Ætlar borgarstjóri að styðja feðraveldið (Islam) ?

Jón Sigurðsson	Myntráð	Kanadadalur	Icesave-vextir	NEI við ESB	Icesave-vextir
Stjórnarskráin	Fjárframlög	Vinstrivaktin	Samtök fullveldis	Evrópuvaktin	Heimssýn

  

 

Samstaða þjóðar    NATIONAL UNITY COALITION                                                               Baráttusamtök fyrir sjálfstæðu ríki á Íslandi og fullveldisréttindum almennings.    Stöndum vörð um Stjórnarskrá Lýðveldisins.

 

 

Ætlar borgarstjóri að styðja feðraveldið (Islam) ?

Fyrst birt í Morgunblaðinu 24. október 2015.

Gústaf Níelsson.

Í kjölfar sveitarstjórnarkosninganna á síðasta ári spannst umræða um þá ákvörðun Reykjavíkurborgar að úthluta Félagi múslima á Íslandi ókeypis lóð undir mosku. Ákvörðunin var umdeild, svo ekki sé dýpra í árinni tekið og bentu lögspekingar á að sveitarfélögum væri óskylt að úthluta trúfélögum ókeypis lóðum. Sumir héldu því meira að segja fram að ákvörðunin væri ólögmæt. Jafnvel borgarlögmaður viðurkenndi að sveitarfélögum væri einvörðungu skylt að úthluta ókeypis lóðum undir kirkjur.

Mitt í þessari umræðu bárust fréttir af fundi sendiherra Sádi-Arabíu og forseta Íslands. Á fundinum kom fram að Sádar hygðust leggja fram fjármagn til byggingar mosku í Reykjavík. Fréttirnar vöktu óhug enda eru Sádi-Arabía og nágrannaríkin við Persaflóa ekki þekkt sem fánaberar mannréttinda  (Leiðrétting Forseta Íslands).

Skiptir máli hver fjármagnar moskuna ?

Hvort tveggja núverandi og fyrrverandi formenn Samfylkingarinnar voru neikvæðir í garð fréttanna af fjárstyrk Sádi-Araba. Þannig kvað Ingibjörg Sólrún Gísladóttir (05.04.2015) það fráleita hugmynd að Sádi-Arabía fengi að setja fjármagn í byggingu mosku og tók fram að til »að sporna við því að róttækur íslamismi berist til okkar ættum við ekki að heimila að erlendir aðilar fjármagni moskubygginguna«. Árni Páll Árnason (05.03.2015) spurði hvað einræðisríkjum, sem ekki virtu grundvallarmannréttindi, gengi til með fjárframlögum af þessum toga.

Á meðal meirihlutans í borgarstjórn var hins vegar annað hljóð í strokknum. Líf Magneudóttir, formaður mannréttindaráðs, kvaðst ekki hafa miklar áhyggjur af fjárstyrk Sáda því múslimum á Íslandi væri treystandi til að fara eftir lögum og brjóta ekki á mannréttindum fólks. Viðbrögð Dags B. Eggertssonar (05.03.2015) borgarstjóra voru varfærnari. Dagur tók ekki afdráttarlaust á málinu, eins og hann er gjarn á að gera þegar honum finnst mál vera »óþægileg«.

Í staðinn fól hann mannréttindaskrifstofu borgarinnar að fara ofan í saumana á því hvort fjárstyrk Sádi-Araba fylgdu einhver skilyrði. Þessi aðferð, að vísa máli í nefnd, er vel þekkt þegar stjórnmálamenn reyna að losa sig við óþægileg mál. Þrátt fyrir að nú sé meira en hálft ár liðið hefur mannréttindaskrifstofan ekki enn birt niðurstöður sínar. Kostnaður borgarbúa við mannréttindaskrifstofuna mun þó vera hartnær hálfur milljarður króna á hverju kjörtímabili.

Konur séu með slæðu og í búri við bænahald.

Þegar fréttir af fjárstyrk Sáda voru bornar undir fyrirsvarsmenn Félags múslima á Íslandi voru viðbrögðin á einn veg. Sverrir Agnarsson, sem þá gegndi formennsku í félaginu, kom af fjöllum og kvaðst ekkert vita um styrkinn. Salmann Tamimi, sem hafði gegnt formennsku á undan Sverri, gekk skrefinu lengra og sagði félagið aldrei hafa óskað eftir fjármunum frá Sádi-Arabíu. Viðbrögð þeirra Sverris og Salmanns bentu helst til þess að fréttirnar af fundi sendiherra Sádi-Araba og forseta Íslands helguðust af misskilningi hins síðarnefnda.

