Kjölturakkar ESB vilja nýtt réttarfar - að gera glæpinn löglegan !

  

 

Samstaða þjóðar    NATIONAL UNITY COALITION                                                               Baráttusamtök fyrir fullveldisrétti almennings og sjálfstæði Íslands.    Stöndum vörð um Stjórnarskrá Lýðveldisins.

                           Áskorun til forseta Íslands

    

 

Kjölturakkar ESB vilja nýtt réttarfar - að gera glæpinn löglegan !

  

02. febrúar 2012.

 

      

Loftur Altice Þorsteinsson.

  

Þann 31. janúar 2012 tók Alþingi til umræðu skýrslu frá Norðvegi um aðild þess lands að Evrópska efnahagssvæðinu (EES). Þessi skýrsla er um 900 blaðsíður, en það vekur athygli að í skýrslunni er ekkert fjallað um hvernig Norðvegur á að losa sig úr EES – hvað á að taka við þegar glæpastarfsemin hefur verið stöðvuð.

  

Til mótvægis við þessi fáránlegu vinnubrögð var í Norðvegi stofnuð samtökin “Alternativer til dagens EØS-avtale”. Þessi samtök voru stofnuð í febrúar 2011 og aðilar að þeim eru núna:

  

• EL & IT Forbundet
• Fagforbundet
• Fellesforbundet
• For Velferdsstaten
• LO i Fredrikstad
• LO i Kristiansand og omegn
• LO i Oslo
• LO i Trondheim
• Natur og Ungdom
• Nei til EU
• Norges Bondelag
• Norsk Bonde- og Småbrukarlag
• Norges Bygdekvinnelag
• Ungdom mot EU

   

Í upphafi var gert ráð fyrir að “Alternativer til dagens EØS-avtale” starfaði fram á mitt ár 2012 og verkefnið væri annars vegar að koma með ábendingar til EES-nefndarinnar sem vann að hinni opinberu skýrslugerð og hins vegar að láta framkvæma úttektir á atriðum sem EES-nefndin ætlaði ekki að fjalla um, það er að segja varðandi fyrirkomulag samskipta við Evrópusambandið þegar EES-samningnum lýkur. Á tungu heimamanna er verkefninu lýst á eftirfarandi hátt:

  

Prosjektet vil etter planen vare ut juni 2012, og målet er dels å komme med innspill underveis i Europautredningens arbeid, og dels å kunne komme med supplerende utredninger og delta med innspill til den politiske prosessen som vil komme i etterkant av utvalgets arbeid.

 

I tillegg vil man forsøke å belyse aktuelle saker og problemstillinger knyttet til EØS-avtalen for å illustrere avtalens funksjon og virkemåte. Som del av det utredningsarbeid som prosjektet skal gjennomføre, vil EØS-avtalens virkninger på ulike samfunnsområder og innenfor ulike sektorer bli gjennomgått.

 

Blant annet vil avtalens virkninger for norsk økonomi, arbeidslivet, velferdsordninger, distrikt og sentraliseringsprosesser, miljø og klima, matkvalitet og helse bli belyst nærmere, dels gjennom utredninger i egen regi og dels gjennom eksterne utredninger.

  

Umræðunni um þetta mikilvæga mál var á Alþingi sniðinn ákaflega þröngur stakkur, því að ræðutími var takmarkaður við 2 mínútur. Málflutningur kjölturakka ESB var aumkunarverður, því að þeir viðurkenndu að sjálfstæði Íslands hefði verið skert með EES-samningnum, en lögðu jafnframt til að hinu glæpsamlega ástandi væri aflétt með því að gera glæpinn löglegan !

  

Össur Skarphéðinsson sagði meðal annars:

  

Það er rétt sem hæstvirtur þingmaður (Þorgerður K. Gunnarsdóttir) segir að í samningnum (EES) felst stöðugt, varanlegt og vaxandi fullveldisframsal. Við getum hins vegar ekki búið í sama varlega návíginu við okkar stjórnarskrá og Norðmenn. Ástæðan er sú að Norðmenn hafa ákvæði í sinni stjórnarskrá sem heimilar framsal á valdi. Við höfum það hins vegar alls ekki.

