Undirlægjuháttur fyrir erlendu valdi og framandi hugmyndafræði.

  

 

Samstaða þjóðar    NATIONAL UNITY COALITION                                                               Baráttusamtök fyrir fullveldisrétti almennings og sjálfstæði Íslands.    Stöndum vörð um Stjórnarskrá Lýðveldisins.

                           Áskorun til forseta Íslands

  

   

    

Undirlægjuháttur fyrir erlendu valdi og framandi hugmyndafræði.

  

Loftur Altice Þorsteinsson.
  
Hver vetrar-stormurinn af öðrum gengur yfir landið, en góðar vonir standa til að þeir muni ganga hjá og valda landi og þjóðlífi litlum skaða. Hægt er að horfa til hækkandi Sólar og vona að smádýr landsins, svo sem fuglar og kanínur muni þrauka erfiða tíð sem dýrategundir, þótt margir einstaklingar falli í valinn.

  

Einn er þó sá vetrar-stormur sem ekki eru horfur að muni hjaðna og nefnist hann: Undirlægjuháttur fyrir erlendu valdi og framandi hugmyndafræði. Allt frá upphafi byggðar Íslands hafa fyrirfundist í landinu einstaklingar sem ekkert vita sælla en þjóna erlendum herrum og framandi hugmyndum. Á síðustu áratugum hefur þetta ógæfufólk rottað sig saman í Alþýðuflokki og síðar Samfylkingu.

  

Á síðustu árum hafa hins vegar þjóðhollir Íslendingar heldst átt sér skjól í félögum sem borið hafa nafnið Samstaða. Þannig var Samstaða um óháð Ísland stofnað 29. ágúst 1991 og var markmið félagsins að berjast gegn aðild Íslands að Evrópska efnahagssvæðinu (EES) og gegn innlimun landsins í Evrópusambandið (ESB). Þrátt fyrir að ekki tækist að hindra aðild Íslands að EES-samningnum, lifði baráttuandinn áfram og stofnun Heimssýnar 27. júní 2002 var framhald Samstöðu um óháð Ísland.

  

Til Samstöðu þjóðar gegn Icesave var stofnað 28. janúar 2011, sem óformlegra grasrótarsamtaka. Eftir stóra sigra í baráttunni gegn Icesave-kröfum nýlenduveldanna, var 13. júlí 2011 stofnað skrásett félag undir nafninu Samstaða þjóðar. Tilgangur þess er að halda uppi merkinu gegn Icesave-kröfunum, sem Icesave-stjórnin ætlar að halda til streitu og almennt að berjast fyrir stjórnskipulegum hagsmunum þjóðarinnar.

  

Nú bregður svo við að stofnaður hefur verið stjórnmálaflokkur undir nafninu Samstaða – flokkur lýðræðis- og velferðar, án heimildar frá skrásettum handhöfum samstöðu-nafnsins. Stefna þessa stjórnmálaflokks er einnig í hróplegri andstöðu við stefnu Samstöðu þjóðar, því að eftirfarandi málsgrein er í stefnuskránni:

  

Samstaða telur að við núverandi aðstæður sé hagsmunum Íslands best borgið utan ESB en leggur áherslu á að samningaviðræðunum verði lokið án tafar og niðurstaðan fari í þjóðaratkvæðagreiðslu.

  

Þessi afstaða er óskiljanleg þeim sem hlúa vilja að sjálfstæðu ríki á Íslandi. Okkar krafa er afdráttarlaus um að aðlögun Íslendska stjórnkerfisins að háttum Evrópusambandsins verði tafarlaust hætt. Samstaða þjóðar getur því ekki tekið neinn þátt í hinu nýgja framboði, þótt vafalaust megi finna eitthvað nýtilegt í stefnu þess.

    

Til Samstöðu þjóðar gegn Icesave var stofnað 28. janúar 2011,

 sem óformlegra grasrótarsamtaka.

Eftir stóra sigra í baráttunni gegn Icesave-kröfum nýlenduveldanna,

var 13. júlí 2011 stofnað skrásett félag undir nafninu Samstaða þjóðar.

>>><<<