Fyrr í þessum mánuði gerðust hins vegar þau tíðindi að Salmann steypti Sverri af formannsstóli í Félagi múslima á Íslandi. Í viðtali við visir.is 12. október sl. hefur Sverrir upplýst að Salmann hafi gagnrýnt hann fyrir hvort tveggja að telja það ekki skyldu múslímskra kvenna að ganga með slæðu og að vera of vinsamlegur í garð samkynhneigðra. Þá hafi Salmann gagnrýnt hann fyrir að taka afstöðu með »Íslendskum konunum í félaginu sem vildu burt með ljóta ókláraða, nú í tíu ár, búrið sem konurnar eru látar vera í við bænahald«.

Í bréfi sem Sverrir birti af sama tilefni koma fram nýjar upplýsingar um fjármögnun moskunnar. Í bréfinu er því lýst að opinberlega hafi Salmann ekkert kannast við peningana frá Sádum þrátt fyrir að hann hafi skömmu áður sjálfur beðið um þá í sendiráði Sádi-Arabíu í Stokkhólmi. Ekki verður betur séð en hér sé fram komin sönnun þess að fyrirsvarsmenn Félags múslima á Íslandi hafi reynt að blekkja almenning um hvernig fjármögnun moskunnar yrði háttað. Er nú skiljanlegt hvers vegna Sverrir taldi sig á sínum tíma knúinn til að lýsa því yfir opinberlega að hann talaði einn fyrir hönd félagsins eftir að Salmann hafði þvertekið fyrir að félagið tæki við peningum frá Sádum.

Nýr formaður neitar að svara spurningum.

Þessar nýju upplýsingar um fjármögnun moskunnar og þann boðskap sem félagið boðar gagnvart konum og samkynhneigðum hljóta að leiða til þess að borgaryfirvöld endurskoði ákvörðun sína um að úthluta ókeypis lóð til félagsins. Nýkjörinn formaður félagsins mun enda hafa lýst því yfir að hann vilji að félagið dragi sig út úr arkitektasamkeppni um byggingu moskunnar.

Ef til vill skiptir það þau Dag og Líf engu máli þótt fyrirsvarsmenn félagsins leiki tveim skjöldum. Líklega telja þau áfram rétt að treysta svörum félagsins til mannréttindaskrifstofu borgarinnar um hvernig moskan er fjármögnuð og hvaða boðskapur verður þar boðaður. Líklegast er þó að mannréttindaskrifstofan fái engin svör. Nýr formaður félagsins hefur nefnilega ákveðið að svara ekki spurningum fjölmiðla í kjölfar þess að hann tók við völdum í félaginu. Miðaldirnar og feðraveldið eiga sér greinilega vísan stuðning hjá félaginu.

<<<<<<<>>><<<>>>>>>>

Yfirlýsing frá Ibrahim Sverri Agnarssyni.

Assalamu alaikum Alhamdulillahi - The General Meeting is over and I am probably a very bad loser!

But after weeks of backbiting and slander and fabrication on my believes ,it is a RELIEVE that that the Tamimi clan has taken over the Association of Muslims in Iceland and I have no responsibility there anymore.

I did not have a chance against the Tamimi ladies and all their Arab/icelandic girlfriends and the several of the grumpy guys mostly Palestinian that have not shown faces in the mosque for years.

The tens of the bright shining faces in the back of the mosque today dutifully wearing their hijab for the occasion, something that most of them never do in public, were all, except the few Icelandic ethnic ladies, dedicated Tamimi fans, common sense and rhetoric did not have a chance, they came to vote for their hero.

It is a kind of funny because one of the main point Salmann brought up against me was that I did NOT believe that wearing hijab in public was a unconditional demand up on muslim ladies, BUT HE, on the contrary was firm on that point.

This sound similar when he thunders in his rare Friday speeches about the necessity for Muslims to come to the mosque, but almost never come there himself not even in Ramadan. Or when he denounced the money from Saudi Arabia shortly after asking for them personally in their embassy in Stockholm.

Funny because I see some of these ladies more often on town at weekends than in the mosques - not even at Eid´s or dinners at the mosque.

But Allah has the power over all things and I will ask him quietly to teach me not to be a bad loser - but he knows the meaning of things big and small.

<<<<<<<>>><<<>>>>>>>