Evrópusambandið beitir sniðgöngu til að forðast þjóðaratkvæði

  

 

Samstaða þjóðar    NATIONAL UNITY COALITION                                                               Baráttusamtök fyrir fullveldisrétti almennings og sjálfstæði Íslands.    Stöndum vörð um Stjórnarskrá Lýðveldisins.

  

    

 

Evrópusambandið beitir sniðgöngu til að forðast þjóðaratkvæði

  

  

Eins og flestum er kunnugt, þjónar Evrópusambandið þeim tilgangi að koma öllum Evrópuskaganum undir yfirráð Franka og Þjóðverja. Um aldir höfðu þessar þjóðir, hvor fyrir sig, gert áranguslausar tilraunir til að undiroka aðrar þjóðir sem svæðið byggja. Það var því hrein snilld hjá þeim, að snúa bökum saman og smala “villiköttunum” undir því yfirskyni að smádýrum væri fyrir beztu að njóta skjóls í Evrópusambandinu.

  

Ein þeirra blekkinga sem valda-aðall Evrópu hefur beitt í sam-baksi sínu er að tala mikið um lýðræðislegt eðli ESB. Þetta er gamalt bragð sem kommúnistarnir í Ráðstjórnarríkjunum beittu af mikilli fimi. Staðreyndin er hins vegar sú, að Evrópusambandið er á góðri leið að skáka Norður-Kóreu, sem það ríki sem lengst gengur í höfðingja-ræðinu – stjórnkerfi sem einnig gengur oft undir nafninu þingræði.

  

Í stjórnarskrám ríkja þar sem lýðræði er í heiðri haft, eru engar mikilvægar ákvarðanir teknar án þess að um málið sé haldið bindandi þjóðaratkvæði. Slíkt fyrirkomulag er sem eitur í beinum valda-aðalsins í Evrópu. Undan þjóðaratkvæði er vikist við öll tækifæri. Nú hefur eitt slíkt tækifæri opinberast ráðamönnum ESB – beitt skal sniðgöngu (passerelle) til að forðast þjóðaratkvæði um fyrirhugað fjárlagabandalag EVRU-landanna.

 

   .

    

   Nigel Farage og José Barroso

Evrópuþingið 18. janúar 2012.

  

  

  

Með Lissabon samningnum var valda-aðli ESB gert auðvelt að sniðganga lýðræðið. Með sérkennilegum skilgreiningum um hvað sé vald og hvað ekki, geta embættismenn ESB hindrað þjóðaratkvæði, sem þó er hin opinbera regla. Samkvæmt þeim meginreglum ESB, sem flaggað er á tyllidögum, skal halda þjóðaratkvæði um mikilvægar ákvarðanir, eins og fyrirhugaða stofnun fjárlagabandalags EVRU-landanna.

  

Fyrirætlanir ESB hafa mætt mikilli andstöðu þeirra sem styðja lýðræði á öllum stigum stjórnsýslunnar og vilja að sjálfstæði landa sé virt. Sjálfstæðisflokkur Bretlands (UK Independence Party) er framarlega í þessari baráttu og meðfylgjandi myndband sýnir Nigel Farage eiga orðastað við José Manuel Barroso, forseta Framkvæmdastjórnar ESB.

 

Loftur Altice Þorsteinsson.

  

       

>>><<<