  

Mín niðurstaða, megin niðurstaða — þær eru reyndar tvær — af þessari skýrslu er í fyrsta lagi að ég tel að vegna munarins á stjórnarskrá okkar og Norðmanna eigum við núna að beita okkur fyrir því að breyta stjórnarskránni þannig að við fáum Alþingi fullar heimildir til þess að framselja vald eins og við erum nánast að gera hér í hverri viku. Í öðru lagi er ég þeirrar skoðunar að skýrslan sýni að við erum þegar búin að framselja mikið vald og við höfum lítil sem engin áhrif og þess vegna sé okkur betur komið innan Evrópusambandsins en í núverandi stöðu.

  

Í máli Össurar kemur fram misskilningur varðandi hugtakið fullveldi. Fullveldi (Sovereign Power) varðar innra stjórnarform ríkisins, það er að segja hver fer með hið endanlega og ótakmarkaða vald samkvæmt stjórnarskránni. Fullveldi (fullveldi = fullt vald) merkir endanlegt og ótakmarkað vald um stjórnarfar landsins. Endanlegt er fullveldið, vegna þess að ákvörðunum fullveldishafans verður ekki vísað til annars aðila. Ótakmarkað er fullveldið, vegna þess að það tekur til allra þátta stjórnkerfisins sem fullveldishafinn ákveður. Það sem Össur og Þorgerður voru að ræða um er sjálfstæði Íslendska ríkisins.

  

Í þessu sambandi varðar sjálfstæði samskipti ríkis við önnur ríki og tengist órjúfanlega lögsögu þess. Icesave-samningarnir voru skerðing á sjálfstæði Íslands, vegna þess að þeir gerðu ráð fyrir að Ísland afsalaði sér lögsögu málsins. Útibú Landsbankans tilheyrðu lögsögu Íslands, en þá lögsögu rufu nýlenduveldin Bretland og Holland með ólöglegum aðgerðum sínum. Nýlenduveldin brutu á lögsögu Íslands og um leið á samningnum um Evrópska efnahagssvæðið. Á grundvelli þessara brota eru byggðar kröfur okkar Péturs Valdimarssonar til Framkvæmdastjórnar ESB um málflutning gegn nýlenduveldunum fyrir Evrópudómstólnum.

  

Þótt fullveldið sé í höndum fullveldishafans - almennings á Íslandi, eins og staðfest er í Stjórnarskránni, þá er ekki þar með sagt að fullveldisréttindi (Sovereign Rights) séu ekki fyrir borð borin. Þau brot eru þó miklu fremur framin innanlands, af þingræðissinnum og öðrum andstæðingum lýðveldisins, en að Evrópusambandið sjálft sé gerandi. Stjórnarfar á Íslandi er svonefnt “tvíeðliskerfi” sem merkir að landsréttur og alþjóðaréttur skarast ekki. Yfirþjóðlegar stofnanir hafa ekki lögsögu yfir Íslendskum málefnum.

  

Össur og Þorgerður eru þeirrar skoðunar, “að í samningnum um EES felst stöðugt, varanlegt og vaxandi brot á Stjórnarskránni.” Að mati Össurar eru engar heimildir fyrir hendi í Stjórnarskránni til að vald sé framselt erlendum aðilum. Er slíkt ólöglegt framsal ekki nefnt landráð ?

  

Össur og aðrir kjölturakkar Evrópusambandsins vilja breyta Stjórnarskránni til að þóknast hinu austræna stórveldi. Hann segir þetta berum orðum:  “þannig að við fáum Alþingi fullar heimildir til þess að framselja vald.” Með öðrum orðum leggur þetta fólk til nýgja réttarfarshugsun, að glæpir þess verði gerðir löglegir.

  

       

>>><<<