Ríkisstjórn Sigmundar er í afleysingum fyrir Jóhönnu Sigurðardóttur

Jón Sigurðsson	Myntráð	Kanadadalur	Icesave-vextir	NEI við ESB	Icesave-vextir
Stjórnarskráin	Ólafur og Dorit	Vinstrivaktin	Samtök fullveldis	Evrópuvaktin	Heimssýn

  

  

Samstaða þjóðar    NATIONAL UNITY COALITION                                                               Baráttusamtök fyrir sjálfstæðu ríki á Íslandi og fullveldisréttindum almennings.    Stöndum vörð um Stjórnarskrá Lýðveldisins.

  

Ríkisstjórn Sigmundar er í afleysingum fyrir Jóhönnu Sigurðardóttur.

Fyrst birt 29. maí 2013.

  

Loftur Altice Þorsteinsson.

Með yfirlýsingu frá 14. janúar 2013 ákvað ríkisstjórn Jóhönnu, að gera hlé á viðræðum um innlimun Íslands í ESB, en halda þeim samt áfram (!) Yfirlýsingin var fólgin í að samþykkja tillögu frá svonefndri »Ráðherranefnd um Evrópumál«, sem skipuð er forsætisráðherra, utanríkisráðherra, fjármálaráðherra og menntamálaráðherra. Að auki koma lægra settir ráðherrar inn í nefndina, þegar samið er um afsal sjálfstæðis Íslands á sviðum sem undir þá ráðherra heyra. Ráðherranefndin hafði verið skipuð 15. september 2009. Yfirlýsingin frá 14. janúar 2013 er svo hljóðandi: 

<<<<<<><><>>>>>>  

1. Í samræmi við ályktun Alþingis vorið 2009 sótti Ísland um aðild að Evrópusambandinu á þeim forsendum að þjóðin fengi að eiga lokaorðið í þjóðaratkvæðagreiðslu.

2. Stjórnarflokkarnir hafa starfað að fullu í samræmi við samstarfsyfirlýsingu sína og ákvörðun Alþingis og álit meiri hluta utanríkismálanefndar hefur legið til grundvallar samningaferlinu.

3. Nú er ljóst að viðræðurnar leiða ekki til samnings á yfirstandandi kjörtímabili.

4. Af þeim 33 málaflokkum sem samið er um hefur Ísland afhent 29 samningsafstöður, viðræður eru hafnar um 27 og lokið um 11.

5. Tafir hafa orðið á að viðræður gætu hafist um mikilvæga kafla svo sem sjávarútvegsmál þar sem Evrópusambandið hefur dregið að ljúka sinni rýniskýrslu um málið mánuðum saman. Einnig hefur dregist að ljúka samningsafstöðu Íslands í landbúnaði.

6. Komandi mánuðir markast af undirbúningi undir alþingiskosningar. Í þessu ljósi þjónar það best hagsmunum Íslands að búið sé um málið með ábyrgum hætti fram að kosningum. Því er eftirfarandi lagt til [og samþykkt]:

a) Ekki verður um frekari vinnu að ræða við mótun samningsafstöðu Íslands í þeim fjórum köflum sem enn eru ófrágengnir. Þetta eru sjávarútvegskaflinn (13), kaflar 3 og 4 um þjónustuviðskipti og staðfesturétt sem hafa tengingu yfir í sjávarútvegskaflana og landbúnaðarkaflinn (11).

b) Ekki verður lögð áhersla á sérstaka ríkjaráðstefnu á útmánuðum og þeir tveir kaflar sem samningsafstaða hefur verið lögð fram í en ekki opnaðir bíða þá í óbreyttri stöðu.

c) Varðandi þá 16 kafla sem nú standa opnir munu samninganefnd Íslands og sérfræðingar halda áfram uppi samskiptum við ESB um þá, án þess þó að kallað verði eftir frekari ákvörðunum framkvæmdar- eða löggjafarvalds.

d) Utanríkisráðherra mun upplýsa framkvæmdastjórn ESB og formennskuríkið Írland með viðeigandi hætti um þennan umbúnað viðræðnanna.

