Alex Jurshevski: Blessun ef þið takið upp Kanadadollar - Andstæðingar þeir sömu og réðust gegn Íslandi

 

Jón Sigurðsson	Myntráð	Kanadadalur	Icesave-vextir	forseti Íslands	Icesave-vextir
Stjórnarskráin	forseti Íslands	Vinstrivaktin	Samtök fullveldis	Evrópuvaktin	Heimssýn

  

  

Samstaða þjóðar    NATIONAL UNITY COALITION                                                               Baráttusamtök fyrir sjálfstæðu ríki á Íslandi    og fullveldisréttindum almennings.    Stöndum vörð um Stjórnarskrá Lýðveldisins.

  

  

   

    

Alex Jurshevski: Blessun ef þið takið upp Kanadadollar

-----

Andstæðingar þeir sömu og réðust gegn Íslandi

Fyrst birt í Pressunni 09. marz 2012.

 

 
Alex Jurshevski, forstjóri Recovery Partners, segir að það myndi verða mikil blessun ef Íslendingar tækju upp Kanadadollar. Hann segir andstæðinga þessarar hugmyndar vera þá sömu og réðust á Ísland fyrir nokkrum árum. 

Í nýjasta Pressupennapistli sínum segir Jurshevski að upptaka Kanadadollas sé tækifæri sem sprottið hafi úr fjármálakrísu og fengið að malla í bakgrunninum.

Í síðustu viku var komið í veg fyrir að kanadíski sendiherrann á Íslandi fengi að tala á ráðstefnu og greina frá kostum og möguleikum gjaldmiðlasamstarfs við Kanada. Hvers vegna? Jú, vegna þess að slíkt samstarf er sennilega of skynsamlegt og hefur í för með sér of mikla kosti – bæði pólitíska og efnahagslega – fyrir bæði Kanada og Ísland. Sterkir hagsmunaaðilar, mikið til þeir sömu og réðust gegn Íslandi fyrir nokkrum árum, virðast hafa beitt áhrifum sínum gegn þessum skynsamlegu umræðum þegar ljóst varð að hugmyndinni óx fylgi.

Hann vitnar til aldargamals og farsæls sambands milli Íslands og Kanada, margt sé líkt í samtímasögu þeirra hvað varðar lýðræði og grunngildi og segir þetta skipta máli og einnig að Íslendingar taki upp nýja mynt.

Þetta skiptir máli vegna þess að Íslendingar vita að þeir verða að stíga mikilvæg skref til að koma á efnahags- og fjárhagslegum stöðugleika og reisa eldveggi, sem koma í veg fyrir endurtekningu þess sem gerðist árið 2008 og í aðdraganda þess. Íslendingar verða líka að leggja grunn að stöðugum og fyrirsjáanlegum vexti. Þetta er ekki hvað síst mikilvægt í ljósi þess að Íslendingar standa nú undir mikilli skuldabyrði sem þarf að stjórna af ábyrgð. Aldrei fyrr hefur Ísland verið jafn skuldsett og því skiptir þetta atriði mjög miklu máli.

Kostir og gallar gjaldmiðilssamstarfs við Kanada séu skýrir. Dollarinn sé bundinn hagkerfi, sem er miklu stærra og stöðugra en hið Íslendska, enn sem komið er, þó að samsetning þess sé í stórum dráttum svipuð. Þess vegna muni neytendur, fyrirtæki og opinberir aðilar geta gert markvissari áætlanir en fyrr, byggðar á stöðugleika.

Það er ekkert neikvætt við þessa stefnu fyrir Íslendinga – nema hvað hún mun útiloka möguleikann á því að taka upp evru, möguleika sem ákveðnir aðilar hafa mjög talað fyrir. Fyrir tveimur árum sögðum við (Recovery Partners) við ríkisstjórnina:

»Hvers vegna ættuð þið að vilja ganga í samband (Evrópusamband) þar sem þið eruð barin til óbóta við útidyrnar og rænd aleigunni þegar inn kemur ?«

Við þetta má bæta að evrusvæðið er í helgreypum óleysanlegrar krísu og virðist ekki hafa ráð gegn henni. Margt bendir til þess að áður en yfir lýkur muni atburðarásin á evrusvæðinu láta hrunið á Íslandi líta út eins og barnaleik. Andspænis krísunni virðist lýðræðið eiga undir högg að sækja í Evrópu og skrifræðið hengir sig á brostna von misheppnaðs verkefnis. Þessi harmleikur hefur þróast nákvæmlega eins og við (Recovery Partners) spáðum fyrir þegar við ræddum við Íslendsku ríkisstjórnina og fulltrúa stjórnmálaflokka árið 2010.

 

Af þessum sökum ætti AGS að vera fylgjandi því að Ísland taki upp Kanadadollar því það myndi stuðla að stöðugleika í Íslendska hagkerfinu og reisa varnir gegn því að hrun á borð við það sem varð 2008 endurtaki sig.

Margir fleiri kostir fylgja því að taka upp Kanada dollar:

•   Lántökukostnaður lækkar.

•   Bankar, fyrirtæki og opinberir aðilar fá aðgang að miklu stærri og sterkari lánveitendum.

•   Aðgengi að mörkuðum til að verja hvers kyns fjárhagslega áhættu auðveldar bönkum, opinberum aðilum og fyrirtækjum áhættustýringu á bæði eignum og í rekstri. Þetta greiðir leiðina að afnámi verðtryggingar sem hefur valdið gríðarlegu fjárhagslegu tjóni og stuðlar að samfélagsupplausn.

•   Aðgengi að fríverslunarsvæði Norður-Ameríku (NAFTA) verður möguleiki.
 

•   Ekkert fullveldisafsal fylgir upptöku Kanada dollars öfugt við það sem yrði ef Ísland kýs að verða hluti af evrusvæðinu.

•   Milliríkjaviðskipti munu eflast.

•   Fjárhagsleg hagkvæmni eykur framleiðni og bætir samkeppnisstöðu Íslands.

•   Nánari samvinna um stefnumörkun og stjórnun Norður-heimskautsins og neðansjávarauðlinda á því svæði mun styrkja áhrif Íslands t.d. á vettvangi Norður-heimskautsráðsins.

•   Kanada dollar mun veita nánast skotheldar varnir gegn tilraunum til að ráðast gegn gjaldeyrisforða íslenska Seðlabankans, sem getur haft í för með sér gjaldeyrishöft.

•   Aðgangur að viðurkenndu fyrsta flokks fjármálakerfi og regluverki verður mögulegt. Það styrkir stöðu Íslands og leiðir til hærra lánshæfismats fyrir landið jafnvel þó að ekki verði að fullu gengist undir kanadískt fjármálaeftirlit.
 

Hann segir að Ísland þurfi ekki leyfi neins til að taka upp mynt annars lands en það yrði mikil blessun ef upptaka Kanadadollars yrði gerð í samvinnu við kanadísk stjórnvöld.    

                                 

  

>>><<<