Stórkostlegt hneyksli að gögn frá Landsdómi verða lokuð almenningi

 

Jón Sigurðsson	forseti Íslands	Peningastefnan	Icesave-vextir	forseti Íslands	Icesave-vextir
Stjórnarskráin	forseti Íslands	Vinstrivaktin	Samt Fullveldis	Evrópuvaktin	Heimssýn

 

  

Samstaða þjóðar    NATIONAL UNITY COALITION                                                               Baráttusamtök fyrir sjálfstæðu ríki á Íslandi    og fullveldisréttindum almennings.    Stöndum vörð um Stjórnarskrá Lýðveldisins.

   

    

Stórkostlegt hneyksli að gögn frá Landsdómi verða lokuð almenningi

 

    

Þær ótúlegu fréttir hafa borist, að Landsdómur ætlar ekki að birta gögn frá réttarhöldunum yfir fyrrverandi forsætisráðherra. Þessar fréttir bætast við þá móðgun við almenning að sjónvarpa ekki beint úr réttarsalnum. Greinilegt er að Landsdómur ætlar að hindra megintilgang réttarhaldanna, sem er að upplýsa um orsakir Hrunsins. Ég minni á, að þeim frumgögnum sem Rannsóknarnefnd Alþingis hafði aðgang að, mun einnig ætlunin að halda leyndum í áratugi. Þetta er hrein svívirða, sem ekki má leyfa að gangi fram.

  

Morgunblaðið segir svo frá,  06.03.2012, kl.11:03.

„Það er landsdómur sem tekur ákvörðunina,“ segir Þorsteinn Jónsson, skrifstofustjóri Hæstaréttar, aðspurður um hver hafi ákveðið að ekki skuli heimilað að sjónvarpa og/eða útvarpa beint frá yfirheyrslum í landsdómi í málinu gegn Geir H. Haarde, fyrrverandi forsætisráðherra.

„Rökin eru þau að í 11. grein laga um meðferð sakamála er gert ráð fyrir því að óheimilt sé að hljóðrita eða taka myndir í þinghaldi, dómari geti þó veitt undanþágu frá þessu ef sérstaklega stendur á,“ segir Þorsteinn.

Blaðamaður benti á að verið væri að lögsækja fyrrverandi forsætisráðherra og að það væri varla neitt í þessu máli sem ekki ætti fullt erindi við almenning í landinu.

„Ég ætla ekkert að fara í rökræður við þig um það. Það er ekki ég sem tek þessa ákvörðun en ég er bara að benda á það hver eru rök dómsins og menn óttuðust að þetta hefði truflandi áhrif á dómstörfin. Það komu nú svör í Fréttablaðinu í dag frá forseta landsdóms,“ sagði Þorsteinn.

Veistu hvenær þessi ákvörðun var tekin?

„Það barst nú ekki formleg beiðni fyrr en á föstudaginn og þá frá Ríkisútvarpinu og því var synjað og síðan barst skrifleg beiðni í morgun og henni hefur verið svarað á sama veg.“

Aðspurður um hvort líkur væru á því að þessi ákvörðun yrði endurskoðuð sagði Þorsteinn: „Ég get ekki fullyrt eitt eða neitt, en ég á ekki von á því.“

Ekki verður veittur aðgangur að yfirheyrslum að þinghaldi loknu

Er ekki alveg öruggt að allar yfirheyrslur verða skrifaðar upp og birtar?

„Nei.“

Þær verða ekki birtar?

„Ég á ekki von á því. Þær eru allar teknar upp, en ég á ekki von á því að þær verði skrifaðar upp.“

Þannig að fjölmiðlar og almenningur munu ekki hafa aðgang að þeim?

„Nei, það er ekki gert ráð fyrir því í lögum að almenningur hafi aðgang að gögnum sakamála.“

Jafnvel ekki í svona málum?

„Það gilda lög um meðferð sakamála í svona málum og þar er ekki gert ráð fyrir að menn hafi aðgang að neinu öðru en ákæru og greinargerð varnaraðila,“ sagði Þorsteinn.

Forseti landsdóms tók ákvörðunina í samráði við aðra dómara

Í Fréttablaðinu í dag er haft eftir Markúsi Sigurbjörnssyni, forseta landsdóms að í svona málum sé gefin þröng undantekning og að ekki hafi þótt við hæfi að gera undanþágu í þessu máli. Markús segist hafa tekið ákvörðunina í samráði við aðra dómara. „Þessi ákvörðun var tekin öðrum þræði út af því að umstangi við upptökur getur fylgt mikið ónæði," segir Markús í samtali við Fréttablaðið.

„Það er allavega keppikefli okkar að þetta gangi greiðlega fyrir sig og í friði og við viljum ekki gera úr þessu neitt annað og meira en réttarhald," segir Markús í samtali við Fréttablaðið.

  

     

  

>>>---<<<>>>---<<<