Samkomulag flokkanna í upphafi kjörtímabilsins byggir á þeirri lýðræðislegu nálgun (?) að það eigi að vera þjóðin sjálf sem tekur ákvarðanir í þessum efnum. Það er hvors flokks um sig að móta stefnu sína og málflutning þar um og hvað varðar framhald málsins, samanber það sem segir í samstarfsyfirlýsingu flokkanna að þeir virða ólíka grundvallarafstöðu hvors flokks og hafa fullt frelsi til málflutnings og baráttu á þeim grunni.“

<<<<<<><><>>>>>>

Ekki verður annað séð en að ríkisstjórn Sigmundar Davíðs Gunnlaugssonar líti svo á, að hún sé í afleysingum fyrir ríkisstjórn Jóhönnu Sigurðardóttur. Í stjórnarsáttmála hinnar síðari ríkissjórnar segir:

»Gert verður hlé á aðildarviðræðum Íslands við Evrópusambandið og úttekt gerð á stöðu viðræðnanna og þróun mála innan sambandsins. Úttektin verður lögð fyrir Alþingi til umfjöllunar og kynnt fyrir þjóðinni. Ekki verður haldið lengra í aðildarviðræðum við Evrópusambandið nema að undangenginni þjóðaratkvæðagreiðslu.«

Meirihluti þjóðarinnar vill slíta STRAX viðræðum við ESB. Árum saman hafa skoðanakannanir sýnt að 60%-70% landsmanna hafnar hugmyndum Samfylkingarinnar um að afsala sjálfstæði landsins í hendur Evrópusambandinu. Hvernig má það vera, að ríkisstjórn sem fyrst og fremst var kosin til að framfylgja þjóðarviljanum gagnvart ESB, virðist telja verkefni sitt vera, að gera hlé á viðræðum um innlimun Íslands í ESB (?)

Fyrir liggur, að stjórnarfarslega er það verkefni Alþingis að stöðva viðræðurnar við ESB. Það var Alþingi sem hóf viðræðurnar og það er því Alþingi sem verður að slíta þeim. Alþingi verður að ákveða slit viðræðna á formlegan hátt, með því að samþykkja ályktun, sem felur ríkisstjórninni að stöðva STRAX óhæfu-förina til Brussel. Einnig þarf Alþingi að láta rannsaka þau brot á Stjórnarskránni sem Össur Skarphéðinsson hefur gert sig sekan um, í tengslum við viðræðurnar við ESB.

Það er myndbirting höfðingjaræðisins (þingræðisins) að ríkisstjórnin (framkvæmdavaldið) sé að taka ákvarðanir sem samkvæmt Stjórnarskránni tilheyra Alþingi (lagasetningarvaldinu). Fráleitt er að ráðherra setji fram eftirfarandi skoðun:

»Ég sé þetta þannig fyrir mér að því verði komið til skila til Evrópu-sambandsins, að ríkisstjórnin hafi ekki áhuga á að halda aðildarviðræðunum áfram.«  

Ekki er heldur unandi við, að ráðherra í ríkisstjórn Íslands upplýsi um fullkominn undirlægjuhátt sinn með eftirfarandi ummælum:

»Ég tel mikilvægt að hafa það í huga í þessu sambandi, að við ráðum okkur ekki alfarið sjálf í þessu, hlutirnir verða að gerast í réttri röð. Það er til dæmis mikilvægt að fá viðbrögð frá Evrópusambandinu við þessari niðurstöðu ríkisstjórnarinnar sem hér er í burðarliðnum.«

 

 

  

Yfirlýsing: Alþingi ber STRAX að slíta formlega viðræðum við ESB.

Stöðvum strax aðlögun að ESB - undirskriftasöfnun.

53.fundur samninganefndar Íslands vegna aðildarviðræðna Íslands og ESB.