmdastjórnin hafði sett sér það markmið að Ísland skyldi beygt í svörðinn og neytt til að sækja um náðarfaðm ESB.

  

Evrópusambandinu tókst að sundra Júgóslavíu með undirferlum, en gegn Íslandi var gerð áætlun um að beita efnahagslegum þvingunum. Aðgerðirnar gegn Júgóslavíu tókust samkvæmt áætlun, en Ísland ætlar að verða seigara undir tönn. ESB er orðið ljóst að Ísland mun ekki ganga undir jarðarmenið, heldur eru landsmenn tilbúnir að fórna miklu fyrir sjálfstætt lýðveldi og þau fullveldisréttindi sem því fylgja.

                                 

Staðfesting á fyrirætlunum Framkvæmdastjórnarinnar fekkst 14. desember síðastliðum, þegar kommissar Michel Barnier gaf eftirfarandi yfirlýsingu:

                                 

The Commission takes note of the EFTA Surveillance Authority's decision to file an application to the EFTA Court for Iceland's failure to ensure that the Dutch and British depositors in "Icesave" accounts received the minimum compensation according to the Directive on Deposit Guarantee Schemes. The Commission shares the Surveillance Authority's legal analysis as regards the interpretation of the Directive on Deposit Guarantee Schemes.

                                 

Hvað mun ríkisstjórnin gera í stöðunni ? Verður Evrópusambandið beðið að senda fleirri »verjendur« til aðstoðar Tim Ward ? Verður því haldið fram að Icesave-kúgunin hafi ekkert að gera með viðræður Össurar um innlimun Íslands í ESB ? Verður því hugsanlega haldið fram að það sýni styrka stöðu Íslands að Framkvæmdastjórnin hlaupi undir bagga hjá Eftirlitsstofnun ESA ?

  

Mun Össur halda því fram, að þar sem Framkvæmdastjórnin sé komin úr skápnum sé málsvörn okkar auðveldari því að Evrópusambandið hafi nú sýnt hvaða spil það hefur á hendi ? Örugglega verður ríkisstjórninni og öðrum kjölturökkum Evrópusambandsins ekki haggað við að vinna baki brotnu að hagsmunum.....???

                                 

 –> já margir munu spyrja: að hverra hagsmunum er ríkisstjórnin að vinna ?