Fundarboð »SAMSTÖÐU ÞJÓÐAR« 11. febrúar 2012

  

 

Samstaða þjóðar    NATIONAL UNITY COALITION                                                               Baráttusamtök fyrir sjálfstæðu ríki á Íslandi    og fullveldisréttindum almennings.    Stöndum vörð um Stjórnarskrá Lýðveldisins.

                           Áskorun til forseta Íslands

  

   

    

Fundarboð »SAMSTÖÐU ÞJÓÐAR« 11. febrúar 2012

Laugardaginn 11. þ.m. kl 14.00 í Perlunni

  

Hinn 28. janúar 2011 voru stofnuð grasrótar-samtökin »SAMSTAÐA ÞJÓÐAR gegn ICESAVE«. Hafin var barátta gegn lagasetningu um forsendulausa skattlagningu. Ætlun ríkisstjórnarinnar var að láta Íslendskan almenning greiða ólögvarðar kröfur Breta og Hollendinga.

  

»SAMSTAÐA«. vann að því að safna undirskriftum landsmanna að áskorun til forseta landsins um að haldið yrði þjóðaratkvæði um Icesave-III-lögin. Síðan tók við það starf að útskýra fyrir almenningi nauðsyn þess að fella lögin í þjóðaratkvæðinu 09. apríl 2011.

  

Þegar sigur í þjóðaratkvæðinu var í höfn, var ákveðið að þinglýsa félaginu »SAMSTAÐA ÞJÓÐAR«. Þinglýsing félagsins og þessa gæfuríka nafns hafði oft verið rædd á fundum samtakanna en ekki orðið af framkvæmd fyrr en næði skapaðist til þess um mitt ár 2011. Skráning félagsins var gerð 13. júlí 2011.

  

Þinglýsingin var gerð til þess að félagið »SAMSTAÐA ÞJÓÐAR« væri tiltækt til varnar margvíslegum óhæfuverkum  gegn þjóðinni. Formlegt félag er af mörgum ástæðum nauðsynlegt, til að standa fyrir langvarandi hugsjónabaráttu í þágu þjóðarinnar.

  

Baráttumálin sem liggja fyrir eru mikilvæg og ákveða þarf hvernig starfið verður skipulagt:

  

1. Ríkisstjórnin ætlar að láta þjóðina greiða ICESAVE, nú með lögsókn fyrir EFTA-dómstólnum.
2. Ríkisstjórnin linnir ekki tilraunum til að innlima Ísland í Evrópusambandið.
3. Halda verður áfram tilraunum til að fá kæru Íslands gegn Bretlandi og Hollandi tekna fyrir hjá Evrópudómstólnum.
4. Herða þarf baráttuna fyrir úrsögn Íslands úr Evrópska efnahagssvæðinu.

  

  

Góðir félagar við höfum þegar unnið góða sigra

og megum ekki láta þreytu eða uppgjöf stöðva okkur.

  

Mætum á fundinn laugardaginn 11. þ.m. kl 14.00 í „Perlunni“ til þess að ræða þessi mál. Allir stuðningsmenn eru velkomnir.

  

Með baráttu kveðjum !

  

Stjórn »SAMSTÖÐU ÞJÓÐAR«

   

      


    

Barátta fyrir sjálfstæðu ríki á Íslandi.

Barátta fyrir fullveldisréttindum almennings.

Stöndum vörð um Stjórnarskrá Lýðveldisins.

>>><<<