Ríkisútvarpið starfar EKKI í almannaþágu, heldur gætir erlendra hagsmuna

Jón Sigurðsson	Myntráð	Kanadadalur	Icesave-vextir	NEI við ESB	Icesave-vextir
Stjórnarskráin	Fjárframlög	Vinstrivaktin	Samtök fullveldis	Evrópuvaktin	Heimssýn

  

  

Samstaða þjóðar    NATIONAL UNITY COALITION                                                               Baráttusamtök fyrir sjálfstæðu ríki á Íslandi og fullveldisréttindum almennings.    Stöndum vörð um Stjórnarskrá Lýðveldisins.

  

 

 

Ríkisútvarpið starfar EKKI í almannaþágu, heldur gætir erlendra hagsmuna.

Fyrst birt 13. júní 2013.

 

  

Loftur Altice Þorsteinsson.

Við lok valdatíma ríkissstjórnar Jóhönnu Sigurðardóttur, setti meirihluti Alþingis (35 þingmenn) lög 23/2013, um »Ríkisútvarpið, fjölmiðil í almannaþágu«. Flutningsmanni laganna, Katrínu Jakobsdóttur menntamálaráðherra, þótti heiti laganna svo stórkostlegt grín, að í frumvarpinu og greinargerðinni með því er staglast á heitinu »Ríkisútvarpið, fjölmiðil í almannaþágu« meira en 100 (hundrað) sinnum. Allir landsmenn vita að þetta eru fullkomin öfugmæli, því að Ríkisútvarpið gætir hagsmuna Evrópskra nýlenduvelda og fer fremst í flokki þeirra sem vilja afnema þegnréttindi almennings á Íslandi.

Gjaldtaka vegna rekstrar Ríkisútvarpsins er sérstakur kapítuli, sem ekki á sinn líka um víða veröld. Í lögunum segir: »Gjaldið skal nema 18.800 kr. ár hvert á hvern einstakling og lögaðila.« Með smávægilegum undantekningum þá er innheimt útvarpsgjald af öllum kennitölum í landinu. Þetta gildir til dæmis um félög sem ekki skila neinum hagnaði og eru jafnvel ekki í rekstri. Það nefnist eigna-upptaka, þegar félög eða einstaklingar eru skattlagðir svo að þeir þurfa að ganga á eignir til að greiða skatta.

Þetta grín »Ríkisútvarpið, fjölmiðil í almannaþágu« ber að skoða í ljósi reynslunnar af lögum 6/2007, sem sett voru undir sömu formerkjum og lögin hennar Katrínar, enda var þá annar Evrópusinni í stól menntamálaráðherra. Ríkisútvarpinu hefur verið stjórnað af Evrópusinnum, sem  hvorki hafa virt lagabókstafinn né almenna umgengishætti. Ef ekki verður hróflað við yfirstjórn þessarar óþjóðlegu áróðursstofnunar, mun ekkert breytast í starfsemi hennar á nærstu árum, nema hvað útvarpsskatturinn mun auðvitað hækka og innheimtuaðgerðir harðna. Til staðfestingar þessum fullyrðingum má benda á eftirfarandi:

 

1. Ríkisútvarpið gætti ekki hlutleysis í Icesave-deilunni og neitaði Samstöðu þjóðar gegn Icesave um að senda fulltrúa í umræðuþætti.

2. Útvarpsstjóri svaraði ekki ítrekuðum kvörtunum Samstöðu þjóðar gegn Icesave vegna hlutdrægrar umfjöllunar um Icesave.

3. Ríkisútvarpið gætir ekki hlutleysis í yfirstandandi ESB-deilu og fjallar ekkert um andstöðu Samstöðu þjóðar við tilraunum Evrópusinna til að leggja Ísland undir þursann í austri.

4. Hvorki stjórn Ríkisútvarps eða Katrín Jakobsdóttir þáverandi menntamálaráðherra svöruðu skriflegum og rökstuddum kvörtunum vegna hlutdrægrar og lokaðrar starfsemi Ríkisútvarps.

5. Vegna rekstrarforms Ríkisútvarps (ohf) taldi Umboðsmaður Alþingis sér ekki lögformlega fært að taka til umfjöllunar kærur um Ríkisútvarpið.

6. Ekki verður unað við, að allt síðasta kjörtímabil Alþingis var enginn aðili í stjórnkerfinu bær eða viljugur til að fjalla um kærur á starfsemi Ríkisútvarps.

 

Heldstu staðreyndir málsins koma hér fram:

Grein í Morgunblaðinu 14. janúar 2012:

http://samstada-thjodar.blog.is/blog/samstada-thjodar/entry/1217153/

Umfjöllun á vefsetri Samstöðu þjóðar 04. janúar 2012:

http://samstada-thjodar.blog.is/blog/samstada-thjodar/entry/1215255/

Bréf til menntamálráðherra 28. maí 2011: 

http://samstada-thjodar.blog.is/blog/samstada-thjodar/entry/1213625/

Bréf til þáttastjórnanda hjá Ríkisútvarpi 07. apríl 2011: 

http://samstada-thjodar.blog.is/blog/samstada-thjodar/entry/1213541/

Bréf til útvarpsstjóra 14. marz 2011: 

http://samstada-thjodar.blog.is/blog/samstada-thjodar/entry/1213357/

 

Samstaða þjóðar gerir þá kröfu til Alþingis, að gerð verði opinber rannsókn á starfsemi »Ríkisútvarps, fjölmiðils í almannaþágu«  á síðasta kjörtímabili. Taka þarf til rannsóknar hvernig þessi ríkisstofnun getur komist upp með að brjóta árum saman lög sem um starfsemi þess gilda.

Jafnframt hljóta allir landsmenn að krefjast þess, að verstu agnúar verði sniðnir af gjaldtöku fyrir hina aumkunarverðu þjónustu sem Ríkisútvarpið veitir. Ekki er ásættanlegt, að eignaupptöku sé beitt til að halda skaðlegri starfsemi gangandi. Umfang »Ríkisútvarps, fjölmiðils í almannaþágu«  verður að sníða eftir þörfum almennings og þá starfsemi verður að stöðva, sem sannað hefur verið að aðrar útvarpsstöðvar eru hæfari til að veita.