Heilaþvottastöð Evrópusambandsins hefur tekið til starfa

  

 

Samstaða þjóðar    NATIONAL UNITY COALITION                                                               Baráttusamtök fyrir fullveldisrétti almennings og sjálfstæði Íslands.    Stöndum vörð um Stjórnarskrá Lýðveldisins.

                           Áskorun til forseta Íslands

    

 

Heilaþvottastöð Evrópusambandsins hefur tekið til starfa.

 

 

Loftur Altice Þorsteinsson.

    

  

Áróðursmálaráðuneyti Evrópusambandsins, sem er til húsa að Efstaleiti 1, hefur opnað Heilaþvottastöð Evrópusambandsins að Suðurgötu 10. Engan þarf að undra þessi útrás nýlenduveldis Evrópu, því að mikið skal til mikils vinna. Evrópusambandið hefur augastað á náttúruauðlindum Íslands og legu landsins við yzta haf. Um þetta væntanlega herfang er fjallað á afdráttarlegan hátt í leyniskýrslu Evrópusambandsins um innlimun Íslands frá 30. nóvember 2011, sem Samstaða þjóðar hefur undir höndum. Í skýrslunni segir:

  

Evrópusambandið telur að innlimun Íslands í Evrópusambandið muni auka möguleika ESB til að láta til sín taka á virkan og mótandi hátt í Norður-Evrópu og á Norðurhjara.

  

Evrópusambandið metur aðstæður þannig að Ísland gæti orðið hernaðarlega mikilvægur stökkpallur (strategic bridgehead) á svæðinu og innlimun landsins í Evrópusambandið muni tryggja áhrif ESB í Norðurskautsráðinu (Artic Council).

  

Evrópusambandið undirstrikar þörf ESB fyrir virk og samræmd afskipti af málefnum Norðurskautsins og lýsir yfir þeirra skoðun að innlimun Íslands í ESB muni stuðla að auknum áhrifum Evrópusambandsins á heimskautasvæðinu og styrkja hagsmuni bandalagsins á Norður-Atlandshafi, í samræmi við utanríkisstefnu þess.

 

 

Reykjavíkurbréf Morgunblaðsins 29. janúar 2012.

    

Áróðursmálaráðuneyti Evrópusambandsins er meðal umfjöllunarefna í síðasta Reykjavíkurbréfi. Réttilega er bent á þá fráleitu stöðu að RÚV lýtur engum reglum, hvorki aga ríkisvalds né hins frjálsa markaðar. Ríkið beitir skattavaldinu til að innheimta há afnotagjöld handa RÚV - af gamalmennum jafnt og börnum - af starfandi félögum jafnt og óstarfandi. Samt á almenningur engan aðgang að þessu skrýmsli, hvorki hvað varðar málflutning né hvað varðar kvartanir. RÚV hefur þá stefnu að svara engum kvörtunum og heldur uppi einhliða málflutningi í mestu deilumálun samtímans. Reykjavíkurbréfið segir:

  

Við borgararnir erum píndir til að borga uppihald RÚV og starfsmanna þess, sem nú eru komnir inn í stofnun sem orðin er óskiljanlegur blendingur ríkis- og einkahlutafélags, þar sem búið er að tryggja að almenningur hefur ekki í raun neina aðkomu að. Hann getur ekki sagt upp RÚV eins og sú stofnun hvatti áskrifendur Morgunblaðsins til að gera þegar nýir ritstjórar voru ráðnir að því einkafyrirtæki. Hálfan daginn birti RÚV á textavarpi sínu það símanúmer sem áskrifendur ættu að hringja í til þess að segja upp blaðinu. Ef snefill af manndómi væri í yfirmanni útvarpsins hefði hann beðið bæði persónulega og opinberlega afsökunar á framgangi þessa opinbera einkahlutafélags þá. Hann hefur það eitt sér til afsökunar að þá er ekki víst að Óðinn leyfði honum áfram að þylja fréttirnar.

       

>>><<<