Sjálfstæðisflokkur lofar landsmönnum vandfundnum gjöfum

Jón Sigurðsson	Myntráð	Kanadadalur	Icesave-vextir	Ólafur og Dorit	Icesave-vextir
Stjórnarskráin	Ólafur og Dorit	Vinstrivaktin	Samtök fullveldis	Evrópuvaktin	Heimssýn

  

  

Samstaða þjóðar    NATIONAL UNITY COALITION                                                               Baráttusamtök fyrir sjálfstæðu ríki á Íslandi og fullveldisréttindum almennings.    Stöndum vörð um Stjórnarskrá Lýðveldisins.

  

Sjálfstæðisflokkur lofar landsmönnum vandfundnum gjöfum.

Fyrst birt 22. apríl 2013.

 

     

  

Loftur Altice Þorsteinsson.

Á kosningavef Sjálfstæðisflokks er gerð grein fyrir loforðum flokksins um skatta-afslátt til að mæta erfiðri stöðu skuldugra heimila og til þeirra sem eru að safna fyrir húsnæði. Þessar hugmyndir eru svo ótrúlegar að nálgast vitfirringu, ef sannar eru. Á vefsíðunni segir um skatta-afslátt til að lækka skuldir sem eru fyrir hendi:

»Lækkaðu höfuðstólinn með skattaafslætti.

Þú færð allt að 40.000 krónur á mánuði í sérstakan skattaafslátt vegna afborgana af íbúðaláni. Skattaafslátturinn fer beint inn á höfuðstól lánsins til lækkunar. Öllum stendur þessi leið til boða.«

Ennfremur er lofað skatta-afslætti til fjárfestinga í húsnæði í framtíðinni:

»Auðveldari leið inn á fasteigna­markaðinn.

Sjálfstæðisflokkurinn vill veita þeim sem eru að spara fyrir íbúð allt að 40 þúsund kr. skattaafslátt á mánuði af þeim tekjum sem er safnað til íbúðakaupa. Þannig geta sem flestar fjölskyldur fengið tækifæri til að eignast eigið húsnæði.

Dæmi: Sá sem leggur fyrir 100.000 krónur á mánuði á sérstakan húsnæðis­sparnaðar­reikning fær 40.000 króna skattaafslátt á móti svo ráðstöfunartekjur minnka aðeins um 60.000. Þannig fær fólk raunverulegan hvata til að spara fyrir húsnæðiskaupum.«

Svona örlæti hefur ekki sést í kosningabaráttu, allt frá landnámi. Hlaupum samt ekki um í stjórnlausri gleði, heldur athugum hvað þessi kosningaloforð merkja fyrir ríkissjóð.

Fyrir það fyrsta, þá er þarna talað um að einstaklingar fái þennan rausnarlega skatta-afslátt, en ekki til dæmis heimili eða bara skuldsettir einstaklingar. Þarna segir að »Öllum stendur þessi leið til boða.«

Í öðru lagi er skatta-afsláttinn hægt að fá vegna fyrirhugaðra íbúðarkaupa og einnig vegna afborgana af lánum með veði í húsnæði. Hvað ætli þessar fyrirhuguðu gjafir leiði til mikilla útgjalda fyrir ríkissjóð?

Einstaklingar í landinu voru 321.857 01. janúar 2013. Þar sem lofað er afslætti upp á 480.000 kr/ári (40.000 x 12 mánuðir) verður árlegur skattaafsláttur vegna þessara loforða um 154 milljarðar (321.857 x 480.000). Vegna mannfjölgunar á nærstu árum má örugglega hækka þessa tölu í 160 milljarða, hið minnsta. Á þeim 5 árum sem afslættinum er lofað, verður afslátturinn 800 milljarðar! Hefur ríkissjóður efni á þessum gjöfum, eða er ætlunin að bræða Snjóhengjuna og drekkja Hrægömmunum?

Frambjóðendur Flokksins hafa fjallað opinberlega um framangreindar hugmyndir, en í stað kostnaðar ríkissins upp á160 milljarða Króna, hafa þeir talað um 16 milljarða. Þetta hlýtur að vera kommu-skekkja, sem verður snarlega leiðrétt. Eftir stendur að útskýra hverju Flokkurinn er raunverulega að lofa.